పసిపిల్లలకు మసాజ్ చేసే పధ్ధతి Instructions For Baby Massage పసి పిల్లలకు స్నానానికి ముందు మసాజ్ చేయడమన్నది చాలా అవసరం. వారి శరీర సౌష్ఠవానికి తల్లిపాలతో బాటు, రోజుకి ఒకసారైనా మసాజ్ చేయడం తప్పనిసరి. దానివల్ల శరీరంలోని కండరాలు గట్టిపడి పిల్లలు బలంగా ఉండటానికి ఉపకరించడంతో బాటు వారి రిలాక్స్ గా ఫీల్ అయి రోజంతా ఆక్టివ్ గా ఉంటారు. మసాజ్ చేయడం వల్ల పిల్లల్లో రక్త ప్రసరణ మెరుగుపడి, జీర్ణశక్తి పెరుగుతుంది. పిల్లల ఎముకల్లో, కండరాలలో పటుత్వం వస్తుంది. పిల్లల్లో అలసట పోయి రిలాక్స్ అవుతారు, ఫలితంగా ఎక్కువ సేపు నిద్రపోతారు. అలాగని సరైన అవగాహన లేకుండా పిల్లలకు మసాజ్ చేయడానికి సిద్ధపడకూడదు. చాలా జాగ్రత్తలు తీసుకోవాలి. వారికి మసాజ్ చేసే ఆయిల్ దగ్గర్నించి, వారి శరీర భాగాలను ఎలా మసాజ్ చేయాలి...? మసాజ్ చేసేటప్పుడు తీసుకోవాల్సిన జాగ్రత్తలేంటో ముందుగా తెలుసుకోవాలి.    పిల్లలకు మసాజ్ చేసే పధ్ధతి: మసాజ్ చేయడానికి ముందుగా గది వాతావరం వెచ్చగా ఉండేలా చూసుకోవాలి. వాళ్ళను టేబుల్ పై నైనా లేదా మీ కాళ్ళ పైనా పడుకోబెట్టుకోవాలి. వారితో మాట్లాడటం కానీ, పాట పాడటం కానీ చేస్తూ వాళ్ళు కంఫర్ట్ గా ఉన్నారు అని కన్ఫం చేసుకున్న తరవాత మసాజ్ ఆయిల్ ని నుదురు మీదుగా, చెంపల మీదుగా, ముక్కు , కనుబొమ్మల మీదుగా, చెవులపై మృదువుగా మసాజ్ చేయాలి. మెల్లిగా ఛాతీ పై మసాజ్ చేస్తూ, చేతులపై , ఆ తరవాత మృదువుగా చేతివేళ్ళను మసాజ్ చేయాలి. ఆ తరవాత అరికాల్లను, వేళ్ళను మృదువుగా మసాజ్ చేయాలి. ఆ తరవాత వారిని బోర్లా పడుకోబెట్టి మృదువుగా వీపుపై మసాజ్ చేయాలి. మీ పూర్తి ధ్యాస మసాజ్ పైనే కాకుండా పిల్లలతో మాట్లాడుతూ ఉండాలి. మసాజ్ పూర్తయ్యేంత వరకు పిల్లలతో ఐ కాంటాక్ట్ ఉండాలి.  ముఖ్య గమనిక : మసాజ్ చేసేటప్పుడు పిల్లల ముక్కుల్లో, చెవుల్లో నూనె పోయడం లాంటివి చేయకూడదు.  

  హ్యాప్పీ స్కూల్ డేస్   ఎప్పటి నుండో ఎదురు చూసిన వేసవి సెలవులు... చుట్టాలింటికి వెళ్ళవచ్చు, వాళ్ళు ఇక్కడికి రావచ్చు, హోమ్ వర్క్ గొడవ ఉండదు, పొద్దున్నే లేవాల్సిన అవసరం అంతకన్నా ఉండదు, ప్రోగ్రెస్ రిపోర్ట్స్ ఉండవు. ఎంచక్కా ఏ టెన్షన్స్ లేకుండా ఫ్రెండ్స్ తో ఆడుకోవచ్చు.. ఇవన్నీ ఒక నెల మాత్రమే.. ఈ సంతోషాలన్నింటికీ అడ్డు కట్టలు వేస్తున్నట్టు జూన్ రానే వస్తుంది. ఇంకేముంటుంది చెప్పండి. పిల్లల్లో ఇన్నాళ్ళుగా ఉన్న ఆనందం కాస్త నీరుకారిపోతుంది. ఇన్నాళ్ళు జాలీగా ఉన్న ఆ పసిహృదయాలు మళ్ళీ ఆ రొటీన్ స్కూల్ టైం టేబుల్ కి, కొత్త పుస్తకాలకి తిరిగి అలవాటు పడాలంటే కష్టమే మరీ.   ఇలాంటప్పుడు చొరవ తీసుకుని పిల్లలు ఇబ్బంది పడకుండా ఆటపాటల నుండి వాళ్ళ మనసు మళ్ళించి వాళ్ళు స్కూల్ కి సంతోషంగా వెళ్ళేలా మోటివేట్ చేయాల్సిన బాధ్యత తల్లిదండ్రులదే. ఇది మరీ అంత తేలికైన విషయం కాకపోయినా మొదటినెల వారిపై కాస్త ఎక్కువ కాన్సంట్రేషన్ చేస్తే పిల్లలకు స్కూల్ అలవాటు అవుతుంది... మీకు టెన్షన్ తప్పుతుంది.   కనీసం వారం రోజులు ముందుగా... స్కూల్ రేపటి నుండి తెరుస్తున్నారనగా వారికి స్టిట్టు గా వార్నింగ్ స్ ఇస్తూ, రేపటి నుండి ఇలా ఉంటే కుదరదనో, హోం వర్కు, ర్యాంకులు గుర్తు చేసి వారి సంతోషాన్ని హరించవద్దు. చాలా ప్లాన్డ్ గా ఉండండి. వారం రోజుల ముందుగానే.... 