వామ్మో.. కేసీఆర్ పాలనపై ఇంత వ్యతిరేకతా! కారుకు మూడో స్థానమేనా? 

Publish Date:Dec 12, 2021

Advertisement

తెలంగాణలో కేసీఆర్ కథ ముగిసింది.. ఇదీ కొన్ని రోజులుగా రాష్ట్రంలో జరుగుతున్న ప్రచారం. కేసీఆర్ పాలనపై జనాల్లో తీవ్ర వ్యతిరేకత ఉందనే చర్చ సాగుతోంది. హుజురాబాద్ ఉప ఎన్నికలో అది కనిపించింది కూడా. వందల కోట్ల రూపాయలు ఖర్చు చేసినా కారు పార్టీకి షాకిచ్చారు ఓటర్లు. తర్వాత వరి ధాన్యం కొనుగోళ్లలో సర్కార్ నిర్లక్ష్యం, వరి సాగు చేయవద్దంటూ కేసీఆర్ ఇచ్చిన ప్రకటనలతో జనాలు భగ్గుమంటున్నారు. దీంతో కేసీఆర్ గ్రాఫ్ దారుణంగా పడిపోయిందనే ప్రచారం జరుగుతోంది. అందుకు అనుగుణంగానే తాజాగా వచ్చిన ఓ సర్వే ఫలితాలు ఉన్నాయి. తెలంగాణలో రాజకీయ పరిస్థితులపై నిర్వహించిన సర్వేలో సంచలన ఫలితాలు వచ్చాయి. కేసీఆర్ కు , టీఆర్ఎస్ కు దిమ్మతిరిగేలా సర్వేలో జనాల నాడీ కనిపించింది. 

సీనియర్ జర్నలిస్ట్ కంబాలపల్లి కృష్ణ ఆధ్వర్యంలోని వోటా( వాయిస్ ఆఫ్ తెలంగాణ, ఆంధ్రా) సంస్థ సమగ్ర సర్వే నిర్వహించింది. కేసీఆర్ రెండోసారి ముఖ్యమంత్రిగా బాధ్యతలు చేపట్టి మూడేండ్లు పూర్తైన సందర్భంగా ఈ సర్వే నిర్వహించింది వోటా సంస్థ. డిసెంబర్ 1 నుంచి 10 వరకు పది రోజుల పాటు వివిధ వర్గాల నుంచి సమాచారం సేకరించింది. ఎక్కువగా ఆన్ లైన్ ద్వారా శాంపిల్స్ సేకరించింది. ఫేస్ బుక్, వాట్సాప్, ట్విట్టర్, ఇన్ స్టా గ్రామ్, టెలిగ్రామ్, యూ ట్యూబ్ ద్వారా జరిగిన సర్వేలో వేలాది మంది పాల్గొని తమ అభిప్రాయం వ్యక్తం చేశారు. కేసీఆర్ పాలనపై జనాలు ఏమంటున్నారు, ముందస్తు ఎన్నికలు వస్తాయా.. వస్తే ఏ పార్టీ పరిస్థితి ఎలా ఉంటుంది, టీఆర్ఎస్ లో ఏం జరుగుతోంది.. కేటీఆర్ ను సీఎంగా జనాలు కోరుకుంటున్నారా.. రాష్ట్రంలో టీఆర్ఎస్ కు ప్రత్యామ్నాయంగా జనాలు ఏ పార్టీని కోరుకుంటారు అన్న అంశాలపై వోటా సంస్థ సర్వే నిర్వహించింది.

వోటా సంస్థ సర్వేలో సంచలన ఫలితాలు వచ్చాయి. ప్రస్తుతం జరుగుతున్న ప్రచారానికి అనుగుణంగానే సీఎం కేసీఆర్ పాలనపై తెలంగాణ ప్రజలు తీవ్ర కోపంగా ఉన్నారనే విషయం సర్వేలో స్పష్టమైంది. ఇప్పటికిప్పుడు ఎన్నికలు జరిగితే టీఆర్ఎస్ పార్టీ ఘోరంగా ఓడిపోతుందని, ఏకంగా మూడో స్థానానికి పడిపోతుందని వోటా సర్వేలో తేలింది. అంతేకాదు టీఆర్ఎస్ లో అసమ్మతి ఖాయమని కూడా మెజార్టీ ప్రజలు తమ అభిప్రాయం వ్యక్తం చేశారు.

