Noted Irrigation expert R Vidyasagar Rao, who was undergoing treatment for metastatic bladder Cancer, passed away today. Rao, 81, was suffering from terminal cancer and underwent a surgery last year in the USA. As his condition deteriorated, he was admitted into a private hospital a week ago. A hospital bulletin said the malignant cancer progressed to other vital organs and his condition deteriorated. He suffered a cardiac arrest from which he was revived. The overall condition again deteriorated due to worsening of his underlying conditions and he passed away peacefully. Rao has made immense contribution to the re-engineering and redesigning of Telangana Irrigation. He was the man behind Chief Minister K Chandrasekhar Rao's Power Point presentation in the State Legislative Assembly on Telangana irrigation system. Chief Minister K Chandrasekhar Rao asked the Chief Secretary to make arrangements for organising a State funeral for Vidyasagar Rao. Vidyasagar was a native of Jajireddygudem in Nalgonda district. He did his Bachelors in Engineering from Osmania University in 1960 and master’s degree in Engineering in Water Resources Development from University of Roorkee in 1979. He also completed a Diploma in Water Resources Systems Engineering, Colorado State University (USA) in 1983, besides completing Bachelors of Law from Delhi University.
A group of Muslim men arranged for the cremation of a youth from an poor Hindu family at a Muslim-majority village in Malda district.  Biswajit Rajak of Shekhpura village in Manikchak block died couple of days ago after a prolonged fight with liver cancer throwing his poor family into a crisis as it had neither the financial means nor manpower to perform the last rights. Muslim men in the village carried Rajak's body on their shoulders for a distance of 3 kms to the burning ghat, and performed all the traditional Hindu rituals including consigning the ashes to the nearby river and taking a dip in the river after the cremation. What's more, they chanted "Ram nam satya hai" and "Bolo Hari Hari bol" all the way to the crematorium. Inspired by the gesture, Malda Zilla Parishad saha-sabhadhipati (vice-chairman) Gaur Mondal himself joined the cortege.
Home Minister Rajnath Singh is stern on the deadly attack that killed 25 CRPF jawans in Sukma in Chhattisgarh. He calls it as " a cold blooded murder". The  Union home minister asked the Jawans to identify the errors and problem areas that are exposing the CRPF to repeated high-casualty attacks and redraw the counter-Naxal strategy to plug them. Maoist insurgents carried out one of the worst attacks on Monday, apart from those who died, six personnel of the CRPF were critically injured. The soldiers were actually guarding road workers in the Sukma district, a hotbed of insurgent violence, when they came under heavy fire. Mr Rajnath Singh said that Centre has decided to held a high-level meeting involving all 10 Maoist-hit states in New Delhi on May 8 to hammer out a new strategy" for a "decisive fight against the Maoists. Chief ministers of these states will also attend the meeting.
SS Rajamouli's epic Baahubali The Conclusion has been getting oevrwhelming response from audiences as well as critics alike. Even, film celebrities are awestruck after watching grand visuals on big screen.  Young Tiger Jr NTR and few others expressed their liking towards the film and lauded director Rajamouli, hero Prabhas, villain Rana and others. Latest to join the list is super star Mahesh Babu. Mahesh Babu says that, Baahubali is a game changer and he even used the word  Mind boggling stuff to describe about outcome of the film. “The master storyteller is back! Baahubali2 is an event film which exceeds expectations! Mind boggling stuff, a game changer! Hats off to SS Rajamouli and the entire team!” stated Mahesh Babu. Interim, Mahesh is waiting to begin the next schedule of his upcoming action thriller Spyder being helmed by AR Murugadoss. The film co-starring Rakul Preet Singh is likely to release in August.  Buzz is that, Rajamouli is planning a film with Mahesh Babu. However, we need to wait for few more days to know, whom Rajamouli picks for his next!
Baahubali 2 The Conclusion has been creating storm at box office. The film starring Prabhas, Rana, Anushka and Tamannah in lead roles and is directed by SS Rajamouli raked 201 crores gross worldwide on its first day. While the film minted 58 crores in Telugu states, it grossed 50 Cr, 19.5 Cr, 11 Cr and 5.5 Cr respectively in Hindi version, Karnataka, Tamil Nadu and Kerala. Here is Baahubali 2 first day collections report worldwide: AP/TS - 58 Cr Hindi - 50 Cr Karnataka - 19.5 Cr Tamil Nadu - 11 Cr Kerala - 5.5 Cr Total (India) - 144 Cr USA-   33Cr Gulf-    11Cr Rest Of World-12Cr Total (WW)- 201Cr (Appox)
Young hero Nikhil who is riding high with the success of Ekkadiki Pothavu Chinnavada is presently doing a revenge drama film Keshava being directed by Sudheer Varma who gave big break to the actor with Swamy Ra Ra. Pelli Choopulu fame Ritu Varma is female lead and Isha Koppikar will be seen in a crucial role in the film. Post production works of the film are happening at brisk pace. Latest we heard is that, Keshava will release worldwide on May 19th. In fact, makers locked perfect date for the film. It's why because, no big film is releasing in the month of May. Stylish Star Allu Arjun's Duvvada Jagannadham which was initially planned for May 19th was postponed to June 23rd. Thus, Keshava won't have big competition, though few small times movies which may not affect collections of Nikhil starrer would hit the screens on the same day. Keshava first look posters and teaser got stunning response and have hiked expectations on the film. Let's see whether Nikhil continues success streak with Keshava or not!
బాహుబలి ది బిగినింగ్ విడుదలయినప్పుడు తెలుగు రాష్ట్రాల్లో ఉన్న అంచనాలు వేరే రాష్ట్రాల్లో లేవు. హిందీ వెర్షన్ ని కూడా మొదట నామ మాత్రం గానే విడుదల చేశారు. కానీ, రిలీజ్ తర్వాత అంతటా పాజిటివ్ టాక్ తెచ్చుకొని కలెక్షన్స్ ఊపు మొదలయ్యింది. చివరికి, ఇండియా లోనే ఎక్కువ గ్రాస్ కలెక్ట్ చేసిన మూవీ గా నిలిచింది. ఇంక బాహుబలి 2 ది కంక్లూజన్ విషయానికి వస్తే, విడుదలకి ముందు అంతటా భారీ అంచనాలున్నాయి. తెలుగు లోనే కాదు ఇతర భాషల్లో కూడా ప్రీ సేల్స్ అంచనాల్ని దాటి జరిగాయి. విడుదలయిన తర్వాత, సినిమా ఎక్సపెక్టేషన్స్ దాటి ఉండడంతో ఆకాశమే హద్దుగా సాగింది. హిందీ స్టార్లకే కళ్ళు బైర్లు కమ్మేలా బాహుబలి బాక్స్ ఆఫీస్ దగ్గర కలెక్షన్స్ సునామి సృష్టించింది. తాజా సమాచారం ప్రకారం, దేశ వ్యాప్తంగా తమిళనాడు లో తప్ప అన్ని రాష్ట్రాల్లో (30 ) మొదటి రోజుకి గాను అత్యధిక వసూళ్లు కొల్లగొట్టిన సినిమా గా నిలిచింది. ఫైనాన్సియల్ ప్రాబ్లమ్స్ క్లియర్ అవ్వడంలో డిలే వల్ల షోలు లేట్ గా పడడం, తమిళనాడు మొదటి రోజు కలెక్షన్స్ పై ప్రభావం చూపించింది. మహారాష్ట్ర, ఢిల్లీ ఇంకా ఇతర నార్త్ స్టేట్స్ లో కూడా బాహుబలి 2 తన సత్తా చాటింది. విడుదలకి ముందు కొన్ని ప్రాబ్లమ్స్ ఉన్న, టైం కి అన్ని సర్దుకోవడంతో, కర్ణాటకలో బాహుబలి 2 ని భారీ గా విడుదల చేశారు. మొదటి రోజే దాదాపు 11 .69 కోట్లు కలెక్ట్ చేసి, ఆ స్టేట్ రికార్డు ని సాధించింది. సాహోరే బాహుబలి అంటే ఇదేనేమో...
