గర్భధారణలో ఉన్నప్పుడు మహిళల బిపి ఎంత ఉండాలి..ఎంత ఉంటే సేఫ్.! గర్భధారణ అనేది ప్రతి మహిళ జీవితంలోనూ ఎంతో ప్రత్యేకమైన, మధురమైన కాలం. ఈ సమయంలో తల్లి ఆరోగ్యం ఎంత బాగుంటే, కడుపులో ఎదుగుతున్న బిడ్డ కూడా అంత ఆరోగ్యంగా ఉంటుంది. అందుకే గర్భవతిగా ఉన్నప్పుడు శరీరంలో జరిగే ప్రతి చిన్న మార్పునూ గమనిస్తూ ఉండటం చాలా అవసరం. ముఖ్యంగా రక్తపోటు అంటే బిపిని ఎప్పటికప్పుడు తనిఖీ చేయించుకోవడం ఎంతో ముఖ్యం. బిపి పెరిగినా లేదా బాగా తగ్గిపోయినా తల్లికి, బిడ్డకు కొన్ని సమస్యలు వచ్చే అవకాశం ఉంది. అందుకే అసలు గర్భధారణ సమయంలో బిపి ఎంత ఉండాలి,  బిపి ఏ స్థాయిలో ఉంటే  సురక్షితం? గర్భం దాల్చాలనే ప్రతి మహిళ,  గర్బంతో ఉన్న ప్రతి మహిళ తెలుసుకోవాలి. ఆ విషయాలేంటో తెలుసుకుంటే.. బిపి స్థాయి.. సాధారణంగా ఏ మనిషికైనా సరైన బిపి స్థాయి 120/80 గా ఉంటుంది. గర్భిణీలలో కూడా ఈ కొలత లేదా దీనికంటే కాస్త తక్కువగా ఉండటం  సురక్షితమైనదిగా భావిస్తారు. సింపుల్ గా  చెప్పాలంటే పైన ఉండే సంఖ్య 120, కింద ఉండే సంఖ్య 80 ఉంటే బిపి నార్మల్ గా ఉన్నట్లు లెక్క. పైన ఉండే సంఖ్య 110 నుంచి 120 మధ్య, కింద ఉండే సంఖ్య 70 నుంచి 80 మధ్య ఉంటే తల్లికి ఎలాంటి ప్రమాదం ఉండదు. బిడ్డకు రక్త ప్రసరణ , ఆక్సిజన్ సరఫరా చాలా చక్కగా జరుగుతాయి. అధిక బిపి.. ఒకవేళ రక్తపోటు 140/90 లేదా అంతకంటే ఎక్కువ నమోదు అయితే దానిని అధిక రక్తపోటుగా పరిగణిస్తారు. గర్భం దాల్చిన ఇరవై వారాల తర్వాత బిపి ఎక్కువగా ఉంటే డాక్టర్ల సలహా ప్రకారం జాగ్రత్తలు తీసుకోవడం తప్పనిసరి. అధిక బిపి వల్ల కడుపులో బిడ్డ ఎదుగుదల మందగించడం, కాళ్ళు చేతులు వాపులు రావడం , ఉమ్మనీరు తగ్గడం వంటి ఇబ్బందులు రావచ్చు. అలాగే కొందరిలో బిపి 90/60 కంటే తక్కువగా పడిపోవచ్చు. దీనివల్ల కళ్ళు తిరగడం, నీరసం , మూర్ఛ వచ్చినట్లు అనిపిస్తుంది. కాబట్టి క్రమం తప్పకుండా బిపి చెక్ చేయించుకోవడం చాలా అవసరం. గర్భవతులు బిపి కంట్రోల్ కోసం ఏం చేయాలి? గర్భధారణ సమయంలో బిపిని అదుపులో ఉంచుకోవడానికి ప్రతిరోజూ పౌష్టికాహారం తీసుకోవాలి. ఆహారంలో ఉప్పు పరిమాణాన్ని పరిమితంగా ఉంచడం చాలా మంచిది. మానసిక ఒత్తిడికి దూరంగా ఉంటూ, తగినంత విశ్రాంతి తీసుకోవడం వల్ల బిపి హెచ్చుతగ్గులకు లోనుకాకుండా ఉంటుంది. వైద్యులు సూచించిన విధంగా రోజువారీ నడక లేదా చిన్నపాటి వ్యాయామాలు చేయడం, శరీరానికి సరిపడా నీరు తాగడం వల్ల రక్తపోటును సేఫ్  స్థాయిలో ఉంచుకోవచ్చు. ఏ చిన్న తేడా అనిపించినా సొంత వైద్యం చేసుకోకుండా వెంటనే డాక్టర్ ని సంప్రదించడం మంచిది.                         *రూపశ్రీ.  

మన శరీరాన్ని నియంత్రించే అత్యంత కీలకమైన అవయవం మెదడు. రోజంతా మనం చేసే పనులు, తీసుకునే నిర్ణయాలు, ఆలోచనలు, చివరకు మన భావోద్వేగాలు కూడా మెదడు ఆరోగ్యం పైనే ఆధారపడి ఉంటాయి. అయితే, నేటి ఆధునిక జీవనశైలి, మానసిక ఒత్తిడి, పోషకాహార లోపం వల్ల చాలామందిలో చిన్న వయసులోనే జ్ఞాపకశక్తి తగ్గడం, దృష్టి సారించలేకపోవడం, త్వరగా అలసిపోవడం వంటి సమస్యలు కనిపిస్తున్నాయి. సరైన పోషకాలు ఉన్న ఆహారాన్ని ప్రతిరోజూ మన డైట్‌లో భాగం చేసుకోవడం ద్వారా మెదడు పనితీరును అద్భుతంగా మెరుగుపరచుకోవచ్చని ఆహార నిపుణులు స్పష్టం చేస్తున్నారు. మెదడును చురుగ్గా ఉంచడంలో ఓమేగా 3 ఫ్యాటీ యాసిడ్స్ అత్యంత ప్రాధాన్యత వహిస్తాయి. ఇవి మెదడు కణాల నిర్మాణానికి, సమాచార మార్పిడికి ఎంతగానో తోడ్పడతాయి. ముఖ్యంగా వాల్‌నట్స్, బాదం వంటి నట్స్, ఫ్లాక్స్ సీడ్స్ (అవిస గింజలు), మరియు చేపలలో ఈ ఓమేగా 3 పుష్కలంగా లభిస్తుంది. ప్రతిరోజూ గుప్పెడు నట్స్ తినడం వల్ల మెదడులో రక్తం సరఫరా మెరుగై, ఆలోచనా శక్తి పెరుగుతుంది. వయసు పెరిగే కొద్దీ వచ్చే మతిమరుపు లేదా ఆల్జీమర్స్ వంటి వ్యాధుల ప్రమాదాన్ని ఇవి దాదాపు 20% నుండి 30% వరకు తగ్గిస్తాయని పలు పరిశోధనలు వెల్లడించాయి. అలాగే, నిత్యం మన వంటకాల్లో ఉపయోగించే ఆకుకూరలు, ముఖ్యంగా పాలకూర, బ్రోకోలీ, తోటకూరల్లో ఫోలేట్, విటమిన్ K, అల్ఫా టోకోఫెరోల్ వంటి పోషకాలు సమృద్ధిగా ఉంటాయి. ఇవి మెదడులోని నాడీ వ్యవస్థను బలోపేతం చేసి, జ్ఞాపకశక్తి క్షీణించకుండా కాపాడుతాయి. నిపుణుల సర్వేల ప్రకారం, రోజూ ఒక కప్పు ఆకుకూరలు తినే వారి మెదడు వయస్సు, ఇతరులతో పోలిస్తే 11 సంవత్సరాలు చిన్నదిగా, చాలా చురుగ్గా ఉంటుందని తేలింది. దీనికి తోడు బ్లూబెర్రీస్, స్ట్రాబెర్రీస్ వంటి బెర్రీ పండ్లలో ఉండే ఆంటీఆక్సిడెంట్లు మరియు ఫ్లేవనాయిడ్లు మెదడులో వాపును తగ్గించి కణాల ఆయుష్షును పెంచుతాయి. వీటితో పాటు, మన నిత్య జీవితంలో డార్క్ చాక్లెట్, గ్రీన్ టీ మరియు గుడ్లు కూడా మెదడుకు గొప్ప శక్తినిస్తాయి. డార్క్ చాక్లెట్‌లో ఉండే ఫ్లేవనాల్స్ మెదడుకు రక్తప్రసరణను పెంచి, తక్షణ ఏకాగ్రతను అందిస్తాయి. గుడ్లలో లభించే కోలైన్  అనే పోషకం జ్ఞాపకశక్తికి బాధ్యత వహించే న్యూరోట్రాన్స్మిటర్ల ఉత్పత్తిలో కీలక పాత్ర పోషిస్తుంది. అలాగే రోజూ తగినంత నీరు తాగకపోతే మెదడు 2% డీహైడ్రేట్‌ అయినా దృష్టి లోపించడం, తలనొప్పి వంటివి వస్తాయి. కాబట్టి సరైన సమతుల్య ఆహారం, రోజూ 7 నుండి 8 గంటల నిద్ర, మరియు తగినంత సమయం వ్యాయామం తోడైతే మీ మెదడు ఎల్లప్పుడూ పదనుగా, పదునైన జ్ఞాపకశక్తితో పనిచేస్తుంది.     Discover powerful brain boosting superfoods that naturally enhance memory, sharpen focus, and protect cognitive function. Uncover the key dietary secrets to a healthy, active mind.

