నే చేరాల్సిన గమ్యం

నే చేరాల్సిన గమ్యం   గమ్యమేదో తెలియదు కానీ.. 'నీకై' నడిచిన ఆడుగులు ఇంకా ఆగలేదు, నీతో నడిచినవి ఆగాయంతే..! తేడా ఎంతుందన్నది, నీలోని నాకే తెలుసు. అసలు నిన్ను నువ్వు చూసుకుంటావు, బాగానే ఉంది...! ఆ 'నేను' కనపడలేదంటే అబద్దమేనేమో..! కలలెంత పచ్చిగా ఉంటాయో, ఎండుటాకులా రాలుతున్న నా మది అణువులనడుగు..! రోజుకో కొత్తదనాన్ని నీ పాత జ్ఞాపకాల్లోనే గమనిస్తున్నా.. నమ్ముతావా దూరమెంత దగ్గరని? నా 'నీడ'నడిగితే, మాయమైన నీ తోడుని గుర్తెరుగుతుంది...! ఇదేనేమో , నే చేరాల్సిన గమ్యం మరి.. దానికై వేస్తున్న అజ్ఞాతపు అడుగుల సాక్షిగా...!!! --Raghu Alla

జీవితం... ఒక గెలుపోటముల కూడలి!

కష్టం  రెడ్ సిగ్నల్ లాంటిది! చాలా సేపు వుంటుంది! ఓపిగ్గా అది ముగిసేదాకా ఎదురు చూడాల్సిందే! సుఖం గ్రీన్ సిగ్నల్ లాంటిది! కొద్ది సేపే వుంటుంది! కాని, హుసారుగా దూసుకుపోవచ్చు!                                       జేఎస్ చతుర్వేది-

గెలుపు నీదే

  గెలుపు నీదే   మనసు మంచిది అయితే నీకు అపకారం చేసిన మనుషులు ఎప్పటటికీ బాగుపడరు....!!! చూస్తూ ఉండు కాలం ఇప్పటితో అంతం కాలేదు కదా...!!! నీ జయాన్ని చూసి నువ్వే గర్వపడే సమయం కోసం వేచి చూడు తరువాత గెలుపు నీదే నేస్తం...!!!

IT వేదాంతం....

శరీరం... మానిటర్! ఇంద్రియాలు... కీ బోర్డ్, మౌజ్! మెదడు... సీపీయూ! మనస్సు... మదర్ బోర్డ్! చిత్తం... ర్యామ్! బుద్ది... హార్డ్ డిస్క్! మరి ఆత్మ? 'విద్యుత్' ( కంటికి కనిపించదు... కాని, వుంటుంది! )   -జేఎస్ చతుర్వేది

నీలోని నేను...

లెగువ్

వినవయ్య మానవ..!!

వినవయ్య మానవ..!!   మనసు విప్పి..కళ్ళు తెరిచి..విను..విను..!! అరువు తెచ్చి దున్నెను..!! కరువు వచ్చి కాటేయును..!! రుణం తెచ్చి పోలంలో రణం చేసి..!! క్షణ క్షణం దిగుబడికై ఎదురుచూస్తే..!! దింపెడు కల్లం ఆశలే అయిపొతున్నాయి..!!   మరణాలే శరణాలు అవుతున్నాయి..!! ఆంధ్ర రైతు వడ్డి పెరిగే..!! తెలంగాణ రైతు నడ్డి విరిగే..!! ప్రపంచానికి పొట్ట నింపే రైతుకు..!! పావు గంట కూడా ఉండదు కరెంటు..!! రుణం చెల్లించకుంటే రైతుకు తప్పదు వారెంటు..!! దేశాన్ని దోచుకోని పరదేశంలో..!! నివశించే వారిని ఏమి చేయలేవు ఈ ప్రభుత్వాలు..!! దేశంలో ఉన్న ప్రజల పొట్ట నింపుటకై..!! చేసిన రుణాలు చెల్లించమంటే  గగ్గొలు పెడతాయి..!! వినవయ్య ఓ మానవ ..!! రాబోయే రోజులు బువ్వ దొరకక..!! ఒకరికి ఒకరం పీక్కు తింటాము..!! ఇప్పటికే కొన్ని దేశలలో మోదలైయినది..!! అయినా మారకపోతే నీ దేశ పరిస్థితి..!! నీ పరిస్థితి కూడా అంతే..!!   ---జాని.తక్కెడశిల 