మెగాస్టార్ చిరంజీవి అంటే మెగా ఫ్యామిలీ లోనే కాదు సినీ ప్రియులకి కూడా అభిమానం ఎక్కువ. లేటు వయసులో కూడా ఖైదీ నం 150 సక్సెస్ తో తన సత్తా ఏంటో నిరూపించుకున్నాడు. త్వరలో స్వతంత్ర సమరయోధుడు ఉయ్యాలవాడ నరసింహ రెడ్డి జీవిత గాథ లో నటించనున్న చిరు, ప్రస్తుతం తన టీవీ షో మీలో ఎవరు కోటీశ్వరుడు తో బుల్లి తెర ప్రేక్షకుల్ని అలరిస్తున్నాడు. ఈ వారం చిరంజీవి పెద్ద తమ్ముడు నాగబాబు స్పెషల్ గెస్ట్ గా వచ్చాడు. సినిమా విశేషాలే కాకుండా, పర్సనల్ లైఫ్ లో జరిగిన విషయాలు కూడా నెమరు వేసుకొని, ఒకింత ఉద్వేగానికి కూడా లోనయ్యారు. అయితే, ఈ సందర్భంగా చిరంజీవి తమ చిన్నప్పుడు జరిగిన ఒక సంఘటన గుర్తుచేసుకున్నారు. తాను ఎప్పుడూ అమ్మకి ఇంటి పనుల్లో సహాయం చేస్తూంటే... నాగబాబు మాత్రం చిన్నప్పుడు బాగా సోమరి అని... ఎప్పుడు పడుకునే ఉండేవాడని... ఏ పనీ చేసేవాడు కాదని చెప్పాడు. ఒకసారి నాగబాబుని లాండ్రీ నుండి బట్టలు తెమ్మని పంపిస్తే వెళ్లడం మానేసి ఇంట్లోనే ఎంచక్కా పడుకునే ఉన్నాడని, తనకి విపరీతమైన కోపం వచ్చి చెంప చెళ్లుమనిపించానని చెప్పాడు. తర్వాత వాళ్ళ అమ్మ వచ్చి చిరంజీవి కి తమ్ముణ్ణి అలా కొడతావా అని క్లాస్ పీకిందని చెప్పుకొచ్చాడు. తర్వాత ఇదే విషయాన్నీ తమ తండ్రికి వివరించగా, తాను నాగబాబుని మరో దెబ్బ కొంచెం గట్టిగానే కొట్టాడని చెప్పాడు. చిరంజీవి నిజంగా కష్టజీవి కాబట్టే ఈ రోజు మెగాస్టార్ అవ్వగలిగాడు. ఆ తరానికీ, ఈ తరానికీ ఆదర్శప్రాయుడయ్యాడు.
రానే రాడనుకున్న ట్రంప్ వచ్చేశాడు! అప్పుడే వైట్ హౌజ్ లో వంద రోజులు కూడా పూర్తి చేసుకున్నాడు! అయితే, అందరూ ముందూ నుంచీ భయపడ్డట్టుగానే ఈ వంద రోజుల్లో మంచి హాలీవుడ్ యాక్షన్ మూవీ లాంటి సినిమా చూపించాడు ప్రపంచానికి! మరీ ముఖ్యంగా, మన ఇండియన్స్ కి! అందుకు, తాజా ఉదాహరణ … భారతీ ఎయిర్ టెల్ చీఫ్ సునీల్ మిట్టల్ చేసిన వ్యాఖ్యలే!   ట్రంప్ అమెరికాలోకి ఇండియన్స్ ఎడాపెడా వచ్చేయకుండా ఆంక్షలు విధించాడు. సాఫ్ట్ వేర్ నిపుణులకైతే అమెరికాలోకి ఎంటర్ అవ్వటమే అసాధ్యం చేసేశాడు. కొత్త వారి సంగతి సరే.. పాత వార్ని కూడా అమెరికా వదిలే వెళ్లేలా పొగబెడుతున్నాడు. ఇదంతా భారతీయుల డాలర్ డ్రీమ్స్ పై దారుణమైన ప్రభావం చూపుతోంది. అందుకే, సునీల్ మిట్టల్ లాంటి టాప్ బిజినెస్ మ్యాన్ కూడా ట్రంప్ మీద మండిపడుతున్నాడు. ఇండియన్ ఎక్స్ పర్ట్స్ యూఎస్ వద్దదైతే… మనకు మాత్రం అమెరికన్ కంపెనీలైన ఫేస్బుక్, గూగుల్ లాంటివి ఎందుకన్నాడాయన! అమెరికన్ ఎఫ్బీ, గూగుల్ లాంటి వాటికి బదులు ఇండియన్ సైట్స్ ని డెవలప్ చేసుకుంటే అమెరికాకు ఎంత లాస్ వస్తుందో ఆలోచించుకోవాలని చెప్పాడు. చైనా ఆల్రెడీ అదే పని చేస్తోంది  కూడా!   ఇండియాకి అమెరికాతో వున్న రాజకీయ సంబంధాల వల్ల ఇప్పటికిప్పుడు కఠినమైన నిర్ణయాలు ఏమీ తీసుకోలేకపోవచ్చు. సునీల్ మిట్టల్ చెప్పినట్టు ఫేస్బుక్, గూగుల్ లాంటివి నిషేధించి మన స్వంత సోషల్ నెట్ వర్కింగ్ సైట్లు, సర్చ్ ఇంజన్లు రెడీ చేసుకోకపోవచ్చు. పాకిస్తాన్, చైనా లాంటి శత్రువుల్ని ఎదుర్కోటానికి అమెరికా మనకు చాలా అవసరం. కాని, ఇక్కడే మరో కోణం కూడా వుంది. భారతీయ నిపుణుల్ని అమాంతం తిప్పి పంపే చర్యలకి ట్రంప్ పూనుకుంటున్నాడు. అలాగే కొత్త వార్ని రానీయకూడదని కూడా గట్టిగానే డిసైడ్ అయ్యాడు. దీని వల్ల కేవలం ఇండియన్స్ కే నష్టమా? అమెరికాకు ఎలాంటి ఢోకా లేదా? నిజంగా అదే పరిస్థితి అయ్యి వుంటే.. ఇంత కాలం మన వార్ని అగ్రరాజ్యం భరించేదే కాదు! ఇదే అతి పెద్ద సంకేతం భారతీయుల సత్తాకి!   అమెరికాకి వలసొచ్చే అనేక దేశాల వారు పొట్ట చేతపట్టుకుని వస్తారు. కాని, అందరూ టాలెంటెడ్ అనటానికి వీల్లేదు. కేవలం ఇండియా, సింగపూర్, చైనా లాంటి దేశాల నుంచి వచ్చే వారే బాగా చదవుకుని, అమెరికన్ వ్యవస్థకు ఉపయోగపడే హైలీ స్కిల్డ్ పీపుల్. మిగతా వారు అమెరికాలో స్థిరపడి చిన్నా చితకా ఉద్యోగాలు చేసుకుంటూ వుంటారు. వారు అమెరికాలోకి రాకపోవటం వల్ల పెద్దగా నష్టం వుండదు. ఆ ఉద్యోగాలు అమెరికాలోని స్థానికులు భర్తీ చేయగలరు. కాని, చాలా వరకూ ఇండియన్స్ సేవలందించే సాఫ్ట్ వేర్, ఐటీ ఉద్యోగాలు ఎవరు చేయాలి? వాటికి తగిన వారు అమెరికాలో వున్నారా? లెక్కల ప్రకారం… ఇండియన్ ఇంజనీర్స్ స్థాయిలో పని చేసే టాలెంట్ పీపుల్ అమెరికాలో లేరు!   ఇండియాలో ఇంజనీరింగ్ చదవటం చీప్. అలాగే, మన వారు అమెరికాకి వెళ్లాలన్న కోరికతో, కసితో మరింత బాగా చదివేస్తుంటారు. కాబట్టి ఇండియన్స్ వల్ల ఇంత కాలం అమెరికన్ ఐటీ కంపెనీలు బోలెడు లాభపడ్డాయి. మన వారు చాలా తక్కువ జీతాలకే గంటల కొద్దీ కష్టపడ్డారు. కాని, ఇప్పుడు ఇండియన్స్ ని ట్రంప్ బ్యాన్ చేస్తే అమెరికన్స్ వాట్ని భర్తీ చేయాలి. ఇండియన్స్ అంత టాలెంట్ అమెరికన్స్ లో లేదనే విషయం పక్కన పెట్టినా… వారు డిమాండ్ చేసేటంత సాలరీ కంపెనీలు ఇచ్చుకోలేవు. దీర్ఘ కాలంలో ఇదే అమెరికా వ్యవస్థను దెబ్బతీసే ప్రమాదం వుంది!   ఖరీదైన ఉద్యోగుల్ని భరిస్తూ మల్టీ నేషనల్ కంపెనీలు అమెరికాలోనే ఎందుకుండాలి? ఇంతకాలం ఇండియన్స్ అమెరికాకు వలసొచ్చారు. ఇప్పుడు అమెరికన్ కంపెనీలే ఇండియా లాంటి దేశాలకు వచ్చేస్తే? తక్కువ జీతాలకు పని చేసే టాలెంటెడ్ వర్క్ ఫోర్స్ వాటికి హాయిగా దొరుకుతుంది! ట్రంప్ ఆంక్షలు, బెదిరింపుల బాధ కూడా తప్పుతుంది! ఇలాంటి పరిణామం ఖచ్చితంగా జరుతుందని ఇప్పుడే చెప్పలేకున్నా… జరగదని మాత్రం అనుకోటానికి వీల్లేదు. అమెరికా నుంచి అమెరికన్ కంపెనీలు తరలిపోవటం మొదలైతే అది అగ్రరాజ్యం అసలుకే ఎసరు తెస్తుంది. ఇది ట్రంప్ ఎంత త్వరగా అర్థం చేసుకుంటే అంత మంచిది! లేదంటే, ట్రంప్ ఏలుతోన్న ఈ నాలుగేళ్ల కాలం అమెరికన్ చరిత్రలో తిరిగి వెనక్కి వెళ్లలేని ప్రమాదకర మలుపుగా మిగిలిపోవచ్చు! అమెరికా ఆర్దిక ఆధిపత్యానికి ఇక నుంచీ జీజాలు పడి ముందు ముందు అవ్వి ఫలితాలు చూపవచ్చు! ఎందుకంటే, ప్రపంచంలో ప్రస్తుతం పైపైకి ఎదుగుతున్న ఆర్దిక వ్యవస్థలు కేవలం ఇండియా, చైనాలు మాత్రమే. యూరోపీయన్, అమెరికన్ ఆర్దిక వ్యవస్థలు ఎప్పుడో దూకుడు మానేశాయి! ట్రంప్ చేష్టలు అలాంటి డల్ అమెరికన్ ఎకానమీని మరింత ఢమాల్ గా మార్చే ప్రమాదం పొంచి వుంది!