'ఇంకా వారం రోజులైతే స్కూల్ స్టార్ట్ అయిపోతుంది. కొత్త బుక్స్, కొత్త క్లాస్, కొత్త యూనిఫాం...' ఇలాంటి విషయాలను గుర్తు చేసి వాళ్ళను ఎగ్జైట్ చేయండి. లాస్ట్ ఇయర్ లో వాళ్ళు ఎక్కువగా మార్కులు తెచ్చుకున్న సందర్భాల్ని, క్లాస్ లో టీచర్ మెచ్చుకున్న సందర్భాల్ని గుర్తు చేసి వారిని అభినందించండి.. వారం రోజులు ముందునుండే వారిని ఉదయాన్నే కాస్త త్వరగా లేచే అలవాటు చేయండి.   మొదటి వారంలో ... స్కూల్ మొదలవగానే హడావిడిగా మీరు నిద్రలేచి, వారిని నిద్రలేపి, గబగబా బ్రేక్ ఫాస్ట్ ప్రిపేర్ చేసి, వారిని గాబరా పెడుతూనే తినిపించి, ఒకవైపు బస్సు వచ్చేస్తుందన్న టెన్షన్, మరోవైపు బాక్స్ పెట్టాలన్న టెన్షన్.. ఇలా మీరు ఫీల్ అయ్యే ఒత్తిడి పిల్లలపై ఎక్కువ ప్రభావాన్ని చూపెడుతుంది. గుర్తుపెట్టుకోండి ఈ టైం లో పిల్లలకు కావాల్సింది మీ సపోర్ట్, అందుకే వీలైనంత ఎక్కువ సమయాన్ని వారితో గడపగలిగేలా ప్లానింగ్ ఉండాలి, అందుకు మీరు అనుకున్న సమయానికంటే కాస్త తొందరగా నిద్రలేస్తే సరిపోతుంది. పిల్లలు బయటపడకపోయినా మనసులో స్కూల్ తాలూకు భయం, చిరాకు ఉంటాయి. దానిని కనిపెట్టాల్సింది మీరే. బ్రష్ చేస్తున్నప్పుడు, స్నానం చేయిస్తున్నప్పుడు వారి క్లాస్ మేట్స్ గురించి మాట్లాడాలి, తొందరగా రెడీ అయి వెళ్తే, ఎంచక్కా ఫ్రెండ్స్ అందరినీ కలవచ్చని మోటివేట్ చేయాలి.   ఆహారం విషయంలో... పిల్లలు నిద్రలేవక ముందే వారి బ్రేక్ ఫాస్ట్, లంచ్ బాక్స్ ప్రిపేర్ చేసి పెట్టుకుంటే మంచిది. వాళ్ళు నిద్ర లేచాక హడావిడి పడకుండా ముందే ప్రిపేర్ చేసుకోవడం వల్ల పిల్లలు నిద్రలేవగానే ఎంచక్కా వాళ్ళతో కబుర్లాడుతూనే వాళ్ళను స్కూల్ కి రెడీ చేయొచ్చు, వాళ్ళు టెన్షన్ మరిచిపోయి రిలాక్స్డ్ గా కూడా ఉంటారు. బ్రేక్ ఫాస్ట్ విషయంలోనూ, లంచ్ బాక్స్ ప్రిపేర్ చేసుకునే విషయంలోనూ వారికి పూర్తి ఫ్రీడంని ఇవ్వాలి. బ్రేక్ ఫాస్ట్ లో వారికి నచ్చిన ఐటమ్స్ ఉంటే మారాం చేయకుండా తొందరగా తినేస్తారు. దీనివల్ల మీక్కూడా టైం సేవ్ అవుతుంది. లంచ్ బాక్స్ మరీ చిన్న బాక్స్ లను ఎంచుకునే కంటే కాస్త పెద్దగా ఉండి, స్పూన్ తో తినేలా ఉంటే వాళ్ళు తినడానికి అనువుగా ఉంటుంది.   యూనిఫారం వేసుకునే విషయంలో … మరీ ఎలిమెంటరీ స్కూల్ పిల్లలైతే ఇది చాలా కష్టమైన ఘట్టం, అందునా మొదటిరోజు. పిల్లలు ఓ పట్టాన కోఆపరేట్ చేయరు. మీరు ఒకవైపు డ్రెస్ వేస్తుంటే వాళ్ళు ఇంకో వైపు పరుగెడుతుంటారు. అలాంటప్పుడు విసుక్కోవడం, కసురుకోవడం లాంటివి కాకుండా వారి దృష్టిని ప్రేమగా మీవైపుకు తిప్పుకోవాలి. వారిని మాటల్లో పెట్టి వారిచ్చే సమాధానాలకు రియాక్ట్ అవుతూ టై, బెల్ట్, షూ వేసి నీట్ గా రెడీ చేయాలి. రెడీ అయ్యాక అద్దం ముందు నిలబెట్టి వాళ్ళు నీట్ గా ఉంటే ఎంత బావుంటారో వారికి అర్థమయ్యేలా చెప్పాలి. ఇలా చెప్పడం వల పిల్లల్లో చిన్నతనం నుండే పరిశుభ్రత పట్ల ఆసక్తి పెరుగుతుంది. పుస్తకాలు సర్దిపెట్టడం … కొందరు పిల్లలకు హై స్కూల్ స్థాయికి వచ్చాక కూడా స్కూల్ బ్యాగ్ సర్దుకోవడం చేతకాదు. ఎన్నిసార్లు సర్దినా సాయంత్రం స్కూల్ నుండి తిరిగి వచ్చేసరికి మళ్ళీ పుస్తకాల పరిస్థితి గజిబిజీగానే ఉంటుంది. అలాంటప్పుడు కసురుకోకుండా, అలాగని మీరే సర్దిపెట్టడం లాంటివి చేయకుండా ప్రేమగా దగ్గర కూచోబెట్టుకుని మీరు అడ్వైజ్ చేస్తూ, లాంగ్ నోట్ బుక్స్ ని ఎలా సర్దాలి, ప్రయారిటీ వైజ్ గా , కావాలనుకున్నప్పుడు వెదుక్కోకుండా ఎలా సర్డుకోవాలో వారికి అర్థమయ్యేలా చెప్పాలి. దీనివల్ల వారి పుస్తకాలను ఎలా సర్డుకోవాలో అర్థమవుతుంది. మీకూ ఒక పనిభారం తగ్గుతుంది. బస్సు వచ్చేసమయానికి టెన్షన్ లేకుండా పిల్లలను స్కూల్ కి సిద్ధం చేయవచ్చు.   బస్సులో ఉన్నప్పుడు నియమాలు : వీటిని మాత్రం పిల్లలకు రోజుకి ఒకసారైనా గుర్తు చేయాలి. సాధారణంగా స్కూల్ బస్సుల్లో పిల్లలు గొడవపడుతుంటారు. ఒక్కోసారి బస్సు కిటికీల్లోంచి చేతులు బయటికి పెట్టి ఆటలాడుతుంటారు. అలా చేయడం వల్ల జరిగే ప్రమాదాల్ని చెప్పి చిన్నగా హెచ్చరించాలి.   శుభ్రతా నియమాలు : పిల్లల్లో పరిశుభ్రత గురించి అవగాహన చాలా అవసరం. బయట దొరికే వస్తువులను తినేస్తుంటారు, అలా కాకుండా స్కూల్ లో ఆకలేసినప్పుడు తినడానికి బిస్కెట్ ప్యాకెట్ ల లాంటివి పెట్టాలి, ఇంటి దగ్గరనుండి తీసుకెళ్ళిన తిండి పదార్థాలు మాత్రమే తినేలా వారిని ప్రోత్సహించాలి. కర్చీఫ్ వాడటం అలవాటు చేయాలి. టాయిలెట్ కి వెళ్ళిన తరవాత ఎలా ఫ్రెష్ అప్ అవ్వాలో వారికి అవగాహన కలిగించాలి.   టీచర్స్ , క్లాస్ మేట్స్ తో రిలేషన్ .. పిల్లలు మానసికంగా ఎదగడానికి దోహదపడే అంశాల్లో ఇది చాలా ముఖ్యమైనది. పొద్దున్నే స్కూల్ కి పంపించాం, సమయానికి ఫీజులు కట్టాం లాంటివే కాకుండా పిల్లలు స్కూల్ లో తమ క్లాస్ మేట్స్ తో ఎలా మెలుగుతున్నారో కనుక్కుంటూ ఉండాలి,                                            ఎవరితోనైనా శత్రుభావం పెంచుకుంటున్నారా..?, టీచర్స్ తో ఎలా మెలుగుతున్నారు , అన్న విషయాలను ఎప్పటికప్పుడు గమనిస్తూ ఉండాలి. బర్త్ డే పార్టీలు సెలెబ్రేట్ చేసి తన ఫ్రెండ్స్ ని ఇన్వైట్ చేయడం లాంటివి చేస్తే పిల్లల్లో తోటివాళ్ళతో కలివిడిగా ఉండే అలవాటు అవుతుంది. స్కూల్ నుండి తిరిగి వచ్చాక పడుకునేంత వరకు.. స్కూల్ నుండి తిరిగి రాగానే పిల్లలను గమనించాలి, ఇదివరకటి లాగే ఉత్సాహంగా ఉంటున్నారా..? లేక స్కూల్ పట్ల భయం లాంటివి పెట్టుకుని ఒత్తిడికి గురవుతున్నారా..? కొందరు పిల్లల్ని అడిగినా చెప్పకపోవచ్చు. మనమే కనిపెట్టాలి. హోం వర్క్ చేసేటప్పుడు వారి దగ్గరగా కూచుని వారికి వచ్చే డౌట్స్ తీరిస్తూ, హోం వర్క్ ఎక్కువగా ఉంటే స్ట్రెస్ ఫీల్ అవ్వకుండా వారితో కబుర్లాడుతూ , మధ్యలో బ్రేక్ తీసుకునేటట్లు చేస్తూ, మొత్తానికి చదువు విషయంలో వాళ్ళు ఒంటరిగా ఫీల్ అవ్వకుండా, యు ఆర్ ద బెస్ట్ అని ప్రోత్సహించాలి. పిల్లల్ని మంచి పౌరులుగా తీర్చిదిద్ది, వారిని ఉన్నత శిఖరాలకు చేర్చగలిగే విద్య, బాల్యం పట్ల శాపం కాకూడదు. స్కూల్, క్లాస్ మేట్స్ , టీచర్స్, హోమ్ వర్క్ పిల్లల రొటీన్ జీవితంలో కీలక అంశాలు, పిల్లలకు వీటితో సత్సంబంధాలు ఉండేలా జాగ్రత్తపడాలి. అవే వారి బంగారు భవిష్యత్తుకు నాంది.            

