సిద్దూను ఓడించడమే లక్ష్యమా? కెప్టెన్ వెనుక బీజేపీ ఉందా? 

Publish Date:Oct 27, 2021

Advertisement

పంజాబ్ మాజీ ముఖ్యమంత్రి అమరీందర్ సింగ్ త్వరలో కొత్త పార్టీని ప్రారంభించనున్నట్లు ప్రకటించారు. నిజానికి ఇదే విషయాన్ని ఆయన ఇంతకు ముందు కూడా చెప్పారు. ఇప్పడు మళ్ళీ మరోమారు పునరుద్ఘాటించారు. అయితే, అప్పుడు ఆయన ఆ విషయాన్ని స్వయంగా చెప్పకుండా, తమ వ్యక్తిగత కార్యదర్శి ద్వారా చెప్పించారు. ఇప్పుడు ఆయనే స్వయంగా మీడియా ముందుకు వచ్చి తమ మనసులోని భావలాను పంచుకున్నారు.కెప్టెన్ అమరేందర్ సింగ్ రాటుతేలిన రాజకీయ నాయకుడు. నాలుగు పదుల సుదీర్ఘ రాజకీయ జీవితంలో చాలా ఆటుపోట్లు చూశారు. దేశమంతా ముఖ్యంగా ఉత్తర  భారతదేశం అంతటా కాంగ్రెస్ వ్యతిరేక గాలులు వీస్తున్న సమయంలో కూడా పంజాబ్ లో కాంగ్రెస్ పార్టీని గెలిపించిన నాయకుడు కెప్టెన్ అమరీందర్ సింగ్. నిబద్దత,సైనిక క్రమశిక్షణ ఉన్న నాయకుడు. 

అసెంబ్లీ ఎన్నికలు ఇంకా ఎంతో దూరంలో లేని సమయంలో, గత ఐదారు నెలలుగా పంజాబ్ కాంగ్రెస్ పార్టీలో చోటు చేసుకుంటున్న పరిణామాలను గమనిస్తే కెప్టెన్ తనంతట తానుగా కాంగ్రెస్ పార్టీని వదిలి బయటకు రాలేదు, కాంగ్రెస్ అధినాయకత్వం పొమ్మన కుండా పొగపెట్టి ఆయన్ని బయటకు పంపించింది. నిజానికి, కాంగ్రెస్ పార్టీని వదిలేసిన చివరి  రోజుల్లో ఆయన చిన్నా పెద్దల నుంచి ఎదురైన అవమానాలు చాలానే భరించారు. పీసీసీ చీఫ్ గా సిద్దూ వద్దని ఆయన ఎంత గట్టిగా చెప్పినా, రాహుల్ గాంధీ, ప్రియాంకా వాద్రా ఆయన మాటను పెడచెవిన పెట్టారు. పట్టించుకోలేదు. సిద్దూను పీసీసీ చీఫ్ గా నియమించారు. అయినా కెప్టెన్ అలాగే సర్దుకు పోయారు. చివరకు ఆయన ఇంకా ముఖ్యమంత్రి పదవిలో ఉండాగానే, కనీసం ఆయనకు సమాచారం ఇవ్వకుండా, ఆయన స్థానంలో నూతన ముఖ్యమంత్రిని ఎన్నుకునేందుకు సీఎల్పీ సమావేశం ఏర్పాటు చేయడంతో, ఇక మరో దారి లేక  రాజీనామా చేశారు. ఆ తర్వాత సిద్దూ ఇంకో చిచ్చుపెట్టి ఆయన కూడా రాజీనామా చేశారు. అందుకే ఇప్పుడు పంజాబ్ లో కాంగ్రెస్ పార్టీ తలలేని మొండెంలా మిగిలింది.  