మహిళలు ఇలాంటి దుస్తులు ధరిస్తే ఆరోగ్యం నాశనమే..! మహిళలు ఆరోగ్యంగా ఉండాలంటే.. ఆరోగ్యకరమైన జీవనశైలి అంటే  మంచి ఆహారం తినడం, క్రమం తప్పకుండా వ్యాయామం చేయడం మాత్రమే చాలని అనుకుంటారు. కానీ మహిళలు రోజూ ధరించే దుస్తులు కూడా మహిళల  ఆరోగ్యంపై చాలా పెద్ద ప్రభావం చూపుతాయి.  ఈ విషయం ఆశ్చర్యంగా అనిపించినా ఇదే నిజం. చాలామంది ఫ్యాషన్, ట్రెండ్స్ వెనుక పడి శరీరానికి ఎలాంటి బట్టలు వేసుకుంటున్నామో గమనించరు. సరైన దుస్తులు ఎంచుకోకపోవడం వల్ల శరీరానికి తెలియకుండానే అనేక అనారోగ్య సమస్యలు తలెత్తుతాయి. ఆహారం ఎంత ముఖ్యమో, మనం రోజూ వేసుకునే దుస్తులు కూడా అంతే ముఖ్యం. మనకు తెలియకుండానే మనం చేసే కొన్ని దుస్తుల ఎంపిక పొరపాట్లు , వాటి వల్ల కలిగే నష్టాల గురించి వివరంగా తెలుసుకుంటే.. బిగుతుగా ఉండే దుస్తులు.. నేటి కాలంలో చాలామంది శరీరాన్ని అతుక్కుని ఉండే విధంగా ఉండే బిగుతు దుస్తులు వేసుకోవడానికి ఇష్టపడుతున్నారు. స్కిన్ టైట్ టీ-షర్టులు, టైట్ జీన్స్, బిగుతైన బెల్టులు , శరీరానికి గాయాలు లేదా గుర్తులు పడేలా ఉండే లోదుస్తులు వేసుకోవడం వల్ల అనేక ఇబ్బందులు వస్తాయి. శరీరానికి బాగా బిగుతుగా ఉండే దుస్తులు ధరించడం వల్ల నరాల మీద ఒత్తిడి పడుతుంది. నరాలు నొక్కివేసినట్టు అవుతాయి.   దీనివలన శరీరంలో రక్తప్రసరణ సరిగ్గా జరగదు. అంతేకాకుండా కణజాలాలకు అందాల్సిన ప్రాణవాయువు అంటే ఆక్సిజన్ పరిమాణం కూడా తగ్గిపోతుంది. దీనివల్ల కాళ్ళలో నొప్పులు, జీర్ణసంబంధమైన సమస్యలు, చర్మ సమస్యలు రావడానికి ఆస్కారం ఉంది. కాబట్టి ఎప్పుడూ శరీరానికి గాలి ఆడేలా, సౌకర్యవంతంగా ఉండే  దుస్తులను ఎంచుకోవడం ఆరోగ్యానికి ఎంతో మంచిది. సింథటిక్ వస్త్రాలు.. మార్కెట్లో లభించే అనేక దుస్తులలో సింథటిక్ ఫైబర్లు ఎక్కువగా వాడుతుంటారు. నైలాన్, పాలిస్టర్, స్పాండెక్స్, లైక్రా , రేయాన్ వంటివి సింథటిక్ దుస్తుల కిందకు వస్తాయి. ఈ సింథటిక్ ఫైబర్లను తయారు చేయడానికి పెట్రోలియం రసాయనాలను ఉపయోగిస్తారు. వీటితో చేసిన బట్టలను మనం రోజంతా వేసుకోవడం వల్ల, ఆ రసాయనాలు నెమ్మదిగా చర్మం ద్వారా శరీరంలోకి ఇంకిపోయే ప్రమాదం ఉంది. ఇవి చర్మానికి గాలి తగలకుండా చేసి చెమటను పట్టి ఉంచుతాయి, దానివల్ల చర్మ అలర్జీలు, దురదలు, ఇన్ఫెక్షన్లు వస్తాయి. వీటి స్థానంలో కాటన్, లినెన్, హెచ్‌ఎంపి , బాంబూ, , జనపనార వంటి సహజసిద్ధమైన పీచుతో చేసిన వస్త్రాలను ధరించడం చర్మానికి ఎంతో సురక్షితం. అండర్ వైర్ బ్రాలు.. మహిళలు ఉపయోగించే లో దుస్తుల  విషయంలో కూడా చాలా జాగ్రత్తగా ఉండాలి. ముఖ్యంగా అండర్ వైర్ ఉండే బ్రాలను ఎక్కువగా వాడటం వల్ల రొమ్ము భాగంలో రక్తప్రసరణ తీవ్రంగా దెబ్బతింటుంది. అండర్ వైర్ లో ఉండే  వైర్ల వల్ల ఒత్తిడి పెరిగి ఆ ప్రాంతంలో రక్తం గడ్డకట్టడం లేదా రక్తప్రసరణ నిలిచిపోవడం జరుగుతుంది. ఇది సుదీర్ఘ కాలంలో తీవ్ర అసౌకర్యానికి , ఇతర ఆరోగ్య సమస్యలకు దారితీస్తుంది. కాబట్టి మెటల్ లేదా ప్లాస్టిక్ వైర్లు లేని, సాధారణ కాటన్ మెటీరియల్‌‌తో చేసిన వైర్-ఫ్రీ బ్రాలను వాడటం వల్ల శరీరానికి సౌకర్యంతో పాటు ఆరోగ్యానికి కూడా ఎంతో మంచిది.  మహిళలు తెలుసుకోవాల్సిన ముఖ్య విషయం.. మహిళలు ధరించే దుస్తులు కేవలం  అందాన్ని పెంచడానికే కాకుండా,  శరీరానికి హాయిని, ఆరోగ్యాన్ని ఇచ్చేలా ఉండాలి. అనవసరమైన ట్రెండ్స్ వెనుక పడి ఆరోగ్యాన్ని పాడుచేసుకోవడం కంటే, శరీరానికి సరిపడే సహజమైన,  అనుకూలంగా ఉన్న  దుస్తులను ఎంచుకోవడమే మంచిది. ఆరోగ్యకరమైన బట్టల వల్ల  రోజంతా హుషారుగా, ఆరోగ్యంగా ఉండవచ్చు.                                *రూపశ్రీ.  

