టీడీపీ లోకి సీనియర్ నేతలు..  జగన్ రెడ్డికి ముందుంది  క్రొకోడైల్ ఫెస్టివలేనా?

Publish Date:Oct 18, 2021

Advertisement

ఆంధ్రప్రదేశ్ లో వైసీపీ ప్రభుత్వానికి ఇప్పటికిప్పుడు వచ్చిన ముప్పేమీ లేదు. ముఖ్యమంత్రి  వైఎస్ జగన్మోహన్ రెడ్డి కుర్చీకి వచ్చిన ప్రమాదమూ లేదు. అయితే ముందుంది ‘క్రొకోడైల్ ఫెస్టివల్’ ముసళ్ళ పండగే అంటున్నారు రాజకీయ విశ్లేషకులు. 
దేశ, రాష్ట్ర రాజకీయాలను అనేక  కోణాల్లో విశ్లేషించే, కాంగ్రెస్ మాజీ ఎంపీ ఉండవల్లి అరుణ్ కుమార్  ఇంతవరకు, వైఎస్ పట్ల ఉన్న కృతజ్ఞతాభావం చేతనో,  ఇంకెందుకో కానీ, జగన్ రెడ్డి తప్పుల విషయంలో ఇంకకాలం కొంత మౌనంగా ఉంటూ వచ్చారు. అప్పుడప్పుడు ఒకటి రెండు విషయాలు ప్రస్తావించినా,లోతైన అధ్యయనం, ఘాటైన విమర్శలు చేసియన్ సందర్భాలు అంతగా లేవు. అలాంటి వైఎస్ ఫ్యామిలీ ఫ్రెండ్ ఉండవల్లి జగన్ సర్కార్’పై దండయాత్ర మొదలు పెట్టారు. 

రాష్ట్రం అప్పుల చిట్టా విప్పి, జగన్ రెడ్డి పాలనలో రాష్ట్రం దివాలా తీయడమే కాదు, జగన్ రెడ్డి దివాలా దరిద్రం రాష్ట్రాన్ని, దశాబ్దాల తరబడి వెంటాడుతూనే ఉంటుందని సవివరంగా వివరించారు. భవిష్యత్’లో ఈయన పోయి ఇంకెవరు అధికారంలోకి వచ్చినా కూడా, అప్పుల ఊబిలోంచి రాష్ట్రం ఇప్పట్లో బయటకు రాలేదని గణాంకాలతో సహా వివరించారు.నిజానికి ఉండవల్లి చెప్పిన విషయాలు ఇప్పుడే వింటున్న మాటలు కాదు, మీడియాలో ఇతరత్రా ఎప్పటినుంచో వినవస్తున్న నిజాలే. తెలుగు దేశం పార్టీ ఎప్పటి నుంచో అప్పుల విషయంలో జగన్ రెడ్డి ప్రభుత్వాన్ని హెచ్చరిస్తూనే ఉంది. సంక్షేమం గీతదాటితే సంక్షోభం తప్పదని హెచ్చరిస్తూనే వచ్చింది. అయినా, మాజీ ముఖ్యమంత్రి చంద్రబాబు నాయుడు, మాజీ ఆర్థిక మంత్రి యనమల రామక్రిష్ణుడు ఇతర నాయకులు అనుభవంతో చేసిన సూచనలను జగన్ రెడ్డి ప్రభుత్వం పెడ చెవిన పెట్టింది.