కేసీఆర్ ఏడేళ్ల పాలన ఎలా ఉందని ప్రశ్నించగా.. కేసీఆర్ పాలనకు కేవలం 18 మార్కులే వచ్చాయి. కేసీఆర్ పాలన అసలు బాగాలేదని ఏకంగా 50.8 శాతం మంది, బాగా లేదని 20.3 శాతం మంది తీర్పు ఇచ్చారు. 10.9 శాతం మంది కేసీఆర్ పాలన పర్వాలేదన్నారు. ఏకంగా 71 శాతం మంది కేసీఆర్ పాలన బాగా లేదని చెప్పడం రాజకీయ విశ్లేషకులను ఆశ్చర్యపరుస్తోంది.

సీఎం కేసీఆర్ పాలనకు ఎన్ని మార్కులు వేస్తారని ప్రశ్నించగా... కేసీఆర్ పాలనకు కేవలం 25 మార్కులే ఎక్కువ మంది వేశారు. 67.1 శాతం మంది కేసీఆర్ పాలన అట్టర్ ప్లాప్ అంటూ 25 మార్కులు వేశారు. 11.7 శాతం మంది 50 మార్కులు వేయగా.. 7.3 శాతం మంది మాత్రమే 75 మార్కులు వేశారు. 13.9 శాతం మంది మాత్రం కేసీఆర్ పాలనకు ఫుల్ 100 మార్కులు వేశారు.

టీఆర్ఎస్ లో అసమ్మతి ఉందని భావిస్తున్నారా అని ప్రశ్నించగా.. ఏకంగా 70 శాతానికి పైగా ఉందని చెప్పారు. 14 శాతం మంది అసమ్మతి గురించి ఏమి తెలియదని చెప్పగా.. 7 శాతం మంది మాత్రమే గులాబీ పార్టీలో అసమ్మతి లేదని చెప్పారు. 70 శాతానికి పైగా జనాలు కారు పార్టీలో అసమ్మతి ఉందని భావించడం షాకింగే. ఇక దళిత బంధు పథకాన్ని రాష్ట్ర వ్యాప్తంగా అమలు చేస్తారా అంటే దాదాపు 73 శాతం మంది ఇవ్వరనే చెప్పారు. అంటే కేసీఆర్ హామీలపై జనాలకు పూర్తిగా నమ్మకం పోయిందని తెలుస్తోంది.

కేసీఆర్ పాలనపై తీవ్ర వ్యతిరేకత కనిపిస్తుండటంతో.. టీఆర్ఎస్ ను ఎవరూ ఓడిస్తారని ప్రశ్నించగా ఆసక్తికరమైన ఫలితం వచ్చింది. కారు పార్టీకి ప్రత్యామ్నాయంగా కమలం పార్టీ వైపు మెజార్టీ జనాలు మొగ్గు చూపారు. బీజేపీ పార్టీకి 48.5 శాతం ఓటర్లు జై కొట్టగా.. కాంగ్రెస్ కు మద్దతుగా 27. 1 శాతం మంది నిలిచారు. టీఆర్ఎస్ ను ఎవరూ ఓడించలేరని 18 శాతం మంది తమ అభిప్రాయం చెప్పారు.

తెలంగాణలో ముందస్తు ఎన్నికలు వస్తే ఎవరికి ఓటు వేస్తారన్న ప్రశ్నకు.. బీజేపీకి 38.4 శాతం , కాంగ్రెస్ కు 37 శాతం మంది ఓటేశారు. అధికార టీఆర్ఎస్ పార్టీ మాత్రం దారుణంగా మూడో స్థానానికి పడిపోయింది. ముందస్తు ఎన్నికలు వస్తే గులాబీ పార్టీకి ఓటేస్తామని కేవలం 22.2 శాతం మంది మాత్రమే ఓటేస్తారని చెప్పారు. టీఆర్ఎస్ కు ఎవరూ ఓడిస్తారన్న ప్రశ్నకు బీజేపీకి ఎక్కువ సపోర్ట్ రాగా.. ఎవరికి ఓటు వేస్తారు అన్న ప్రశ్నకు మాత్రం కాంగ్రెస్, బీజేపీ హోరాహోరీగా నిలవడం ఆసక్తి రేపుతోంది. 

