వెంకీ దృశ్యం కోసం స్టార్ హంట్

on Feb 21, 2014

మలయాళంలో సూపర్ హిట్టయిన "దృశ్యం" సినిమాను తెలుగులో అదే పేరుతో రీమేక్ చేస్తున్నారు. వెంకటేష్, మీనా ప్రధాన పాత్రలలో నటించబోతున్నారు. సురేష్ ప్రొడక్షన్స్, రాజ్ కుమార్ థియేటర్స్ సంయుక్తంగా నిర్మిస్తున్నారు. శ్రీప్రియ దర్శకత్వం వహించబోతుంది. అయితే ఈ చిత్రంలోని రెండు ముఖ్య పాత్రల కోసం ఇద్దరు కొత్త అమ్మాయిలను తీసుకోవడానికి స్టార్ హంట్ నిర్వహిస్తున్నారు. "అంజలి అనే పాత్ర కోసం 14-17 ఏళ్ల అమ్మాయి. అను అనే పాత్ర కోసం 8-12 ఏళ్ల అమ్మాయిని ఎంపిక చేయాలనుకుంటున్నాం. దానికోసమే ఈ స్టార్ హంట్. ఆసక్తి ఉన్నవారు drishyam.telugu@gmail.com కి ఫోటోలు మెయిల్ చేయవచ్చు" అని నిర్మాతలు తెలిపారు. ఇందులో నదియా పోలీసు ఆఫీసర్‌ పాత్రలో నటించబోతున్నట్లు సమాచారం. ఈ చిత్ర రెగ్యులర్ షూటింగ్ త్వరలోనే ప్రారంభం కానుంది.