కారు గెలుపా? ఈట‌ల గెలుపా? బండి గెలుపా?

Publish Date:Dec 14, 2021

Advertisement

ఆరుకు ఆరు కారుకే. అర‌డ‌జ‌ను ఎమ్మెల్సీ స్థానాలు గంప‌గుత్త‌గా టీఆర్ఎస్‌కే. నిజానికి ఇదేమంత పెద్ద విష‌యం కాదు. టెక్నిక‌ల్‌గా అవ‌న్నీ అధికార పార్టీకి ద‌క్కాల్సినవే. ఈజీగా గెలిచే ఎమ్మెల్సీ ఎల‌క్ష‌న్‌.. క‌రీంన‌గ‌ర్‌లో మాత్రం టెన్ష‌న్ పెట్టాయి. ఉమ్మ‌డి క‌రీంన‌గ‌ర్ జిల్లా నుంచి 2 ఖాళీలు ఉండ‌గా.. టీఆర్ఎస్ రెబెల్‌గా మాజీ మేయ‌ర్ ర‌వీంద‌ర్‌సింగ్ బ‌రిలో నిల‌వ‌డం కారును కంగారెత్తించింది. సింగ్‌ను ఎమ్మెల్సీ కింగ్‌ను చేస్తానంటూ.. ఈట‌ల రాజేంద‌ర్ తొడ‌గొట్ట‌డంతో ప్ర‌గ‌తిభ‌వ‌న్‌లో రీసౌండ్ మొద‌లైంది. హుజురాబాద్ ఉప ఎన్నిక మాదిరి ఆగ‌మాగమైంది. మంత్రి గంగుల క‌మ‌లాక‌ర్‌.. మ‌రోసారి కంటి మీద కునుకు లేకుండా క‌ష్ట‌ప‌డాల్సి వ‌చ్చింది. టీఆర్ఎస్‌, బీజేపీ, కాంగ్రెస్ మూడు పార్టీలు క్యాంపులు పెట్టాయి. హ‌స్తం గుర్తుపై ఎవ‌రూ పోటీలో లేకున్నా.. కాంగ్రెస్ సైతం క్యాంప్ పాలిటిక్స్ చేయ‌డం ఉత్కంఠ రేపింది. గాంధీలు ఈసారి కూడా క‌మ‌లానికే జై కొడ‌తారా? అనే టాక్ న‌డిచింది. క‌ట్ చేస్తే.. క‌రీంన‌గ‌ర్ జిల్లా నుంచి రెంటికి రెండు ఎమ్మెల్సీ స్థానాలు టీఆర్ఎస్ పార్టీనే ద‌క్కించుకుంది. ర‌వీంద‌ర్‌సింగ్ ఆట‌లో ఆర‌టిపండులా మిగిలిపోయారు. ఇంత‌కీ.. క‌రీంన‌గ‌ర్‌లో అస‌లేం జ‌రిగింది? కారు గెలిచిందా? గెలిపించారా? ఈట‌ల రాజేంద‌ర్ ఓడారా? ఓడించారా? క‌మ‌ల ద‌ళ‌ప‌తి హైద‌రాబాద్‌లో కూర్చొని క‌రీంన‌గ‌ర్‌లో చ‌క్రం తిప్పారా? ఇవ‌న్నీ ఇంట్రెస్టింగ్ పాయింట్స్‌. 

