ఆంధ్రప్రదేశ్ రాజకీయాల్లో స్థానిక సంస్థల ఎన్నికలు, ముఖ్యంగా మున్సిపల్ ఎన్నికల నిర్వహణపై విస్తృత స్థాయిలో చర్చ జరుగుతోంది. ప్రధాన పార్టీలైన అధికార కూటమి (టీడీపీ-జనసేన-బీజేపీ), ప్రతిపక్ష వైఎస్సార్ కాంగ్రెస్ పార్టీలు మున్సిపల్ ఎన్నికల విషయంలో అనుసరిస్తున్న తీరు, రాజకీయ వ్యూహాలు ఆచితూచి వేస్తున్న అడుగులు రాష్ట్ర రాజకీయ ముఖచిత్రాన్ని తీవ్రంగా ప్రభావితం చేస్తున్నాయి. ఈ అంశంపై టోన్ న్యూస్ ప్రత్యేక విశ్లేషణ నిర్వహించింది.

ప్రస్తుత రాజకీయ పరిస్థితిరాష్ట్రంలో మున్సిపల్ ఎన్నికల వాతావరణం కనిపిస్తున్నప్పటికీ, క్షేత్రస్థాయిలో రాజకీయ సమీకరణలు భిన్నంగా ఉన్నాయి. 2024 అసెంబ్లీ ఎన్నికల ఓటమి తర్వాత వైఎస్సార్ కాంగ్రెస్ పార్టీ తీవ్ర గందరగోళ పరిస్థితిని ఎదుర్కొంటోంది. జిల్లా స్థాయిలో బలమైన నాయకత్వ లోపం స్పష్టంగా కనిపిస్తోంది. క్షేత్రస్థాయిలో అభ్యర్థులను నిలబెట్టడం, వారికి అవసరమైన ఆర్థిక, నైతిక మద్దతు అందించడంలో స్పష్టమైన ప్రణాళిక కొరవడింది. మరోవైపు, అధికార టీడీపీలో సైతం లోపాయికారీగా అసంతృప్తి వాతావరణం ఉందనే అభిప్రాయాలు వ్యక్తమవుతున్నాయి. 

ఎన్నికల బరిలోకి దిగి భారీగా ఖర్చు చేయడానికి రెండు వైపులా స్థానిక నాయకులు వెనుకంజ వేస్తుండటంతో ఎన్నికలు వెంటనే జరగకపోవచ్చనే ఊహాగానాలు బలపడుతున్నాయి. రాజకీయ వ్యూహాలు అంతర్నిహిత అంశాలుస్థానిక ఎన్నికల చుట్టూ జరుగుతున్న రాజకీయ క్రీడలో ప్రధానంగా రెండు అంశాలు కీలకంగా మారాయి:34% బీసీ రిజర్వేషన్ల అస్త్రం.. ప్రభుత్వం స్థానిక సంస్థల్లో బీసీలకు 34% రిజర్వేషన్లు కల్పిస్తూ నిర్ణయాలు తీసుకోవడం వెనుక పెద్ద రాజకీయ వ్యూహమే దాగి ఉంది. గతంలో 50% కి మించి రిజర్వేషన్లు ఉండకూడదని సుప్రీంకోర్టు స్పష్టమైన తీర్పులు ఇచ్చింది. 

ఈ నేపథ్యంలో, 34% రిజర్వేషన్ల నిబంధన న్యాయ సమీక్షకు వెళ్తే కోర్టులు స్టే ఇచ్చే అవకాశాలు ఎక్కువగా ఉన్నాయి. తద్వారా న్యాయపరమైన చిక్కులను కారణం చూపి ఎన్నికలను నిలిపివేయవచ్చనే ఆలోచన అధికార వర్గాల్లో ఉందనే విశ్లేషణలు వస్తున్నాయి. కూటమిలో సీట్ల కేటాయింపు సవాలు.. అధికార కూటమిలో స్థానిక సంస్థల సీట్ల పంపకం కూడా ఒక సంక్లిష్ట సమస్యగా మారింది. మున్సిపల్ ఎన్నికల్లో జనసేనకు 15% సీట్లు మాత్రమే కేటాయిస్తారనే ప్రచారం కూటమి అంతర్గత వర్గాల్లో చర్చనీయాంశమైంది. 2024 ఎన్నికల్లో జనసేన సాధించిన ప్రాతినిధ్యం దృష్ట్యా ఈ శాతంపై ఆ పార్టీ నేతలు సంతృప్తిగా లేరు. పొత్తులో తగిన ప్రాధాన్యత లభించకపోతే స్థానిక స్థాయిలో విభేదాలు రచ్చకెక్కే ప్రమాదం ఉంది. 

భవిష్యత్తు రాజకీయ ప్రభావంమున్సిపల్ ఎన్నికలు నిర్వహించకుండా కాలయాపన చేయడం వల్ల లేదా న్యాయపరమైన కారణాలతో వాయిదా వేయడం వల్ల రాష్ట్ర రాజకీయాలపై దీర్ఘకాలిక ప్రభావం పడే అవకాశం ఉంది.స్థానిక సంస్థల ఎన్నికలు జరగకపోతే కేంద్రం నుండి రావాల్సిన పట్ణణాభివృద్ధి నిధులు నిలిచిపోయే ప్రమాదం ఉంది. ఇది రాష్ట్ర ఆర్థిక పరిస్థితిపై ఒత్తిడి పెంచుతుంది. అలాగే, ఎన్నికలను దాటవేసే ధోరణి బీసీ వర్గాల్లో వ్యతిరేకతకు దారితీయవచ్చు. పార్టీ తరఫున రిజర్వేషన్లు అమలు చేయకుండా జీవోల పేరుతో కాలయాపన చేస్తున్నారనే భావన పెరిగితే అది అధికార పార్టీకే నష్టం చేకూరుస్తుంది. జనసేన-టీడీపీల మధ్య స్థానిక స్థాయిలో సరైన సమన్వయం కుదరకపోతే రాబోయే రోజుల్లో కూటమి ఐక్యతపై ప్రభావం చూపే అవకాశం ఉంది. మున్సిపల్ ఎన్నికలు అధికార కూటమి నాయకత్వానికి, ముఖ్యంగా యంగ్ లీడర్‌షిప్‌కు ఒక పరీక్షగా మారనున్నాయి.

AP Municipal Elections 2026, AP Local Body Elections, CM Chandrababu, YS Jagan, AP Political News, Janasena Alliance, Municipal Polls, AP Politics