టీఆర్ఎస్ కు సంబంధించి అడిగిన ప్రశ్నలకు ఆసక్తికర ఫలితాలు వచ్చాయి. కేటీఆర్ ను సీఎం చేస్తారనే ప్రచారంపై అభిప్రాయం చెప్పాలని కోరగా.. 28 శాతం మంది సరైంది కాదన్నారు. 15.4 శాతం మంది సరైనదని చెప్పారు. కేటీఆర్ ను సీఎం చేసేందుకు ఇంకా టైముందని 17 శాతం మంది చెప్పగా.. దాదాపు 40 శాతం మంది మాత్రం ఎన్నికలకు ముందే సీఎం అభ్యర్థిని ప్రకటించాలని అభిప్రాయపడ్డారు.టీఆర్ఎస్ లో ముఖ్యమంత్రిగా ఎవరూ బెస్ట్ ఆప్షన్ అన్న ప్రశ్నకు మాత్రం కేసీఆర్ కే ఎక్కువ మంది జై కొట్టారు. కేసీఆరే సీఎంగా బెటరని 45 శాతం మంది చెప్పగా... రెండో స్థానంలో అనూహ్యంగా హరీష్ రావు నిలిచారు. హరీష్ రావుకు 42.5 శాతం మంది ఓటేయగా.. కేటీఆర్ కు కేవలం 10 శాతం మంది మాత్రమే సపోర్ట్ చేశారు. కవిత బెస్ట్ సీఎం ఆప్షన్ అని కేవలం 1.7 శాతం మంది మాత్రమే తమ అభిప్రాయం చెప్పారు. 

ఇక హుజురాబాద్ ఉప ఎన్నిక ఫలితం తర్వాత కేసీఆర్ గ్రాఫ్ తగ్గిందని 72 శాతం మంది చెప్పగా.. మారలేదని 22. 8 శాతం మంది, పెరిగిందని 4.8 శాతం మంది తమ అభిప్రాయాన్ని సర్వేలో వెల్లడించారు. టీఆర్ఎస్ లో చీలిక వస్తుందా? అని ప్రశ్నించగా.. 45.3 శాతం మంది వస్తుందని, 43 శాతం మంది రాదని చెప్పారు.

మొత్తంగా వోటా సంస్థ సర్వే ప్రకారం తెలంగాణలో టీఆర్ఎస్ పార్టీకి కౌంట్ డౌన్ మొదలైందని స్పష్టమవుతోంది. కేసీఆర్ పాలనపై జనాలు తీవ్ర ఆగ్రహంగా ఉన్నారని, ఎన్నికలు ఎప్పుడొచ్చిని కారు పార్టీకి ఘోర పరాజయం తప్పదని తెలుస్తోంది. గులాబీ పార్టీ ఏకంగా మూడో స్థానానికి పడిపోవడం అందరిని ఆశ్చర్యపరుస్తోంది.
 

