భారత క్రికెట్ జట్టు సీనియర్ ఓపెనర్, హిట్‌మ్యాన్ రోహిత్ శర్మ రిటైర్మెంట్ గురించి గత కొన్ని రోజులుగా సోషల్ మీడియాలోనూ, క్రీడా వర్గాల్లోనూ రకరకాల ఊహాగానాలు చక్కర్లు కొడుతున్నాయి. అతని ఫామ్, భవిష్యత్తు ప్రణాళికలు, వయసుపై విమర్శకులు రకరకాల ప్రశ్నలు లేవనెత్తారు. అయితే ఇటీవల ఇంగ్లండ్‌తో లార్డ్స్ వేదికగా జరిగిన మూడో వన్డేలో రోహిత్ శర్మ కేవలం 110 బంతుల్లోనే 138 పరుగుల మెరుపు ఇన్నింగ్స్‌తో అద్భుతమైన సెంచరీ సాధించి, తనపై వస్తున్న విమర్శలన్నింటికీ బ్యాట్‌తోనే దిమ్మతిరిగే సమాధానం ఇచ్చాడు. లార్డ్స్ మైదానంలో ఒత్తిడిని అధిగమిస్తూ అతడు ఆడిన శతకం అభిమానులను మైమరపించడమే కాకుండా, అతనిలో పరుగుల దాహం ఇంకా ఏమాత్రం తగ్గలేదని స్పష్టంగా నిరూపించింది. ఈ ఇన్నింగ్స్ తర్వాత రోహిత్ రిటైర్‌మెంట్ వార్తలకు పూర్తిగా తెరపడింది.

ఈ నేపథ్యంలో రోహిత్ శర్మ చిన్ననాటి కోచ్ దినేశ్ లాడ్ తాజాగా ఓ ప్రత్యేక ఇంటర్వ్యూలో మాట్లాడూతూ హిట్‌మ్యాన్ కెరీర్, అతని రిటైర్మెంట్ ప్రణాళికలపై సంచలన విషయాలను వెల్లడించారు. లార్డ్స్ మ్యాచ్‌కు రెండు రోజుల ముందే తాను రోహిత్‌తో ఫోన్‌లో సంభాషించినట్లు దినేశ్ లాడ్ తెలిపారు. ఆ సంభాషణలో తాను '2027 వన్డే ప్రపంచ కప్‌లో నిన్ను భారత జట్టు తరఫున ఆడుతూ చూడాలనుకుంటున్నాను' అని చెప్పగా, రోహిత్ శర్మ ఎంతో నమ్మకంతో 'తప్పకుండా ఆడుతాను కోచ్ సర్' అని బదులిచ్చినట్లు ఆయన పేర్కొన్నారు. రోహిత్ శర్మలో ఇప్పటికీ మ్యాచ్‌ను ఒంటిచేత్తో గెలిపించే సత్తా, అపరిమితమైన ప్రతిభ, మానసిక దృఢత్వం ఉన్నాయని దినేశ్ లాడ్ ప్రశంసించారు.

రోహిత్ శర్మ మనసులో ఇప్పటికీ ఆరని రెండు గాయాలు ఉన్నాయని, అదే అతన్ని 2027 వన్డే ప్రపంచ కప్ వరకు ఆడేలా ప్రేరేపిస్తున్నాయని దినేశ్ లాడ్ వివరించారు. మొదటిది, 2011 వన్డే ప్రపంచ కప్ విజేతగా నిలిచిన భారత జట్టులో చోటు దక్కకపోవడం రోహిత్ శర్మను ఇప్పటికీ ఎంతో వేధిస్తోంది. ఇక రెండోది, 2023 వన్డే ప్రపంచ కప్‌లో అద్భుత ప్రదర్శన చేసినప్పటికీ ఫైనల్లో ఆస్ట్రేలియా చేతిలో ఓడిపోవడం అతడిని తీవ్ర నిరాశకు గురిచేసింది. ఈ రెండు సంఘటనలు రోహిత్ మనసులో ఆరని గాయాలుగా మిగిలిపోయాయి. అందుకే భారత్‌కు ఎలాగైనా సరే వన్డే ప్రపంచ కప్ ట్రోఫీని అందించి తీరాలనే బలమైన కోరిక అతనిలో బలంగా ముద్రపడిపోయింది.

rohit sharma lords 138 runs century future plans,hitman rohit sharma retirement secret coach reveals.