గత రెండు నెలలుగా రెండు తెలుగు రాష్ట్రాల్లో హల్ చల్ చేస్తున్న అఘోరీని మంగళగిరి పోలీసులు అరెస్ట్ చేశారు. సనాతన సాంప్రదాయాన్ని ప్రోత్సహిస్తున్న పవన్ కళ్యాణ్ కుచెందిన జనసేన కార్యాలయం  ఎదుట రోడ్డుపై అఘోరీ బైఠాయించారు. రోడ్డుపై ట్రాఫిక్ కు అంతరాయం వాటిల్లడంతో వెంటనే పోలీసులు రంగంలో దిగారు. వీరిలో మహిళా కానిస్టేబుళ్లు  కూడా ఉన్నారు. రోడ్డుపై బైఠాయించిన ఆమెను  కలవడానికిిి భక్తులు వచ్చి  సందర్శించారు. పోలీసులు నచ్చజెప్పినప్పటికీ ఎంతకూ అఘోరీ వినలేదు. పోలీసులపై ఆమె ఒంటి కాలిపై లేచారు. ఈ సమయంలో ఆమెను డిసిఎం వ్యానులో ఎక్కించే ప్రయత్నం చేశారు పోలీసులు. వ్యానులో నుంచి  ఒక్కసారిగా క్రిందకు  దూకేసిన అఘోరీని ఎట్టకేలకు పోలీసులు అరెస్ట్ చేశారు.  ఆమెను అరెస్ట్ చేసే క్రమంలో పోలీస్ అధికారులపై అఘోరీ చేయి చేసుకున్నారు. వపన్ కళ్యాణ్ ను తాను కలవడానికి వచ్చినట్టు ఆమె స్పష్టం చేశారు. ఈ నెల మొదటివారంలో ఎపిలో ఎంటర్ అయిన అఘోరీ విజయవాడ కనకదుర్గ అమ్మవారిని  దర్శించుకున్నారు.దీంతో ఆమె ఎపి పర్యటన పూర్తి అయ్యింది. ఆమె తెలంగాణలో పర్యటించనున్నారని వార్తలు వచ్చాయి. అనూహ్యంగా   మళ్ళీ ఎపిలో ఎంటయ్యారు.   సాత్విక చింతనలో ఉండాల్సిన  అఘోరీ పోలీసులపై తిరగబడటం చర్చనీయాంశమైంది.