   వైసీపీ అధినేత జగన్మోహన్ రెడ్డి బెయిల్ రద్దు పిటిషన్ పై విచారణ జరుగుతుండగా... అటు వైసీపీ పార్టీ నేతలతో పాటు... ఇటు ప్రతిపక్ష పార్టీలు కూడా చాలా ఉత్కంఠంగా ఎదురుచూసిన సంగతి తెలిసిందే. అక్రమాస్తుల కేసులో జగన్ సాక్షులను ప్రభావితం చేస్తున్నారన్న ఆరోపణలు వచ్చిన నేపథ్యోంలో జగన్ బెయిల్ ను రద్దు చేయాలంటూ కోర్టులో పిటిషన్ దాఖలవ్వగా... దీంతో జగన్ కు బెయిలా? జైలా? అని.. ఏం తీర్పు వస్తుందా అని.. పార్టీ నేతలు అందరూ టెన్షన్ పడ్డారు. కానీ జగన్ బెయిల్ పిటిషన్ ను రద్దు చేయాలన్న సీబీఐ వాదనతో సీబీఐ ప్రత్యేక న్యాయస్థానం విభేదించి బెయిల్ ను రద్దు చేయాలన్న పిటిషన్ ను కొట్టివేసింది. రమాకాంత్ రెడ్డి ఇంటర్వ్యూ విషయంలో జగన్ హస్తం ఉంటుందని భావించడం లేదని, ఎడిటోరియల్ బోర్డు నిర్ణయానికి, జగన్ కు సంబంధం ఉంటుందని భావించడం లేదని న్యాయస్థానం తెలిపింది.   ఇదిలా ఉంటే జగన్ బెయిల్ రద్దు కాకపోవడంపై వైసీపీ వర్గాలు తీవ్ర అసంతృప్తితో ఉన్నాయట. అదేంటీ అనుకుంటున్నారా..? అసలు సంగతేంటంటే.. ‘కెమెరామెన్ గంగతో రాంబాబు’ సినిమా గుర్తుండే ఉంటుంది కదా. అందులో బ్రహ్మానందం.. ముందుచూపు పేరుతో ముందే వీడియోలు చేసి పెట్టుకుంటాడు. ఇక్కడ వైసీపీ పార్టీ నేతలు కూడా అలాగే చేశారంట. జగన్ కు బెయిల్ రద్దవుతుందని పార్టీ నేతలే కాదు.. జగన్ కూడా అస్సలు ఊహించలేదట. ఒకవేళ జగన్ బెయిల్ రద్దయితే దానికి ఏపీ ముఖ్యమంత్రి చంద్రబాబు నాయుడే కారణమంటూ ఆయనను బద్నాం చేయడానికి ముందస్తుగా కథనాలు రెడీ చేసుకున్నారట వైసీపీ పార్టీ నేతలు. ప్రత్యేక హోదాపై పోరాడుతున్న జగన్ ను ఎలాగైనా అణగద్రోక్కాలనే ఉద్దేశంతో, కేంద్ర ప్రభుత్వంతో చంద్రబాబు నాయుడు లాలూచీ పడ్డారని, అందుకే ఉన్న పళంగా జగన్ బెయిల్ రద్దయ్యిందని ఆయనపై కథనాలు ప్రిపేర్ చేసుకున్నారట. కానీ వారు ఊహించని విధంగా పిటిషన్ కొట్టిపారేసింది కోర్టు. దీంతో సదరు కధనాలన్నీ వృధా అయిపోయాయని వైసీపీ వర్గాలు నిరాశ చెందాయట. అయితే భవిష్యత్ లో ఎప్పుడైనా అవి ఉపయోగపడొచ్చని వాటిని అలాగే ఉంచారట.
  వరంగల్ టీఆర్ఎస్ చేసిన జన సమీకరణ వరదలో మునిగి తేలింది. ఎప్పటిలాగే గులాబీ పార్టీ సత్తాకి ఓరుగల్లు హోరుగల్లుగా మారిపోయి సాక్ష్యంగా నిలిచింది. ఇక కేసీఆర్ మార్క్ ఉపన్యాసంతో ప్రగతి నివేదన సభ సంబురం చేసుకుంది. గులాబీ కార్యకర్తల చేతులు చప్పట్లు కొట్టీ కొట్టీ గులాబీ రంగులోకే మారాయి! కానీ… కానీ… మూడేళ్లు పూర్తి చేసుకున్న తొలి తెలంగాణ సర్కార్ … అసలింత పెద్ద సభకు ఎందుకు పూనుకుంది? ఈ ప్రశ్నలోనే ప్రగతి నివేదనకు బోలెడు కారణాలు కనిపిస్తాయి!   కేసీఆర్ వరంగల్ సభలో తమ ప్రభుత్వం చేసిన సంక్షేమం మాత్రమే ఏకరువు పెట్టలేదు. ప్రతిపక్షాల దుమ్ము దులిపారు. మరీ ముఖ్యంగా ప్రధాన ప్రతిపక్షంగా వున్న కాంగ్రెస్ కు చెడామడా చీవాట్లు పెట్టారు. పూర్తి స్థాయిలో చవటలు,సన్నాసులు వంటి పదాలు వాడుతూ గులాబీ బాస్ తనదైన స్టైల్లో కోటింగ్ ఇచ్చారు. దీనికంతటికి కారణం ఒక్కటే ఒక్కటి! అయిదేళ్ల కాలంలో ఇప్పుడు సగానికి సగం పూర్తైపోయింది. జనంలోనూ 2014లో వున్న మూడ్ ఇప్పుడు లేదు. అప్పుడున్న ఎమోషన్ కూడా క్రమంగా తగ్గుతోంది. ఇప్పుడు ఆంధ్రా అన్న అస్త్రం ముందులా కేసీఆర్ వాడలేకపోతున్నారు. ఆంద్రా పాలకులు, ఆంధ్రా దోపిడీ లాంటి ఆల్ టైం ఫేవరెట్ పదాలు గతంలో జనం పై పని చేసేవి. కాని, ఇప్పుడు అన్నిటికి, అంతటికీ తెలంగాణ సర్కార్ దే బాద్యత. వచ్చే ఎన్నికల్లో అదే ప్రధానం కానుంది. అందుకే, ప్రగతి నివేదన సభ అవసరమైంది!   ప్రగతి భవన్ భారీ ఖర్చుతో సిద్ధం చేయించిన కేసీఆర్ అదే దూకుడు ప్రగతి సాధించటం విషయంలో చూపలేకపోతున్నారని ప్రతిపక్షం ఆరోపిస్తోంది. ఉద్యోగాలు ఇవ్వకుండా గొర్రెలు, చేపలు ఇస్తామంటున్నారని జనం పుర్రెల్లో కొత్త ఆలోచనలు రేకెత్తించే ప్రయత్నం చేస్తోంది. ముఖ్యంగా కాంగ్రెస్ తనకు వీలైనంత ప్రయత్నం చేస్తోంది ప్రభుత్వ వ్యతిరేకత పెంచటానికి! అదే సమయంలో టీఆర్ఎస్ గవర్నమెంట్ కూడా అనేక విషయాల్లో వెనుకబడుతోంది. 