జాగ్రత్త.. తలలో చుండ్రుతో పాటు ఈ లక్షణాలు కనిపిస్తే చాలా డేంజర్..! తలపై చుండ్రు ఒక సాధారణ సమస్య. ముఖ్యంగా వర్షాకాలంలో చాలామంది చుండ్రు సమస్యను ఎదుర్కుంటూ ఉంటారు.  చుండ్రు చాలా వరకు పొడి చర్మం ఉన్నవారికే ఎక్కువగా ఇబ్బంది పెడుతూ ఉంటుంది. వాతావరణ మార్పులు, తలపై అధిక నూనె, ఫంగస్ అధికంగా పెరగడం, హెయిర్ కేర్ ప్రోడక్ట్స్ సరైనవి వాడకపోవడం.. ఇలా చాలా రకాల సమస్యలు చుండ్రు రావడానికి కారణం అవుతూ ఉంటాయి. సాధారణంగా  చుండ్రు తరచుగా తెల్లటి లేదా లేత పసుపు రంగు పొరలుగా కనిపిస్తుంది.  లైట్ గా  దురదను కలిగిస్తుంది. అయితే, ఈ సమస్య ఎక్కువ కాలం కొనసాగితే లేదా ఇతర తల చర్మ సమస్యలతో పాటుగా ఉంటే, అది మరొక చర్మ సమస్య కారణంగా అలా జరిగే అవకాశం ఉంటుంది. కొందరిలో తల చర్మ సమస్యలు ముఖం మీద, చెవుల చుట్టూ, లేదా శరీరంలోని ఇతర భాగాలపై కూడా కనిపిస్తూ ఉంటాయి.  చుండ్రు తగ్గడానికి ఏదైనా వాడిన తర్వాత కూడా.. చుండ్రు మళ్లీ మళ్లీ వస్తుంటే.. అసలు చుండ్రు సమస్యకు కారణం ఏమిటో తెలుసుకోవడం చాలా ముఖ్యం.  చుండ్రుతో పాటు కొన్ని లక్షణాలు కనిపిస్తే అది చాలా డేంజర్ అని చెబుతారు. ఆ లక్షణాలేంటో తెలుసుకుంటే.. దురద ఎక్కువ ఉండటం.. చుండ్రుతో పాటు చాలామందికి లైట్ గా దురద ఉంటుంది. కానీ దురద తగ్గకుండా ఉంటే లేదా  పదేపదే తల గోకవలసి వచ్చేంత తీవ్రంగా ఉంటే, దానిని నిర్లక్ష్యం చేయకూడదు. ఎక్కువగా గోకడం వల్ల తలపై చిన్న గాయాలు ఏర్పడి, చర్మపు చికాకు పెరిగే అవకాశం ఉంటుంది. ఎరుపు లేదా వాపు.. చుండ్రుతో పాటు తల చర్మం ఎర్రబడటం, చికాకు లేదా వాపు వంటి లక్షణాలు ఉంటే, అది కేవలం సాధారణ చుండ్రు కాకపోవచ్చు. ముఖ్యంగా లక్షణాలు అలాగే  కొనసాగితే.. డెర్మటాలజిస్ట్ ను కలవడం మంచిది. మందంగా, జిగటగా పొరలు రావడం.. కొన్నిసార్లు తలపై ఏర్పడే తెల్లటి లేదా పసుపు రంగు పొలుసులు మందంగా మారి చర్మానికి అంటుకుపోతాయి. వాటిని  గోళ్లతో పదేపదే గీకడం మానుకోవాలి. ఈ పొలుసులు  ఇలాగే ఏర్పడుతున్నా లేదా తలపై నొప్పి , చికాకు ఉంటే టెస్ట్ చేయించుకోవాల్సిన అవసరం రావచ్చు. హెయిర్ ఫాల్.. చాలామంది చుండ్రు వల్ల హెయిర్ ఫాల్ అవుతుందని అనుకుంటారు.  కానీ ఎప్పుడూ  దురదగా ఉండటం, వాపు ఉండటం,  తలను బలంగా గోకడం వంటివి జుట్టును ప్రభావితం చేస్తాయి. చుండ్రుతో పాటు అకస్మాత్తుగా లేదా సాధారణం కంటే ఎక్కువగా జుట్టు రాలుతుంటే వైద్యుడి సంప్రదించాలి. ముఖం లేదా చెవులకు.. తలతో పాటు కనుబొమ్మల మీద, చెవుల చుట్టూ, ముక్కు పక్కన, లేదా ముఖం మీద కూడా ఎర్రదనం , పొలుసులు రాలడం కనిపిస్తే, అది వేరొక చర్మ సమస్యకు సంకేతం కావచ్చని అంటున్నారు. ఇలాంటప్పుడు సొంతంగా  క్రీములు లేదా మందులు వాడటం కాకుండా చర్మ సంబంధ నిపుణులను సంప్రదించి మందులు వాడాలి.                                                                                                                                                  *రూపశ్రీ.

మహిళల గర్భాశయ ఆరోగ్యం,  హార్మోన్ల సమతుల్యత బాగుండటానికి పోషకాహారం ఎంత ముఖ్యమో, కొన్ని రకాల ఆహారాలకు దూరంగా ఉండటం కూడా అంతే ముఖ్యం. తప్పుడు ఆహార అలవాట్లు శరీరంలో  ఇన్ఫ్లమేషన్, ఈస్ట్రోజెన్ అసమతుల్యత , గర్భాశయ సమస్యలకు దారితీస్తాయి. గర్భాశయ ఆరోగ్యాన్ని కాపాడుకోవడానికి తగ్గించాల్సిన లేదా పూర్తిగా దూరంగా ఉండాల్సిన ముఖ్యమైన ఆహారాలు కొన్ని ఉన్నాయి. ఆ ఆహారాలకు దూరంగా ఉండటం వల్ల గర్భాశయ ఆరోగ్యం, హార్మోన్ సమతుల్యంగా ఉంచుకోవడం సాధ్యమవుతుంది. మహిళల గర్భాశయ ఆరోగ్యం కోసం తినకూడని ఆహారాలు ఏమిటో తెలుసుకుంటే..   రిఫైండ్ షుగర్, ఫ్లోర్.. అధికంగా శుద్ధి చేసిన చక్కెరలు మరియు పిండి పదార్థాలు మైదా, వైట్ బ్రెడ్, పేస్ట్రీలు, బిస్కెట్లు , తీపి పదార్థాలలో శుద్ధి చేసిన పిండి పదార్థాలు ఎక్కువగా ఉంటాయి. ఇవి రక్తంలో చక్కెర స్థాయిలను వేగంగా పెంచుతాయి. దీనివల్ల ఇన్సులిన్ నిరోధకత పెరిగి, పాలిసిస్టిక్ ఓవరీ సిండ్రోమ్ అంటే.. పిసిఓడి/పిసిఓఎస్  వంటి సమస్యలు తీవ్రమవుతాయి. గర్భాశయంలో మంటను పెంచడంలో ఇవి ప్రధాన పాత్ర పోషిస్తాయి. ప్యాకింగ్, ప్రాసెస్ ఫుడ్స్.. ప్యాక్ చేసిన , ప్రాసెస్ చేసిన ఆహారాలు ప్రాసెస్ చేసిన చిరుతిళ్ళు, రెడీ టు ఈట్ ఈటింగ్ ప్యాకెట్లు , జంక్ ఫుడ్‌లలో కృత్రిమ రసాయనాలు, ప్రిజర్వేటివ్‌లు , ట్రాన్స్ ఫ్యాట్స్ అధికంగా ఉంటాయి. ఇవి శరీరంలో చెడు కొలెస్ట్రాల్‌ను పెంచడమే కాకుండా, హార్మోన్ల ఉత్పత్తికి అంతరాయం కలిగిస్తాయి. ఈ రసాయనాలు గర్భాశయ కణజాలంపై ప్రతికూల ప్రభావం చూపుతాయి. రెడ్ మీట్.. అధికంగా రెడ్ మీట్ తీసుకోవడం మేక, గొర్రె , పంది మాంసం వంటి రెడ్ మీట్‌ను పరిమితికి మించి తీసుకోవడం వల్ల శరీరంలో ఆరాకిడోనిక్ యాసిడ్ పెరుగుతుంది. ఇది గర్భాశయంలో మంటను ప్రేరేపిస్తుంది. క్రమం తప్పకుండా రెడ్ మీట్ తినే మహిళల్లో గర్భాశయ ఫైబ్రాయిడ్లు  వచ్చే ప్రమాదం పెరుగుతుందని కొన్ని అధ్యయనాలు తెలుపుతున్నాయి. కెఫీన్, కూల్ డ్రింక్స్. కెఫిన్ , శీతల పానీయాలు కాఫీ, టీ , ఎనర్జీ డ్రింక్స్‌లో కెఫిన్ అధికంగా ఉంటుంది. అలాగే సోడాలు, శీతల పానీయాలలో కృత్రిమ చక్కెరలు ఎక్కువ. రోజుకు రెండు కప్పుల కంటే ఎక్కువ కాఫీ తాగడం వల్ల ఈస్ట్రోజెన్ స్థాయిలు పెరిగే అవకాశం ఉంది. ఇది పీరియడ్స్ సమయంలో తీవ్రమైన నొప్పి , అసమతుల్యతకు కారణమవుతుంది. ధూమపానం, మద్యపానం.. ఆల్కహాల్ , ధూమపానం, మద్యపానం కాలేయం యొక్క పనితీరును దెబ్బతీస్తుంది. కాలేయం శరీరంలోని అదనపు హార్మోన్లను బయటకు పంపే పని చేస్తుంది. ఆల్కహాల్ వల్ల ఈ ప్రక్రియ మందగించి శరీరంలో ఈస్ట్రోజెన్ స్థాయిలు పెరిగిపోతాయి. ఇది గర్భాశయ ఆరోగ్యాన్ని తీవ్రంగా ప్రభావితం చేస్తుంది. ఎక్కువ నూనె, వేయించిన ఆహారాలు.. అధిక నూనె , వేయించిన ఆహారాలు ,  మళ్ళీ మళ్ళీ కాచిన నూనెల్లో వేయించిన బజ్జీలు, సమోసాలు, ఫాస్ట్ ఫుడ్ వంటివి శరీరంలో ఫ్రీ రాడికల్స్ పెరగడానికి కారణమవుతాయి. ఇవి కణాల ఆక్సీకరణ ఒత్తిడిని పెంచి, గర్భాశయ కణజాల ఆరోగ్యాన్ని దెబ్బతీస్తాయి. కృత్రిమ తీపి పదార్థాలు.. ఆర్టిఫిషియల్ స్వీట్నెర్స్ కు నేటి కాలంలో చాలా డిమాండ్ పెరిగింది. వీటిని తీసుకోవడం వల్ల మధుమేహం రాదని చెబుతారు.  డైట్ సోడాలు లేదా చక్కెర లేని ఉత్పత్తులలో ఉపయోగించే కృత్రిమ తీపి పదార్థాలు పేగులలోని మంచి బాక్టీరియాను దెబ్బతీస్తాయి. పేగు ఆరోగ్యం సరిగ్గా లేకపోతే హార్మోన్ల నియంత్రణ కూడా దెబ్బతింటుంది. గర్భాశయ ఆరోగ్యం కోసం ఏం తినాలి? గర్భాశయ ఆరోగ్యాన్ని మెరుగుపరుచుకోవడానికి పీచు పదార్థాలు ఎక్కువ ఉన్న పండ్లు, కూరగాయలు, ఆకుకూరలు , తృణధాన్యాలను ఆహారంలో భాగం చేసుకోవడం శ్రేయస్కరం. అయితే గర్భాశయ సమస్యలు ఉన్నప్పుడు కేవలం ఆహారంతో గర్భాశయ ఆరోగ్యాన్ని కాపాడాలని అనుకోవడం సరికాదు. వైద్యులను సంప్రదించడం మంచిది.                                 *రూపశ్రీ.  

