సబితకు చుక్కెదురు.. ఉద్వాసన తప్పదా ?

Publish Date:Jul 6, 2022

Advertisement

కాంగ్రెస్ టికెట్ మీద గెలిచి, తెరాసలో చేరి, ముఖ్యమంత్రి కేసీఆర్ మంత్రివర్గంలో స్థానం సంపాదించుకున్నవిద్యా శాఖ మంత్రి సబితా ఇంద్రారెడ్డి చిక్కుల్లో చిక్కుకున్నారా? ఓ వంక శాఖపరమైన సమస్యలు, మరోవంక రాజకీయ సవాళ్ళు ఒకేసారి దండయాత్ర చేయడంతో ఆమె ఉక్కిరి బిక్కిరి అవుతున్నారా, అంటే, అవును, ఆమె ఒక్కసారిగా ముప్పేట దాడిని ఎదుర్కుంటున్నారు.  ఇంటా బయటా విమర్శలు ఎదుర్కుంటున్నారని, అంటున్నారు.  

బాసర ట్రిపుల్ ఐటీ విద్యార్ధుల ఆందోళనను పరిష్కరించే క్రమమలో విద్యార్ధుల డిమాండ్లు సిల్లీగా ఉన్నాయని ఆమె చేసిన వ్యాఖ్యలు, ఆమెనే సిల్లీ మంత్రిని చేశాయి. రాష్ట్రంలోని అత్యంత ప్రతిష్టాత్మక విద్యా సంస్థలలో ఒకటిగా పేరొందిన, బాసర ట్రిపుల్ ఐటీలో కనీస మౌలిక వసతులు లేవని విద్యార్ధులు ఆందోళనకు దిగితే, మంత్రి సబితా ఇంద్రా రెడ్డి, విధ్యార్దుల డిమాండ్లు సిల్లీగా ఉన్నాయని అన్నారు. ఆమె చేసిన ఆ వ్యాఖ్య పెద్ద దుమారమే రేపింది. ఒక విధంగా విధ్యర్ధులను రెచ్చ గొట్టి, ఉద్యమం ఉధృతం కావడానికి కూడా ఆమె వ్యాఖ్యలే కారణ మయ్యాయి. మరోవంక  విద్యార్ధుల నుంచే కాకుండా సామాన్య ప్రజల నుంచి కూడా ఆమె, విమర్శలు ఎదుర్కున్నారు.

అలాగే, గురుకుల పాఠశాలలలో, పిల్లలకు సన్న బియ్యంతో, పౌష్టిక ఆహారం అందిస్తున్నామని ప్రభుత్వం ప్రచారం చేసుకుంటున్నా, వాస్తవంలో బియ్యంలో పురుగులు వస్తున్న ఉదంతాలు, వెలుగు చూస్తున్నాయి. పిల్లలు పురుగుల అన్న తినలేక పస్తులుంటున్నారు. ఆకలితో  రోదిస్తున్నారు. అస్వస్థకు గురవుతున్నారు. ఇదంతా కూడా ఎక్కడో కాదు, మంత్రి సబితా ఇంద్ర రెడ్డి ప్రాతినిధ్యం వహిస్తున్న రంగారెడ్డి జిల్లా మహేశ్వరం నియోజక వర్గం పరిధిలోని, పాఠశాలలలోనే ఈ పరిస్థితులు ఉన్నాయని, మీడియాలో సచిత్ర కథనాలు ప్రసారం అవుతున్నాయి. ఇక పరీక్షల నిర్వహణ, ఫలితాల విడుదల, ఉపాధ్యాయుల కొరత ఇలా చెప్పుకుంటూ పోతే రాష్ట్రంలో విద్యా వ్యవస్థ అస్తవ్యస్తంగా తయారైందనే విమర్శలు ఉండనే ఉన్నాయి. ఇంటర్ పరీక్షా ఫలితాల విడుద ఎన్నిసార్లు సార్లు వాయిదా పడిందో  విద్యాశాఖ  అధికారులకు అయినా తెలుసో లేదో అనుమానమే. నిజానికి లోపం, ఎక్కడుందో కానీ, ఇప్పటికే కేజీ నుంచి పీజీ దాకా ఉచిత విద్య వాగ్దానం గాలికి వదిలేసిన ఆరోపణలు ఎదుర్కొంటున్న ప్రభుత్వం, ఇప్పుడు, సబితా ఇంద్రా రెడ్డి   అవగాహన రాహిత్యం కారణంగా మరింత అభాసు పాలవుతోందని, అంటున్నారు. 