పైపైన చూస్తే.. క‌రీంన‌గ‌ర్ జిల్లాలోని రెండు ఎమ్మెల్సీ స్థానాల్లో అధికార పార్టీ గెలుపున‌కు అనేక కీలక ప‌రిణామాలు తోడ‌య్యాయి. టీఆర్ఎస్‌కు ఉన్న బ‌లం కంటే.. ఎక్కువ ఓట్లు రావ‌డం రాజ‌కీయంగా ఆస‌క్తిక‌రంగా మారింది. కరీంనగర్ ఎమ్మెల్సీ పరిధిలో మొత్తం 1324 ఓట్లు ఉండగా.. ఇందులో అధికార పార్టీ ప్రజా ప్రతినిధులు 960 వరకు ఉన్నారు. ఇక బీజేపీకి 200 వరకు ఓట్లు ఉండగా.. కాంగ్రెస్ కు 160 వరకు ఓట్లున్నాయి. ఈటల రాజేందర్ బీజేపీలో చేరడంతో ఆయనతో పాటు కొందరు టీఆర్ఎస్ స్థానిక ప్రజాప్రతినిధులు కమలం పార్టీలో చేరారు. ఈ రకంగా చూస్తే కరీంనగర్ లో బీజేపీ, కాంగ్రెస్ కు కలిసి దాదాపు 4 వందల వరకు ఓట్లు ఉంటాయి. ఇండిపెండెంట్ గా పోటీ చేసిన రవీందర్ సింగ్ కు కాంగ్రెస్, బీజేపీ సపోర్ట్ చేశాయనే ప్రచారం జరిగింది. అందుకే రవీందర్ సింగ్ గెలుస్తారని అంతా భావించారు. టీఆర్ఎస్ నుంచి 30-40 ఓట్లు క్రాస్ అయినా రవీందర్ సింగ్ గెలుస్తారని భావించారు. కానీ, కౌంటింగ్ తర్వాత సీన్ మారిపోయింది. కారుకు వాళ్లకు ఉన్న బలం కంటే ఎక్కువ ఓట్లు వచ్చాయి. భానుప్రసాద్ రావుకు 584, రమణకు 479.. మొత్తం టీఆర్ఎస్ కు 1063 ఓట్లు వచ్చాయి. అంటే, అస‌లు బ‌లం కంటే మ‌రో 100 ఓట్లు ఎక్కువే ప‌డ్డాయి. ఇదే ఇప్పుడు రాజకీయంగా కీల‌కంగా మారింది. ఆ వంద‌ ఓట్లు ఎవరివి అన్నదే ప్రశ్న? కాంగ్రెస్ ప్రతినిధులు కారుకు ఓటేశారా? లేక బీజేపీ ప్రతినిధులు గులాబీ పార్టీకి జై కొట్టారా? అనేది తేలాల్సి ఉంది. 
 
కాంగ్రెస్ వాళ్లు క్యాంపులు పెట్టి మ‌రీ.. తాము ర‌వీంద‌ర్‌సింగ్‌కు ఓటేస్తామ‌ని చెప్పారు. చెప్పిన‌ట్టే చేశార‌ని పోలింగ్ స‌ర‌ళిని బ‌ట్టి తెలుస్తోంది. మ‌రి, చీలిన వంద ఓట్లు ఎవ‌రివి? అంటే అంద‌రి చూపు బీజేపీ వైపే మ‌ళ్లుతోంది. బీజేపీ అభ్య‌ర్థులు అంతా మూకుమ్మ‌డిగా ర‌వీంద‌ర్‌సింగ్‌కు ఓటేయ‌లేద‌ని.. క‌మ‌లం ఓట్లే చీలిపోయాయ‌ని అంటున్నారు. బీజేపీ వాళ్లు కారుకు ఎందుకు ఓటేశార‌నేది మ‌రింత ఆస‌క్తిక‌రం. అందుకు, కాషాయ‌ద‌ళంలో కోల్డ్‌వారే కార‌ణ‌మ‌ని.. ఈట‌ల వ‌ర్సెస్ బండి సంజ‌య్ ఎపిసోడ్ వ‌ల్లే టీఆర్ఎస్‌కు మ‌రో 100 ఓట్లు అద‌నంగా వ‌చ్చాయ‌ని చెబుతున్నారు. 

