యోగా చేయడంవల్ల దేశంలో మానభంగ దుర్ఘటనలు తగ్గుతాయని బీజేపీ నాయకుడు మురళీ మనోహర్ జోషి అన్నారు. ‘‘ప్రజానీకం జీవితాల్లో యోగాను ఒక భాగంగా చేయడం వల్ల లైంగిక దాడులు తగ్గుతాయి. అయితే యోగా కారణంగా లైంగిక దాడులు పూర్తిగా ఆగిపోతాయని అననుగానీ, తగ్గుతాయని మాత్రం చెప్పగలను. యోగా స్త్రీ, పురుషల ఆలోచన విధానంలో మార్పును తీసుకొస్తుంది. భావోద్వేగాలు మారిపోతాయి.ఎన్నో పనులు చేయడానికి ఈ ప్రకృతి మనకు ఈ  అమూల్యమైన శరీరాన్ని అందించింది.. ఆ పనుల వైపుగా మనిషి సాగిపోతాడు’’ అని మురళీ మనోహర్ జోషి అన్నారు. దేశ రాజధాని ఢిల్లీలో ‘ది లైంగర్ వే యోగా ఫర్ ది న్యూ మిలినీయం’ అనే అంశంపై జరిగిన సదస్సు జరిగింది. ఆ సదస్సులో పాల్గొన్న మురళీ మనోహర్ జోషి ఈ వ్యాఖ్యలు చేశారు. అక్కడితో ఆగకుండా ముస్లింలు రోజుకు ఐదుసార్లు యోగా చేస్తారని అన్నారు. ముస్లిం ప్రవక్త మహ్మద్ గొప్ప యోగి అని కూడా జోషి వ్యాఖ్యానించారు.