ఉండవల్లి ఏ ఉద్దేశంతో, ఎందుకోసం జగన్ రెడ్డి ప్రభుత్వం తప్పులను ఎత్తి చూపినా, అదిప్పుడు శంఖంలో పోసిన తీర్థంలాగా పనిచేస్తోంది. సామాన్య ప్రజల్లో కూడా, ఒక్క ఛాన్స్ ఇచ్చి తప్పు చేశామనే భావన బయటకు వస్తోంది. దీనికి తోడు అమ్మ ఒడి’తో మొదలు పెట్టి ఒక్కొక్క సంక్షేమ పథకానికి ప్రభుత్వం గండి పెడుతోంది, దీంతో ప్రజలు ఆలోచనలో పడ్డారు, సంక్షేమ పథకాలకు ఆశ పడితే, చివరకు, చిప్పే గతవుతుందనే ఆందోళన వ్యక్తమవుతోంది. అందుకే, ‘బాబే రావాలి.. (చంద్ర)బాబే కావాలి’ అనే ఆకాంక్ష జనంలో బలంగా వినిపిస్తోంది.  రాష్ట్రంలో రాజకీయ సమీకరణలు కూడా వేగంగా మారి పోతున్నాయి. ఉండవల్లి షాక్ తర్వాత, కాంగ్రెస్ పార్టీ సీనియర్ నాయకుడు, మాజీ మంత్రి  రవీంద్రా రెడ్డి బాంబు పేల్చారు.

ఒకప్పుడు కడప జిల్లా రాజకీయాల్లో దివంగత ముఖ్యమంత్రి వైఎస్’తోనే ఢీ అంటే ఢీ అన్నడీఎల్, జిల్లా రాజకీయాల్లో ఇటు నాయకులూ అటు, అటు నాయకులు ఇటు కావడంతో, వేరే దరి లేక (కావచ్చు) వైసీపీలో చేరారు. ఇప్పుడు ఆయన జగన్ రెడ్డి మీద యుద్ధానికి సిద్దమవుతున్నారు. గత ఎన్నికల్లో పోటీ చేయని డీఎల్,వచ్చే 2024 ఎన్నికల్లో తప్పక పోటీ చేస్తానని ప్రకటించారు. ఏ పార్టీ తరుపున పోటీ చేసేది చెప్పక పోయినా ఆయన వైసీపీ ప్రభుత్వాని, జగన్ రెడ్డి పాలనను టార్గెట్ చేస్తూ విమర్శలు గుప్పించారు. జగన్ రెడ్డి  పాలనలో ఆరాచకం విలయతాండవం చేస్తోందనే అర్థమొచ్చేలా ఘాటైన విమర్శలు చేశారు. ప్రభుత్వ పెద్దలు సొంత ఖజానా నింపుకోవడమే ధ్యేయంగా  పనిచేస్తున్నారని ఆరోపించారు. అంతేకాదు  ఏపీలో రెడ్ల రాజ్యం రావాలని కోరుకుని ఓట్లేసిన అందరికి తగిన శాస్త్రే జరిగిందంటూ సంచలన కామెంట్స్ చేశారు. డీఎల్ నైజం,ఇప్పుడు ఆయన చేసిన వ్యాఖ్యలను గమనిస్తే ఆయన ప్రతిపక్ష శిబిరంలో చేరడం ఖాయంగా కనిపిస్తోంది. అంతే కాదు, జగన్ రెడ్డిని ఓడించడమే లక్ష్యంగా పావులు కదుపుతున్న డీఎల్ ... టీడీపీలో చేరేఅవకాశాలే ఎక్కువగా ఉన్నాయని ఆయన సన్నిహితులు కూడా అంటున్నారు. గతంలోనూ ఆయన చంద్రబాబును కలిసి పార్టీలో చేరేందుకు సంసిద్దత వ్యక్త పరిచారు.