పిరుదుల భాగంలో కొవ్వు పేరుకుపోవడం చాలా మంది ఎదుర్కొనే సాధారణ సమస్య. ముఖ్యంగా మహిళల్లో ఈ సమస్య ఎక్కువగా కనిపిస్తూ ఉంటుంది.  రోజూ గంటల తరబడి ఒకే చోట కూర్చుని పనిచేయడం, సరైన శారీరక శ్రమ లేకపోవడం, పోషకాహార లోపం వల్ల ఈ భాగంలో కొవ్వు సులభంగా పెరుగుతుంది. దీనివల్ల శరీర ఆకృతి దెబ్బతినడమే కాకుండా కొన్ని రకాల ఆరోగ్య సమస్యలు కూడా వచ్చే అవకాశం ఉంటుంది. క్రమం తప్పకుండా కొన్ని ప్రత్యేకమైన వ్యాయామాలు చేయడం ద్వారా ఈ కొవ్వును కరిగించి, పిరుదులను దృఢంగా, మంచి ఆకృతిలోకి తీసుకురావచ్చు. ఆ వ్యాయామాలు ఏమిటో.. వాటిని ఎలా చేయాలో తెలుసుకుంటే.. స్క్వాట్స్ పిరుదుల కొవ్వును తగ్గించడానికి , అక్కడి కండరాలను దృఢపరచడానికి స్క్వాట్స్ అత్యంత ప్రభావవంతమైన వ్యాయామం. ఈ వ్యాయామం చేయడానికి ముందుగా నిటారుగా నిలబడాలి. కాళ్ళను భుజాల వెడల్పులో ఉంచాలి. ఆ తర్వాత కుర్చీలో కూర్చుంటున్నట్లుగా నెమ్మదిగా కిందకు వంగాలి. ఈ సమయంలో మోకాళ్ళు కాళ్ళ వేళ్ళ కంటే ముందుకు వెళ్ళకూడదు. కొన్ని సెకన్ల పాటు ఈ స్థితిలో ఉండి, ఆ తర్వాత పాత స్థితికి రావాలి. దీనిని రోజూ 15 నుండి 20 సార్లు మూడు సెట్లుగా చేయడం వల్ల మంచి ఫలితం ఉంటుంది. లంజెస్ ఈ వ్యాయామం పిరుదుల భాగంలోని కండరాలపై నేరుగా ప్రభావం చూపుతుంది. మొదట నిటారుగా నిలబడి, ఒక కాలును ముందుకు వేయాలి. ముందుకి వేసిన కాలు మోకాలు వద్ద తొంబై డిగ్రీల కోణంలో వంగేలా శరీరాన్ని కిందకు దించాలి. వెనుక ఉన్న కాలు నేలకు కాస్త ఎత్తులో ఉండాలి. ఆ తర్వాత నెమ్మదిగా సాధారణ స్థితికి వచ్చి, మరొక కాలుతో కూడా ఇదే విధంగా చేయాలి. ఇది పిరుదుల కొవ్వును కరిగించడమే కాకుండా కాళ్ళకు కూడా మంచి బలాన్ని ఇస్తుంది. గ్లూట్ బ్రిడ్జ్.. నేలపై పడుకుని చేసే ఈ వ్యాయామం పిరుదుల కొవ్వును తగ్గించడంలో బాగా పనిచేస్తుంది. మొదట వెల్లకిలా పడుకుని మోకాళ్ళను మడవాలి. పాదాలను నేలకు ఆనించి ఉంచాలి. చేతులను శరీరానికి ఇరువైపులా ఉంచాలి. ఇప్పుడు పిరుదులు, నడుము భాగాలను పైకి లేపాలి. శరీరం మోకాళ్ళ నుండి భుజాల వరకు ఒకే వరుసలో ఉండేలా చూసుకోవాలి. కొన్ని సెకన్ల పాటు ఈ స్థితిలో ఉండి, ఆ తర్వాత నెమ్మదిగా కిందకు రావాలి. దీనివల్ల పిరుదుల వద్ద ఉండే కండరాలు బలంగా మారతాయి. డాంకీ కిక్స్.. డాంకీ కిక్స్ చేయడానికి మొదట చేతులు, మోకాళ్ళను నేలపై ఆనించి నాలుగు కాళ్ళ జంతువులాగా నిలబడాలి. ఇప్పుడు ఒక కాలును మోకాలు వద్ద మడిచి ఉంచి, వెనుక వైపు పైకి లేపాలి. కాలు పిరుదుల కంటే కాస్త పైకి వెళ్ళేలా చూసుకోవాలి. కొన్ని సెకన్లు అలానే ఉంచి, తర్వాత కాలును కిందకు తీసుకురావాలి. ఇలా రెండు కాళ్ళతో మార్చి మార్చి చేయాలి. ఇది పిరుదుల రూపాన్ని మెరుగుపరచడానికి ఎంతగానో దోహదపడుతుంది. స్టెప్ అప్స్.. ఇంటి వద్ద ఉండే మెట్లు లేదా ఒక చిన్న స్టూల్ సహాయంతో ఈ వ్యాయామం చేయవచ్చు. ముందుగా స్టూల్ ముందుకు నిలబడాలి. ఒక కాలును స్టూల్ పై ఉంచి, దానిపై బరువు వేస్తూ శరీరాన్ని పైకి లేపాలి. ఆ తర్వాత రెండవ కాలును కూడా పైకి తీసుకురావాలి. మళ్ళీ నెమ్మదిగాకిందకు దిగాలి. ఇలా క్రమం తప్పకుండా చేయడం వల్ల తొడలు , పిరుదుల భాగంలో ఉన్న కొవ్వు త్వరగా కరుగుతుంది. పైన పేర్కొన్న  వ్యాయామాలతో పాటు ప్రతిరోజూ తగినంత నీరు తాగడం, నూనె పదార్థాలు తగ్గించడం , సమతులాహారం తీసుకోవడం వల్ల వేగంగా ఫలితాలను పొందవచ్చు. అంతే కాదు.. పిరుదుల భాగంలో కొవ్వు తగ్గాలి అంటే.. ముఖ్యంగా ఎక్కువసేపు కూర్చోవడాన్ని వీలైనంత తగ్గించాలి. ఒకవేళ కూర్చుని పని చేయాల్సిన అవసరం ఉన్నా.. అరగంట ఒకసారి అయినా లేచి అటు ఇటు తిరుగుతూ ఉండాలి. ఇలా చేస్తే పిరుదుల కొవ్వు క్రమంగా తగ్గుతుంది.                             *రూపశ్రీ.