అయితే అదంతా ముగిసిన అధ్యాయం అనుకుంటే, ఇప్పుడు కెప్టెన్ సొంత పార్టీ పెడుతున్నట్లు ప్రకటించడం వలన కొత్తగా కాంగ్రెస్ పార్టీకి వచ్చే చిక్కులు ఏమిటీ, అంటే ఏమీ ఉండక పోవచ్చును. నిండామునిగి వాడికి చలేమిటి అన్నట్లు, ఇప్పటికే కాంగ్రెస్ పార్టీ పోగొట్టుకో వలసిన దాని కంటే ఎక్కువే పోగొట్టుకుంది. కాబట్టి, కెప్టెన్ పార్టీ పెట్టడం వలన కొత్తగా పోయేది ఏమీ లేదని, పార్టీ నాయకులే అంటున్నారు. కొత్తగా పార్టీ పెట్టి అమరీందర్ సింగ్’ బావుకునేంది కూడా ఏమీ ఉండదు.ఏమిచేసినా, ఏమి చేయక పోయినా, ఆయన మళ్ళీ ముఖ్యమంత్రి అయ్యే అవకాశం ఉండక పోవచ్చును. ఆ విషయం ఆయనకు కూడా తెలుసు. అయితే, తనను అవమానకరంగా బయటకు పంపిన పార్టీని, అందుకు మూల కారణం అయిన సిద్దూను ఓడించడమే కెప్టెన్ లక్ష్యం కావచ్చును. కావచ్చును కాదు,ఆయన అదే విషయం గతంలోనూ చెప్పారు ఇప్పుడూ చెప్పారు.గతంలోనే ఆయన సిద్దూను దేశద్రోహి, ప్రమాదకర వ్యక్తి అని పేర్కొన్నారు.  

కెప్టెన్ కొత్త పార్టీ గురించి పంజాబ్ రాజకీయ వర్గాల్లో కొంత ఆసక్తికర చర్చ జరుగుతోంది. భిన్నమైన అభిప్రాయాలు వ్యక్తమవుతున్నాయి. ఇంతవరకు కాంగ్రెస్ ఎమ్మెల్యేలలో ఒకరిద్దరు మినహా ఎవరూ కెప్టెన్ వెంట రాలేదు. మరో వంక బీజేపీ’ కెప్టెన్ పెట్టె ప్రతి బీజేపీతో పొత్తు పెట్టుకుంతుందని  వస్తున్న  వార్తలు,ఆయన వెంట నడవాలనుకునే వారు కూడా ఒకటికి రెండు సార్లు అలోచించు కుంటున్నారు. కేంద్ర ప్రభుత్వం తెచ్చిన మూడు  వ్యవసాయ చట్టాలకు వ్యతిరేకంగా సంవత్సరానికి పైగా సాగుతున్న ఆందోళన, పంజాబ్’లో బీజేపీని బూచిని చేసింది. బీజేపీ పరు వింటేనే రాజకీయ నాయకులు ఆమడదూరం పరుగులు తీస్తున్నారు. ఈ నేపధ్యంలో  కెప్టెన్ పార్టీ... కాంగ్రెస్ ను ఏ మేరకు దెబ్బబ్బతీస్తుందో .. అసలేం చేస్తుందో చూడవలసి ఉందని రాజకీయ వర్గాలలో చర్చ జరుగుతోంది.