125అడుగుల అంబేద్కర్ విగ్రహం మొదలు దళితులకి మూడెకరాల భూమి వరకూ అన్ని హామీలు, ప్రకటనలు అర్ధాంతర స్థితిలో వుండిపోతున్నాయి. అమలు చేయగలిగేవి , చేయలేనివి అన్నీ త్రిశంకు స్వర్గంలో వుంటున్నాయి. మరో వైపు నుంచీ పదే పదే తెలంగాణ ప్రభుత్వానికి కోర్టుల నుంచీ కూడా రెడ్ సిగ్నల్స్ వస్తున్నాయి. జనంలో ఆ విషయంలో కూడా వ్యతిరేకత పెరిగిపోయే ప్రమాదం లేకపోలేదు!   మైనార్టీ రిజర్వేషన్లు, గవర్నమెంట్ ఉద్యోగాలు, డబుల్ బెడ్ రూమ్ ఇండ్లు… ఇలా ఎన్నికలకు ముందే చెప్పినవీ, గొర్రెల పంపిణీ, ఎరువుల పంపిణీ వంటి ముందుగా చెప్పనివీ… అన్నీ ప్రస్తుతానికైతే ఆదికి, అంతానికి మధ్యలో వున్నాయి. ఒకవేళ మోదీ చెబుతున్నట్టు వచ్చే సంవత్సరం చివర్లోనే ఎన్నికలు వచ్చేస్తే వీటిల్లో చాలా హామీలు జనానికి ప్రతిఫలాల రూపంలో అందకపోవచ్చు. అంతలోపే త్వరత్వరగా అమలు పూర్తి చేసి పబ్లిక్ రిజల్ట్ చూపాలి. లేదంటే వాళ్లకు మరో ఆలోచన వచ్చే ఛాన్స్ వుంది. అందుకే, కేసీఆర్ మరోసారి జనానికి భరోసా కల్పించేందుకు వరంగల్ సభ నిర్వహించారు. కాని, ఆ సందర్భంగా ఆయన ఇచ్చిన స్పీచ్ అందర్నీ ఒక్క విషయంలో ఆశ్చర్యపరిచింది!   కేసీఆర్ ఎప్పటిలాగే కాంగ్రెస్ ను బలంగా టార్గెట్ చేశారు. టీ టీడీపీని కూడా ఘాటుగానే విమర్శించారు. కాని, అంతా భావించినట్టుగా బీజేపిని మాత్రం ఒక్క మాట కూడా అనలేదు. ఢిల్లీ నుంచీ మోదీ, అమిత్ షా వచ్చే ఎన్నికల్లో తెలంగాణ లో కూడా సత్తా చాటాలని చూస్తున్నా కేసీఆర్ ఎందుకు ఉపేక్షించారు? ఒక కారణం, కమలదళం అమాంతం ఎదిగిపోవటం తెలంగాణలో సాధ్యం కాదు కాబట్టీ…. లైట్ తీసుకోవచ్చు. రెండోది, అనవసరంగా బీజేపిని టార్గెట్ చేస్తే అవసరం లేని ప్రాముఖ్యత ఏర్పడి కాషాయ నాయకులకి ఉపయోగపడవచ్చు! ఈ రెండు కోణాల్లో ఆలోచించి కేసీఆర్ తీవ్రమైన వ్యాఖ్యలేవీ చేయకపోవచ్చు. ఇక మూడోది … కేంద్రంలో అధికారంలో వున్న బీజేపీతో ఇప్పట్నుంచే పోరాటం మొదలు పెడితే నిధుల రాబట్టుకోవటం కూడా కష్టమని సీఎం భావించి వుండవచ్చు! ఏదీ ఏమైనా వచ్చే ఎన్నికల్లో తమ ప్రధాన ప్రత్యర్థి కాంగ్రస్సే తప్ప బీజేపీ కాదని చెప్పకనే చెప్పారు కేసీఆర్!   ముందు ముందు అమిత్ షా వ్యూహాలు ఫలించి బీజేపీలోకి భారీగా వలసలు మొదలైతే టీఆర్ఎస్ మాట తీరు కూడా మారవచ్చు. అంతే తప్ప సాధారణ పరిస్థితుల్లో గులాబీకీ, కమలానికి పెద్దగా పోరాటం జరిగే సూచనలు ఇప్పుడైతే కనిపించటం లేదు. వచ్చే ఎన్నికల్లో వారిద్దరి మధ్యా మైత్రీ మొలకెత్తి టీఆర్ఎస్ ఎన్డీఏలో భాగమైనా ఆశ్చర్యమూ లేదు! ఎందుకంటే, ఒకవైపు రాష్ట్ర బిజేపి నేతలు వ్యతిరేకించిన ఉచిత ఎరువు పథకాన్ని మోదీ మెచ్చుకున్నారట! ఇతర రాష్ట్రాలు కూడా దీనిపై దృష్టి పెట్టాలన్నారట! ఇలాంటి సంకేతాలు కొంత మేర భవిష్యత్ ను సూచిస్తన్నాయి….
  విశ్వవిద్యాలయం… ఈ పేరులో విశ్వం ఎందుకు వుందో ఎప్పుడైనా ఆలోచించారా? విద్యార్థులు విద్యని అభ్యసిస్తారు కాబట్టి విద్యాలయం! కాని, విశ్వం ఎందుకొచ్చింది? ఇంగ్లీషులో యూనివర్సిటీ అంటారు కాబట్టి తెలుగులోనూ విశ్వం అన్నారు అనుకుందామా? అది నిజమే కావచ్చు! కాని, విశ్వం అనే పదంలో విశ్వవిద్యాలయానికి మరో కోణమూ వుంది!   ఇప్పుడొస్తున్న ఆధునిక విశ్వవిద్యాలయాల సంగతి వేరేమోగాని … ఒకప్పటి విశ్వవిద్యాలయాలు మాత్రం నిజంగానే విశ్వాలు! వాటిలో మరో వేరైన, మేలైన ప్రపంచమే అలరారుతుంటుంది! విశ్వవిద్యాలయం అంటే కేవలం కొన్ని గోడలు, మరి కొన్ని బెంచీలు, ఇంకొన్ని బ్లాక్ బోర్డులు కాదు. అదో లోకం. అక్కడ వేరు వేరు ఊళ్ల నుంచీ, రాష్ట్రాల నుంచీ, కొన్ని సార్లు దేశాల నుంచీ వచ్చిన వారు ఒకే చోట గుమిగూడతారు! తరగతుల్లో, మైదానాల్లో, చెట్ల కిందా, క్యాంటీన్లలో, లైబ్రెరీల్లో సరికొత్త బంధాలు, అనుబంధాలు, ఘర్షణలు,సంఘర్షణలు ఏర్పడతాయి! అదే వారందర్నీ నవ మానవులుగా తీర్చిదిద్దుతుంది! చివరకు, విశ్వవిద్యాలయంలో జరిగిన ఆ మానవ, మస్తిష్కాల సమ్మేళనమే కొత్త విశ్వానికి పునాదులు వేస్తుంది! అందుకే, యూనిర్సిటీల్ని విశ్వవిద్యాలయాలు అనేది…   ఒక విశ్వవిద్యాలయం యావత్ విశ్వంపై తనదైన, తనకు వీలైనంత ప్రభావం చూపుతుంది! ఈ సత్యం వేల సంవత్సరాల నాటి తక్షశిల, నలంద విశ్వవిద్యాలయాలు ఎప్పుడో నిరూపించాయి. తక్షశిలలో పదునెక్కిన చాణక్యుడి రాజనీతి, ఆర్దిక నీతి భారతదేశాన్ని ఎంత ప్రభావితం చేశాయో మనకు తెలియదా? అలాగే, నలందలో జరిగిన వందల సంవత్సరాల జ్ఞాన సత్రయాగం మన దేశాన్ని, సంస్కృతిని ఎంత సుసంపన్నం చేసిందో మర్చిపోగలమా? అలాంటి మన కాలపు, మనదైన… తక్షశిల, నలంద స్థాయి విశ్వవిద్యాలయమే … ఉస్మానియా!   