అదొకటి అలా ఉంటే, ముందూ వెనకా చూసుకోకుండా ప్రభుత్వ  పాఠశాలలలో  పని చేసే టీచర్లు అందరూ తమ వార్షిక ఆదాయాన్ని ప్రకటించాలంటూ పాఠశాల విద్యా శాఖ జారీ చేసిన జీవో పెద్ద దుమారమే రేపింది. ఉద్యోగ, ఉపాధ్యాయ సంఘాలతో పాటు.. ప్రతిపక్షాలు కూడా ఈ నిర్ణయాన్ని తీవ్రంగా వ్యతిరేకించాయి.. తప్పుపట్టాయి.  ఉపాధ్యాయులను టార్గెట్‌ చేసి ఉద్దేశ్ పూర్వకంగా ప్రభుత్వం ఇలాంటి నిర్ణయం తీసుకుందనే విమర్శలు వచ్చాయి. దీంతో,వెంటనే ఆ ఉత్తర్వులను వెనక్కి తీసుకుంటున్నట్టు మంత్రి సబితా ఇంద్రారెడ్డి ప్రకటించారు.

ఇలా అడుసు తొక్కడం, కాలు కడగడం విద్యాశాఖకు, విద్యాశాఖ మంత్రికి అలవాటుగా మారి పోయిందని వస్తున్న విమర్శలు ప్రభుత్వ ప్రతిష్టను దిగజార్చి వేస్తున్నాయని తెరాస శ్రేణులే అంటున్నాయి.   
ఇవన్నీఒకెత్తు అయితే, సొంత పార్టీ నుంచే మంత్రి సబితా ఇంద్రారెడ్డి తీవ్ర అవినీతి ఆరోపణలు ఎదుర్కుంటున్నారు. మంత్రి భూకబ్జాలు ప్రోత్సహిస్తున్నారని, మాజీ ఎమ్మెల్యే, టిఆర్ఎస్ సీనియర్ నాయకుడు తీగల కృష్ణా రెడ్డి గత కొద్ది రోజులుగా ఆమెపై సంచలన ఆరోపణలు చేస్తున్నారు. అంతే కాకుండా ఆమె భూకబ్జాల చిట్టా మొత్తం బయట పెడతానని బహిరంగంగా ప్రకటనలు గుప్పిస్తున్నారు. తగ్గేదేలే’ అంటూ సవాలు విసురుతున్నారు. మరో వంక సబితా సబితా ఇంద్రారెడ్డి, అలాంటిదేమీ లేదంటూనే, ఉన్నా,  ముఖ్యమంత్రి చూసుకుంటారని, సీఎం చాటున రక్షణ పొందే ప్రయత్నం చేస్తున్నారు.

ఇరువురు నేతల మధ్య బాహాటంగా జరుగుతున్న రగడ పార్టీలో చర్చకు కారణంగా మారింది. పబ్లిక్ లో పార్టీ ప్రతిష్టను దిగజార్చింది.  కాగా, మంత్రి పై తీవ్ర విమర్శలు చేసిన తీగల, కబ్జాకు కాదేదీ అనర్హం అన్నట్లుగా చెరువులు, పాఠశాలల స్థలాలను కూడా సబితా కబ్జా చేస్తున్నారని ఆరోపించారు. అలాగే, ఆమె రాజకీయ చరిత్రను వదలకుడా తీగల రాజకీయ విమర్శలు చేశారు. రాజకీయ అస్త్రాలు సంధించారు.ను  ఆమె తెరాస టికెట్ మీద గెలలేదని, గుర్తు చేసిన ఆయన, మంత్రి సబితా ఇంద్రారెడ్డి వైఖరిపై సీఎం కేసీఆర్ తో కూడా తాను చర్చిస్తానని పేర్కొన్నారు.

