గంజాయి మత్తులో ఆనంద్ సాయి కొడుకు వీడియో వైరల్..!

ఒకవైపు తండ్రి తన కళా ప్రతిభతో ప్రత్యేక గుర్తింపు పొందుతూ, ప్రతిష్ఠాత్మక ఆలయ నిర్మాణానికి రూపకల్పనలో కీలక పాత్ర పోషిస్తే.. మరోవైపు కుమారుడు హిట్‌ అండ్‌ రన్‌ కేసులో అరెస్టై వార్తల్లో నిలిచాడు.  ప్రస్తుతం ప్రముఖ ఆర్ట్‌ డైరెక్టర్‌, టీటీడీ బోర్డు మెంబర్, యాదాద్రి శ్రీలక్ష్మీనరసింహ స్వామి ఆలయ ఆధునిక నిర్మాణంలో కీలక పాత్ర పోషించిన ఆనంద్ సాయి కుమారుడు సందీప్ ఆనంద్‌ను రాయదుర్గం పోలీసులు అరెస్ట్ చేయడం చర్చనీయాంశంగా మారింది. కానీ ఇప్పుడు ఆనంద్ సాయి కుమారుడు సందీప్ గంజాయి సేవిస్తున్న వీడియో ఒకటి సోషల్ మీడియాలో వైరల్ గా మారి చెక్కర్లు కొడుతుంది..

ఇక సోమవారం తెల్లవారుజామున సుమారు 4.15 గంటల సమయంలో ఖాజాగూడలోని అంకుర ఆస్పత్రి ఎదురుగా, ఓఆర్‌ఆర్‌ రోటరీ నుంచి ఖాజాగూడ వైపు వెళ్లే రహదారిపై ప్రమాదం జరిగింది. రోడ్డును దాటుతున్న బిహార్‌కు చెందిన నంద కిశోర్‌ కుమార్‌ రాయ్‌ను ఓ వాహనం ఢీకొట్టింది. అనంతరం జరిగిన వరుస ప్రమాదాల్లో ఆయన మృతి చెందగా, జైద్‌షా ఖాద్రీ అనే యువకుడు తీవ్రంగా గాయపడ్డాడు. ప్రమాదంపై దర్యాప్తు చేపట్టిన రాయదుర్గం పోలీసులు సీసీ కెమెరా ఫుటేజీలను పరిశీలించి వాహనాలను గుర్తించారు. ఈ క్రమంలో ప్రమాదానికి సంబంధించి ఆనంద్ సాయి కుమారుడు సందీప్‌ను  అరెస్ట్ చేశారు. 

ఆయన ఉపయోగిం‌చిన వాహనాన్ని కూడా పోలీసులు స్వాధీనం చేసుకున్నారు.. ఆనంద్ సాయి పేరు యాదాద్రి ఆలయ ఆధునిక నిర్మాణం తో మరింత ప్రాచుర్యంలోకి వచ్చింది. ఆలయ పునర్ని ర్మాణంలో ఆయన కీలక పాత్ర పోషించారు. ప్రతిష్ఠా త్మకమైన ఈ ప్రాజెక్టుకు ఆయనను ఎంపిక చేయడంపై అప్పట్లో రాజకీయ, సామాజికై వర్గాల్లో చర్చ కూడా జరిగింది. తెలంగాణలోని అత్యంత ప్రతిష్ఠాత్మక ఆలయ నిర్మాణానికి ఆంధ్రప్రదేశ్‌కు చెందిన కళాకారుడిని ఎంపిక చేయడంపై అప్పట్లో విమర్శలు వచ్చినప్పటికీ.. ఆలయ నిర్మాణంలో ఆనంద్ సాయి పనితనం ప్రత్యేకంగా నిలిచింది. 

ప్రమాదం అనంతరం చోటుచేసుకున్న పరిణామాలు, వాహనం నడిపిన తీరు, ప్రమాదం తర్వాత జరిగిన ఘటనలపై పోలీసులు దర్యాప్తు కొనసాగిస్తు న్నారు. కళా రంగంలో తండ్రి సంపాదించుకున్న పేరు, ప్రతిష్ఠ ఒకవైపు ఉంటే.. కుమారుడిపై నమోదైన హిట్‌ అండ్‌ రన్‌ కేసు మరోవైపు చర్చకు దారితీసింది. ఇదిలా ఉండగా మరోవైపు సందీప్ కొడుకు గంజాయి సేవిస్తున్న వీడియో ఒకటి సోషల్ మీడియాలో తెగ వైరల్‌గా మారడంతో ఈ వ్యవహారం మరింత సంచలనంగా మారింది.

Anand Sais son Sandeep Anand, Hit and run suspect, Nanda Kishore Kumar Roy, Zaidshah Qadri, CM Revanth reddy, CP Sajjanar, Crime news,  Telugu One, Telugu news