అశోక్ కు అవమానం.. నో రేషన్.. సీఎం ఫామ్ హౌజ్ లో కలకలం.. వామ్మో ఒమిక్రాన్.. టాప్ న్యూస్@1PM

Publish Date:Dec 22, 2021

Advertisement

కేంద్ర మాజీ మంత్రి అశోక్‌గజపతిరాజును ఏపీ ప్రభుత్వం తీవ్రంగా అవమానించింది. రామతీర్థం బోడికొండ ఆలయ పున:నిర్మాణ పనుల కార్యక్రమంలో అధికారులు ప్రొటోకాల్ పాటించలేదు. శంకుస్థాపన బోర్డుపై అశోక్‌గజపతిరాజు పేరును లేకుండా చేశారు. ఆలయ అనువంశిక ధర్మకర్త అయిన తనను విస్మరించడంతో అశోక్‌గజపతిరాజు ఆవేదనకు లోనయ్యారు. అక్కడున్న శంకుస్థాపన బోర్డు తీసివేసేందుకు ప్రయత్నించారు. ఆ సమయంలో వైసీపీ కార్యకర్తలు అశోక్‌గజపతిరాజును తోసేశారు.
----
ఆంధ్రప్ర‌దేశ్ లో పారిశుద్ధ్య కార్మికుల ఇబ్బందుల‌ను అర్థం చేసుకోవాల‌ని  సీఎం జ‌గ‌న్‌కు గోరంట్ల బుచ్చ‌య్య చౌద‌రి చెప్పారు. పారిశుద్ధ్య కార్మికుల‌కు జీతాలు ఇవ్వ‌క‌పోతే వారు ఎలా బ‌తుకుతార‌ని ఆయ‌న సీఎంను నిల‌దీస్తూ ట్వీట్ చేశారు.'పారిశుద్ధ్య‌ కార్మికులకు నాలుగు నెలలుగా జీతాలు లేవు. వాళ్లు బ‌తికేదెలా ముఖ్యమంత్రి వైఎస్ జ‌గ‌న్ గారు? మీ చర్యలతో వాళ్లు తీవ్రస్థాయిలో ఇబ్బందులు ఎదుర్కొంటున్నారు. దయ చేసి వాళ్ల‌ జీతాలు వారికి ఇప్పించండి' అని గోరంట్ల బుచ్చ‌య్య చౌద‌రి సూచించారు.
-------
విశాఖలో రూ. 200 కోట్ల భూవివాదం చోటుచేసుకుంది. స్మార్ట్‌సిటీ కార్పొరేషన్‌చైర్మన్‌ జీవీపై హయగ్రీవ ఇన్‌ఫ్రా చైర్మన్‌ జగదీశ్వరుడు తీవ్ర ఆరోపణలు  చేశాడు. ప్రభుత్వ పెద్దల పేరుతో జీవీ బెదిరిస్తున్నాడని ఆరోపణలు చేశారు. యండాడలో రూ.200  కోట్ల విలువైన భూమిని బలవంతంగా రాయించుకున్నారని ఆరోపించారు. విశాఖ ఎంపీ సత్యనారాయణ సహకారంతో తనను తీవ్ర ఇబ్బందులు పెట్టారని ఆవేదన వ్యక్తం చేశారు
-----
బియ్యం కార్డుదారులకు కేంద్ర ప్రభుత్వం ప్రతి నెలా అందించే ఉచిత బియ్యానికి ఏపీలో తాత్కాలికంగా బ్రేక్‌ పడినట్టు తెలుస్తోంది. ఈ నెల 18 నుంచే పంపిణీ కావా ల్సిన బియ్యం ఇంతవరకు ప్రారంభం కాలేదు. ఈ ఏడాది నవం బరు నెల నుంచి ఉచిత బియ్యం పంపిణీ ఉండదని ఇంతకు ముందు చెప్పినా ఈ పథకాన్ని వచ్చే ఏడాది మార్చి వరకు పొడిగించారు. అయితే డిసెంబరు నెలలో పంపిణీ ఇంతవరకు ప్రారంభం కాలేదు.ఈనెలలో ఇక పంపిణీ లేనట్టేనని తెలుస్తోంది. 
--------
తెలంగాణ ముఖ్యమంత్రి కల్వకుంట్ల చంద్రశేఖర్ రావు ఫామ్ హౌస్ లో కలకలం రేగింది. ఎర్రవల్లిలోని సీఎం కేసీఆర్ ఫామ్ హౌస్‌లో కూలి పనికి వెళ్లిన యువకుడు చనిపోవడం తీవ్ర దుమారం రేపుతోంది. యువకుడు అక్కడి వ్యవసాయ బావిలో పడి మృతి చెందిన ఘటన ఆలస్యంగా వెలుగులోకి వచ్చింది. మృతుని కుటుంబ సభ్యులు ఎర్రవెళ్లి ఫాహౌస్ ముందు ఆందోళనకు దిగడంతో ఉద్రిక్తత తలెత్తింది. ఈ ఘటనతో సీఎం కేసీఆర్ టెన్షన్ పడుతున్నారని తెలుస్తోంది. 
