కేసిఆర్ గొంతెమ్మ కోరికలే తెలంగాణాని జాప్యం చేస్తున్నాయా?

Publish Date:Jan 30, 2013

Advertisement

 

మొన్నతెలంగాణా జేయేసీ అద్వర్యంలో నిర్వహించిన సమరదీక్ష అనంతరం తెరాస నేతలు కాంగ్రెస్ పై దాడి మొదలుపెట్టిన విషయం అందరికీ తెలిసిందే. అయితే, తెలంగాణా ఈయని కారణంగా కాంగ్రెస్ పార్టీని లక్ష్యం చేసుకొని దాడులు చేస్తామని ప్రకటించిన, కేసిఆర్ అదే సమయంలో తాము తెరసాను కాంగ్రెస్ లో విలీనం చేయడానికి సిద్దపడిన కూడా కాంగ్రెస్ వెనకంజ వేసిందని ఆరోపించారు.

 

ఆ మరునాడే, కాంగ్రెస్ నాయకుడు వి.హనుమంతరావు తెరాసాను కాంగ్రెస్ లో విలీనం చేయనందునే తెలంగాణా విషయంలో ఆలశ్యం అవుతున్నట్లు అభిప్రాయం వ్యక్తం చేసారు. అదే సమయంలో, సమరదీక్షను కేసిఆర్ హైజాక్ చేసినట్లు భావిస్తున్న తెలంగాణా ప్రజాసంఘాల నాయకుడు గజ్జెల కాంతం కూడా తెరాసా, కాంగ్రెస్ పార్టీల విలీనానికి ఏమి ఒప్పందం కుదుర్చుకోన్నారో ప్రజలకి తెలియజేయాలని డిమాండ్ చేసారు.

 

ఇంతవరకు, చంద్రబాబు ఆదేశాలతో జరుగుతున్న పరిణామాలను చేతులు ముడుచుకొని చూస్తున్న తెలుగుదేశం పార్టీ తెలంగాణా నేతలు ఎర్రబెల్లి దయాకర్ రావు, రేవంత్ రెడ్డి కూడా రంగంలోకి దూకారిప్పుడు. కేసిఆర్, అతని కుమారుడు కేటీర్ ఇద్దరూ కలిసి కాంగ్రెస్ పార్టీతో తెలంగాణా అంశంపై చర్చలు పేరిట గత సెప్టెంబర్ నెలలో డిల్లీలో నెలరోజులు మకాంవేసినప్పుడే తాము అనుమానించామని, వారు తెలంగాణా విషయం గురించికాక తమ పార్టీని కాంగ్రెస్ లో విలీనం చేసినందుకు తమ కుటుంభ సభ్యులందరికీ కేంద్ర రాష్ట్ర ప్రభుత్వాలలో పదవులు, ప్యాకేజీలు మాట్లాడుకొనేందుకే అక్కడ తిష్టవేసారని తాము చెప్పిన సంగతిని మళ్ళీ ఇప్పుడు గుర్తు చేస్తూ, ఆ రెండు పార్టీల విలీనం కోసం చేసుకొన్న ఒప్పంద వివరాలను బహిరంగ పరచాలని వారు డిమాండ్ చేసారు.

 

హనుమంతరావు మాటలకు స్పందిస్తూ కేసిఆర్ తెరాస కాంగ్రెస్ పార్టీలో విలీనం గురించి తాము చిన్నా చితక నేతల మాటలకు జవాబునీయనవసరం లేదని, తాము నేరుగా కాంగ్రెస్ అధిష్టానంతోనే చర్చించడానికి సిద్దమని అన్నారు.

 

అయినా కూడా, తెదేపా, కాంగ్రెస్ పార్టీల నేతలు కేవలం విలీన సమస్య వల్లనే తెలంగాణాపై జాప్యం జరుగుతున్నట్లు, పార్టీ విలీనానికి కేసిఆర్ కోరుతున్న గొంతెమ్మ కోరికల కారణంగానే కేంద్రం వెనకడుగువేస్తోందనట్లు, కేసిఆర్ దీనికి మూల కారకుడనట్లు మాట్లాడుతుంటే, తెరసా నాయకుడు హరీష్ రావు నష్ట నివారణ చర్యలకు పూనుకొని , తాము ఇప్పటికీ తమ పార్టీనికాంగ్రెస్ లో విలీనం చేసేందుకు సిద్దంగా ఉన్నామని, అయితే తమను నిందిస్తున్న హనుమంతరావు, మధు యాష్కీ వంటి కాంగ్రెస్ నేతలు తమ అధిష్టానాన్ని వారం రోజులలోపు తెలంగాణా ఇస్తామని ప్రకటన చేయించగలరా? అలాగయితే తక్షణమే తాము విలీనానికి ఆమోదం తెలుపుతూ కాగితం వారి చేతికే ఇస్తామని సవాలు విసిరారు. హరీష్ రావు ఆ విదంగా అన్నవెంటనే హనుమంతరావు హుటాహుటిన డిల్లీ వెళ్లి పార్టీ అధిష్టానాన్ని కలవడంతో, కేవలం రెండు పార్టీల విలీన సమస్య కారణం గానే తెలంగాణా జాప్యం అవుతోందనే వాదనకు బలం చేకూరింది.