అసెంబ్లీ ఎన్నికలకు ఇంకా రెండున్నర సంవత్సరాల సమయం ఉన్నా   ఇప్పటికే రాజకీయ గాలి ఎటు వీస్తోందో గుర్తించిన నాయకులు టీడీపీ వైపు చూస్తున్నారు. సీఎం జ‌గ‌న్ సొంత జిల్లా క‌డ‌ప జిల్లాలో కీల‌క నేత‌లు టీడీపీలో చేరేందుకు ముహూర్తం ఖ‌రారైంది. మాజీ ఎమ్మెల్సీ నారాయ‌ణ‌రెడ్డితో పాటు ఆయ‌న కుమారుడు భూపేశ్‌రెడ్డి ఈ నెల 20న టీడీపీ అధినేత చంద్ర‌బాబు స‌మ‌క్షంలో టీడీపీలో చేరుతున్నారు. జమ్మలమడుగులో బ‌ల‌మైన నాయ‌కుడైన నారాయ‌ణ‌రెడ్డి చేరిక‌తో టీడీపీకి మ‌ళ్లీ పూర్వవైభవం ఖాయ‌మంటున్నారు. 

ఉభయ తెలుగు రాష్ట్రాల్లో మంఛి వక్తగా, సమర్ధ నాయకునిగా పేరున్న కాంగ్రెస్‌ పార్టీ రాష్ట్ర అధికార ప్రతినిధి జీవీ రెడ్డి ఈ నెల 21న టీడీపీలో చేరుతున్నారు. ఇలా ఇటు కాంగ్రెస్ నుంచి అటు వైసీపీ నుంచే కాకుండా, బీజేపీలో చేరిన టీడీపీ, కాంగ్రెస్ నాయకుకు కూడా,  టీడీపీ వైపు క్యూ కట్టేందుకు సిద్దమవుతున్నారు. సో... గత ఎన్నికల్ సందర్భంగా ఒక్క ఛాన్స్, ఒక్క ఛాన్స్ అంటూ వెంటబడిన జగన్ రెడ్డి కి ఇంకో ఛాన్స్ లేదని, వచ్చేది టీడీపీ ప్రభుత్వమే అంటున్నారు విశ్లేషకులు.