అయితే, రేపో మాపో కాంగ్రెస్ పార్టీలో చేరేందుకు సిద్దమవుతున్న తీగల ఆరోపణలను ముఖ్యమంత్రి ఎంతవరకు సీరియస్ గా తీసుకుంటారనేది,చూడవలసి ఉందని అంటున్నారు. అయితే, విద్యా శాఖ పనితీరు పై వస్తున్న విమర్శలు, రాజకీయంగా వస్తున్న విమర్శల నేపధ్యంలో ముఖ్యమంత్రి, ఆమెకు ఉద్వాసన పలికే అవకాశం లేక పోలేదని పరిశీలకులు అంటున్నారు. అలాగే, ఇంతాకాలం ప్రత్యర్ధులు టార్గెట్ గా ఎన్నికల వ్యూహ రచన చేస్తున్న ముఖ్యమంత్రి, అటు బీజేపీ, ఇటు కాంగ్రెస్ దూకుడు పెంచిన నేపధ్యంలో ఇక పార్టీ, ప్రభుత్వ పక్షాళనపై దృష్టి పెట్టే అవకాశం లేక పోలేదని అంటున్నారు.అదే జరిగితే, కొందరు ఫిరాయింపు మంత్రులకు ఉద్వాసన తప్పక పోవచ్చని, ఆ జాబితాలో సబితా ఇంద్రా రెడ్డి పేరు ఖాయంగా ఉంటుందని అంటున్నారు.