By
en-us Political News

  
తమ కుటుంబ వివాహ వేడుకకు తండ్రిసమానులైన ఒక సీనియర్ రాజకీయ నాయకుడిని ఆహ్వానించడంలో తప్పేముందని ప్రశ్నించిన షర్మిల.. దీనికి అనవసరమైన, అభ్యంతరకరమైన అర్థాలు ఆపాదించి ప్రచారం చేయడం జగన్ దిగజారుడుతనానికి నీచ మసస్థత్వానికి నిదర్శనమన్నారు.
తెలంగాణ కాంగ్రెస్ రాజకీయ వర్గాల్లో గత కొంతకాలంగా నెలకొన్న ఉత్కంఠకు అఖిల భారత కాంగ్రెస్ కమిటీ (ఏఐసీసీ) అధికారికంగా తెరదించింది.
ఈ నేపథ్యంలో వైయస్ జగన్మోహన్ రెడ్డికి అత్యంత సన్నిహితుడైన చెవిరెడ్డి భాస్కర్ రెడ్డి వైసీపీ తరపున తొలిసారిగా విజయసాయి పార్టీపై స్పందించారు. అయితే, ఆయన తన స్పందనను చాలా సాధారణంగా, క్లుప్తంగా ముగించడమే కాకుండా విజయసాయి రెడ్డిని   తేలికగా తీసుకున్నట్లు కనిపించింది.
వైసీపీకి సుదీర్ఘకాలం పాటు అత్యంత సన్నిహితుడిగా, కీలక నేతగా వ్యవహరించిన విజయసాయిరెడ్డి సొంతంగా కొత్త రాజకీయ పార్టీని ప్రకటించడం రాష్ట్ర రాజకీయ వర్గాల్లోచర్చకు తెరతీసింది.
పేద,  మధ్యతరగతి ప్రజల ఆదాయాన్ని పెంచేలా చర్యలు తీసుకోవడం వంటి హామీలను ప్రకటించారు. రాజకీయాల్లో పాత పద్ధతులకు స్వస్తి చెప్పి, ప్రజల ఆకాంక్షలకు అనుగుణంగా పరిపాలన అందించడమే తమ పార్టీ విధానమని విజయసాయిరెడ్డి చెప్పారు, 
విజయ్ ప్రభంజనంతో ఎంతోమంది సామాన్య అభ్యర్థులు సైతం ఎమ్మెల్యేలుగా విజయం సాధించారు. అయితే.. ప్రజలు అందించిన ఈ భారీ విజయాన్ని కొందరు ప్రజాప్రతినిధులు సరిగ్గా ఉపయోగించుకోలేకపోతున్నారనే విమర్శలు వ్యక్తమవుతున్నాయి.
కడప జిల్లా రాజకీయాల్లో ఆసక్తికర పరిణామాలు చోటుచేసుకుంటున్నాయి.
ప్రతి ఒక్కరికీ నిర్దిష్ట పాత్రలు ఉండేలా చంద్రబాబు    రూపొందించిన వ్యవస్థ వల్ల  కుటుంబంలో అంతర్గత విభేదాలు రాకుండా, ఎవరికీ తక్కువ అనే భావన కలగకుండా ఉందనీ, కుటుంబంలో అందరం సమానమేననీ చెప్పారు.
నిన్నటి వరకూ జగన్ కు పెట్టని కోటలా నిలిచిన పులివెందులలో ఇప్పుడు తెలుగుదేశం జెండా ఘనంగా ఎగురుతోంది.  సుదీర్ఘకాలంగా వైసీపీకి తిరుగులేని కంచుకోటగా ఉన్ పులివెందుల పరిధిలో తెలుగుదేశం పార్టీ తన ఉనికిని బలంగా చాటుకుంటోంది.
వైసీపీ అధినేత వైఎస్ జగన్‌మోహన్‌రెడ్డి తీరుపై ఆ పార్టీ నుంచి బయటకు వచ్చిన మాజీ ఎంపీ విజయసాయి రెడ్డి తీవ్రస్థాయిలో మండిపడ్డారు.
తుఫాను కారణంగా చీరాల మన్సిపాల్టీలో ఓట్ల లెక్కింపు శుక్రవారం (నవంబర్ 5) జరుగుతోంది. ఇప్పటి వరకు ఎక్కడా కనీసం డిపాజిట్ కూడా దక్కని కాంగ్రెస్ ఖాతాలో  తొలి విజయం నమోదైంది. కాంగ్రెస్ పార్టీ చీరాల మునిసిపోల్స్ లో గట్టి పోటీ ఇచ్చింది. 25వ వార్డులో విజయం సాధించింది.  25వ వార్డు నుంచి బరిలోకి దిగిన కాంగ్రెస్ అభ్యర్థి వెంకట్రావు విజయం సాధించారు. 
పోలింగ్ సరళి, వెలువడిన ఫలితాలు వైసీపీ శిబిరంలో ఆందోళన కలిగిస్తుంటే వైసీపీ అధినేత, మాజీ సీఎం జగన్ మాత్రం మేకపోతు గాంభీర్యం ప్రదర్శిస్తూ, అధికార తెలుగుదేశం కూటమి అరాచకాలు, అధికార దుర్వినియోగం తమ ఓటమికి కారణాలుగా చూపడానికి ప్రయత్నిస్తున్నారు.  ఎన్నికల ఫలితాల వెల్లడి తర్వాత వైఎస్ జగన్ నిర్వహించిన ఈ మీడియా సమావేశంలో జగన్ చెప్పిందే చెప్పారు. 
 
Disclaimer:
All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
 
You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.