TeluguOne Services
Copyright © 2000 - , TeluguOne Sahityam - All rights reserved.
మంచుదుప్పటి
కాలచక్ర ప్రవాహంలో సూరీడు
మంచుముద్దలా ఉదయిస్తున్నడు
మంచుతెరలను చీల్చుతూ
తొలి వేకువలో
పండు ముసలిలా మేలుకుంటున్నడు
ప్రకృతి కప్పిన మంచుపొత్తిళ్ళలోంచి
పసిబాలుడై భానుడు కళ్ళుతెరచి ఒళ్ళు విరుచుకుంటూ
మంచు చీకట్లను తరిమేందుకు బుడిబుడి అడుగులతో తడబడుతున్నడు
పుడమినంతా పరచుకున్న మంచుపారావారాన్ని
పారద్రోలేందుకు ఇనుడు
కాంతికిరణాలతో దండెత్తుతున్నడు
ప్రకృతికాంత చలికి వణుకుతూ
అణువణువునా తుహినకిరణాలతో అలంకరించుకుని
గజగజలాడుతూ భానోదయానికై వేచియున్న అభిసారికలా.....
సి. శేఖర్(సియస్సార్)
TeluguOne Services
Copyright © 2000 - , TeluguOne Sahityam - All rights reserved.
|