హైద్రాబాద్ అనగానే నిశ్శబ్ధంగా నిలబడే చార్మినార్ నే అందరూ జ్ఞాపకం చేసుకుంటారు. లేదంటే ఆధునిక హైద్రాబాదీలు ఆదరా బాదరా ఉద్యోగాల సైబర్ టవర్స్ ని స్మరించుకుంటారు. కాని, 4వందలేళ్ల భాగ్యనగరి భాగ్యానికి… సదా సజీవ చైతన్యంతో అలరారే వందేళ్ల ఉస్మానియా అసలు సిసలు సాక్ష్యం! అక్కడ 1917 నుంచీ జ్ఞానం శంఖమై మోగుతోంది! ఉద్యమాలు వస్తే, చైతన్యం, నగారాలాగా మార్మోగుతోంది! నిజాం కాలంలో 25మంది ఆధ్యాపకులతో, 225మంది విద్యార్థులతో తన మహాప్రస్థానం ప్రారంభించి ఇంకా మహోధృతంగా ముందుకు సాగుతోంది. ఈ విజయానికి కారణం ఆనాటి నిజాం పాలకుల ముందు చూపే కాదు… తరువాతి కాలంలో స్వతంత్ర భారత ప్రభుత్వాల నిజాయితీ కూడా కాదు. ఉస్మానియా ఒక ఆరని జ్యోతిలా, దారి చూపే అద్బుత కాగడాలా వెలిగిపోవటానికి కారణం… ఇక్కడ తొణికిసలాడే జీవం కారణం! కేవలం మసక్తాల్లోకి పుస్తకాల్ని ఎక్కించే ల్యాబోరేటరీలా ఉస్మానియా పని చేసి వుంటే ఇంత ఘనత సంపాదించగలిగేది కాదు. నిజానికి ఇప్పటికీ హైద్రాబాద్ కు తలమానికమైన ఓయూ దేశంలోని అత్యున్నత విశ్వవిద్యాలయాల్లో ఒక్కటేం కాదు. ప్రపంచంలో అయితే ఉస్మానియాకు అస్సలెంత మాత్రం ప్రాముఖ్యత లేదు. అయినా, తెలుగు రాష్ట్రాలకు, ముఖ్యంగా, తెలంగాణకు ఇది ఒకానొక ఆయువు పట్టు! ఒట్టి బట్టీ చదువులకే కాదు… ఉరిమే ఉద్యమాలకూ ఉస్మానియానే నెలవు! ఆ విధంగా ఉస్మానియా ఇప్పటికి కొన్ని వేలు, లక్షల మంది తెలంగాణ విద్యార్థులకి చదవటమే కాదు.. జీవితాన్ని , సమాజాన్ని చదవటమూ నేర్పింది! అదీ శత వసంతాల ఉస్మానియాకు అనుపమాన శోభను తెచ్చిపెట్టేది!   బీఏ, ఎంఏ లాంటి డిగ్రీలతో మొదలైంది ఉస్మానియా ప్రస్థానం. అప్పటి నిజాముల రాజభాష ఉర్దూలోనే ఊపిరిపోసుకుంది. కానీ, ఇప్పుడు ఎల్ఎల్బీ, మెడిసిన్, ఇంజనీరింగ్, పీహెచ్డీలతో ఎంతో ఎదిగింది. ఇంగ్లీషు సహా ఎన్నో భాషల్లో బోధన జరుగుతోంది. దానితో పాటే స్వాతంత్రానికి ముందు ఇక్కడ వందేమాతర నినాదం మోగింది.అది మొదలు 2014లో పార్లెమెంట్లో తెలంగాణ ప్రత్యేక రాష్ట్ర బిల్లు ప్రవేశపెట్టినప్పుడు దద్ధిరిల్లిన జై తెలంగాణ నినాదాల వరకూ ఉస్మానియా అడుగడుగునా ఉద్యమాలే! పోరాటాలే! రణన్నినాదాలే! సమాజంపై ప్రభావం చూపే ఈ పోరాట పటిమే నిజంగా వందేళ్ల ఉస్మానియా అందించిన వారసత్వం! కేవలం సర్టిఫికెట్ ముక్కలు జారీ చేయటానికి విశ్వవిద్యాలయాలే అక్కర్లేదు. రేకుల షెడ్డు వేసుకుని కూర్చున్నా సరిపోతుంది! విశ్వవిద్యాలయం అంటే విశ్వాన్ని మరింత పరిపక్వం చేసే మేధస్సుల ప్రయోగశాల అయ్యి వుండాలి! ఆ కోణంలో వందేళ్ల ఉస్మానియాది వంద శాతం విజయం!   ప్రస్తుత మన బంగారు తెలంగాణ ముఖ్యమంత్రి, నవ తెలంగాణ రథసారథి కేసీఆర్ ఉస్మానియాలో గుక్క తిప్పిన యోధుడే! గల్లీ నుంచీ దిల్లీ దాకా ఈ ఓయూ పూర్వవిద్యార్థి చేసిన ఉద్యమం జగమెరిగిన సత్యమే! అయితే, ఉస్మానియా చరిత్రలో ఒక్క కేసీఆర్ కాదు…ఎందరో కేసీఆర్లు వున్నారు! తమ తమ రంగాల్లో వారు ఇప్పటి మన సీఎం లాగే అద్బుత విజయాలు సాధించారు. వారందరి పేర్లు చెబితే ఉస్మానియా జ్ఞానాకాశం కీర్తిమంతులైన తారలతో తళతళలాడిపోతుంది. ఇక ముందు కూడా ఈ శత వసంతాల నవ యవ్వన జ్ఞానాలయం బోలెడు మంది విద్యార్థి చంద్రులతో వెలిగిపోవాలని కోరుకుందాం! వారు దేశాన్ని సరికొత్త వెన్నల వెలుగులతో దేదీప్యమానం చేయాలని ఆశిద్దాం!   ఉస్మానియా వందేళ్ల మైలురాయి దాటిన ఈ సమయంలో చాలా మంది కోరుకుంటోంది, రాష్ట్రపతి ప్రణబ్ కూడా చెప్పింది ఇదే… విశ్వవిద్యాలయాలు పరిశోధన వైపు దృష్టి పెట్టాలి. ఉస్మానియా పై కూడా ఆ బాద్యత వుంది. భారతదేశం ఇప్పుడు ప్రపంచాన్ని శాసించే ఉత్సాహంతో ముందుకు దూకుతోంది. అందుకు కేవలం జీడీపీలు, పర్ క్యాపిటీ ఇన్ కమ్ లు సరిపోవు. నాణ్యమైన జ్ఞానం విశ్వవిద్యాలయాల్లోంచి బయటకొ ప్రవహించాలి. ఉస్మానియాలోనూ అదే జరగాలి. ముందు ముందు పాలకులు, పరిశ్రమల అధిపతులు పరిశోధన విద్యపై విద్యార్థుల్లో ఆసక్తి పెరిగే చర్యలు తీసుకోవాలి! దేశంలోనే అత్యున్నత ప్రాంగణాల్లో మన ఉస్మానియా కూడా ఒకటి కావాలి!