  పిల్లల్లో కమ్యూ నికేషన్ స్కిల్స్ Communication skills in Kids                 మనషిలో వ్యక్తిత్వ వికాసానికైనా, సమాజంలో తనకంటూ ఒక గుర్తింపు సాధించాలనుకున్నా ముఖ్యంగా కావాల్సింది కమూనికేషన్ స్కిల్స్ , ఏం మాట్లాడాం అనే దానికన్నా , ఎలా మాట్లాడాం అన్న దానికే ప్రాధాన్యత ఉంటుంది. అందుకే ఈ రోజుల్లో చాలా మంది కమ్యూనికేషన్ స్కిల్స్ ను ఇంప్రూవ్ చేసుకోవడానికి ప్రయత్నిస్తున్నారు. కాని ఈ ప్రయత్నం పిల్లల్లో మాటలు నేర్చుకునే స్టేజ్ నుండే ఉంటే ఇంకా బావుంటుంది. మామూలుగా పిల్లల్లో ఎదుటి వారిని గమనించే లక్షణాలు చాలా ఉంటాయి. కాబట్టి పుట్టిన నాటి నుండి ఆరేళ్ళ వయసు వరకు తల్లిదండ్రులు ప్రత్యేక శ్రద్ధ చూపాల్సి ఉంటుంది. పిల్లలకు ప్రత్యేకంగా ఎవరూ భాష నేర్పించరు. ప్రతి రోజు ఏదో సందర్భంలో , ఎవరో ఒకరు మాట్లాడుతుండటాన్ని గమనిస్తూ నేర్చుకుంటూ ఉంటారు. ఈ టైం లో తల్లి దండ్రులు కొంచెం ప్లాన్డ్ గా ఉండి కమ్యూనికేషన్ పై దృష్టి పెట్టినట్టైతే స్కూల్ అడ్మిషన్స్ దగ్గరి నుండి, భవిష్యత్తులో వేసే ప్రతి అడుగులోనూ ఎఫెక్టివ్ కమ్యూనికేషన్ అలవడుతుంది. పిల్లల్లో ఈ కమ్యూనికేషన్ డెవలప్ అవ్వడానికి పెద్దగా కష్టపడాల్సిన అవసరమేమీ లేదు . మొదటి సంవత్సరం : మొదటి సంవత్సరం పిల్లలు మాట్లాడగలిగే స్థాయి కాదు , బిడ్డ పుట్టిన నాటి నుండి సంవత్సరం లోపు మనం వివిధ దశల్లో పిల్లలను అనేక రకాలుగా ఎంకరేజ్ చేయవచ్చు. మీరు పిల్లలతో ఎప్పుడు మాట్లాడినా వాళ్ళు మీ మొహాన్ని చూస్తుండేలా జాగ్రత్తపడాలి. మీరు మీ మొహం లో చూపించే హావభావాల ద్వారానే మీరేం చెప్తున్నారో వారికి అర్థమవుతుంది. పిల్లలు ఇష్టపడి ఆడుకునే బొమ్మలు అస్తమానం వారికి అందుబాటులో ఉండేలా కాక వారికి కనిపించేలా ఉండి, వాళ్ళు ఎప్పుడు ఆ బొమ్మతో ఆడుకోవాలనుకున్నా మిమ్మల్ని అడిగేలా చేయాలి. దీని ద్వారా మాటలు రాకపోయినా తనక్కావాల్సింది ఎక్స్ ప్రెస్ చేసి తీసుకునే గుణం పిల్లల్లో అలవడుతుంది. వారికి తినిపించే ఆహారపదార్థాలను గాని, ఆడుకునే వస్తువులను కాని, ఒకటికి రెండు సార్లు వారి ఎదురుగా నిదానంగా పలకండి, తద్వారా తనకు సంబంధించిన విషయాలపై అవగాహన కలుగుతుంది. సాయంత్రం పూట వారిని ఆడించడంలో భాగంగా రైమ్స్ పాడటం, పాటలు పాడటం లాంటివి చేయండి, 12 వ నుండి 24 వ నెల వరకు పిల్లల్లో ఈ దశ చాలా కీలకమైనది. మన ఇంటి పరిసరాలు, ఆచార వ్యవహారాలూ , ఇంట్లోని మనుషుల మధ్య మధ్య ఉండే బాంధవ్యాలు అన్నింటికీ అలవాటు పడుతుంటారు. సంవత్సరం లోపు పిల్లలది కేవలం పరిసరాలను అర్థం చేసుకునే దశైతే , ఈ దశ తమకేం కావాలో మారాం చేసి మరీ తీసుకునే దశ. ఈ దశలోని పిల్లల్లో అబ్జర్వ్ చేసే గుణం చాలా ఎక్కువ. వారికంటూ పరిక్యులర్ మ్యూజిక్ వినదం దగ్గర్నించి, కార్టూన్లు, వారికి ఇష్టమైన ఫుడ్ లాంటి వాటికి అలవాటు పడుతుంటారు. ఈ దశలో వారిలో కమ్యూనికేషన్ పెరగడానికి తీసుకోవాల్సిన కనీస జాగ్రత్తలు : 1. పిల్లలతో ఎంత వీలయితే అంత టైం స్పెండ్ చేయడానికి ట్రై చేయండి. 