 

ఇదే నిజమయితే, తెలంగాణా ఆకాంక్ష కన్నాతమ స్వార్ద రాజకీయ ప్రయోజనాలే ముఖ్యమనుకొని తమను నమ్ముకొని తమ వెంటనడుస్తున్న తెలంగాణా ప్రజలను వారు మోసంచేస్తున్నట్లే భావించక తప్పదు.

By
en-us Political News

  
ఓ వంక ఐదు రాష్ట్రాల అసెంబ్లీ ఎన్నికలు జరుగుతుంటే, మరో వంక జాతీయ స్థాయిలో, బీజేపీ, కాంగ్రెస్ పార్టీలకు తృతీయ ప్రత్యాన్మాయంగా థర్డ్ ఫ్రంట్ ఏర్పాటు ఆలోచనలు  జోరందుకున్నాయి. ఇటీవల కాంగ్రెస్ పార్టీకి రాజీనామా చేసిన ఆ పార్టీ సీనియర్ నాయకుడు, పీసీ చాకో, నేషనలిస్ట్ కాంగ్రెస్ పార్టీ(ఎన్సీపీ)లో చేరారు...
తెలంగాణ  రాష్ట్ర బడ్జెట్ 2021-22ను ఆర్థిక మంత్రి హరీష్ రావు, ఈ నెల18న సభలో ప్రవేశ పెడతారు.కరోనా కారణంగా, ప్రస్తుత ఆర్థిక సంవత్సరం (2020-21)లో ఎదురైన ఆర్థిక ఇబ్బందుల నేపధ్యంగా ప్రవేశపెడుతున్న బడ్జెట్ కావడంతో  సహజంగానే అందరిలోనూ ఆసక్తి నెలకొంది...
అబద్ధాలు, అర్థ సత్యాలు, వ్యక్తిగత దూషణలు, అర్ధంపర్ధం లేని ఆరోపణలతో సుమారు నెలరోజులకు పైగా తెలంగాణలో సాగుతున్న పట్టభద్రుల ఎమ్మెల్సీ ఎన్నికల ప్రచారానికి శుక్రవారం సాయంత్రంతో  తెర పడింది.రాష్ట్రంలోని మహబూబ్‌నగర్‌-హైదరాబాద్‌-రంగారెడ్డి పట్టభద్రుల నియోజకవర్గంతో పాటుగా,నల్లగొండ-ఖమ్మం-వరంగల్‌ స్థానానికి ఫిబ్రవరి 16 తేదీన నోటిఫికేషన్ వెలువడినా, ఎన్నికల ప్రచారం మాత్రం అంతకు చాలా ముందే అభ్యర్ధుల స్థాయిలో స్థానికంగా ఎన్నికల ప్రచారం ప్రారంభమైంది. 
​సహజంగా కష్టాల్లో ఉన్నపుడు ఎవరికైనా దేవుడు గుర్తు వస్తారు. లౌకిక వాద రాజకీయ నాయకులకు అయితే హటాత్తుగా  తాము హిందువులం అనే విషయం జ్ఞప్తికి వస్తుంది. పశ్చిమ బెంగాల్ ముఖ్యమంత్రి, తృణమూల్ పార్టీ అధినాయకురాలు మమతా బెనర్జీకి   కూడా తానూ హిందువును అనే విషయం ఇప్పుడు గుర్తుకొచ్చింది.
దేశంలోని ఉత్తరాది రాష్ట్రాలలో అటు కాంగ్రెస్ ఇటు స్థానికంగా ఉన్న ప్రాంతీయ పార్టీలను మట్టి కరిపిస్తూ అధికారాన్ని కైవసం చేసుకుంటున్న బీజేపీ.. దక్షిణాదికి వచ్చేసరికి ఒక్క కర్ణాటకలో తప్ప ఇతర రాష్ట్రాలలో ఎన్ని ప్రయత్నాలు చేసినా ఏమాత్రం సక్సెస్ కాలేకపోతోంది...
జయలలిత జీవించి ఉన్నత కాలం, ఆమె నెచ్చలిగా పేరొందిన శశికళ, తమిళ రాజకీయాల్లో ఓ వెలుగువెలిగారు. కొన్ని విషయాల్లో జయలలిత కంటే, ఆమె మోర్ పవర్ఫుల్ లేడీ అనిపించుకున్నారు. ముఖ్యమంత్రులు, మంత్రులు కూడా ఆమె ముందు చేతులు కట్టుకుని నిలుచున్నారు.ఆమెకు పాదాభివందనాలు చేశారు.
కాంగ్రెస్ పార్టీలో రగులుతున్న అంతర్యుద్ధం కొత్త పుంతలు తొక్కుతోంది. మరిన్ని మలుపులు తిరుగుతోంది.ఇటీవల జమ్మూలో సమావేసమైన జీ 23 నాయకులు  అసమ్మతి స్వరాన్ని పెంచారు...