---------
కేంద్ర మంత్రి పియూష్ గోయల్ పై తెలంగాణ మంత్రి హరీశ్ రావు మండిపడ్డారు. తెలంగాణ రైతులకు అన్యాయం చేస్తున్నందుకు క్షమాపణలు చెప్పాలని డిమాండ్ చేశారు. రైతులకు న్యాయం చేయాలని కోరుతూ ఢిల్లీకి వచ్చిన రాష్ట్ర మంత్రులకు కనీసం సమయం కూడా ఇవ్వలేదని... ఇదే సమయంలో బీజేపీ నేతలకు మాత్రం సమయం ఇచ్చారని విమర్శించారు. రాష్ట్ర మంత్రులను పట్టుకుని వారికి పని లేదు అని అంటారా? అని మండిపడ్డారు.
----------
రైతులపై తెలంగాణ ప్రభుత్వానికి ప్రేమ లేదనివ బీజేపీ ఎమ్మెల్యే రఘునందన్‌రావు మండిపడ్డారు. బీజేపీని బద్నాం చేసేందుకే టీఆర్‌ఎస్‌ కుట్ర చేస్తోందన్నారు. రాష్ట్రంలో రేషన్‌ బియ్యం సక్రమంగా ఇవ్వడం లేదన్నారు. ప్రజలను వదిలేసి ఢిల్లీకి ఎందుకు వచ్చారని బరాబర్‌ అడుగుతామని చెప్పారు. రైతులను అడ్డం పెట్టుకుని కావాలనే రాజకీయం చేస్తున్నారని ఆగ్రహం వ్యక్తం చేశారు.
-------
తూర్పు గోదావరి జిల్లా కోరుకొండ మండలం రాఘవపురంలో పేకాటశిబిరంపై పోలీసుల దాడి చేశారు.  పేకాట ఆడుతూ తహశీల్దార్‌ కిషోర్‌బాబు పోలీసులకు పట్టుబడ్డారు. పేకాడుతూ పోలీసులకు కొత్తపేట తహశీల్దార్‌ కిషోర్‌బాబు చిక్కాడు. మొత్తం 10 మందిని పోలీసులు అరెస్ట్ చేశారు. వారి నుంచి 11 సెల్‌ఫోన్లు, రూ.94 వేలు స్వాధీనం చేసుకున్నారు. కేసు నమోదు చేసి విచారణ జరుపుతున్నారు.
------
క్రికెటర్‌ను చేస్తామని చెప్పి నారాయణగూడకు చెందిన ఓ మహిళా క్రికెటర్‌ను సైబర్ నేరగాళ్లు మోసం చేశారు. నారాయణగూడలో క్రికెట్ కోచింగ్ తీసుకుంటున్న ఓ యువతి, ఆమె సోదరుడుకు మానవ హక్కుల నుంచి ఫోన్ చేస్తున్నామని, మీకు మంచి భవిష్యత్తు ఉందని మాయమాటలు చెప్పి నమ్మించారు. వారి నుంచి  సైబర్ నేరగాళ్లు ఒక లక్షా ఇరవై వేలు దండుకున్నారు. రెండు నెలలుగా బుకాయిస్తుండడంతో బాధితులు సైబర్ క్రైం పోలీసులకు ఫిర్యాదు చేశారు. 
-------
అమెరికాలోని ప‌లు రాష్ట్రాల్లో ఒమిక్రాన్ శ‌ర‌వేగంగా వ్యాప్తి చెందుతోంది. అమెరికాలో కొత్తగా లక్షా 81 వేలకు పైగా కరోనా కేసులు నమోదయ్యాయని ఆ దేశ ప్ర‌భుత్వం ప్ర‌క‌టించింది.వాటిలో అధిక శాతం ఒమిక్రాన్ కేసులే ఉన్నాయని వివ‌రించింది. దీంతో అమెరికా అధ్యక్షుడు జో బైడెన్ మీడియా స‌మావేశంలో మాట్లాడుతూ ప్ర‌జ‌ల‌కు ప‌లు సూచ‌న‌లు చేశారు. దేశ వ్యాప్తంగా ప్ర‌భుత్వం ముందుజాగ్రత్త చర్యలు తీసుకుంటోంద‌ని చెప్పారు.
---
 