అవును, బండి సంజ‌య్‌కు ఈట‌ల రాజేంద‌ర్‌కు అంత‌గా స‌ఖ్య‌త లేద‌ని మొద‌టి నుంచీ వార్త‌లు వ‌స్తున్నాయి. ఈట‌ల‌ను పార్టీలో చేర్చుకునే విష‌యంలోనూ కిష‌న్‌రెడ్డి, వివేక్‌లే ఎక్కువ చొర‌వ చూపించార‌ని.. బండి కాస్త వెన‌కాలే ఉండిపోయార‌ని అన్నారు. ఇక హుజురాబాద్ ప్ర‌చారంలోనూ సంజ‌య్ అంత దూకుడుగా లేరు. ఈట‌ల‌ను ఒంట‌రిగా వ‌దిలేసి.. ఆయ‌న పాద‌యాత్ర‌తో ప‌క్క దారిలో వెళ్లిపోయారు. తాజాగా, ఎమ్మెల్సీ ఎపిసోడ్‌లోనూ ఈట‌ల రాజేంద‌రే.. పార్టీ అనుమ‌తి లేకుండానే.. త‌నంత‌ట తాను ర‌వీంద‌ర్‌సింగ్‌ను బ‌రిలో నిలిపార‌ని అంటున్నారు. బీజేపీ మ‌ద్ద‌తు సింగ్‌కేన‌నే నిర్ణ‌య‌మూ ఈట‌ల‌దే. ఆయ‌న త‌ర‌ఫున‌ క్యాంపులు పెట్టిందీ రాజేంద‌రే. ఈ ప‌రిణామం బీజేపీ రాష్ట్ర అధ్య‌క్షుడు బండి సంజ‌య్‌కు మింగుడుప‌డ‌లేదు. త‌న‌ను కాద‌ని స్వ‌త‌హాగా పాలిటిక్స్ చేస్తుండ‌టం ఆయ‌న‌కు న‌చ్చ‌లేద‌ని చెబుతున్నారు. అందుకే, హోరాహోరీగా సాగిన ఎమ్మెల్సీ పోలింగ్‌లో ఓటేయ‌కుండా బండి సంజ‌య్ డుమ్మా కొట్టారు. అప్ప‌టికే జిల్లాలోని త‌న వ‌ర్గానికి.. ర‌వీంద‌ర్‌సింగ్‌కు ఓటేయ వ‌ద్ద‌ని బండి నుంచి ఆదేశాలు వెళ్లాయ‌ని కూడా అంటున్నారు. త‌న ప్ర‌మేయం లేకుండా ర‌వీంద‌ర్‌ను గెలిపించుకుంటే.. పార్టీలో ఈట‌ల లెవెల్ మ‌రింత పెరుగుతుంద‌నో.. లేక‌, త‌న‌కు చెప్ప‌కుండా ఎమ్మెల్సీ విష‌యంలో ఈట‌ల ఒంటెద్దు పోక‌డ పోయార‌ని ఆగ్ర‌హ‌మో.. కార‌ణం ఏదైనా బండి వ‌ర్గం ఓట్లు ర‌వీంద‌ర్‌సింగ్‌కు ప‌డ‌లేద‌ని లెక్క‌లేస్తున్నారు. టీఆర్ఎస్‌కు అద‌నంగా ప‌డిన ఆ 100 ఓట్లు.. బీజేపీవే అని అనుమానిస్తున్నారు. బ‌హుషా అందుకే కాబోలు.. పోలింగ్ ముగిసిన వెంట‌నే మంత్రి గంగుల క‌మ‌లాక‌ర్ మాట్లాడుతూ.. ముందు మీ బీజేపీ ఓట్ల‌న్నీ మీకే ప‌డ్డాయో లేదో చూసుకోండంటూ ఎద్దేవా చేశారు. ఫ‌లితాలను బ‌ట్టి చూస్తుంటే.. బీజేపీ ఓట్లే చీలి.. కారుకు ప‌డ్డాయ‌ని అంటున్నారు. గెలిచింది టీఆర్ఎస్సే అయినా.. ఓడింది ఈట‌ల‌.. ఓడించింది బండి.. అని విశ్లేషిస్తున్నారు. 
 