పంచతంత్రంగా పిలుచుకుంటున్న ఐదు రాష్టాల అసెంబ్లీ ఎన్నికల్లో అద్భతం జరగబోతోంది. కేంద్ర ఎన్నికల సంఘం నాలుగు రాష్ట్రాలు, కేంద్రపాలిత ప్రాంతం పుదుచ్చేరి అసెంబ్లీ ఎన్నికల షెడ్యూలు ప్రకటించిన వెంటనే, వివిధ సంస్థలు అసెంబ్లీ ఎన్నికలు జరిగే  అస్సాం. పశ్చిమబెంగాల్, తమిళనాడు రాష్ట్రాలతో పాటుగా కేరళలోనూ ఒపీనియన్ పోల్స్ నిర్వహించాయి...
కేంద్ర ఎన్నికలసంఘం ‘పాంచ్ పటాక’ గంట కొట్టింది. అస్సాం, పశ్చిమ బెంగాల్, కేరళ, తమిళనాడు రాష్ట్రాలు, పుదుచ్చేరి కేంద్ర పాలిత ప్రాంతాల అసెంబ్లీ ఎన్నికల షెడ్యూలును కేంద్ర ఎన్నికల సంఘం విడుదలచేసింది. ఎన్నికల గంట మోగడంతో మొదలైన మరో భారత ‘మినీ’  సంగ్రామానికి మే 12 తేదీన జరిగే ఓట్ల లెక్కింపుతో తెర పడుతుంది.ఈలోగా వివిధ అంచల్లో పోలింగ్ జరుగుతుంది.  
నాలుగు రాష్టాలు అస్సాం, పశ్చిమ బెంగాల్ తమిళనాడు,కేరళ, కేంద్ర పాలిత ప్రాంతం పుదుచ్చేరి శాసన సభలకు  మరో రెండు నెలల్లో ఎన్నికలు జరుగుతాయి. ఇది అందరికీ తెలిసిన విషయం.
ఏపీ కేబినెట్ అనూహ్య నిర్ణయం తీసుకుంది. ఇప్పటికే 50 శాతం నిర్మాణం పూర్తయి.. పెండింగ్‌లో ఉన్న భవనాలను పూర్తి చేయాలని సర్కారు నిర్ణయించింది. అందుకు  3వేల కోట్ల బ్యాంక్ గ్యారంటీ ఇచ్చేందకు ప్రభుత్వం అంగీకరించింది. ఇప్పటికీ ప్రారంభం కానీ, కొద్దిగా ప్రారంభమైన భవనాల నిర్మాణాలపై ఇంజనీరింగ్ నివేదిక వచ్చాక నిర్ణయం తీసుకోవాలని కేబినెట్‌ అభిప్రాయ పడింది. 
ఆంధ్రప్రదేశ్ లో పంచాయతీ ఎన్నికల క్రతువు ముగిసింది. ఈ నెల 9వ తేదీన మొదలైన పోలింగ్, ఆదివారం జరిగిన నాల్గవ విడత పోలింగ్ తో ముగిసింది. ఇంచుమించుగా సంవత్సరంపాటు సాగిన పంచయతీ వివాదం చివరాఖరుకు ఆల్ ఈజ్ వెల్ దట్ ఎండ్స్ వెల్ అన్నట్లుగా మొత్తం 10,890 సర్పంచ్ స్థానాలకు జరిగిన ఎన్నికల పోలింగ్ చాలా వరకు ప్రశాంతంగా జరిగాయి.   ఈ ఎన్నికలలో ఎవరు గెలిచారు,ఎవరు ఓడిపోయారు అనే విషయాన్నిపక్కన పెడితే  కొవిడ్ భయాన్ని, ఇతరత్రా  ఎదురైన సమస్యలను పక్కన పెట్టి, గ్రామీణ ఓటర్లు, ప్రజాస్వామ్య స్పూర్తిని పుష్కలంగా కురిపించారు. నాలుగు దశల్లో పోలింగ్ జరిగితే, ప్రతి దశలోనూ ఓటర్లు ఉత్సాహంగా ఓటింగ్’లో పాల్గొన్నారు. మొత్తంగా చూస్తే 80.14 శాతం ఓటర్లు ఓటు హక్కును వినియోగించుకున్నారు.
రోడ్లన్నీ రద్దీ. గుంపులు గుంపులుగా జనం. ఉద్యోగాలు, వ్యాపారాలు, పెళ్లిళ్లు, ఫంక్షన్లు, గుళ్లు, పండగలూ ఇలా జనజీవనం మళ్లీ మామూలు స్థితికి వచ్చేసింది. కరోనా లేదు. గిరోనా లేదు. ఇండియన్ల ముందు చైనీస్ వైరస్ తోకముడిచిందంటూ గొప్పలు. మాస్కులు పెట్టుకోవడం తగ్గించేశారు.
 
Disclaimer:
All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
 
You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.