ప్రతి స్త్రీకి గర్భధారణ అనేది ఒక కీలకమైన సమయం. ప్రసవం అనేదిస్త్రీ కి మరో జన్మ లాంటిదని చెబుతారు. కానీ గర్బం మోయడం ఒక ఎత్తైతే.. ప్రసవం మరొక ఎత్తు. అందువల్ల ప్రసవం కోసం సరైన ఆసుపత్రిని ఎంచుకోవడం చాలా ముఖ్యం. ప్రసవానికి ఏ ఆసుపత్రి మేలు అనే విషయం తెలుసుకోవడానికి చాలామంది  కేవలం ఆసుపత్రి ఉన్న ప్రదేశాన్ని లేదా పేరును మాత్రమే చూస్తారు. గైనకాలజిస్టుల ప్రకారం, ప్రసవ సమయంలో ఎలాంటి సమస్యలు తలెత్తకుండా , తల్లి, బిడ్డ ఇద్దరికీ సరైన సంరక్షణ అందేలా చూసుకోవడానికి, ప్రతి ఒక్కరూ ఆసుపత్రిని ఎంచుకునే  ముందు ఏడు విషయాలు తప్పక తెలుసుకోవాలట. అవేంటో తెలుసుకుంటే.. మొట్టమొదటి   చాలా ముఖ్యమైన  విషయం.. ఆసుపత్రిలో 24 గంటలూ గైనకాలజిస్ట్ అందుబాటులో ఉన్నారా లేదా అని తెలుసుకోవాలి. ప్రసవం అనేది ఏ సమయానికి జరుగుతుందో చెప్పలేం..  డెలివరీ పెయిన్స్ అనేవి ఏ సమయంలోనైనా ప్రారంభం కావచ్చు. అందువల్ల డాక్టర్ కేవలం కొన్ని గంటలు మాత్రమే అందుబాటులో ఉంటే, ఎమర్జెన్సీ పరిస్థితుల్లో సమస్యలకు దారితీయవచ్చు. కాబట్టి, రాత్రిపూట లేదా సెలవు దినాల్లో కూడా ఆసుపత్రిలో అనుభవజ్ఞులైన గైనకాలజిస్ట్ అందుబాటులో ఉంటారా లేదా అని తప్పకుండా తెలుసుకోవాలి. ధరల తేడా.. సాధారణ ప్రసవానికి,  సి-సెక్షన్ ప్రసవాలకు ధరలు ఎలా ఉంటాయి?  ఎంత సమయం పడుతుంది అనేది తప్పకుండా తెలుసుకోవాలి. ఈ రెండింటికి  వాటి ప్రత్యేకమైన విధానాలు , వేర్వేరు సమయాలు ఉంటాయి. ప్రతి  ప్రసవానికి ఎంత సమయం పడుతుందో ఆసుపత్రి నుండి ముందుగానే తెలుసుకోవడం ముఖ్యం, దీనివల్ల  కుటుంబ సభ్యులు పూర్తి సమాచారంతో మానసికంగా సిద్ధంగా ఉండగలగడం జరుగుతుంది. మూడవ విషయం.. ఆర్థిక విషయాలకు సంబంధించింది ప్రతి ఒక్కరూ తెలుసుకోవాలి. ప్రతి ఆసుపత్రి వేర్వేరు డెలివరీ ప్యాకేజీలను అందిస్తుంది, కానీ ఆ ప్యాకేజీలలో ఖచ్చితంగా ఏమేమి చేర్చబడ్డాయో అర్థం చేసుకోవడం చాలా ముఖ్యం. వీటిలో గది ఛార్జీలు, డాక్టర్ విజిటింగ్స్, ఎమర్జెన్సీ  ఛార్జీలు, అవసరమైన టెస్ట్ లు , మందుల ఛార్జీలు.. ఇలా అన్నీ ఉన్నాయో లేదో   ముందుగానే చూసుకోవాలి. ఇది తరువాత హాస్పిటల్లో  శిశువు భద్రత.. ఆసుపత్రిలో నియోనాటల్ ఇంటెన్సివ్ కేర్ యూనిట్ లేదా NCU (నర్సరీ కేర్ యూనిట్) ఉందో లేదో నిర్ధరించుకోవడం చాలా ముఖ్యం. కొన్నిసార్లు, శిశువులు నెలలు నిండకుండానే పుడతారు లేదా పుట్టిన తర్వాత వారికి స్పెషల్ కేర్  అవసరం అవుతుంది. ఆసుపత్రిలో ఈ సౌకర్యాలు ఇప్పటికే ఉంటే, శిశువుకు ఎమర్జెన్సీగా స్పెషల్ కేర్ అందించవచ్చు. పిల్లల డాక్టర్.. ఆసుపత్రిలో పిల్లల డాక్టర్  అన్ని వేళలా అందుబాటులో ఉంటారా లేదా అని తెలుసుకోవాలి. ఎందుకంటే, పుట్టిన వెంటనే శిశువును పరీక్షించడానికి , సంరక్షించడానికి పిల్లల డాక్టర్ ఉండటం  చాలా కీలకం. ఏ కారణం చేతనైనా బిడ్డకు వెంటనే  వైద్య సహాయం అవసరమైతే, వైద్యుడు  అందుబాటులో ఉండటం చాలా ముఖ్యం. డెలివరీ పార్ట్నర్.. ప్రసవ సమయంలో భర్త లేదా కుటుంబ సభ్యుడు మహిళతో ఉండటానికి ఆసుపత్రి అనుమతిస్తుందా లేదా అని కనుక్కోవాలిి. వీరిని ప్రసవ భాగస్వామి అని పిలుస్తారు. చాలా మంది మహిళలకు, ప్రసవమనే ఈ కష్ట సమయంలో సన్నిహితంగా ఒకరు తోడు ఉండటం ఎంతో సహాయపడుతుంది, ఎందుకంటే ఈ సమయంలో వారికి శారీరక , మానసిక మద్దతు రెండూ అవసరం. అందువల్ల, ప్రసవానికి ముందే ఆసుపత్రి విధానం గురించి విచారించడం ముఖ్యం. మహిళల మూవ్మెంట్.. ప్రసవ సమయంలో మహిళ కదలడానికి లేదా పొజిషన్ మార్చుకోవడానికి అనుమతి ఉందా లేదా అనేది కనుక్కోవాలి. చాలా ఆసుపత్రులు మహిళను మంచానికే పరిమితం చేస్తాయి, అయితే మరికొన్ని హాస్పిటల్స్ అయితే లైట్ గా  కదలడానికి  అనుమతిస్తాయి, ఇది నొప్పిని తగ్గించి, ప్రసవాన్ని సులభతరం చేయడానికి సహాయపడుతుంది. కాబట్టి మహిళలు ప్రసవం కోసం హాస్పిటల్స్ ను ఎంచుకునే ముందు పైన పేర్కొన్న విషయాలను విచారించిన తర్వాతే ఎంచుకోవడం మంచిది.                                            *రూపశ్రీ.  

  గర్భధారణ సమయంలో మహిళల శరీరంలో అనేక మార్పులు జరుగుతాయి. ఈ మార్పులలో, తరచుగా వినబడే పదం "ప్రెగ్నెన్సీ గ్లో". గర్భధారణ సమయంలో మహిళ ముఖం మరింత ప్రకాశవంతంగా, కాంతివంతంగా కనిపిస్తుందని సాధారణంగా చెబుతుంటారు. వివాహానికి ముందు ఆడపిల్లలకు పెళ్లి కళ అని ఎలా అంటారో.. అలాగే గర్భాధారణ సమయంలో కూడా ముఖంలో కాంతి పెరుగుతుంది.  చాలా మంది అలాంటిది ఏమీ ఉండదని కొట్టి పడేస్తుంటారు. కానీ శరీరంలో జరిగే వివిధ సహజ మార్పుల కారణంగా ఇది జరుగుతుందని వైద్యులు చెబుతున్నారు. అయితే, ప్రతి మహిళకు ప్రెగ్నెన్సీ గ్లో అనుభవంలోకిరాదు. గర్భధారణ సమయంలో ప్రతి మహిళ శరీరం భిన్నంగా స్పందిస్తుంది. దీని గురించి మరింత వివరంగా తెలుసుకుంటే.. ప్రెగ్నెన్సీ గ్లో.. గర్భధారణ సమయంలో ఒక మహిళ చర్మం సాధారణం కంటే ప్రకాశవంతంగా, గులాబీ రంగులో , చాలా ఫ్రెష్ గా  కనిపించడాన్ని ప్రెగ్నెన్సీ గ్లో అంటారు. చాలా మంది మహిళలు తమ బుగ్గలపై లేత ఎరుపుదనాన్ని , మరింత కాంతివంతమైన ఛాయను గమనిస్తారు. ఈ మార్పు తరచుగా రెండవ త్రైమాసికంలో మరింత స్పష్టంగా కనిపిస్తుంది. ఈ సమయానికి, తొలి నెలల్లో ఉండే అలసట, ఉదయం వచ్చే వికారం , నీరసం వంటి సమస్యలు