శ్రీకృష్ణాచార్య, కాశి

    భారతీయోద్బోధ

    శో|| బ్రాహ్మం క్షాత్రం బలం, ధైర్యం, వర్ధతాం నఃప్రథా జయః
    వీరాణాం భారతీయానాం| "రణభేరీ" ప్రఘోషణాత్.

    ఉ|| సోదర భారతీయ! విన
        కుంటి వొకో, రణభేరీఘోష? చై
    నా దనుజాధముల్, పరమ
        నాస్తికు లక్రమవృత్తిఁ బూర్వ మ
    ర్యాదలఁ ద్రోసిరా జని - క
        టా! మన పావన మాతృభూమిఁ గా
    లూఁదుచు నున్న వార; లెదు
        రొడ్డఁగ లె, మ్మెదు రొడ్డ రమ్మిఁక౬.
    ఉ|| శాంతియు, మైత్రియు౬, సమత,
        సత్యము - మున్నగు నున్నతార్య సి
    ద్ధాంతము లెల్ల మాకును హి
        తంబులె యంచు, హిమాచలోత్తర
    ప్రాంతముఁ గొల్లఁ గొట్టినటు
        లల్లదిగో 'రణభేరి' మ్రోఁగు; నా
    హంతల నాత్మశక్తి హత
        మార్పఁగ సోదర! లెమ్ము, రమ్మిట౬.
    చ|| జననియు, జన్మభూమియుఁ బ్ర
        శస్తిని హెచ్చెను స్వర్గ సీమ కం
    టెను; మఱి తత్ప్రరక్షణమె
        నీతి సుపుత్త్రుల; కే తదర్థ మ
    ర్పణ మొనరింపగాఁ దగును
        బ్రాణ ధనంబు లటంచు వీర ఘో
    షణ "రణభేరి" సేయు; నను
        జా! కృతకృత్యతఁ గాంచ లెమ్మిఁక౬.
    చ|| ఉరుతరుణార్కమూర్తిఁ బురు
        షోత్తముఁ, గాకతి వీర రుద్ర భూ
    వరునిఁ, బ్రతాపసింహుని, శి
        వాజి స్మరించుచు - భారతీయ సో
    దరవరులార! చైనీయుల
        దాడి నడంపఁగ లెం డటంచుఁ జె
    చ్చెర "రణభేరి" మ్రోఁగు; నెడ
        సేయక రండు ధృతాస్త్రశస్త్రులై,

                                                             *  *  *  *