By
en-us Political News

  
అదానీతో సంబంధాలపై   రేవంత్ రెడ్డి స్పష్టత ఇచ్చారు. తెలంగాణలో అదానీ పెట్టుబడుల ద్వారా స్థానిక ప్రజలకు ఉపాధి అవకాశాలు కల్పిస్తున్నామని, ప్రజాధనాన్ని దోచి అదానీకి కట్టబెట్టే విధానం తమది కాదని స్పష్టం చేశారు. తెలంగాణలో బీజేపీకి బలమైన ఉనికి లేదని, ఇటీవలి జూబ్లీహిల్స్ ఉప ఎన్నికలో బీజేపీ డిపాజిట్ కూడా కోల్పోవడమే ఇందుకు నిదర్శనమన్నారు.
పోలీసుల హెచ్చరికలు, ఆంక్షలను బేఖాతరు చేస్తూ ఆయన భారీ కాన్వాయ్‌తో అక్కడికి రావడంపై స్థానిక ప్రజలు, తెలుగుదేశం వర్గీయులు  ఆగ్రహం వ్యక్తం చేశారు.  ఎంపీ కాన్వాయ్ ను అడ్డుకునే ప్రయత్నం చేశారు. ఈ సందర్భంగా  అంకాలమ్మ గూడూరులో ఘర్షణ వాతావరణం నెలకొంది. 
ఇదే వేదికపై నుంచి   544.11 కోట్ల రూపాయల విలువైన అభివృద్ధి పనులకు శంకుస్థాపనలు, ప్రారంభోత్సవాలు చేసిన రేవంత్ రెడ్డి,  ఇందిరమ్మ కుటుంబ జీవిత బీమా పథకాన్ని కూడా   ప్రారంభించారు.
కొలంబియా యూనివర్సిటీ వేదికగా రాహుల్ గాంధీ మాట్లాడుతూ, ప్రస్తుతం  దేశ ఆర్థిక వ్యవస్థ   పతనావస్థలో ఉందని రాహుల్ సంచలన వ్యాఖ్యలు చేశారు. దేశంలో నిరుద్యోగ సమస్య విపరీతంగా పెరిగిపోయిందని, యువతకు ఉపాధి అవకాశాలు కరవయ్యాయని ఆయన ఆరోపించారు.
తమ కుటుంబ వివాహ వేడుకకు తండ్రిసమానులైన ఒక సీనియర్ రాజకీయ నాయకుడిని ఆహ్వానించడంలో తప్పేముందని ప్రశ్నించిన షర్మిల.. దీనికి అనవసరమైన, అభ్యంతరకరమైన అర్థాలు ఆపాదించి ప్రచారం చేయడం జగన్ దిగజారుడుతనానికి నీచ మసస్థత్వానికి నిదర్శనమన్నారు.
తెలంగాణ కాంగ్రెస్ రాజకీయ వర్గాల్లో గత కొంతకాలంగా నెలకొన్న ఉత్కంఠకు అఖిల భారత కాంగ్రెస్ కమిటీ (ఏఐసీసీ) అధికారికంగా తెరదించింది.
ఈ నేపథ్యంలో వైయస్ జగన్మోహన్ రెడ్డికి అత్యంత సన్నిహితుడైన చెవిరెడ్డి భాస్కర్ రెడ్డి వైసీపీ తరపున తొలిసారిగా విజయసాయి పార్టీపై స్పందించారు. అయితే, ఆయన తన స్పందనను చాలా సాధారణంగా, క్లుప్తంగా ముగించడమే కాకుండా విజయసాయి రెడ్డిని   తేలికగా తీసుకున్నట్లు కనిపించింది.
వైసీపీకి సుదీర్ఘకాలం పాటు అత్యంత సన్నిహితుడిగా, కీలక నేతగా వ్యవహరించిన విజయసాయిరెడ్డి సొంతంగా కొత్త రాజకీయ పార్టీని ప్రకటించడం రాష్ట్ర రాజకీయ వర్గాల్లోచర్చకు తెరతీసింది.
పేద,  మధ్యతరగతి ప్రజల ఆదాయాన్ని పెంచేలా చర్యలు తీసుకోవడం వంటి హామీలను ప్రకటించారు. రాజకీయాల్లో పాత పద్ధతులకు స్వస్తి చెప్పి, ప్రజల ఆకాంక్షలకు అనుగుణంగా పరిపాలన అందించడమే తమ పార్టీ విధానమని విజయసాయిరెడ్డి చెప్పారు, 
విజయ్ ప్రభంజనంతో ఎంతోమంది సామాన్య అభ్యర్థులు సైతం ఎమ్మెల్యేలుగా విజయం సాధించారు. అయితే.. ప్రజలు అందించిన ఈ భారీ విజయాన్ని కొందరు ప్రజాప్రతినిధులు సరిగ్గా ఉపయోగించుకోలేకపోతున్నారనే విమర్శలు వ్యక్తమవుతున్నాయి.
కడప జిల్లా రాజకీయాల్లో ఆసక్తికర పరిణామాలు చోటుచేసుకుంటున్నాయి.
ప్రతి ఒక్కరికీ నిర్దిష్ట పాత్రలు ఉండేలా చంద్రబాబు    రూపొందించిన వ్యవస్థ వల్ల  కుటుంబంలో అంతర్గత విభేదాలు రాకుండా, ఎవరికీ తక్కువ అనే భావన కలగకుండా ఉందనీ, కుటుంబంలో అందరం సమానమేననీ చెప్పారు.
నిన్నటి వరకూ జగన్ కు పెట్టని కోటలా నిలిచిన పులివెందులలో ఇప్పుడు తెలుగుదేశం జెండా ఘనంగా ఎగురుతోంది.  సుదీర్ఘకాలంగా వైసీపీకి తిరుగులేని కంచుకోటగా ఉన్ పులివెందుల పరిధిలో తెలుగుదేశం పార్టీ తన ఉనికిని బలంగా చాటుకుంటోంది.
 
Disclaimer:
All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
 
You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.