కొంతవరకు తగ్గడం మొదలుపెడతాయి. ఈ కాంతి కొందరిలో గర్భధారణ అంతటా ఉండవచ్చు,  మరికొందరిలో ఇది అస్సలు కనిపించకపోవచ్చు కూడా. గర్భధారణ సమయంలో, శరీరంలో ఈస్ట్రోజెన్ , hCG వంటి హార్మోన్ల స్థాయిలు గణనీయంగా పెరుగుతాయి. ఈ మార్పులు చర్మాన్ని కూడా ప్రభావితం చేస్తాయి, దీని కారణంగా ముఖం మరింత ప్రకాశవంతంగా కనిపించవచ్చు. గర్భధారణ సమయంలో జరిగే హార్మోన్ల మార్పుల వల్ల చర్మంలోని నూనె గ్రంథులు మరింత చురుకుగా మారతాయి, దీనివల్ల ముఖానికి సహజమైన కాంతి వస్తుంది. అయితే, కొంతమంది మహిళల్లో ఈ అదనపు నూనె మొటిమలకు కూడా కారణం అవుతుంది. గర్భధారణ సమయంలో తల్లి , బిడ్డ ఇద్దరి అవసరాలను తీర్చడానికి శరీరంలో రక్త పరిమాణం గణనీయంగా పెరుగుతుంది. ఈ పెరిగిన రక్త ప్రసరణ వలన చర్మంలోని చిన్న రక్త కణాలు విస్తరిస్తాయి, దీనివల్ల బుగ్గలు గులాబీ రంగులోకి మారి, ముఖం మరింత కాంతివంతంగా కనిపిస్తుంది. అంతేకాకుండా, గర్భం పెరిగేకొద్దీ, పొత్తికడుపు , శరీరంలోని ఇతర భాగాల చర్మం సాగుతుంది. ఈ సాగడం వల్ల  రక్త ప్రసరణ పెరిగి హార్మోన్ల మార్పులతో పాటు చర్మం కాంతివంతంగా మారడానికి కారణం అవుతుంది. గర్భధారణ సమయంలో చాలా మంది మహిళలకు సాధారణం కంటే వేడిగా అనిపిస్తుంది.  శరీర ఉష్ణోగ్రత పెరగడం,   రక్త ప్రసరణ ఎక్కువ కావడం  వలన ముఖం కొద్దిగా ఎర్రబడటం , ఉబ్బడం జరగవచ్చు. గర్భధారణ సమయంలో, వైద్యులు సమతుల్య ఆహారం , గర్భధారణ సప్లిమెంట్లను సిఫార్సు చేస్తారు. పండ్లు, ఆకుకూరలు, ప్రోటీన్, పాల ఉత్పత్తులు , అవసరమైన విటమిన్లు శరీర ఆరోగ్యంపై, అలాగే చర్మ ఆరోగ్యంపై పనిచేస్తాయి. వైద్యుల ప్రకారం, ప్రతి స్త్రీ శరీరం భిన్నంగా స్పందిస్తుంది,  గర్భధారణ లక్షణాలు స్త్రీని బట్టి ఎలా మారుతాయో, అలాగే ప్రెగ్నెన్సీ గ్లో కూడా అందరిలో కనిపించదు. అందువల్ల గర్భధారణ సమయంలో స్త్రీ ముఖంలో ఈ కాంతి కనిపించకపోతే, దానిని సమస్యగా పరిగణించకూడదు.                                        *రూపశ్రీ.       

  అందం అంటే చర్మం తెల్లగా ఉండటం అని చాలామంది అనుకుంటారు. అందుకే చర్మం తెల్లగా అవ్వడం కోసం చాలా రకాల స్కిన్ క్రీములు, స్కిన్ ట్రీట్మెంట్లు ట్రై  చేస్తూ ఉంటారు. మార్కెట్లో  కూడా చర్మాన్ని తెల్లబరిచే సోపులు,  క్రీములు అంటూ చాలా రకాల ఉత్పత్తులు ఉంటాయి.  ఇలాంటి క్రీములు, సోపులు వాడటం వల్ల చర్మంలో చాలా మార్పు వచ్చిందని సోషల్ మీడియాలో కూడా చాలా రివ్యూస్ వస్తూ ఉంటాయి.  వీటిని చూసి మరెంతో మంది వీటిని వాడటానికి ఆసక్తి చూపిస్తారు. అయితే చర్మం తెల్లగా మారాలని స్కిన్ క్రీములు వాడేవారికి చర్మ సంరక్షణ నిపుణులు షాకింగ్ నిజాలు చెబుతున్నారు. అవేంటో తెలుసుకుంటే.. క్రీముల వెనుక రహస్యం.. చర్మం చాలా తొందరగా తెల్లబడటం కోసం ఉపయోగించే క్రీములలో సాధారణం కంటే ఎక్కువ మోతాదులో పాదరసం, సీసం వంటివి కలుపుతారట.   ఇది మెలనిన్ ఉత్పత్తిని నిరోధిస్తుంది. దీని ఫలితంగా 10 నుండి 15 రోజులలో చర్మం తెల్లగా కనిపిస్తుంది. ఈ కారణంగా ఈ క్రీములు, సోపులు చాలా ప్రబావవంతంగా పని చేస్తాయని అందరూ అనుకుంటారు. అయితే పెద్ద మొత్తంలో సీసం, పాదరసం కలపడం చట్టవిరుద్ధం.  ఇలాంటి క్రీములు, సోపులు ఎక్కువ కాలం లేదా రోజులో ఎక్కువ సార్లు వాడటం వల్ల మూత్రపిండాలు, మెదడు , ఇతర అవయవాలకు తీవ్రమైన నష్టం వాటిల్లవచ్చు. అధిక స్థాయిలో ఉన్న పాదరసం 10 నుండి 12 రోజులలోనే మూత్రపిండాలపై ప్రభావం చూపడం ప్రారంభిస్తుందని, అదే తక్కువ స్థాయిలో ఉన్నప్పటికీ, చాలా నెలల పాటు ప్రతిరోజూ వాడటం వల్ల క్రమంగా నష్టం వాటిల్లుతుందని నిపుణులు చెబుతున్నారు. చర్మం మాత్రమే కాదు.. చర్మం తెల్లబడటానికి ఉపయోగించే క్రీముల వల్ల కలిగే   ప్రభావాలు చర్మానికి మాత్రమే పరిమితం కావు. పాదరసం చర్మం ద్వారా శరీరంలోకి ప్రవేశించి మూత్రపిండాలు , ఎముక మజ్జలో పేరుకుపోతుంది. వైద్యుల ప్రకారం, ఇది క్రమంగా మూత్రపిండాల పనితీరును ప్రభావితం చేస్తుంది.   ఇది తీవ్రంగా మారితే  డయాలసిస్‌కు కూడా దారితీయవచ్చు. ఇది చేతులు వణకడం, జ్ఞాపకశక్తి కోల్పోవడం, ఆందోళన, నిద్రలేమి, చిరాకు , ఏకాగ్రత తగ్గడం వంటి నాడీ సంబంధిత సమస్యలను కూడా కలిగిస్తుంది. కొన్ని సందర్భాల్లో, వినికిడి సమస్యను,  కంటిచూపును  కూడా ప్రభావితం చేస్తుంది. ఇలాంటి క్రీములు వాడకూడదు.. సీసం స్థాయిలు  పరిమితికి మించి ఎక్కువగా ఉండే క్రీములు వాడకూడదు. చర్మాన్ని తెల్లగా చేయడంలో సీసానికి ప్రాధాన్యత లేదు.  దీని వాడకం  ఉపయోగం ఏమీ లేదని నిపుణులు అంటున్నారు. పాదరసం, సీసం.. లేదా వాటి ముడి పదార్థాలు ఉండే ఉత్పత్తులు అసురక్షితమైనవని చెబుతారు.  సీసం శరీరంలో పేరుకుపోయి మెదడు, మూత్రపిండాలు, రక్తాన్ని ఉత్పత్తి చేసే అవయవాలు , పునరుత్పత్తి వ్యవస్థకు హాని కలిగించగలదని చెబుతారు. ఏ కొంచెం  సీసం కూడా  సురక్షితం కాదని, అది పాదరసంతో కలిస్తే ఆరోగ్య ప్రమాదాలు మరింత పెరుగుతాయని వైద్యులు చెబుతున్నారు. కేవలం నిగారింపు కోసం ఎలాంటి క్రీమ్‌ను ఉపయోగించవద్దని చర్మ నిపుణులు సలహా ఇస్తున్నారు.  ముఖంపై మచ్చలు లేదా పిగ్మెంటేషన్ సమస్యలు ఉంటే, ముందుగా చర్మ సంరక్షణ నిపుణుడిని సంప్రదించడం మంచిది.                               *రూపశ్రీ.  

