అనంతపురం జిల్లా రాయదుర్గం ఉప ఎన్నికలు వైయస్సార్ పార్టీ అధినేత జగన్ కు సమస్యగా మారాయి. ఇక్కడి తాజా మాజీ కాపు రామచంద్రారెడ్డి వచ్చే ఎన్నికల్లో పోటీచేయబోనని ఇప్పటికే ప్రకటించారు. దీంతో దిక్కుతోచని జగన్ ద్వితీయ శ్రేణి నాయకుల్లో ఎవరో ఒకరిని అభ్యర్ధిగా నిలబెట్టడానికి తంటాలు పడుతున్నారు. ద్వితీయ శ్రేణి నాయకుల్లో సరైన అభ్యర్ధి కనిపించడం లేదు. ఒకవైపు వైయస్సార్ కాంగ్రెస్ పార్టీ సమస్యలతో సతమతమవుతూ ఉండగా మరోవైపు కాంగ్రెస్ పార్టీ తరపున పోటీకి మాజీ ఎమ్మెల్యే పాటిల్ వేణుగోపాల రెడ్డి, టిడిపి తరపున పోటీకి దీపక్ రెడ్డి పేర్లు ఖరారయ్యాయి. వీరిద్దరూ ఇప్పటికే ఈ నియోజకవర్గంలో తిరుగుతూ ప్రజలను, కార్యకర్తలను కలుసుకుంటున్నారు. ఎన్నికలకు ముందే వైయస్సార్ కాంగ్రెస్ పార్టీ రాయదుర్గంలో ఓటమిని కొనితెచ్చుకునే ప్రమాదంలో పడింది.