2 వారితో పాటు మీరు కూడా ఆడండి, తద్వారా పిల్లలు మీకు మరింత దగ్గరయ్యే అవకాశం ఉంది. 3. వారిని మీతో పాటు కూర్చోబెట్టుకుని నీతి కథలను చదివి వినిపించండి.              4. రోజుకు ఒకసారైనా వారిని బయటికి తీసుకు వెళ్ళి చుట్టూ పరిసరాల గురించి వారికి                                 అర్థమయ్యేలా  చెప్పడానికి ప్రయత్నించండి. 5. వారు సమాధానం ఇవ్వలేని ప్రశ్నలు వేసి ఇబ్బంది పెట్టకండి. వాళ్ళు మాట్లాడుతున్న చిన్న చిన్న మాటలకే నవ్వుతూ, వారిని ఎంకరేజ్ చేయండి. 6. వారికేం కావాలో వాళ్ళే డిసైడ్ చేసేలా ప్లాన్ చేయండి. ఉదాహరణకి ' నువ్వు పాలు తాగుతావా? లేకపోతె జ్యూస్ తాగుతావా? ' లాంటివి . అలాంటి చిన్న చిన్న పదాలను పలకడం కూడా వారికి కష్టమేం కాదు. దానితో పాటు వారిలో స్వంతంత్రంగా ఆలోచించే ధోరణి అలవడుతుంది. 7. పిల్లల్లో మాట్లాడే స్థాయి పెరిగే కొద్ది ఒక్కో ప్లేస్ గురించి కాని , వస్తువు గురించి ఎక్స్ ప్లేన్ చేయడం మొదలుపెట్టండి. వాటి గురించి తెలిసినవి చెప్పమని ప్రోత్సహించండి. 8. మీరు ఏ పని చేస్తున్నా, దాని గురించి పిల్లకు తెలియజేయండి. ఉదాహరణకు ' నేను చేతులు కడుగుతున్నాను, ' అన్నం తింటున్నాం' లాంటి వాక్యాలు పలుకుతూ, పిల్లల చేత కూడా పలికించడానికి ప్రయత్నించాలి. వాళ్ళు పలికినప్పుడల్లా మీరు హ్యాప్పీ గా ఫీల్ అవుతున్నారని వారికి అర్థమవ్వాలి. 9. ఏదైనా కొత్త ప్రదేశానికి వెళ్ళినప్పుడు అక్కడ వారికి ఏం నచ్చిందో అడిగి తెలుసుకోండి . 24 నెలల నుండి 36 నెలల వరకు     ఈ స్టేజి లో పిల్లలకు రకరకాల ఆటల్ని నేర్పించవచ్చు. 1. లోటో గేమ్స్, లేదా ఇతర మ్యాచింగ్ గేమ్స్. ఆడించడం. 2. మీరు ఇంట్లో చేసే చిన్న చిన్న పనుల్లో వాళ్ళు కూడా ఇన్వాల్వ్ అయ్యేలా చేయడం. 3. పిల్లలతో పాటు కూర్చుని కార్టూన్స్ బుక్స్ ని చదవడం. మీకు ఏది నచ్చిందో ఎందుకు నచ్చిందో వారికి అర్థమయ్యేలా చెప్పడం. 4. వీటన్నింటితో పాటు ముఖ్యంగా గమనించాల్సిన విషయం ఏంటంటే .. , మీరు పిల్లలతో ఏది చేయించాలనుకున్నా , వాళ్ళు ఇష్టపడి చేసేలా జాగ్రత్త పడాలి. బలవంతంగా చేయించడానికి ప్రయత్నించకూడదు. వాళ్ళు మీకు చెప్పుకునే ఏ చిన్న విషయాన్ని కొట్టి పారేయకూడదు , వాళ్ళు చెప్పదలుచుకున్నది ముందుగానే మీకు అర్థమైనా , దానిని మధ్యలోనే ఆపకుండా ఓపికగా విని వారికి అర్థమయ్యే రీతిలో సమాధానం చెప్పాలి.           మనిషి జీవితంలో బాల్యం మధురాతి మధురమైనదే అయినా , పరిపూర్ణ వ్యక్తిత్వానికి           కూడా పునాది బాల్యమే. కాబట్టి బాల్యం నుండే కొద్దిగా ప్లాన్డ్ గా ఉంటే వారికి మంచి భవిష్యత్తును           ఇవ్వగలుగుతాం .        

