చిన్నపిల్లకు ప్లాస్టిక్ బాక్సులలో టిఫిన్, లంచ్ ఇవ్వడం సరైనదేనా...

తల్లిదండ్రులు  పిల్లలను పెంచడంలో చాలా జాగ్రత్తలు తీసుకుంటారు.  వారికి కావలసినవి సమకూర్చడం నుండి వారికి ఆహారం ఇవ్వడం వరకు.. ప్రతి విషయంలో చాలా జాగ్రత్తగా ఉంటారు.  అయితే కొన్నిసార్లు చిన్న తప్పులు జరిగిపోతుంటాయి. విచిత్రం ఏమిటంటే.. అది తప్పు అనే విషయం పిల్లలకు, పెద్దలకు కూడా తెలియదు. పిల్లలను స్కూల్ కు పంపేటప్పుడు చాలా వరకు తల్లులు టిఫిన్, లంచ్, స్నాక్స్ వంటివి బాక్స్ లలో ప్యాక్ చేసి ఇస్తుంటారు. అయితే చాలా వరకు ప్లాస్టిక్ బాక్స్ లలో ఇలా ఆహారం ఇవ్వడమే అసలైన మిస్టేక్ అనే విషయం చాలా మందికి తెలియదు.

ప్లాస్టిక్ బాక్సులలో ఆహారం ప్యాక్ చేస్తున్నారా?

పిల్లల ఆహారాన్ని ప్లాస్టిక్ బాక్సులలో ప్యాక్ చేయడం వల్ల వారి ఆరోగ్యానికి చాలా హాని కలుగుతుంది. చాలా ప్లాస్టిక్ టిఫిన్ బాక్సులు ఉన్నాయి, వాటిలో వేడి ఆహారాన్ని ప్యాక్ చేయడం వల్ల వాటిలో ఉండే హానికరమైన రసాయనాలు పిల్లల ఆరోగ్యానికి హాని కలిగిస్తాయి. దీనివల్ల పిల్లలు దీర్ఘకాలిక ఆరోగ్య సమస్యలకు గురవుతారు.

మైక్రోప్లాస్టిక్స్ ప్రమాదం..

కొన్నిసార్లు ప్లాస్టిక్ చిన్న కణాలుగా విచ్ఛిన్నమవుతుంది, వీటిని మైక్రోప్లాస్టిక్స్ అని కూడా పిలుస్తారు. ఈ కణాలు పిల్లల ఆహారంలోకి చేరి, వారి రోగనిరోధక శక్తిని బలహీనపరుస్తాయి.  దీనివల్ల పిల్లలు అనారోగ్యానికి గురయ్యే అవకాశం ఎక్కువగా ఉంటుంది.

బాక్టీరియా పిల్లలకు హాని చేస్తుంది..

ప్లాస్టిక్ టిఫిన్లలో బాక్టీరియా సులభంగా పేరుకుపోతుంది. ఇది అనారోగ్యానికి కూడా దారితీస్తుంది. తరచుగా ప్లాస్టిక్ బాక్సులను  ఎక్కువ కాలం  ఉపయోగించడం వల్ల సరిగ్గా శుభ్రపరచలేరు. లోపల పేరుకుపోయే బ్యాక్టీరియా పిల్లలకు హాని కలిగిస్తుంది.

స్టీల్ పాత్రలు..

ప్లాస్టిక్ పాత్రలను స్క్రబ్ చేయడం వల్ల వాటి పూత తొలగిపోతుంది. ఇది పిల్లల ఆహారంలో అంటుకుని  శరీరంలోకి ప్రవేశించి, పిల్లలు త్వరగా అనారోగ్యానికి గురవడానికి కారణం అవుతుంది. ఈ సమస్యలను నివారించడానికి పిల్లలకు స్టీల్ పాత్రలను ఉపయోగించడం మంచిది.

 స్టీల్ బాటిల్లు..

 ప్లాస్టిక్ టిఫిన్ బాక్సులే కాదు.. నీళ్ల బాటిల్లు కూడా ప్లాస్టిక్ ఇస్తుంటారు.  వెంటనే ప్లాస్టిక్ ను  వాడటం మానేయడం మంచిది.  స్టీల్ బాటిల్ వాడటం మంచిది.

                           *రూపశ్రీ.