ఛత్తీస్ గఢ్ రక్తసిక్తం అయింది. మరో మారు యువ జవాన్లు ప్రాణాలు కోల్పోయారు! అదీ పాతిక మంది. ఇంత మందిని ఒకేసారి బలి తీసుకోవటం ఉగ్రవాదులు, పాక్ సైన్యం వల్ల కూడా కాదేమో! కాని, మన స్వంత భారతీయులైన మావోయిస్టులు ఈ దారుణానికి పాల్పడ్డారు! ఇంతకీ ఎందుకు? ఇదే ఈ తరం భారతీయ యువతకి ఎంతకూ అర్థం కాని ప్రశ్న! అడవుల్లో వుండే అన్నలు, వారికి మద్దతుగా నిలిచే జనారణ్యాల్లోని మేధావులు సవివరంగా సమాధానం ఇవ్వాల్సింది కూడా ఇదే!   భారతదేశం స్వతంత్రం సంపాదించాక దాదాపు రెండు దశాబ్దాల అనంతరం … నక్సలిజమ్ మొదలైంది. అది 1970ల నుంచీ పెరిగి, విరిగి, మళ్లీ మొలిచి ఇవాళ్ల మావోయిస్టు పార్టీగా రూపాంతరం చెందింది. ఈ క్రమంలో నక్సల్స్ చంపిన రాజకీయ నేతలు, ఇన్ ఫార్మర్లు, అమాయక జనం, పోలీసులు, సైనికులు ఎందరో! నిజానికి చైనా, పాకిస్తాన్ లతో యుద్ధాలు చేసిన భారత్ కదన రంగంలో కోల్పోయిన ప్రాణాల కంటే వామపక్ష ఉగ్రవాదం చేతిలో నిర్జీవులైన వారే ఎక్కువనిపిస్తుంది. అయితే, మావోయిస్టులు కోరేదేంటి? వారిని అవకాశం వచ్చినప్పుడల్లా కాల్చి చంపించే ప్రభుత్వాలు, పాలకులు నిరాకరించేది ఏంటి? ఈ ప్రశ్నలకు ఖచ్చితమైన సమాధానాలు లేవు. మావోయిస్టుల అంతిమ లక్ష్యం అసలు ఇప్పుడున్న వ్యవస్థనే కూల్చేయటం , మార్చేయటం అంటారు. కాని, జనం కోట్లాదిగా వచ్చి ఓట్లు వేసి తమ పాలకుల్ని ఎంచుకుంటోన్న ఈ ప్రజాస్వామ్యాన్ని కాదని చెప్పటం ఎంత వరకూ సబబు? పోనీ ఎంత వరకూ సాధ్యం?   పూర్తిగా వ్యవస్థని, రాజ్యాంగాన్ని మార్చేయటం లాంటి సుదూర లక్ష్యాలు పక్కన పెడితే తమ తక్షణ డిమాండ్లుగా మావోలు చెప్పేవి ఏంటి? ఆదివాసీల రక్షణ, గనులు, ఖనిజల వంటి సహజ సంపదల రక్షణ, భూ పంపీణి… ఇలాంటి అనేకం వుంటాయి. అవేవీ ప్రస్తుతం వారు అడవుల్లోంచి సాగిస్తోన్న సాయుధ పోరాటం వల్ల సాధ్యమయ్యేవి కావు. అదే గత ముప్పై, నలభై ఏళ్ల యుద్ధం నేర్పిన పాఠం! అయినా మావోయిస్టులు తమ పంథా మార్చుకోవటం లేదు.   మన జవాన్లు మన దేశ పౌరుల చేతుల్లోనే నిర్ధాక్షిణ్యంగా చనిపోవటం బాధాకారం. కాని, అంతకంటే బాధాకారం ఇల్లు, వాకిలి వదిలి సమాజం కోసం గన్ను పట్టిన నక్సల్స్ బూటకపు ఎన్ కౌంటర్లలో మరణించటం. దాన్ని కూడా ఎవ్వరమూ సమర్థించలేం. కాని, ఇక్కడ సమస్యల్లా యుద్ధం ముగించటం మావోయిస్టుల చేతుల్లో వుండటంతోనే వుంది. వారు సాయుధులుగా వున్నంత కాలం రాజ్యం కూడా హింసాత్మకంగానే ఎదుర్కుంటుంది. అంతకన్నా వేరే మార్గాలు కూడా పాలకులకి వుండవు. రాజ్యాంగం ప్రజలకి ఓటు హక్కునిచ్చి ప్రతీ అయిదేళ్లకొకసారి మార్పు సాధించుకునే అవకాశం ఇచ్చినా మావోలు పట్టించుకున్నట్టు కనిపించదు. బుల్లెట్ వార్ ఆశించిన ఫలితాలు ఇప్పటికే ఇవ్వలేకపోయింది కాబట్టి బ్యాలెట్ వార్ కి దిగటం ఎంతో మేలు. దాని ద్వారా కూడా సమ సమాజ స్థాపన వీలు కాదని మావోయిస్టు మద్దతుదారులు, మేధావులు వాదిస్తుంటారు. కాని, సాయుధ పోరాటం కూడా అటుఇటుగా అర్థ శతాబ్దం కావొస్తున్నా సాధించింది ఏం లేదు. ఎన్నో అమూల్యమైన ప్రాణాలు మాత్రం సమాధి చేసింది. అందుకే, అడవుల్లోని విప్లవకారులు ట్రిగ్గర్ కన్నా ఈవీఎం మీటలు మేలేమో అలోచించుకోవాలి. వాటి ద్వారా అమాంతం ఆశించిన విప్లవం రాకున్నా ఆలస్యంగానైనా మంచి జరుగుతుంది. అంతే కాని, ఆగమ్యమైన అమానుష హింస ద్వారా ఎవ్వరూ ఎక్కడికి వెళ్లలేరు. ఏమీ సాధించలేరు!   ప్రభుత్వాలు మావోయిస్టు హింస విషయంలో ఉక్కుపాదంతో అణచటమే కాకుండా మరే ఇతర మార్గాలు సత్ఫలితాలు ఇస్తాయో కూడా చూడాలి. ఎలాగైతే మావోలకు గన్ను ఆశించిన ఫలితాలు ఇవ్వటం లేదో.. అలాగే, పాలకులకి కూడా ఇవ్వబోదు. మరో కొత్త తరం సాయుధ ఆలోచనల దిశగా వెళ్లకుండా ఆపటానికి ఖచ్చితంగా తెలివైన మార్గాలు వుంటాయి. వాట్ని అన్వేషించాలి. అప్పుడే ఇవాళ్ల కాకుంటే రేపు అంతర్గత హింస నుంచి భారతదేశానికి విముక్తి లభిస్తుంది!
  రాజకీయాల్లో ఎన్నికలు అనివార్యం. భారీ ఖర్చులు చేసి , రాత్రింబవళ్లూ ఒళ్లు హునమయ్యేలా ఊరారా తిరిగి ఓట్లు అర్థించాలని రాజకీయ నేతలకు కూడా వుండదు. అయినా, ప్రజాస్వామ్యంలో ఎలక్షన్స్ లేకుండా బండి నడవదు. అందుకే, అయిదేళ్లకొకసారి దేశం దేశమంతా బ్యాలెట్ వార్ లో తలమునకలైపోతుంది! నాయకులు టెన్నన్ గా, జనం అటెన్షన్ గా ఎన్నికల్ని ఎదుర్కొంటూ వుంటారు! అయితే, పైకి కనిపించే ఎన్నికల ఎంటర్టైన్మెంట్ వెనుక చాలా పెద్ద మ్యాథమెటిక్సే వుంటుంది. ప్రతీ తిక్కకూ ఒక లెక్క వుంటుంది!   ఎన్నికలంటేనే రాజకీయ నేతలు ఇబ్బందిగా ముఖం పెడతారు. అదీ అధికారంలో వున్నవారైతే ఎలక్షన్స్ రావాలని అస్సలు కోరుకోరు. ఎందుకంటే, అది ఏ విధంగా చూసినా రిస్కే! జనం వ్యతిరేకంగా నిర్ణయాలు తీసుకునే అవకాశాలే ఎక్కువ! అయితే, ఇప్పుడు రాష్ట్రంలో మాత్రం ముందస్తు కోలాహలం నడుస్తోంది. సీఎం చంద్రబాబు 2019 సంగ్రామం 2018లోనే వచ్చేస్తుందని సంకేతాలు ఇస్తున్నారు. ఇంకా పక్కాగా ప్రీ ఎలక్షన్స్ అంటూ ప్రకటించలేదు కాని… మీడియాకి, క్యాడర్ కి సిగ్నల్స్ అందుతూనే వున్నాయి. ఇంతకీ, ఏపీ ముఖ్యమంత్రి ఎందుకని ముందస్తుకి ముందుకు దూకుతున్నట్టు?   