కరోనా ను జయించాడు.. కానీ పోలీసులు అరెస్ట్ చేసారు
Publish Date:Jun 8, 2020
Advertisement
ప్రపంచం మొత్తం కరోనా భయంతో వణుకుతోంది. ఎటు పక్క నుండి ఈ వైరస్ తలుపు తడుతుందోనని అందరు భయపడుతుంటే ఆ మహానుభావుడు మాత్రం కరోనా ను జయించిన ఆనందం లో ఊరేగింపు జరిపి పోలీసుల చేతికి చిక్కాడు. అసలు విషయంలోకి వస్తే బెంగుళూరు లోని పేదరాయణ పుర కార్పొరేటర్ కు కొద్దీ రోజులక్రితం కరోనా సోకింది. ఐతే ప్రభుత్వ ఐసోలేషన్ వార్డులో ఉంచి మంచి ఫుడ్ పెట్టి ట్రీట్మెంట్ ఇవ్వడంతో పూర్తిగా కోలుకున్నాడని వైద్యులు డిశ్చార్జ్ చేసారు. ఐతే కరోనా ను జయించిన ఆనందం లో అయన అనుచరులు పెద్ద ఊరేగింపుతో టపాసులు కాలుస్తూ ఆయనకు ఘన స్వాగతం పలికారు. ఇప్పుడు అదే అయన పీకకు చుట్టుకొంది. లాక్ డౌన్ టైం లో సోషల్ డిస్టెన్స్ పాటించకుండా హడావిడి చేసినందుకు పోలీసులు అయన ను అరెస్ట్ చేసారు. అయినా ఇది కరోనా సమయం అని మరిచిపోయి ప్రవర్తిస్తే తరువాత పరిస్థితులు మన చేతుల్లో ఉండవని గ్రహించకపోతే పర్యవసానం ఇలాగే ఉంటుంది.
http://www.teluguone.com/news/content/jds-corporator-arrested-for-grand-procession-after-recovering-from-covid-19-25-100008.html