  చిన్న పిల్లలకు ఏర్పడే ప్రమాదాలు Dangers that kids are usually prone to చిన్నపిల్లలు ఉన్న ఇంట్లో పెద్దలు, పిల్లలను ఓ కంటకనిపెడుతూ ఎంతో జాగ్రత్తగా చూసుకోవాలి. ఎందుకంటే చిన్నారులకు అపాయాన్ని గురించి ఆలోచించే వయస్సుండదు. అనుకోకుండా కొన్ని ప్రమాదాలు ఏర్పడితే, మరికొన్నింటిని ప్రమాదమేమో అని తెలియకుండా కొని తెచ్చుకునేవి కొన్ని. పిల్లలకు ప్రమాదం కలిగితే పెద్దలు అతిగాభరా పడుతూ పిల్లల్లో భయాన్ని కలిగించకుండా, వెంటనే ప్రథమచికిత్స పద్ధతులను పాటించాలి. ఆ తర్వాత పిల్లల వైద్యునికి చూపించి, అవసమయితే చికిత్సచేయించాలి. మందులు వాడాలి. అందువల్ల, ఏ ప్రమాదానికి ఏవిధమైన ప్రథమ చికిత్స జరపవలసినదీ పెద్దలకు సరైన అవగాహన ఉండాలి జారిపడితే : పిల్లలు నేలమీద, మెట్లమీద నుంచి ఎత్తుగా ఉండే అరుగుల మీద నుండి జారిపడి దెబ్బలు తగుల్చుకోవచ్చు. దెబ్బ తగిలిన నొప్పికంటే, భయంతో పిల్లలు ఏడ్చేస్తారు. పిల్లల ఏడుపునకు కంగారు పడకూడదు. పిల్లలను భయపడవద్దని బుజ్జగిస్తూ, ఏం జరిగిందో, ఎక్కడ ఏవిధంగా పడిందీ, దెబ్బ ఎక్కడ తగిలిందీ తెలుసుకోవాలి. చర్మం చీరుకుపోయి రక్తం వస్తుంటే డెట్టాల్‌ నీటితో చర్మాన్ని శుభ్రంగా కడిగి, టించర్‌ను దూదితో అద్దాలి. రక్తం ఆగకుండా వస్తుంటే, తడిబట్టతో కొంతసేపు నొక్కి ఉంచాలి. ఆ తర్వాత వైద్యుని వద్దకు తీసుకువెళ్ళి వైద్య సలహా ప్రకారంగా కట్టుకట్టించడమో, మందులు ఇవ్వడమో చేయాలి. కాలినప్పుడు : చిన్నారులను వేడి వస్తువుల దగ్గరకు రానీయకుండా, వంటింట్లో పరుగులు తీయకుండా చూసుకుంటుండాలి. వేడి నీళ్ళతో ఆడాలని చేయి పెట్టినా చేతులు కాలి, లేత చర్మానికి బొబ్బలొస్తాయి.. వెంటనే పిల్లల చేతులు మీద ధారగా చన్నీళ్ళను పోయాలి. ఆ తర్వాత చల్లని నీళ్ళతో తడిపిన బట్టను చర్మం మీద ఉంచి, వెంటనే డాక్టర్‌ వద్దకు తీసుకెళ్ళాలి. చిన్నపిల్లలకు అందనంత ఎత్తులో వేడి కుక్కర్‌ను, వేడి పాత్రలను, బాణలిలాంటి వాటిని ఉంచాలి. డైనింగ్‌ టేబుల్‌ మీద, టేబుల్‌ క్లాత్‌కు క్రిందకు వేలాడుతున్నట్లుగా వేయకూడదు. చిన్నపిల్లలున్న ఇంట్లో, ఆ టేబుల్‌ క్లాత్‌ను పిల్లలు లాగి, టేబుల్‌ మీద ఉం చిన పాత్రలను, వేడి పదార్థాలను మీద వేసుకునే ప్రమాదం ఉంటుంది. వారి చర్మం కాలే ప్రమాదముంటుంది. పిల్లలకు చర్మంకాలినప్పుడు చర్మం మీద చల్లటి నీటిని ధారగాపోయడమే సరైన పద్ధతి. తేనె పూయడం లాంటివి చేయకూడదు. డాక్టర్‌కు చూపించాలి. వెంటనే, బొబ్బలను చిదపకూడదు. చర్మాన్ని రబ్‌చేయకూడదు. సుకుంటే : పెద్దల నిర్లక్ష్యం, అశ్రద్ధ, మతిమరుపు వల్ల కూడా చిన్నారులకు పదునైన వస్తువులు కోసుకునే ప్రమాదం వుంది. కూరలు తరిగే కత్తిపీట, చాకు, కత్తెర, బ్లేడు లాంటి పరికరాలను వాడిన తర్వాత, వాటిని పిల్లలకు అందుబాటులో లేకుండా జాగ్రత్తగా ఉంచాలి పిల్లలు ఆడే ఆట వస్తువుల వల్ల కూడా వారికి చర్మం కోసుకుని లోతుగా దిగే ప్రమాదం ఏర్పడ వచ్చు. పదునుగా వుండే ఆట వస్తు వులు, రేకు లున్న ఇనుప బొమ్మలు, మేకులు, స్క్రూలు