రాజకీయ వర్గాల అభిప్రాయం ప్రకారం చంద్రబాబుకి క్షేత్ర స్థాయిలో జరుగుతోన్న పరిణామాలపై పక్కా రిపోర్ట్ వుందని తెలుస్తోంది. ఈ మధ్య జరిగిన అనేక ఎన్నికల్లో టీడీపీ విజయ ఢంకా మోగిస్తోంది. ఓటములు కూడా వున్నాయి. అయినా కూడా ఏదో ఒక సీటు గెలిచిన ప్రతీ చోటా టీడీపీ ఓట్ల శాతం క్రమంగా పెరుగుతోంది. ముస్లిమ్, ఎస్సీ వర్గాల్లో ఈ మార్పు మరింతగా కనిపిస్తోందట. తెలంగాణ, ఆంధ్రాగా సమైక్య రాష్ట్రం విడిపోయాక 2014లో ఎన్నికలు జరిగాయి. అప్పుడు జనం అనుభవంలో సీనియర్ అయిన చంద్రబాబుకే పట్టం కట్టారు. భారీగా ఓట్ల శాతం తేడా లేకున్నా క్లియర్ మెజార్టీ వచ్చింది టీడీపీకి. జనం పెట్టుకున్న ఆశలకి తగ్గట్టుగానే చంద్రబాబు అమరావతి నిర్మాణం, తాత్కాలిక అసెంబ్లీ, సెక్రటేరియట్ ల ఏర్పాటు వంటి పనులు సమర్థం చేశారు. రైతుల్నుంచీ భూములు సంపాదించటం కూడా మరీ సమస్యాత్మకం కాకుండా సాధించగలిగారు. ఇలా కొత్త రాష్ట్రానికున్న బాలారిష్టాల్ని విజయవంతంగానే ఎదుర్కొన్నారు. ఇదే ఇప్పుడు కింది స్థాయిలో టీడీపీకి అనుకూలంగా వుందని రిపోర్ట్స్ వచ్చాయంటున్నారు. మంత్రిగా మారి మరింత క్రీయాశీలకం అయిన చినబాబు కూడా చంద్రబాబుతో టీడీపీ దూకుడును చర్చించారంటున్నారు. జనంలో మంచి మూడ్ వున్నప్పుడే ఎలక్షన్స్ కి వెళితే మరో అయిదేళ్లు అధికారం చేజిక్కించుకోవచ్చని ఆయన అన్నట్లు గుసగుసలు వినిపిస్తున్నాయి!   ముందస్తుకి వెళ్లటంలో చంద్రబాబు మరో కాలిక్యులేషన్ కూడా వుండవచ్చు. జగన్ అవినీతి కేసులు ఇంకా తెరిపిని ఇవ్వలేదు. ఏ క్షణం ఏమవుతుందోనన్న టెన్షన్ ప్రతిపక్ష నేతలో వుంది. అందుకే, ఒత్తిడి పెరిగిన ప్రతీసారి దిల్లీ ఫ్లైటెక్కి మొక్కులు చెల్లించుకుని వస్తున్నాడు. ఇలాంటి సమయంలో ముందస్తు వస్తే ఆయన ఎలక్షన్స్ పై పూర్తి స్థాయిలో కాన్సన్ ట్రేట్ చేసి గెలవటం కాస్త కష్టమైన విషయమే!   ముందస్తుతో జనాన్ని మెప్పించి, జగన్ ని తప్పించి… తిరిగి అధికారంలోకి రావటం మంచి వ్యూహమే! కాని, ఇందులో చాలా చాలా రిస్క్ వుందంటున్నారు రాజకీయాల్లో తలపండిన వారు. ఎక్కడ ఏ తేడా జరిగినా మొత్తమంతా తలక్రిందలు అవ్వొచ్చంటున్నారు. ఉదాహరణగా, 2004ను చూపుతున్నారు. అప్పట్లో వాజ్ పేయ్ ముందస్తుకు ముందకు కదిలారు. అలిపిరి దాడి నుంచి తప్పించుకున్న చంద్రబాబు కూడా కూడికలు , తీసివేతలు చేసుకుని ఎన్నికల బరిలో కాలుపెట్టారు. కాని, ఫలితం అనూహ్యంగా వచ్చింది. పదేళ్లు అధికారానికి దూరం చేసింది. ఇప్పుడూ అలాంటి పరిణామం వుండబోదని గ్యారెంటీ లేదు. అందుకే, సర్వేలు, రిపోర్టులు ఒకటికి పదిసార్లు సరి చూసుకుని పంజా విసిరితే బావుంటుంది! ఆఫ్ట్రాల్… పాలిటిక్స్ ఈజ్ మోర్ మ్యాథ్స్ ద్యాన్ సోషల్!
  ఇప్పటి యువతది అంతా ప్రాక్టికల్‌ మార్గం. టెన్షన్‌ పడటం వల్ల పని జరుగుతుందా? టెన్షన్‌ పడితే మూడ్‌ పాడవటం వల్ల ఉపయోగం ఉందా? అందుకే టెన్షన్ పడకుండా కూల్‌గా ఉండాలన్నది చాలామంది దృక్పథం. వ్యక్తిత్వ వికాస నిపుణులు, పుస్తకాలు ఇదే మాటని పదే పదే చెబుతూ ఉంటాయి. టెన్షన్‌ పడేవాడు జీవితంలో పైకి ఎదగలేడు అని నూరిపోస్తుంటాయి. కానీ టెన్షన్‌ వల్ల ఉపయోగం ఉందంటున్నారు నిపుణులు.   ఆరోగ్యం బాగుంటుంది   ఈ విషయం చెప్పుకొనేందుకు ఆడవారినే ఉదాహరణగా తీసుకుందాం. ఒక వయసు దాటిన ఆడవారు బ్రెస్ట్ కేన్సర్‌కి సంబంధించిన పరీక్షలు చేయించుకోవాలని నిపుణులు చెబుతూ ఉంటారు.  ఏ విషయానికీ పెద్దగా టెన్షన్ పడనివారు, ఈ సలహాని కూడా పట్టించుకోరు. దాంతో ఒకోసారి పరిస్థితులు చేజారిపోయే అవకాశం ఉంటుంది. ఆరోగ్యం గురించి కంగారు పడేవారు మాత్రం ఠంచనుగా సమయానికి తగిన పరీక్షలు చేయించుకుంటారు. ఇలా ఆరోగ్యసూత్రాలు ఠంచనుగా పాటించేలా ప్రోత్సహించే టెన్షన్ మంచిదేగా!   సిద్ధంగా ఉంటారు   టెన్షన పడేవారు ఎప్పుడు ఏం జరుగుతుందో అన్న ఆలోచనలో ఉంటారు. తాము భయపడినట్లు జరిగితే ఏం చేయాలి అన్న ఉపాయం కూడా వారిదగ్గర సిద్ధంగా ఉంటుంది. కాబట్టి నిజంగానే ఏదన్నా అనుకోని ఆపద జరిగినప్పుడు ఠక్కున రంగంలోకి దూకేస్తారు. తమ ఉపాయాన్ని అమలుచేస్తారు. టెన్షన్ లేకుండా నిర్లప్తంగా ఉండేవారిలో ఇంతటి సంసిద్ధత ఉండకపోవచ్చునంటున్నారు.   సంతోషం రెట్టింపు   టెన్షన్‌తో ఉండేవారిలో సానుకూల దృక్పథం తక్కువగా ఉంటుంది. తాము తలపెట్టిన కార్యం పూర్తవుతుందో లేదో, పరిస్థితులు తమకి అనుకూలంగా ఉంటాయో లేదో అన్న అనుమానంలో ఉంటారు. అలాంటి సమయంలో విజయం వరించిందనుకోండి... ఇక వారి సంతోషానికి అవధులు ఉండవు. జీవితంలో టెన్షన్ పడనివారేమో- ‘ఆ జరగక చస్తుందా! జరిగితే మాత్రం అంత సంతోషించాల్సిన పని ఏముంది,’ అన్న స్తబ్దతలో ఉండిపోతారు.   నిబంధనలు పాటిస్తారు   టెన్షన్ పడేవారు ఎందుకొచ్చిన తంటా అనుకుంటూ అన్ని నిబంధనలూ ఖచ్చితంగా పాటిస్తారు. ఇవి వారికీ, సమాజానికీ కూడా మేలు చేయవచ్చు. ఉదాహరణకు సీట్‌ బెల్టు పెట్టుకోవడం, ఇన్‌ష్యూరెన్స్ పాలసీలు తీసుకోవడం, పన్నులు కట్టడం... లాంటి పనులన్నమాట!   అన్నింటా ముందుంటారు   టెన్షన్ పడేవారిలో తాము ఎక్కడ వెనకబడిపోతామో అన్న భయం ఉంటుంది, తమకి తెలియని విషయం ఏదన్నా ఉందేమో అన్న అనుమానం ఉంటుంది. అందుకే చదువులోనూ, ఉద్యోగంలోనూ... తలపెట్టే ప్రతి పనిలోనూ పరిపూర్ణతని సాధించే ప్రయత్నం చేస్తారు. అలా అన్నింటా ముందుంటారు.   ఇదంతా చదివాక లేనిపోని టెన్షన్‌ని అలవాటు చేసుకోమని ఎవ్వరూ చెప్పడం లేదు. కాకపోతే కాస్త టెన్షన్ ఉండటం సహజమే అనీ... అది అదుపులో ఉన్నంతవరకూ మంచిదేనన్న విషయాన్ని గుర్తుంచుకోవాలి. - నిర్జర.