మీకు థైరాయిడ్ ఉందా.. ఇదిగో ఈ రెండూ చేస్తే చాలావరకు కంట్రోల్ ఉంటుంది..! ఈ రోజుల్లో థైరాయిడ్ సమస్యలు వేగంగా పెరుగుతున్నాయి. థైరాయిడ్ అనేది మెడ ముందు భాగంలో ఉండే ఒక చిన్న గ్రంథి. ఈ గ్రంథి శరీర జీవక్రియ, శక్తి, బరువు, హృదయ స్పందన రేటు, జీర్ణక్రియ , మానసిక ఆరోగ్యాన్ని నియంత్రించే హార్మోన్లను ఉత్పత్తి చేస్తుంది. ఈ గ్రంథి సరైన నిష్పత్తిలో హార్మోన్లను ఉత్పత్తి చేయడంలో విఫలమైనప్పుడు, అది అనేక రకాల ఆరోగ్య  సమస్యలకు దారితీస్తుంది. థైరాయిడ్ వ్యాధిలో రెండు రకాలు ఉన్నాయి. ఒకటి హైపోథైరాయిడిజం , రెండవది హైపర్‌థైరాయిడిజం. హైపోథైరాయిడిజం తక్కువ హార్మోన్లను ఉత్పత్తి చేస్తుంది, దీనివల్ల బరువు పెరగడం, అలసట, మలబద్ధకం, జుట్టు రాలడం , పొడి చర్మం వంటి సమస్యలు వస్తాయి. మరోవైపు, హైపర్‌థైరాయిడిజం ఎక్కువ హార్మోన్లను ఉత్పత్తి చేస్తుంది, దీనివల్ల ఆందోళన, బరువు తగ్గడం, నిద్రలేమి ,  హృదయ స్పందన ఎక్కువగా ఉండటం  వంటివి జరుగుతాయి.  చాలామంది థైరాయిడ్ సమస్య వచ్చిందంటే జీవితాంతం మందులు వాడాల్సి ఉంటుందేమో అని అనుకుంటారు.  కానీ కేవలం రెండు పనుల వల్ల థైరాయిడ్ ను కంట్రోల్ లో ఉండవచ్చని వైద్యులు చెబుతున్నారు. అవేంటో తెలుసుకుంటే.. థైరాయిడ్ ను నియంత్రించే పనులు.. సరైన లైఫ్ స్టైల్, ఆరోగ్యకరమైన ఆహారం , క్రమం తప్పని యోగా సాధన థైరాయిడ్ సమస్యలను చాలా వరకు నియంత్రణలో ఉంచుతాయి. దీనివల్ల చాలా మంది ఎంతో ప్రయోజనం పొందారు. ఒకవేళ మందులు వాడేవారు వైద్య సలహా లేకుండా మందులు ఆపడం మంచిది కాదు.. థైరాయిడ్ నియంత్రణలో ఉంచుకోవడానికి సరైన లైఫ్ స్టైల్,  ఆహారం,  యోగా చేస్తూ ఆ తర్వాత వైద్యుల సలహాతో మందులు ఆపవచ్చు. థైరాయిడ్ కోసం యోగా.. యోగా శరీర సౌలభ్యాన్ని మెరుగుపరచడమే కాకుండా, శరీరంలోని అంతర్గత గ్రంధుల పనితీరును నియంత్రించడంలో కూడా సహాయపడుతుంది. యోగా ఒత్తిడిని తగ్గిస్తుంది, రక్త ప్రసరణను మెరుగుపరుస్తుంది , హార్మోన్లను సమతుల్యం చేస్తుంది. నేటికాలంలో చాలా మందిలో థైరాయిడ్ సమస్యలకు ఒత్తిడి ఒక ప్రధాన కారణంగా మారింది. ఎప్పుడూ  ఒత్తిడికి గురైనప్పుడు, శరీరంలోని హార్మోన్ల సమతుల్యతలో హెచ్చుతగ్గులు ఏర్పడుతాయి. యోగా మనసును ప్రశాంతపరిచి, శరీరం సహజంగా ఆరోగ్యంగా మారడానికి సహాయపడుతుంది. థైరాయిడ్ కోసం యోగాసనాలు.. సర్వాంగాసనం థైరాయిడ్ సమస్యలకు ఇది ఉత్తమమైన ఆసనం. ఈ ఆసనంలో గడ్డం మెడను తాకుతుంది, దీనివల్ల థైరాయిడ్ గ్రంథికి రక్త ప్రసరణ పెరిగి, అది సరిగ్గా పనిచేయడానికి వీలవుతుంది. మత్స్యాసనం.. ఈ ఆసనం గొంతు , ఛాతీని సాగదీస్తుంది. సర్వాంగాసనం తర్వాత మత్స్యాసనం చేయడం చాలా ప్రయోజనకరం, ఇది థైరాయిడ్‌పై నేరుగా ప్రభావం చూపుతుంది.  భుజంగాసనం.. భుజంగాసనం మెడ , వెన్నెముకను కుదురుగా, బలంగా చేసి శరీరానికి శక్తిని అందిస్తుంది.  ఉష్ట్రాసనం.. ఉష్ట్రాసనంలో మెడ వెనుకకు వంగడం వల్ల గొంతు సాగి, రక్త ప్రసరణ మెరుగుపడుతుంది, దీని ప్రత్యక్ష ప్రభావం థైరాయిడ్ గ్రంథిపై ఉంటుంది. సేతుబంధాసనం.. ఈ ఆసనం ఒత్తిడిని తగ్గించడంలో మరియు హార్మోన్లను సమతుల్యంగా ఉంచడంలో సహాయపడుతుందని చెబుతారు. ప్రాణాయామాలు.. అనులోమ-విలోమ.. ఇది శరీరంలో ఆక్సిజన్‌ను పెంచి, మానసిక ఒత్తిడిని తగ్గిస్తుంది. భ్రమరి ప్రాణాయామం.. భ్రమరి చేయడం మనసుకు శాంతిని చేకూర్చి, ఒత్తిడి , ఆందోళనను తగ్గించగలదు. ఉజ్జయి ప్రాణాయామం.. ఇది థైరాయిడ్‌కు చాలా ముఖ్యమైనదిగా చెబుతారు, ఎందుకంటే ఇది గొంతు ప్రాంతంపై తేలికపాటి ప్రభావాన్ని చూపుతుంది, ఇది థైరాయిడ్ గ్రంథిని ప్రభావితం చేస్తుంది.  ప్రతిరోజూ 20 నిమిషాల పాటు ప్రాణాయామం చేస్తే, శరీరం , మనస్సు రెండూ ఆరోగ్యంగా ఉంటాయి, ఇది చాలా ముఖ్యం. థైరాయిడ్ కు ఆహారం.. యోగాతో పాటు, సరైన ఆహారం కూడా చాలా ముఖ్యం. కేవలం మందులతో సమస్య పరిష్కారం కాదు.  ఆహారపు అలవాట్లను మెరుగుపరచుకోవడం ద్వారా చాలా మంచి  ఫలితాలను పొందవచ్చు. థైరాయిడ్ హార్మోన్ల ఉత్పత్తికి అయోడిన్ చాలా అవసరం. అయోడైజ్డ్ ఉప్పును మితంగా వాడాలి. అలాగే, కొంత సమయం ఎండలో గడపాలి.  ప్రోటీన్ అధికంగా ఉండే ఆహారాన్ని తప్పక తినాలి  పప్పుధాన్యాలు, జున్ను, పాలు, పెరుగు, మజ్జిగ , మొలకెత్తిన ధాన్యాలు శరీరానికి ప్రోటీన్‌ను అందించి, హార్మోన్లను సరిచేయడంలో సహాయపడతాయి.  తాజా పండ్లు , కూరగాయలు తప్పక తినాలి. కాలానికి అనుగుణంగా లభించే పండ్లు, ఆకుకూరలు, క్యారెట్లు, బీట్‌రూట్, టమాటాలు , దోసకాయలు శరీరానికి అవసరమైన విటమిన్లు , పోషకాలను అందిస్తాయి. సెలీనియం , జింక్ తీసుకోవాలి.  వాల్‌నట్‌లు, గుమ్మడి గింజలు, పొద్దుతిరుగుడు గింజలు , తృణధాన్యాలు థైరాయిడ్‌కు చాలా మేలు చేస్తాయి. నీరు బాగా తాగాలి. రోజంతా సరైన మోతాదులో నీరు త్రాగడం వల్ల శరీరం నుండి విషపదార్థాలు బయటకు వెళ్లిపోతాయి , ఆరోగ్యకరమైన జీవక్రియ కొనసాగుతుంది. థైరాయిడ్ ఉన్నవారు ఈ పనులు అస్సలు చేయకూడదు.. థైరాయిడ్ సమస్య ఉన్నవారు  జంక్ ఫుడ్, వేయించిన ఆహారం, శీతల పానీయాలు , తీపి పదార్థాలను ఎక్కువగా తినకూడదు. అధిక ఒత్తిడి, రాత్రి పొద్దుపోయే వరకు మేల్కొని ఉండటం, శారీరక శ్రమ లేకపోవడం వంటివి కూడా ఈ సమస్యను మరింత తీవ్రతరం చేస్తాయి. అందువల్ల, ఒక క్రమబద్ధమైన దినచర్యను పాటించడం ముఖ్యం. థైరాయిడ్ కేవలం శారీరక సమస్య మాత్రమే కాదు. ఇది  జీవనశైలికి కూడా ముడిపడి ఉంటుంది. సమయానికి నిద్రపోవడం, ఉదయాన్నే లేవడం, క్రమం తప్పకుండా వ్యాయామం చేయడం పాజిటివ్ గా ఉండటం వంటివన్నీ చికిత్సలో భాగమే. ప్రతిరోజూ కనీసం 30 నిమిషాల యోగా , 20 నుండి 30 నిమిషాల పాటు వేగంగా నడవడం  ఆరోగ్యానికి చాలా ప్రయోజనకరంగా ఉంటుంది. దీనికి అదనంగా, ఇవి మాత్రమే కాకుండా   మొబైల్ ఫోన్ మరియు స్క్రీన్ సమయాన్ని తగ్గించడం ద్వారా మంచి మానసిక ఆరోగ్యాన్ని కాపాడుకోవడానికి ప్రయత్నించాలి.                                      *రూపశ్రీ.  