By
en-us Political News

  
సాధారణంగా   నాయకులు, తాము ప్రజలకు చేయగల పనుల విషయంలో వాస్తవికత వదిలేసి అతిశయోక్తులతో, అతి అంచనాలతో గొప్పలు చెప్పుకుంటుంటారు.
మొత్తం 28 జడ్పీ అధ్యక్ష, ఉపాధ్యక్ష స్థానాలకు జరిగిన ఎన్నికల్లో తెలుగుదేశం, జనసేన, బీజేపీ కూటమి 27 చోట్ల విజయం సాధించి తిరుగులేని ఆధిపత్యాన్ని ప్రదర్శించింది.  
అదానీతో సంబంధాలపై   రేవంత్ రెడ్డి స్పష్టత ఇచ్చారు. తెలంగాణలో అదానీ పెట్టుబడుల ద్వారా స్థానిక ప్రజలకు ఉపాధి అవకాశాలు కల్పిస్తున్నామని, ప్రజాధనాన్ని దోచి అదానీకి కట్టబెట్టే విధానం తమది కాదని స్పష్టం చేశారు. తెలంగాణలో బీజేపీకి బలమైన ఉనికి లేదని, ఇటీవలి జూబ్లీహిల్స్ ఉప ఎన్నికలో బీజేపీ డిపాజిట్ కూడా కోల్పోవడమే ఇందుకు నిదర్శనమన్నారు.
పోలీసుల హెచ్చరికలు, ఆంక్షలను బేఖాతరు చేస్తూ ఆయన భారీ కాన్వాయ్‌తో అక్కడికి రావడంపై స్థానిక ప్రజలు, తెలుగుదేశం వర్గీయులు  ఆగ్రహం వ్యక్తం చేశారు.  ఎంపీ కాన్వాయ్ ను అడ్డుకునే ప్రయత్నం చేశారు. ఈ సందర్భంగా  అంకాలమ్మ గూడూరులో ఘర్షణ వాతావరణం నెలకొంది. 
ఇదే వేదికపై నుంచి   544.11 కోట్ల రూపాయల విలువైన అభివృద్ధి పనులకు శంకుస్థాపనలు, ప్రారంభోత్సవాలు చేసిన రేవంత్ రెడ్డి,  ఇందిరమ్మ కుటుంబ జీవిత బీమా పథకాన్ని కూడా   ప్రారంభించారు.
కొలంబియా యూనివర్సిటీ వేదికగా రాహుల్ గాంధీ మాట్లాడుతూ, ప్రస్తుతం  దేశ ఆర్థిక వ్యవస్థ   పతనావస్థలో ఉందని రాహుల్ సంచలన వ్యాఖ్యలు చేశారు. దేశంలో నిరుద్యోగ సమస్య విపరీతంగా పెరిగిపోయిందని, యువతకు ఉపాధి అవకాశాలు కరవయ్యాయని ఆయన ఆరోపించారు.
తమ కుటుంబ వివాహ వేడుకకు తండ్రిసమానులైన ఒక సీనియర్ రాజకీయ నాయకుడిని ఆహ్వానించడంలో తప్పేముందని ప్రశ్నించిన షర్మిల.. దీనికి అనవసరమైన, అభ్యంతరకరమైన అర్థాలు ఆపాదించి ప్రచారం చేయడం జగన్ దిగజారుడుతనానికి నీచ మసస్థత్వానికి నిదర్శనమన్నారు.
తెలంగాణ కాంగ్రెస్ రాజకీయ వర్గాల్లో గత కొంతకాలంగా నెలకొన్న ఉత్కంఠకు అఖిల భారత కాంగ్రెస్ కమిటీ (ఏఐసీసీ) అధికారికంగా తెరదించింది.
ఈ నేపథ్యంలో వైయస్ జగన్మోహన్ రెడ్డికి అత్యంత సన్నిహితుడైన చెవిరెడ్డి భాస్కర్ రెడ్డి వైసీపీ తరపున తొలిసారిగా విజయసాయి పార్టీపై స్పందించారు. అయితే, ఆయన తన స్పందనను చాలా సాధారణంగా, క్లుప్తంగా ముగించడమే కాకుండా విజయసాయి రెడ్డిని   తేలికగా తీసుకున్నట్లు కనిపించింది.
వైసీపీకి సుదీర్ఘకాలం పాటు అత్యంత సన్నిహితుడిగా, కీలక నేతగా వ్యవహరించిన విజయసాయిరెడ్డి సొంతంగా కొత్త రాజకీయ పార్టీని ప్రకటించడం రాష్ట్ర రాజకీయ వర్గాల్లోచర్చకు తెరతీసింది.
పేద,  మధ్యతరగతి ప్రజల ఆదాయాన్ని పెంచేలా చర్యలు తీసుకోవడం వంటి హామీలను ప్రకటించారు. రాజకీయాల్లో పాత పద్ధతులకు స్వస్తి చెప్పి, ప్రజల ఆకాంక్షలకు అనుగుణంగా పరిపాలన అందించడమే తమ పార్టీ విధానమని విజయసాయిరెడ్డి చెప్పారు, 
విజయ్ ప్రభంజనంతో ఎంతోమంది సామాన్య అభ్యర్థులు సైతం ఎమ్మెల్యేలుగా విజయం సాధించారు. అయితే.. ప్రజలు అందించిన ఈ భారీ విజయాన్ని కొందరు ప్రజాప్రతినిధులు సరిగ్గా ఉపయోగించుకోలేకపోతున్నారనే విమర్శలు వ్యక్తమవుతున్నాయి.
కడప జిల్లా రాజకీయాల్లో ఆసక్తికర పరిణామాలు చోటుచేసుకుంటున్నాయి.
 
Disclaimer:
All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
 
You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.