  సోషల్‌ మీడియా ఒక వ్యసనం. కాకపోతే అది హద్దుల్లో ఉన్నంతవరకూ చాలా ఉపయోగం అనుకుంటూ ఉంటాము. అందుకే ఎంత పనిలో ఉన్నా మధ్యమధ్యలో ఫేస్‌బుక్‌, ట్విట్టర్‌, వాట్సాప్ లాంటి అకౌంట్లను పలకరిస్తుంటాం. ఇలా పని మధ్యలో వాటిని చూడటం వల్ల మనం రిలాక్స్ అవుతామన్నది మన ఉద్దేశం. ఇందులో నిజమెంత?   ఒక సమయంలో ఒకే పని మీదే దృష్టి పెట్టినప్పుడు, మన మెదడు ఏకాగ్రతతో పనిచేస్తుంది. అలాకాకుండా ఏకకాలంలో నాలుగు రకాల పనుల మీదా దృష్టి పెట్టినప్పుడు దాదాపు 40 శాతం తక్కువ ప్రభావవంతంగా పనిచేస్తుంది. ఈ విషయాన్నే మరోసారి రుజువుచేసే ప్రయత్నం చేశారు పరిశోధకులు. ఇందుకోసం వారు ఓ నాలుగు సినిమాలని 50 సెకన్ల పాటు ముక్కలు ముక్కలుగా కత్తిరించారు. ఆ ముక్కల్ని కలగాపులగం చేసి జనాలకి చూపించారు. ఇలా చూస్తున్న సమయంలో వారి మెదడు ఎలా పనిచేస్తుందో స్కాన్ చేశారు.   పరిశోధనలో రెండో దశలో సినిమాలని మరీ 50 సెకన్ల పాటు కాకుండా కనీసం 6.5 నిమిషాల నిడివి ఉండేట్లు కత్తిరించారు. వీటిని కూడా కలగాపులగం చేసి జనాలకి చూపించారు. 50 సెకన్ల ముక్కలు చూసినప్పటికంటే 6.5 నిమిషాల వీడియోలను చూసినప్పుడు ప్రేక్షకుల మెదడు సజావుగా పనిచేస్తున్నట్లు తేలింది. మెదడులో cerebellum వంటి భాగాలు ముక్కలు ముక్కలుగా చూసిన విషయాలను ఒకే ప్రవాహంలా (sequence) అల్లుకునే ప్రయత్నం చేస్తాయి. ఆ సీక్వెన్స్‌ని మాటిమాటికీ గజిబిజి చేస్తుంటే మెదడు మీద భారం తప్పదు.   సాధారణంగా మనం నాలుగు రకాల పనులని ఒకేసారి చేసే ప్రయత్నం చేస్తూ ఉంటాము. దీని వల్ల సమయం కలిసి వచ్చినట్లు కనిపించిన్పటికీ... ఇలాంటి మల్టీ టాస్కింగ్‌ వల్ల నిజానికి పనులు మరింత ఆలస్యంగానూ, అసంపూర్ణంగానూ సాగుతాయట. ఈ సూత్రం సోషల్‌ మీడియాకు మరింత బాగా వర్తిస్తుంది. ఒకసారి ఏ ఫేస్‌బుక్కో ఓపెన్‌ చేశామనుకోండి.. అందులో ఒకరు ఏదో వార్తని పోస్ట్‌ చేస్తారు, ఇంకొకరు ఆట ఆడమని పిలుస్తారు, మరొకరు ఏదో పాటని అప్‌లోడ్‌ చేస్తారు... ఇలా రకరకాల పోస్టులు చూసుకుంటే వెళ్లేకొద్దీ మెదడు గజిబిజిగా మారిపోతుంది. పైగా మనం చేసే పని ఆపి మరి ఈ పోస్టులు చూడటం మొదలుపెడితే... అసలు పని మీద ఏకాగ్రత చెదిరిపోతుంది.   - నిర్జర.
  అది ఒక పెద్ద షాపింగ్‌ మాల్‌. ఆ మాల్‌ బయట ఓ కారు పార్క్‌ చేసి ఉంది. ఎవరో ఆ కారు పక్క నుంచి వెళ్తూ అందులోని పిల్లవాడిని గమనించారు. ఆ పిల్లవాడు ఊపిరి అందక ఉక్కిరిబిక్కిరైపోతున్నాడు. వెంటనే నలుగురూ ఆ కారు చుట్టూ చేరి, దాని అద్దాలు పగలకొట్టి పిల్లవాడిని బయటకు తీశారు. కాసేపటికి అక్కడికి చేరుకున్న పిల్లవాడి తల్లిని నానాతిట్లూ తిట్టారు. పిల్లవాడిని ఇలా వదిలేసి వెళ్లడానికి నీకు మనసెలా వచ్చిందంటూ కొట్టినంత పని చేశారు. కానీ ఈ పొరపాటు ఎవరైనా చేయవచ్చు అంటున్నారు సైకాలజిస్టులు. కారణం...   తల్లిదండ్రులు పిల్లలను మర్చిపోయే సందర్భాన్ని Forgotten Baby Syndrome (FBS) అంటారు. పిల్లవాడిని ఏ పార్కులోనన్నా మర్చిపోతే తిరిగి తెచ్చుకోవచ్చు. కానీ పైన చెప్పుకొన్నట్లు కారులో మర్చిపోతే మాత్రం అది ఆ పసి ప్రాణానికే ప్రమాదం. తలుపులు వేసి ఉన్న కారులో ఉష్ణోగ్రతలు ఎప్పటికప్పుడు పెరిగిపోతూ ఉంటాయి. ఒక్క 20 నిమిషాలలోనే కారులో భరించలేనంత ఉక్కపోత మొదలైపోతుంది.   కారులోని వేడి 42 డిగ్రీలు దాటిన దగ్గర్నుంచీ పిల్లవాడి శరీరం అల్లాడిపోతుంది. పెద్దవారితో పోలిస్తే పిల్లల శరీరం అంత సమర్థంగా వేడిని తట్టుకోలేదు. 3 నుంచి 5 రెట్లు త్వరగా వాళ్లలో వేడి పెరుగుతుంటుంది. ఇంతాచేసి ఆ పిల్లవాడు కారు అద్దాలు బద్దలుకొట్టలేడు. అతను ఎంత ఏడ్చినా చుట్టుపక్కల జనాలకి వినపడదు. ఫలితం... మృత్యువు! ఒక్క అమెరికాలోనే ఇలా FBS వల్ల దాదాపు 40 మంది పిల్లలు చనిపోతున్నారంటే ఇదెంత ప్రమాదమో అర్థం చేసుకోవచ్చు. ఆ దేశంలో 1998 నుంచి ఇప్పటివరకు దాదాపు 700 మంది పిల్లలు FBS కారణంగా చనిపోయారట.   ఎవరన్నా పిల్లవాడు కారులో చనిపోయాడంటే గుండె తరుక్కుపోతుంది. ఆ తల్లిదండ్రులది ఎంత నిర్లక్ష్యమో అనిపిస్తుంది. కానీ మన మెదడు పనితీరులోని ఓ చిన్న లోపమే ఇందుకు కారణం అంటున్నారు. మన రోజువారీ పనులన్నింటినీ మెదడులోని motor cortex అనే భాగం నియంత్రిస్తుంది. రోజూ లేవడం, స్నానం చేయడం, బట్టలు వేసుకోవడం, ఆఫీసుకి చేరుకోవడం.... ఇలాంటి రోజువారీ పనులన్నీ యాంత్రికంగా జరిగిపోయేందుకు motor cortex సాయపడుతుంది.   అదే ఎప్పటికప్పుడు ప్రత్యేకించి చేయవలసిన పనులను మాత్రం hippocampus అనే భాగం నియంత్రిస్తుంది. రోజూ ఆఫీసు నుంచి ఇంటికి తిన్నగా వచ్చేసే మనం దారిలో ఆగి ఏమన్నా తీసుకోవాలంటే hippocampus చొరవ తీసుకోవాల్సిందే. మనం ఒకోసారి చేయాలనుకున్న పని మర్చిపోయి తిన్నగా ఇంటికి చేరుకోవడానికి hippocampusను motor cortex అతిక్రమించేయడమే కారణం. ఇది చాలా సహజమైన లక్షణం. ఈ పొరపాటు ఎవరైనా ఎప్పుడైనా చేయవచ్చు. కారు వెనక సీట్లో పిల్లవాడు ఉన్నా మతిమరపు సంభవిచవచ్చు! మనసు బాగోలేనప్పుడు, పని ఒత్తిడిలో ఉన్నప్పుడు, నిద్ర సరిగాలేనప్పుడు... ఈ FBSకి లోనయ్యే ప్రమాదం ఎక్కువ.   FBS కారణంగా ఎప్పటికప్పుడు పసిపిల్లలు మృత్యువాత పడటంతో కొన్ని దేశాలు Unattended Child పేరిట చట్టాలను రూపొందించాయి. కానీ అనుకోకుండా జరిగే పొరపాటుని ఏ చట్టం మాత్రం ఆపగలదు? కాబట్టి తల్లిదండ్రులే మరికాస్త అప్రమత్తంగా ఉండాలి. పిల్లవాడి పక్కన పర్సు లేదా సెల్‌ఫోన్‌ వంటి అత్యవసరమైన వస్తువుని ఉంచేస్తే... కారు నుంచి బయటకు వచ్చిన కొద్ది నిమిషాల కోసమే వాటిని వెతుక్కుంటూ వెనక్కి వెళ్లాల్సి వస్తుందని సలహా ఇస్తున్నారు!!! - నిర్జర