By
en-us Political News

  
తెలంగాణ కాంగ్రెస్ రాజకీయ వర్గాల్లో గత కొంతకాలంగా నెలకొన్న ఉత్కంఠకు అఖిల భారత కాంగ్రెస్ కమిటీ (ఏఐసీసీ) అధికారికంగా తెరదించింది.
ఈ నేపథ్యంలో వైయస్ జగన్మోహన్ రెడ్డికి అత్యంత సన్నిహితుడైన చెవిరెడ్డి భాస్కర్ రెడ్డి వైసీపీ తరపున తొలిసారిగా విజయసాయి పార్టీపై స్పందించారు. అయితే, ఆయన తన స్పందనను చాలా సాధారణంగా, క్లుప్తంగా ముగించడమే కాకుండా విజయసాయి రెడ్డిని   తేలికగా తీసుకున్నట్లు కనిపించింది.
వైసీపీకి సుదీర్ఘకాలం పాటు అత్యంత సన్నిహితుడిగా, కీలక నేతగా వ్యవహరించిన విజయసాయిరెడ్డి సొంతంగా కొత్త రాజకీయ పార్టీని ప్రకటించడం రాష్ట్ర రాజకీయ వర్గాల్లోచర్చకు తెరతీసింది.
పేద,  మధ్యతరగతి ప్రజల ఆదాయాన్ని పెంచేలా చర్యలు తీసుకోవడం వంటి హామీలను ప్రకటించారు. రాజకీయాల్లో పాత పద్ధతులకు స్వస్తి చెప్పి, ప్రజల ఆకాంక్షలకు అనుగుణంగా పరిపాలన అందించడమే తమ పార్టీ విధానమని విజయసాయిరెడ్డి చెప్పారు, 
విజయ్ ప్రభంజనంతో ఎంతోమంది సామాన్య అభ్యర్థులు సైతం ఎమ్మెల్యేలుగా విజయం సాధించారు. అయితే.. ప్రజలు అందించిన ఈ భారీ విజయాన్ని కొందరు ప్రజాప్రతినిధులు సరిగ్గా ఉపయోగించుకోలేకపోతున్నారనే విమర్శలు వ్యక్తమవుతున్నాయి.
కడప జిల్లా రాజకీయాల్లో ఆసక్తికర పరిణామాలు చోటుచేసుకుంటున్నాయి.
ప్రతి ఒక్కరికీ నిర్దిష్ట పాత్రలు ఉండేలా చంద్రబాబు    రూపొందించిన వ్యవస్థ వల్ల  కుటుంబంలో అంతర్గత విభేదాలు రాకుండా, ఎవరికీ తక్కువ అనే భావన కలగకుండా ఉందనీ, కుటుంబంలో అందరం సమానమేననీ చెప్పారు.
నిన్నటి వరకూ జగన్ కు పెట్టని కోటలా నిలిచిన పులివెందులలో ఇప్పుడు తెలుగుదేశం జెండా ఘనంగా ఎగురుతోంది.  సుదీర్ఘకాలంగా వైసీపీకి తిరుగులేని కంచుకోటగా ఉన్ పులివెందుల పరిధిలో తెలుగుదేశం పార్టీ తన ఉనికిని బలంగా చాటుకుంటోంది.
వైసీపీ అధినేత వైఎస్ జగన్‌మోహన్‌రెడ్డి తీరుపై ఆ పార్టీ నుంచి బయటకు వచ్చిన మాజీ ఎంపీ విజయసాయి రెడ్డి తీవ్రస్థాయిలో మండిపడ్డారు.
తుఫాను కారణంగా చీరాల మన్సిపాల్టీలో ఓట్ల లెక్కింపు శుక్రవారం (నవంబర్ 5) జరుగుతోంది. ఇప్పటి వరకు ఎక్కడా కనీసం డిపాజిట్ కూడా దక్కని కాంగ్రెస్ ఖాతాలో  తొలి విజయం నమోదైంది. కాంగ్రెస్ పార్టీ చీరాల మునిసిపోల్స్ లో గట్టి పోటీ ఇచ్చింది. 25వ వార్డులో విజయం సాధించింది.  25వ వార్డు నుంచి బరిలోకి దిగిన కాంగ్రెస్ అభ్యర్థి వెంకట్రావు విజయం సాధించారు. 
పోలింగ్ సరళి, వెలువడిన ఫలితాలు వైసీపీ శిబిరంలో ఆందోళన కలిగిస్తుంటే వైసీపీ అధినేత, మాజీ సీఎం జగన్ మాత్రం మేకపోతు గాంభీర్యం ప్రదర్శిస్తూ, అధికార తెలుగుదేశం కూటమి అరాచకాలు, అధికార దుర్వినియోగం తమ ఓటమికి కారణాలుగా చూపడానికి ప్రయత్నిస్తున్నారు.  ఎన్నికల ఫలితాల వెల్లడి తర్వాత వైఎస్ జగన్ నిర్వహించిన ఈ మీడియా సమావేశంలో జగన్ చెప్పిందే చెప్పారు. 
కాంగ్రెస్, కమ్మూనిస్టుల మద్దతుతో ఎన్నికల బరిలోకి దిగిన ఏబీవీకి ఘోర పరాజయం ఎదురైన సంగతి తెలిసిందే. కమ్యూనిస్టులకు అంతో ఇంతో పట్టున్న ప్రాంతాలలో కూడా ఆయనకు ఓట్లు రాలలేదు. ఇక కాంగ్రెస్ మద్దతు ఆయనకు ఎందుకూ కొరగాకుండా పోయింది. 
 
Disclaimer:
All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
 
You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.