లాంటివి ఉన్న బొమ్మలు పిల్లలకు ఆటవస్తువులుగా కొనకూడదు. ఇవ్వకూడదు. గాజు సీసాలు, గాజుపాత్రలు పిల్లలకు అందనంత ఎత్తులో ఉంచాలి. పొరపాటుగా పిల్లలు కోసుకుని నెత్తురు కారుతుంటే, చల్లటి నీటితో తడిపిన బట్టను చుట్టాలి. లేదా ఐస్‌ ముక్కలను బట్టలో ఉంచి రక్తం కారుతున్న ప్రదేశంలో ఒత్తిపెట్టి ఉంచితే రక్తం కారటం ఆగిపోతుంది. లోతుగా కోసుకుంటే! ఆ భాగాన్ని ఎత్తుగా వుంచి, చల్లటినీటితో తడిసిన బట్టను ఉంచాలి. రక్తస్రావం ఆగిపోయిన తర్వాత, పరిశుభ్రమైన బట్టతో తెగిన ప్రదేశంలో చర్మాన్ని కప్పి, ఒదులుగా చుట్టి, ఆ తర్వాత వైద్యుని వద్దకు తీసుకువెళ్ళి చూపించి, వైద్య సలహా తీసుకోవాలి. అవసరమైన చికిత్సను చేయించాలి. కీటకాలు కుడితే : కొన్ని రకాల కీటకాలలో కొంత విషపదార్థం ఉంటుంది. అటువంటి విషకీటకాలు కుడితే పిల్లలకు ఎలర్జీ కలిగి, ఆ తర్వాత కుట్టిన చర్మం మీద అమిత బాధకలుగుతుంది. గొంగళి పురుగులు లాంటివి కుడితే, చర్మం మీద పాకితే దురదలు, దద్దుర్లు వచ్చి పిల్లలకు బాధ కలుగుతుంది. అప్పుడు, గోరువెచ్చని నీటితో స్నానం చేయించి, దద్దుర్లు, దురద తగ్గటానికి గొంగళిపురుగు పాకిన ప్రదేశంలో విభూదిని బాగా రుద్దాలి. కొన్ని విషకీటకాలు కుడితే ఎలర్జీ ఏర్పడటమే కాకుండా, మరికొన్ని తీవ్రమైన మార్పులు వస్తాయి. దద్దుర్లు ఎర్రగా మారినప్పుడు, ఊపిరి పీల్చుకోవడంతో ఇబ్బంది కలిగినప్పుడు పెదాలు నల్లబడటం, నాలుక తడారిపోవడం లాంటి లక్షణాలు ఏర్పడితే ఎంతమాత్రం ఆలస్యం చేయకుండా పిల్లలను వైద్యుని వద్దకు తీసుకెళ్ళాలి. అవసరమైన వైద్య సహాయాన్ని పిల్లలకు అందించాలి. మందులు, రసాయనాలు : మందులు, క్లీనింగ్‌లోషన్స్‌ పిల్లలకు అందనంత ఎత్తుగా ఉంచాలి. పిల్లలు ఏమైనా మందులు తాగినా, మందుబిళ్ళలు తిన్నా వాటిని కక్కించాలని, ఉప్పునీళ్ళు త్రాగించడం, మంచినీళ్ళు ఎక్కువగా త్రాగించడం చేయకూడదు. అలా చేసినట్లయితే కడుపులో చేరిన మందులు, వెంటనే రక్తంలో చేరే ప్రమాదం ఉంది. బిడ్డకు ప్రాణాపాయ స్థితి ఏర్పడవచ్చు. ఇటువంటివి జరిగినప్పుడు, తక్షణమే వైద్య సహాయం పొందడం చాల అవసరం. కీటకాలను సంహరించే మందులను అమిత భద్రంగా ఉంచాలి. మందును స్ప్రే చేసినప్పుడు పిల్లలను ఆ ప్రదేశానికి దూరంగా ఉంచాలి. దోమలు, నల్లులు, ఎలుకలు, బొద్దింకలు చీమల సంహారక మందులను పిల్లలు నిద్ర పోయిన తర్వాత ఉపయోగించి, పిల్లలు నిద్రలేవకుండా క్లీన్‌ చేసేయ్యాలి. వాటిని పిల్లలకు తెలియకుండా దాచాలి. పిల్లలకు ఏర్పడే కొన్ని ప్రమాదాలకు తక్షణ ప్రథమచికిత్స చేయాలి. మరికొన్ని ప్రమాదాలకు ఎంతమాత్రం ఆలస్యం జరగకుండా వైద్య చికిత్స జరగాలి. ముఖ్యంగా, పిల్లలకు ప్రమాదాలు జరిగినప్పుడు పెద్దలు, ఆందో ళన, గాభరా పిల్లల ఎదుట ప్రదర్శించకూడదు. పనులు చేసే టప్పుడు చిన్న పిల్లలున్నారన్న విషయాన్ని దృష్టిలో పెట్టుకుని మరుపు, అ శ్రద్ధ, నిర్లక్ష్యం లేకుండా ప్రవర్తించాలి. పిల్లలకు జరిగే ప్రమాదాలు ప్రాణా పాయ స్థితికి చేరకుండా తక్షణమే, చర్యలు తీసుకోవాలి.