By
en-us Political News

  
రెండు స్థంభాల‌కు తాడు గ‌ట్టి ఓ పిల్ల క‌ర్ర ఆదారంతో ఆ తాడు మీద న‌డు స్తూ ఒక వేపు నుంచి మ‌రో వేపు న‌డుస్తుంది, గొప్ప ఫీట్. గాల్లో పుల్ల‌ప్స్ చేసే వాడిని చూస్తే ఏకంగా గుండె ఆగిపోతుందేమో!
 విమానాశ్రయాలు, నౌకాశ్రయాల నిర్మా ణానికి కృషి చేశామని,  మనం చేసిన కృషి కారణంగా ఐటి రంగం అభివృద్ధి జరిగిందని, ఇప్పుడు  అదే వెన్నెముకగా మారిందన్నారు.  
కేంద్రం తీరు వల్ల దేశ ఆర్థికాభివృద్ధి కుంటుపడిందని సీఎం కేసీఆర్ వ్యాఖ్యలు చేశారు. కేంద్ర అస‌మ‌ర్ధ నిర్వాకం వ‌ల్ల‌నే దేశ ఆర్ధిక వ్య‌వస్థ కుంటుప‌డింద‌ని కేసీఆర్ విమ‌ర్శించారు
పరిపాలనా వికేంద్రీకరణలో మరో అధ్యాయం జిల్లా ల పెంపు అని తెలి పారు. రైతులకు అండగా వైఎస్సార్‌ రైతు భరోసా తీసుకొచ్చామన్నారు. 52 లక్షల మంది రైతులకు ఏటా రూ.13,500 చొప్పున అందిస్తున్నా మని జగన్‌ వెల్లడించారు.
స్వాతంత్య్రం వచ్చినప్పుడు భారత్ స్వతంత్రంగా మనుగడ సాగించలేదని, ముక్కలు చెక్కలు అవుతుందన్న‌ వారి అభిప్రాయం తప్పని నిరూపించామన్నారు. భారతదేశం ప్రజాస్వామ్యానికి తల్లిలాంటి దన్నారు. భిన్నత్వంలో ఏకత్వం మన బలమని ప్రధాని మోదీ అన్నారు
తిరుమలకు భక్తులు పోటెత్తారు. టీటీడీ భక్తుల రద్దీని అంచనా వేయడంలో ఘోరంగా విఫలమైంది. దీంతో తిరుమల కొండపై భక్తులు నానా ఇక్కట్లూ పడుతున్నారు. శ్రీవారి సర్వదర్శనానికి 48 గంటల సమయం పడుతోందని టీటీడీ చెబుతున్నప్పటికీ భక్తులు మాత్రం ఇంకా ఎక్కువ సమయమే పడుతోందని చెబుతున్నారు.
భారత దేశం 75వ స్వాతంత్ర్య దినోత్సవం జరుపుకుంటున్న శుభవేళ వినూత్న రీతితో ఓ వ్యోమగామి దేశ ప్రజలకు శుభాకాంక్షలు తెలిపారు.
ఈజిప్టులోని ఓ చర్చిలో ఆదివారం సంభవించిన భారీ అగ్నిప్రమాదంలో కనీసం 41 మంది మరణించారు. చర్చిలో అగ్నిప్రమాదం సంభవించిన సమయంలో అక్కడ కనీసం ఐదు వేల మంది ఉన్నారని చెబుతున్నారు.
పాకిస్థాన్ మాజీ ప్రధాని ఇమ్రాన్ ఖాన్ భారత్ పై మళ్లీ ప్రశంసల వర్షం కురిపించారు. భారత్ విదేశాంగ విధానం బ్రహ్మాండమంటూ కితాబిచ్చారు. లాహో్ లో ఆదివారం (ఆగస్టు 14)లాహోర్‌లో ఈ రోజు (ఆదివారం) నిర్వహించిన సభలో ఇమ్రాన్‌ఖాన్‌ అమెరికా ఒత్తిళ్లను లెక్క చేయకుండా, భారత్‌ తక్కువ ధరకు రష్యా నుంచి చమురు కొనుగోలు చేయడాన్ని ఇమ్రాన్‌ఖాన్‌ సమర్థించారు. ఇండియా, పాకిస్థాన్‌లకు ఒకే రోజు స్వాతంత్య్రం లభించినా, న్యూఢిల్లి మాత్రం దేశ ప్రజల అవసరాలకు తగినట్లు విదేశాంగ విధానానికి కట్టుబడి ఉందని, కానీ, పాకిస్థాన్‌లోని షెహ్‌బాజ్‌ షరీఫ్‌ ప్రభుత్వం మాత్రం అందుకు భిన్నంగా వ్యవహరిస్తోందని ఇమ్రాన్‌ఖాన్‌ విమర్శలు గుప్పించారు.
ఉన్న అవకాశాలను కూడా చేజార్చుకోవడం కాంగ్రెస్ కు అలవాటే. ఎట్టి పరిస్థితుల్లోనూ వచ్చే అసెంబ్లీ ఎన్నికలలో తెలంగాణలో అధికారం చేపట్టాలని భావిస్తున్న కాంగ్రెస్ కు నిజంగా మునుగోడు ఉన ఎన్నిక కలిసి వచ్చిన అవకాశమనే చెప్పాలి. అయితే అంతర్గత విభేదాలతో ఆ అవకాశాన్ని చేజార్చుకునే దిశగా కాంగ్రెస్ అడుగులు వేస్తోందా అంటే ఔననే చెప్పాలి. మునుగోడు ఉప ఎన్నిక వాస్తవంగా చెప్పాలంటే టీఆర్ఎస్, బీజేపీల కంటే కాంగ్రెస్ కే కీలకం.
తెలుగు రాష్ట్రాలలో వరద ముప్పు తొలగడం లేదు. గోదావరి మహోగ్ర రూపం దాల్చడంతో సర్వం కోల్పోయిన బాధితులు మరోసారి గోదావరి వరద ముంచుకు వస్తుండటంతో తీవ్ర భయాందోళనలకు గురౌతున్నారు. కేవలం 20 రోజుల కిందట వరద ఉధృతికి కకావికలమైన పోవవరం ముంపు గ్రామాల ప్రజలు మరోసారి భయం గుప్పిట్లో చిక్కుకున్నారు.
మహా రాష్ట్ర ప్రభుత్వం తాజాగా ఫోన్ లో హలో అని కాదు.. వందే మాతరం అనాలని ఆదేశాలు జారీ చేశారు.ప్రభుత్వాధికారులందరూ సోమవారం (ఆగస్టు 15) నుంచి వచ్చే ఏడాది జనవరి 26 వరకూ తమకు ఫోన్ వస్తే హలో అంటూ ఆన్సర్ చేయకూడదనీ, వందే మాతరం అంటూ ఆన్సర్ చేయాలని మహారాష్ట్ర సాంస్కృతిక శాఖ మంత్రి సుధీర్ ముంగతివార్ ఆదేశించారు.
మనం చిన్పప్పుడు పాము నుంచి చిన్నారిని కాపాడిన ముంగీస కథ విన్నాం. అలాగే పుట్టలో వేలు పెడితే కుట్టనా అందట చీమ. అలాగే ఆడుకుంటున్న నన్ను డిస్ట్రబ్ చేస్తే ఊరుకుంటానా అంది టర్కీలోని చిన్నారి. హాయిగా ఆడుకుంటున్న తనను కాటేసిన పామును కసిదీరా కొరికి చంపేసిందా చిన్నారి.
 
Disclaimer:
All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
 
You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.