చిన్న పిల్లలు కొద్దిగా దగ్గినా లేదా జలుబుతో బాధపడినా వెంటనే ఆందోళనకు గురై మెడికల్ షాప్‌కు వెళ్లి ఓవర్ది  కౌంటర్ (OTC) దగ్గు సిరప్‌లు కొని వేయడం చాలామంది తల్లిదండ్రులకు ఉన్న అలవాటు. కానీ, ఈ అలవాటు పిన్న వయస్కులైన పిల్లల ప్రాణాలకే తీవ్ర ముప్పుగా పరిణమిస్తుందని వైద్యాధికారులు మరియు ఆరోగ్య మంత్రిత్వ శాఖ తీవ్ర హెచ్చరికలు జారీ చేసింది. ముఖ్యంగా 2 సంవత్సరాల లోపు వయస్సు ఉన్న పసిపిల్లలకు ఎట్టి పరిస్థితుల్లోనూ వైద్యుల అనుమతి లేని దగ్గు సిరప్‌లను వాడకూడదని కేంద్ర ఆరోగ్య మంత్రిత్వ శాఖ స్పష్టమైన మార్గదర్శకాలను విడుదల చేసింది. అలాగే 4 నుండి 5 సంవత్సరాల లోపు పిల్లలకు కూడా సాధారణ దగ్గు, జలుబు సమస్యల కోసం డాక్టర్ల పర్యవేక్షణ లేకుండా విచ్చలవిడిగా ఈ సిరప్‌లను ఇవ్వడం శ్రేయస్కరం కాదని నిపుణులు స్పష్టం చేస్తున్నారు. ఇటీవల దేశవ్యాప్తంగా విక్రయమవుతున్న కొన్ని రకాల దగ్గు సిరప్‌లలో విషపూరితమైన డైఎథిలీన్ గ్లైకాల్ (Diethylene Glycol) మరియు ఎథిలీన్ గ్లైకాల్ (Ethylene Glycol) వంటి ప్రమాదకర రసాయనాల అవశేషాలు ఉండటంతో పాటు, 4 ఏళ్ల లోపు పిల్లల్లో వీటి డోసేజ్ తేడా వస్తే ఊపిరితిత్తులు మరియు కేంద్ర నాడీ వ్యవస్థపై తీవ్ర ప్రభావం పడుతుందని వైద్య నివేదికలు స్పష్టం చేస్తున్నాయి.

ప్రపంచ ఆరోగ్య సంస్థ (WHO) మరియు అమెరికన్ అకాడమీ ఆఫ్ పీడియాట్రిక్స్ (AAP) అందించిన మార్గదర్శకాల ప్రకారం, దగ్గు అనేది శరీరానికి సహజంగా వచ్చే ఒక రక్షణ వ్యవస్థ. శ్వాసనాళాల్లోకి చేరిన శ్లేష్మం లేదా దుమ్మును బయటకు పంపడానికి శరీరం చేసే సహజ ప్రయత్నమే దగ్గు. కాబట్టి ప్రతీ చిన్న దగ్గుకు మందులు వాడాల్సిన అవసరం లేదని పీడియాట్రిషియన్లు చెబుతున్నారు. పసిపిల్లలకు ఓవర్ ది కౌంటర్ కోల్డ్ మరియు సిరప్‌లు ఇవ్వడం వల్ల వారి గుండె కొట్టుకునే వేగం అసాధారణంగా పెరగడం, మూర్ఛ రావడం, విపరీతమైన మగత మరియు శ్వాస తీసుకోవడంలో తీవ్రమైన ఇబ్బందులు రావడం వంటి 100% ప్రమాదకరమైన సైడ్ ఎఫెక్ట్స్ ఎదురయ్యే అవకాశం ఉందని గణాంకాలు హెచ్చరిస్తున్నాయి.

Kids cough syrup health advisory alert,is cough syrup safe for toddlers.