బీసీలకు వంద సీట్లు ఇస్తామన్న టీడీపీ ప్రకటన దేశ రాజకీయ వర్గాల్లో సంచలనం కలిగించింది. ఇది ఎలా సాధ్యమని కొందరు ప్రశ్నిస్తున్నారు. ఎలా సాధ్యమో చేసి చూపిస్తాం అని చంద్రబాబు అన్నారు. సమర్థులైన మంచి నేతలు ముందుకు వచ్చి రాజకీయంగా పరిస్థితులు అనుకూలిస్తే బీసీలకు వందకంటే ఎక్కువ సీట్లు ఇవ్వడానికి కూడా సిద్ధమని టీడీపీ అధ్యక్షుడు చంద్రబాబు ప్రకటించారు. ఎన్టీఆర్ భవన్‌లో మంగళవారం వివిధ బీసీ సంఘాలు చంద్రబాబును సన్మానించాయి. బీసీలకు వందసీట్లివ్వాలన్న టీడీపీ నిర్ణయాన్ని కులాలకు అతీతంగా బీసీ వర్గాలు బలపరచాలని పిలుపునిచ్చారు. పార్టీ అభ్యర్థులను గెలిపించడానికి కృషిచేయాలని విజ్ఞప్తి చేశారు.