ఒలికిమిట్టలో ఒట్టు

ఒలికిమిట్టలో ఒట్టు   ఓ ప్రియా నీ కరతలము నా కరముతో బంధించి  ఒలికిమిట్టలో ఉన్న క్రతుధ్వంసి సాక్షిగా చెప్తున్న ...!!!   నీలో నేనే..!! నాలో నీవే..!! నీకు నేనే..!! నాకు నీవే..!! నా డెందము నీదే..!! నీ సత్వము నాదే..!! నా స్వాంత స్వరము నీకే..!! నీ తురంగ స్వరాగాలు నా కొరకే ..!! నీ కక్కసములో నీడనై..!! నీ కౌతుకములో తోడునై..!!   నీ విజితిలో కారకుడినై..!! నీ హ్వాలములో నేతోడై..!!   నీ హస్తము నే వదలను ఓ అఖిలనేత్రి ..!! నీవే నా జీవనం..!! నీవే నా మననం ..!! నీవే నా గమనం..!! నీవే నా ఆశయ గగనం ..!! నీవే నా ప్రాణం..!! నీవే నా అపానం..!! నీవె నా వ్యానం..!! నీవే నా ఉదానం..!! నీవే నా సమానం..!! నా ఆది నీవే..!! నా అంతం నీవే..!! నా అనంతం నీవే..!! నీవే...నీవే నా అంతట నీవే..!! నా ఇహ యందు నీవే..!! నా పర యందు నీవే..!! నేనంత్త నీవే..!! నీవెంత్త నేనే..!! నంతాయు నీవే..!! నా మతిలో అలోచన..!! నా లోచనాల మధుర కలా సులోచన..!! నా సుమదిలో నీవే కదా ఓ లలన ..!! నిన్నే దాచను నా హృదయ మందిరాన ..!! ఈ జన్మలోనే కాదు..!! మరు జన్మలో అయినా..!! ఆ మరో జన్మలో అయినా..!! జన్మ జన్మల నేనే నీ ప్రాణా సఖుడిని ఓ అఖిలం..!! -జాని.తక్కెడశిల  

ప్రక్షాళన

ప్రక్షాళన భూతమ్ నా బంధమ్..!! స్వర్గమ్ నా గృహమ్..!! నేను రాసేదే పద్యమ్..!! నేను పాడేదే కావ్యమ్..!! గిరులు, సాగరులు..!! నదులు,సేలయేర్లు..!! లోకాలు ,శోకాలు..!! ఇవియే నాకు అష్ట ఐశ్వర్యాలు..!! రుషూ లే నేస్తాలు..!! దైవాలే సహోదరులు..!! కిన్నేరులు కింపురుషులు..!! నా తోటి ప్రయాణీకులే..!! నా వాక్కే కర్ణ కఠోరం..!! నా బాట అనితర సాధ్యం..!! నా మార్గం స్వర్గ-నరక ..!! అతీత ద్వరాలకు ..!! నేనొక దుర్గంధసుగంధం..!! నా చూపు మహోద్రేకం..!! నా కవిత నాకు ఖడ్గం..!! అది పెట్టు నాకు నైవేద్యం..!! విమర్శకు కృంగను ..!! ప్రశంసకు లొంగను..!! విశ్వ హితము కోరేదను..!! పాప ప్రక్షాళన చేసేదేను..!! జాని.తక్కెడశిల  

గీటురాయి...!

  గీటురాయి...! ఏ గీటురాయితో గీసి చూస్తావో చూడు గుండెని, నేనన్నది,నేనున్నది...నీవన్నది,నేవిన్నది అన్నీ ఒకటేనన్న ఆత్మీయ మైమరపు లిప్తకాలమని తెలిసాక! వేకువకై ఎదురు చూసే విరజాజి పువ్వుని అరచేత కోసిన బాధ అనుభవమేనా ఎప్పుడైనా... ఆ గీటురాయికి?! రెక్క తెగిన బాధ పడ్డ పావురాయి! నా రెండు కనుల్లో రివ్వున ఎగసొచ్చిన ఆ అనుభవాల పేరేంటో.. తెలిస్తే చెప్పవూ? ఆ క్షణం కలిస్తే తెలుపవూ???!!!       ---Raghu Alla

శేషం 'సున్నా'

శేషం 'సున్నా' కొన్ని నవ్వుల్ని పోగేసుకుందామని వెనకకు చూస్తే, అవి నీతో ముడిపడి ఉన్నప్పుడు నీవు లేని ఈ క్షణాన్ని, ఆ నవ్వులతో తీసివేస్తే.. చేయని వియోగపు భాగాహారానికి శేషం 'సున్నా' నే వచ్చింది! సున్నా అనే శూన్యమే మిగిలింది!! శూన్యంలోని నన్ను వెతుక్కోడానికి సైతం నీ తోడు అవసరమేనని, తేల్చేసావ్! తేల్చేసావ్!!!   - Raghu Alla  

గ్యాస్టిక్ ట్రబుల్

పంచేంద్రియాలు

గెలుపంటే ఏమిటో తెలుసా అసలు నీకు?