  పిల్లల ఎదుగుదలను తెలుసుకోవడం ఎలా? How Calculate kids growth..? తల్లిదండ్రులు తమ పిల్లల ఎదుగుదలలో మార్పులను చూసి చాలా బెంగపెట్టుకుంటుంటారు. వారి హైట్‌లో మార్పులు రావడంలేదని తెగబాధపడుతుంటారు. ఇక్కడ మేము చెప్పే క్యాలిక్యులేషన్‌లతో మీరు మీ పిల్లల్లో ఎదుగుదలను మీరు గమనించగలరు. పిల్లల ఎదుగుదల ఎలాగుర్తించడం ? ** తల్లిదండ్రుల హైట్ ఎలా వుంటే పిల్లల్లో కూడా హైట్ అలాగే ఉంటుందని, దీనిని ఎవరు కూడా నియంత్రించలేరని వైద్యులు తెలిపారు. పిల్లల హైట్ దాదాపు 90శాతం తల్లిదండ్రుల హైట్‌తో సంబంధం ఉంటుంది. తల్లిదండ్రులిరువురు మంచి హైట్ ఉంటే పిల్లల్లోకూడా ఎదుగుదల బాగుంటుంది. ** పిల్లలు పుట్టినప్పుడు సహజంగా వారి పొడవు 50 సెంటీమీటర్లుంటుంది. ఒక ఏడాది తర్వాత 75 సెంటీమీటర్లకు చేరుకుంటుంది. ఆ తర్వాత ప్రతి ఏడాది 5 నుంచి 7 సెంటీమీటర్ల వరకు పెరుగుతారు. ఇలా పిల్లలు కిశోరావస్థకు చేరుకునేవరకు పెరుగుదల జరుగుతుంటుంది. ** కిశోరావస్థలో పెరుగుదల చాలా వేగంగా పెరుగుతుంది. అమ్మాయిలలోనైతే 10 సంవత్సరాలు, అబ్బాయిలలోనైతే 12సంవత్సరాల తర్వాత పెరుగుదల ప్రారంభమౌతుంది. ** పుష్టికరమైన ఆహారంతోబాటు మంచిగా వ్యాయామం చేస్తే మీ పిల్లల్లో పెరుగుదల కనపడుతుందని వైద్యులు తెలిపారు. ** టానిక్కులు, ప్రోటీన్ పౌడర్, ఇతర మందులపై ఆశపెట్టుకోకూడదంటున్నారు వైద్యులు. ఇవి బలహీనంగానున్న పిల్లలకు మాత్రమే పనికొస్తాయి. ** మరీ మీ పిల్లల ఎదుగుదల గురించి బెంగ ఎక్కువగా ఉంటే వైద్యులను సంప్రదించండి.

  సౌండ్ స్లీప్ కోసం కొన్ని టిప్స్ రోజంతా చదువు, ఆటలతో అలసిపోయిన పిల్లలకు సౌండ్ స్లీప్ అవసరం. టైంకు పడుకోవడం, తిరిగి ఉదయాన్నే లేవడం అలవాటు చేయాలి. సాలిడ్ స్లీప్ తో హాయిగా పడుకోవాలి. అప్పుడే అది హెల్దీ స్లీప్ అనిపించుకుంటుంది. సౌండ్ స్లీప్ కోసం కొన్ని టిప్స్, టెక్నిక్స్ ఉన్నాయి. రోజూ ఒకే సమయానికి పడుకోవడం అలవాటు చేసుకోవాలి. టైంలీ స్లీప్ వల్ల ఆ సమయానికి అలారం కొట్టినట్టు నిద్ర ముంచుకొచ్చేస్తుంది. ఒక్కోరోజు ఒక్కో సమయానికి పడుకుంటే నిద్ర అంత త్వరగా రాకపోవచ్చు. మర్నాడు పొద్దున లేవడం కష్టమౌతుంది. పెద్దలకు ఉన్నంతగా ఆలోచనలు, ఆందోళనలు చిన్నారులకు ఉండవు కనుక వాళ్లకి తేలిగ్గానే నిద్ర పడుతుంది. అయితే అది కలత నిద్ర కాకూడదు. పిల్లలు సాలిడ్ గా పడుకోవాలి. సౌండ్ స్లీప్ అవసరం. సౌండ్ స్లీప్ రోజంతా పడిన అలసటను తగ్గిస్తుంది, సేద తీరుస్తుంది. సంతోషాన్ని అందిస్తుంది. సౌండ్ స్లీప్ నుండి మేల్కొన్న తర్వాత ఎంతో హాయిగా, ఆనందంగా ఉంటుంది. శారీరక, మానసిక ఎదుగుదలకూ సాలిడ్ నిద్ర అవసరం. గాఢంగా నిద్రపోయి లేచిన పిల్లలకు బడలిక తెలీదు. సగంసగం నిద్ర పొతే మట్టుకు అనీజీగా, అనారోగ్యంతో బాధపడుతున్నట్టుగా ఉంటుంది. పెద్దలు ఎప్పటికప్పుడు పిల్లల్ని గమనిస్తూ ఉండాలి. సౌండ్ స్లీప్ ఉందో లేదో చూడాలి. ఒకవేళ లేదని గమనిస్తే సౌండ్ స్లీప్ ఎందుకు కరువైందో తెలుసుకోవాలి. ఆదమరచి నిద్రపోయేలా చేయాలి. సౌండ్ స్లీప్ కరువైన పిల్లల విషయంలో కొన్ని జాగ్రత్తలు తీసుకోవాలి. సౌండ్ స్లీప్ కు ఇంకొన్ని టిప్స్, టెక్నిక్స్ ఏమిటంటే, పడుకునే ముందు తప్పకుండా స్నానం చేసేలా చూడాలి. గ్లాసుడు గోరు వెచ్చని పాలు ఇవ్వాలి. దేని గురించి అయినా బాధపడుతున్నారెమో కనుక్కోవాలి. ఒకవేళ అలాంటిది ఉంటే దాన్నుండి బయటపడేలా చేయాలి. ఏవైనా పీడకలలు వస్తుంటే, అందుకు కారణం ఏమిటో తెలుసుకుని ఆ భయాలను తగ్గించేందుకు కౌన్సిలింగ్ ఇవ్వాలి.