పుడమి తల్లి పదాలు -4
- పి. నీరజ
అదుపు తప్పిన ఖర్చు
తలకుమించిన ఖర్చు
పతనమునకు చేర్చు
ఓ పుడమి తల్లి
పదవి కోసము చెప్పు
తీపి మాటలు డప్పు
మనకు తెచ్చును ముప్పు
ఓ పుడమి తల్లి
కొంటె అల్లరి పిడుగు
రమణ రాసిన బుడుగు
గురువు పాలిట యముడు
ఓ పుడమి తల్లి
కోటికాంతుల వెలుగు
తేనె లొలికెడి తెలుగు
భాషలన్నిటి మెరుగు
ఓ పుడమి తల్లి
గాన గార్ధబ జంట
గాన పోటీ కంట
వెళ్లి పాడిన దంట
ఓ పుడమి తల్లి
రామనామ మధురిమ
అనుభవించిన హనుమ
తెలిపె జనులకు మహిమ
ఓ పుడమి తల్లి
తాను మెచ్చిన లలన
తెలివి తేటల లోన
అందె వేసిన జాణ
ఓ పుడమి తల్లి
నగ్న తార్ల జోరు
బూతు మాటల హోరు
తెలుగు సినిమా తీరు
ఓ పుడమి తల్లి
న్యూసు పేపరు లోన
కల్ల వార్తలు వున్న
నిజము తెలియుట సున్న
ఓ పుడమి తల్లి
మందులసలే లేని
వైద్యశాలలు అవని
భారతదేశపు ధరణి
ఓ పుడమి తల్లి
చదువు సంధ్యల యందు
ఆట పాటలందు
ప్రతిభ మనకే చెందు
ఓ పుడమి తల్లి
ప్రేమ అనుబంధాలు
భరత జాతి వరాలు
చెరిగి పోని పదాలు
ఓ పుడమి తల్లి
కుంభ కోణపు మంత్రి
జనుల కానని కంత్రి
మాట మర్చెడి కంత్రి
ఓ పుడమి తల్లి
పరుల ఇంటను అప్పు
తీసుకొనుటే తప్పు
తృప్తి లేనిచో ముప్పు
ఓ పుడమి తల్లి
సెక్సుకు విలువ వున్న
కథకు విలువలు సున్న
నేటి రచనలు కన్న
ఓ పుడమి తల్లి
బోరుకొట్టెడు కథలు
తెలుగు పలుకని ఘనులు
దూరదర్శను జనులు
ఓ పుడమి తల్లి
పసిడి పంటకు కరువు
నల్ల ధనమునకు నెలవు
రాజకీయపు ఎరుపు
ఓ పుడమి తల్లి
పారిజాతపు సుమము
అలకపురి పై రణము
తెచ్చె వైరము నిజము
ఓ పుడమి తల్లి
పగటి కలలను కనుచు
వున్న దానిని విడిచు
నరుడు చివరకు వగచు
ఓ పుడమి తల్లి చదువు
కొనుటకు వెళ్లు
యువతి యువకుల కాళ్లు
సినిమా హాలుకు మళ్లు
ఓ పుడమి తల్లి
జంట మర్రుల దోసె
గిరిని వేలిన మోసె
ఆలమందల కాసె
ఓ పుడమి తల్లి
అప్పు భార్యల కన్న
బృంద నాట్యము కన్న
రాధ చెలిమే మిన్న
ఓ పుడమి తల్లి
కృష్ణ పౌరుష నారి
సత్య గర్వపు నారి
కుంతి నిండగు నారి
ఓ పుడమి తల్లి
శకుని కపటపు కంత్రి
విదుర దేనువగు మంత్రి
సంజయు డలవగు మంత్రి
ఓ పుడమి తల్లి
విద్య వినయము నేర్చు
విద్య యోచన నేర్చు
విద్యమంచొన నేర్చు
ఓ పుడమి తల్లి
చెట్టు ఫలమును ఇచ్చు
గోవు పాలను ఇచ్చు
నరుడు శోకమును ఇచ్చు
ఓ పుడమి తల్లి
స్వాహ చేయుట వరకు
నాయకులకే ఇరుకు
లోటు బడ్జెటు మనకు
ఓ పుడమి తల్లి
పక్షిజాతికి వున్న
అయిక మత్యము మిన్న
మనకు అదియే సున్న
ఓ పుడమి తల్లి
కల్ల మాటలు వాని
దారి తెలియని వాని
వెంట వెళ్ళుట హాని
ఓ పుడమి తల్లి
గుడ్లగూబల జంట
గుడ్లు తినుటకు నంట
పగలు వెళ్లిన నంట
ఓ పుడమి తల్లి
జంతు జాలము అన్న
భూత దయతో వున్న
నరుడు ఉత్తము డన్న
ఓ పుడమి తల్లి
కృషీవలురకు శక్తినివ్వు కలల వయసుకు నింగినివ్వు బెరుకు సొగసుకు ధైర్యమివ్వు గడుసు మొరటుని బెదరనివ్వు!
Mar 29, 2025
ఉగాది పాట రంజితమై లోక శోభితమై నేటి ఆమనిలో పలుకు పావనివై గాన కోకిలమ్మ!
Mar 29, 2025
మంచి నడతకు శక్తినివ్వు కలల వయసుకు నింగినివ్వు బెరుకు సొగసుకు ధైర్యమివ్వు గడుసు మొరటుని బెదరనివ్వు!
Mar 27, 2025
హరిదాసు హరినామ సంకీర్తనలతో జంగమదేవర శంఖపు రవళులతో మా ఊరి ఆస్థాన విద్వాంసులు
Jan 12, 2025
అమ్మడూ ఓయ్ వాట్సప్ మెసేజ్ అమ్మాయి అల్లుడూ పండక్కొస్తారంట బియ్యం పిండికి మిషనుకి పట్టకెళ్ళనా పట్నంనుండి స్వీట్స్ పట్టుకురానా! అహ్ ఏంటోనండి ఆరోజుల్లో అయితే...!
Jan 12, 2025
జీవన వాసంతంలో అరుదైన గమ్యందారిని రమ్యంగానే దొరకబుచ్చుకొని ప్రియంగానే ప్రయాణిస్తూ బాటసారి!
Nov 28, 2024
అఖిల తారలు నీ పదపద్మములనుజేరి అమితానురక్తితో కొల్చుటజూచి పూటపూటనా ఇలాగ మినుకుమినుకుమని మెరుస్తుంటి!
Nov 15, 2024
నిలువునా చీల్చిన పచ్చటి చెక్కలా ఆ రెండు మార్గాలు క్షమించండి.. నేను ఆ రెండు మార్గాల్లోనూ ప్రయాణించలేను ఒక్క మార్గంలోనే నేను నిరంతరం నిలబడే వున్నాను
Oct 11, 2024
ఫౌంటైన్‌లు నదిలో, నదులు సముద్రంలో కలిసిపోతాయి... గాలులు నిరంతరం ఒకదానితో మరొకటి కలసిపోతాయి... అది కూడా.. ఒక మధురమైన భావోద్వేగంతో...
Oct 7, 2024
 |