By
en-us Political News

  
తెలంగాణ కాంగ్రెస్ రాజకీయ వర్గాల్లో గత కొంతకాలంగా నెలకొన్న ఉత్కంఠకు అఖిల భారత కాంగ్రెస్ కమిటీ (ఏఐసీసీ) అధికారికంగా తెరదించింది.
ఈ నేపథ్యంలో వైయస్ జగన్మోహన్ రెడ్డికి అత్యంత సన్నిహితుడైన చెవిరెడ్డి భాస్కర్ రెడ్డి వైసీపీ తరపున తొలిసారిగా విజయసాయి పార్టీపై స్పందించారు. అయితే, ఆయన తన స్పందనను చాలా సాధారణంగా, క్లుప్తంగా ముగించడమే కాకుండా విజయసాయి రెడ్డిని   తేలికగా తీసుకున్నట్లు కనిపించింది.
వైసీపీకి సుదీర్ఘకాలం పాటు అత్యంత సన్నిహితుడిగా, కీలక నేతగా వ్యవహరించిన విజయసాయిరెడ్డి సొంతంగా కొత్త రాజకీయ పార్టీని ప్రకటించడం రాష్ట్ర రాజకీయ వర్గాల్లోచర్చకు తెరతీసింది.
పేద,  మధ్యతరగతి ప్రజల ఆదాయాన్ని పెంచేలా చర్యలు తీసుకోవడం వంటి హామీలను ప్రకటించారు. రాజకీయాల్లో పాత పద్ధతులకు స్వస్తి చెప్పి, ప్రజల ఆకాంక్షలకు అనుగుణంగా పరిపాలన అందించడమే తమ పార్టీ విధానమని విజయసాయిరెడ్డి చెప్పారు, 
విజయ్ ప్రభంజనంతో ఎంతోమంది సామాన్య అభ్యర్థులు సైతం ఎమ్మెల్యేలుగా విజయం సాధించారు. అయితే.. ప్రజలు అందించిన ఈ భారీ విజయాన్ని కొందరు ప్రజాప్రతినిధులు సరిగ్గా ఉపయోగించుకోలేకపోతున్నారనే విమర్శలు వ్యక్తమవుతున్నాయి.
కడప జిల్లా రాజకీయాల్లో ఆసక్తికర పరిణామాలు చోటుచేసుకుంటున్నాయి.
ప్రతి ఒక్కరికీ నిర్దిష్ట పాత్రలు ఉండేలా చంద్రబాబు    రూపొందించిన వ్యవస్థ వల్ల  కుటుంబంలో అంతర్గత విభేదాలు రాకుండా, ఎవరికీ తక్కువ అనే భావన కలగకుండా ఉందనీ, కుటుంబంలో అందరం సమానమేననీ చెప్పారు.
నిన్నటి వరకూ జగన్ కు పెట్టని కోటలా నిలిచిన పులివెందులలో ఇప్పుడు తెలుగుదేశం జెండా ఘనంగా ఎగురుతోంది.  సుదీర్ఘకాలంగా వైసీపీకి తిరుగులేని కంచుకోటగా ఉన్ పులివెందుల పరిధిలో తెలుగుదేశం పార్టీ తన ఉనికిని బలంగా చాటుకుంటోంది.
వైసీపీ అధినేత వైఎస్ జగన్‌మోహన్‌రెడ్డి తీరుపై ఆ పార్టీ నుంచి బయటకు వచ్చిన మాజీ ఎంపీ విజయసాయి రెడ్డి తీవ్రస్థాయిలో మండిపడ్డారు.
తుఫాను కారణంగా చీరాల మన్సిపాల్టీలో ఓట్ల లెక్కింపు శుక్రవారం (నవంబర్ 5) జరుగుతోంది. ఇప్పటి వరకు ఎక్కడా కనీసం డిపాజిట్ కూడా దక్కని కాంగ్రెస్ ఖాతాలో  తొలి విజయం నమోదైంది. కాంగ్రెస్ పార్టీ చీరాల మునిసిపోల్స్ లో గట్టి పోటీ ఇచ్చింది. 25వ వార్డులో విజయం సాధించింది.  25వ వార్డు నుంచి బరిలోకి దిగిన కాంగ్రెస్ అభ్యర్థి వెంకట్రావు విజయం సాధించారు. 
పోలింగ్ సరళి, వెలువడిన ఫలితాలు వైసీపీ శిబిరంలో ఆందోళన కలిగిస్తుంటే వైసీపీ అధినేత, మాజీ సీఎం జగన్ మాత్రం మేకపోతు గాంభీర్యం ప్రదర్శిస్తూ, అధికార తెలుగుదేశం కూటమి అరాచకాలు, అధికార దుర్వినియోగం తమ ఓటమికి కారణాలుగా చూపడానికి ప్రయత్నిస్తున్నారు.  ఎన్నికల ఫలితాల వెల్లడి తర్వాత వైఎస్ జగన్ నిర్వహించిన ఈ మీడియా సమావేశంలో జగన్ చెప్పిందే చెప్పారు. 
కాంగ్రెస్, కమ్మూనిస్టుల మద్దతుతో ఎన్నికల బరిలోకి దిగిన ఏబీవీకి ఘోర పరాజయం ఎదురైన సంగతి తెలిసిందే. కమ్యూనిస్టులకు అంతో ఇంతో పట్టున్న ప్రాంతాలలో కూడా ఆయనకు ఓట్లు రాలలేదు. ఇక కాంగ్రెస్ మద్దతు ఆయనకు ఎందుకూ కొరగాకుండా పోయింది. 
 
Disclaimer:
All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
 
You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.