ముసుగులు

నువ్వు నవ్వుతావు..నేనూ నవ్వుతాను
నవ్వుల వెనకాల అరాచకాలు ఎన్నో
ఆరువందల ఎకరాల పొడుగునా
వికారపు మనసుల్లో రాజ్యాలేలుతాయి

చుట్టూ పెద్ద పెద్ద వ్యవస్థలను అల్లుకుంటాం
వాటిని పేరంటాల్లో పెద్దముత్తైదువలా అలంకరించి
చివరికి రెడ్లైట్ ఏరియాల్లో బేరాలు కుదురుస్తాం

ఎన్డ్ ఆఫ్ ద డే మన సెల్ఫ్ సెంటర్డ్ బతుకులకి
సెంటర్ ఆఫ్ అట్రాక్షన్ .. "అవసరమే" అని తెలిసేటప్పటికి
ముసుగులన్నీ వెకిలిగా నవ్వుతాయి
నువ్వు నీలా బతకటం ఇంకెపుడూ అని

-సరిత భూపతి