  నీకోసం నే ఓడి నీ గెలుపును నీకివ్వడమే అని నాకు తెల్సినంత ఓటమి సంతోషాన్ని నీ ఒడిలో పంచుకున్నప్పుడు, కాసింత గర్వంతో నీ పెదాల నవ్వుని నా కళ్లతో పట్టుకున్నా చూడు... అక్కడే ఆగిపోయిన ఆ క్షణం లో దేహాలిప్పుడు అప్రస్తుతమయ్యి ఆత్మానంద అనుభూతులలో తేలి ఆడటాన్ని ఏ గెలుపోటములు లెక్క కడతాయి? ఆ బుంగమూతి లెక్కలిప్పుడు సరైనట్లేనా.. నాకు నువ్వు గెలిచినట్లేనా!!!!   ---- Raghu Alla

జలపాతం

‘అమ్మా’వధానం

కర్మఫలం

స్నేహమా...

  స్నేహమా... ఒక్కో సారి గుర్తొస్తుంది అసలు మౌనానికి దాహమెంతని? కన్నీటిని తాగి బతికేదే మౌనం అన్నంతగా అర్దం నిలబడిపోయింది, నీ తలపుల వేడిలో మార్చుకోవాలని మొహమాటమెందుకో ఈపిచ్చి మనసుకి. నిన్ను మరచిన క్షణాలెక్కడని వెతికితే పెదాలు వెక్కిరించి మరీ నవ్వుతున్నాయి. రాలు పూల తేనియకై అని రాసిన కవి మనసుకి మోకరిల్లాలనే వినమ్రత ఒక వైపు అంతకంటే భావుకతను గుండెల్లో దాచాననే భావన ఒకవైపు! ధృవాలన్నీ కరిగిపోయి, విశ్వమంతా అరిగిపోయినట్లుగా శూన్యం ఆవరిస్తుంది. నీ చెలిమి చెలమల్లో విరహపు చేయి ముంచగానే..! అంత మాత్రన భావాన్ని అంతం చేసుకున్నానంటే పొరపాటే. సున్నితపు పొలికేక ఏదో నిన్ను పిలుస్తూ విశ్వాంతరాలను దాటి వెళ్లలేదంటావా? నువ్వే చెప్పు.. నీకై నే చేజార్చుకున్న నా జీవితానికి అర్దవంతమైన సమాధానం! ఆ పలుకుల కోసం కలత నిదురలో ఎన్ని కలవరింతలో,కారు మబ్బుల మధ్యనున్న చందమామని అడుగుదాం రా మరి.పాలపుంతల ను చూసిన ఏకాకి మదికి ఏమారపాటులోనైన ఒక ఊ కొడతావని ఈ అవని నుంచి వేచి చూస్తున్నా... కారిపోయిన కన్నీరు తిరిగి వస్తే బావుండు, మరోసారి ఏడుస్తా... సమాధానం కోసం వేచి చూస్తుంది సమాధి చేయబడని నా మనోః శవం. నీకు ఈలేఖ అందదని తెలిసినా కాస్త ఊరట నా మదికి ఏదో భావాన్ని కాస్త బయటపెట్టానని! ఉంటా నేస్తం!! ---- Raghu Alla    

మి‘డల్’క్లాస్

ముసుగులు

  ముసుగులు     నువ్వు నవ్వుతావు..నేనూ నవ్వుతాను నవ్వుల వెనకాల అరాచకాలు ఎన్నో ఆరువందల ఎకరాల పొడుగునా వికారపు మనసుల్లో రాజ్యాలేలుతాయి చుట్టూ పెద్ద పెద్ద వ్యవస్థలను అల్లుకుంటాం వాటిని పేరంటాల్లో పెద్దముత్తైదువలా అలంకరించి చివరికి రెడ్లైట్ ఏరియాల్లో బేరాలు కుదురుస్తాం ఎన్డ్ ఆఫ్ ద డే మన సెల్ఫ్ సెంటర్డ్ బతుకులకి సెంటర్ ఆఫ్ అట్రాక్షన్ .. "అవసరమే" అని తెలిసేటప్పటికి ముసుగులన్నీ వెకిలిగా నవ్వుతాయి నువ్వు నీలా బతకటం ఇంకెపుడూ అని -సరిత భూపతి