ప్రసవం తర్వాత వచ్చే డిప్రెషన్ ప్రమాదమా..  ప్రతి మహిళ తెలుసుకోవాల్సిన నిజాలివి! ప్రతి మహిళ వివాహం అయ్యాక గర్బం దాల్చాలని,  సుఖంగా ప్రసవం కావాలని కోరుకుంటుంది.  గర్బవతిగా ఉన్న మహిళ విషయంలో కుటుంబ సభ్యులు కూడా ఇదే కోరుకుంటారు. కానీ ప్రసవం వరకు ఉన్న పరిస్థితి వేరు.. ప్రసవం తర్వాత ప్రతి తల్లి ఎదుర్కునే పరిస్థితులు వేరు.. ప్రసవం తర్వాత గడిచే కాలం చాలామంది మహిళలకు చాలా క్లిష్టంగా ఉంటుంది.  శారీరక పరంగా వచ్చే మార్పులు, హార్మోన్ మార్పులు, నిద్రలేమి,  అలసట,  అప్పుడే  పుట్టిన బిడ్డను చూసుకోవడం.. ఇలా చాలా విషయాలు మహిళల మీద ప్రబావం చూపిస్తాయి.  ఇవి కాస్తా చాలామంది మహిళలను డిప్రెషన్ లోకి నెట్టేస్తాయి.  ప్రసవం తర్వాత వచ్చే ఈ డిప్రెషన్ ప్రమాదమా?  తెలుసుకుంటే.. ప్రసవం తర్వాత డిప్రెషన్.. ప్రసవానంతర డిప్రెషన్ (PPD) అనేది ప్రసవం తర్వాత కొంతమంది మహిళల్లో ఏర్పడే ఒక మానసిక ఆరోగ్య సమస్య. ఇది సాధారణ "బేబీ బ్లూస్"కు భిన్నమైనది. బేబీ బ్లూస్ సాధారణంగా కొన్ని రోజుల్లోనే తగ్గిపోతాయి, అయితే ప్రసవానంతర డిప్రెషన్ లక్షణాలు వారాలు లేదా నెలల పాటు ఉండే అవకాశం ఉంటుంది, పైగా   వీటికి చికిత్స కూడా అవసరం కావచ్చు. ప్రసవం తర్వాత డిప్రెషన్ లక్షణాలు.. బిడ్డను కన్న తర్వాత  మహిళ  కొన్ని రోజులు లేదా వారాల పాటు ఎప్పుడూ విచారంగా ఉన్నా, కారణం లేకుండా ఏడ్చినా, లేదా దేనిలోనూ ఆనందాన్ని పొందలేకపోయినా, అది ప్రసవానంతర డిప్రెషన్‌కు సంకేతం కావచ్చని వైద్యులు చెబుతున్నారు. ఈ పరిస్థితి క్రమంగా రోజువారీ జీవితాన్ని ప్రభావితం చేస్తుంది. బిడ్డ ఆరోగ్యం గురించి సాధారణంగా తల్లికి ఆందోళన సహజమే, కానీ ఎప్పుడూ భయపడుతూ, ఆందోళనగా, లేదా భయంగా ఉంటూ,  కుదురుగా ఉండలేక,  తన భయాన్ని,  ఆందోళనను నియంత్రించుకోలేకపోతే,  అలాంటి పరిస్థితి ప్రసవం తర్వాత వచ్చే డిప్రెషన్ లో భాగమే.. దీన్ని నిర్లక్ష్యం చేయకూడదు. ప్రసవానంతర డిప్రెషన్‌తో బాధపడుతున్న మహిళ ఎక్కువగా నిద్రపోవచ్చు లేదా అసలు నిద్రపోకపోవచ్చు. అదేవిధంగా, నీరసంగా లేదా విపరీతమైన ఆకలిగా అనిపించడం వంటి సమస్య కూడా ఉండవచ్చు. కొంతమంది మహిళలు తమకు పుట్టిన బిడ్డతో ఎమోషనల్ గా ఉండలేకపోవడం,  వారితో ప్రేమగా ఉండలేకపోవడం వంటి  పరిస్థితిలో ఉంటారు.  వారు బిడ్డను చూసుకోవడంలో తక్కువ ఆసక్తి చూపవచ్చు లేదా అపరాధ భావనతో బాధపడవచ్చు. ఇది కూడా ప్రసవానంతర డిప్రెషన్‌కు ఒక ముఖ్యమైన లక్షణమే. ప్రసవం తర్వాత మహిళ తనకు తాను హాని కలిగించుకోవడం,  ఆత్మహత్య చేసుకోవాలని అనుకోవడం లేదా బిడ్డకు హాని కలిగించడం వంటి ఆలోచనలు చేస్తే అది తీవ్రమైన మానసిక ఆరోగ్య  పరిస్థితి కావచ్చని వైద్యులు చెబుతున్నారు. అలాంటి పరిస్థితిలో, వెంటనే వైద్యుడిని లేదా మానసిక ఆరోగ్య నిపుణుడిని సంప్రదించాలి. ఏ మహిళలకు ప్రసవం తర్వాత డిప్రెషన్ వచ్చే ప్రమాదం ఎక్కువ? గతంలో డిప్రెషన్ లేదా ఆందోళన కలిగి ఉన్న మహిళలు,   కుటుంబం నుండి తగినంత మానసిక మద్దతు లభించని మహిళలు,  ఆర్థిక లేదా కుటుంబ ఒత్తిడిలో ఇబ్బంది పడే మహిళలు, నెలలు నిండకనే  ముందుగా ప్రసవం జరగడం లేదా ప్రసవం చాలా కష్టంగా జరగడం వంటివి జరిగిన మహిళలు,  కవలలు లేదా అంతకంటే ఎక్కువ మంది పిల్లలకు ఒకేసారి జన్మనిచ్చిన మహిళలు, . చాలా రోజుల పాటు సరైన నిద్ర లేకుండా  మానసికంగా తీవ్రంగా అలసిపోయిన మహిళలు.. ఇలాంటి వారికి ప్రసవం తర్వాత డిప్రెషన్ వచ్చే ప్రమాదం ఎక్కువ ఉంటుంది.                                          *రూపశ్రీ.

తల్లి కావాలని కోరుకునే మహిళలు తినాల్సిన ఆహారం ఇది! ఈ ప్రపంచంలో మాతృత్వం అనేది చాలా ప్రత్యేకమైనది. వివాహం జరిగిన తర్వాత ప్రతి మహిళ తాము ఎప్పుడు గర్బం ధరిస్తామా అని ఎంతో ఆశతో ఎదురుచూచ్తుంది.  అయితే తీసుకునే ఆహారం చాలా మంది మహిళలలో గర్బం ధరించడంలో ప్రభావితం చేస్తుందట. కేవలం ఆహారం వల్లే మహిళలు గర్బం ధరించడంలో ఇబ్బందులు ఎదుర్కోవడం జరగదని అంటున్నా,  సరైన డైట్ లేకపోతే గర్భం దాల్చడంలో ఇబ్బందులు ఏర్పడటం జరుగుతుందని అంటున్నారు. అందుకే గర్బం దాల్చాలని అనుకునే అమ్మాయిలు,  గర్బం కోసం ప్రయత్నాలు చేయడం,  జాగ్రత్తలు తీసుకోవడంతో పాటు,  సరైన డైట్ కూడా పాటించాలి. ఇందుకోసం మహిళలు ఏం తినాలో తెలుసుకుంటే.. ఆకుపచ్చ ఆకుకూరలు.. పాలకూర, మెంతికూర, తోటకూర వంటి ఆకుపచ్చ ఆకు కూరలు సంతానోత్పత్తికి సహకరించే ఆహారాలలో ముఖ్యంగా ఉంటాయి. ఆరోగ్యకరమైన అండాల అభివృద్ధికి , గర్భధారణ ప్రారంభ దశలకు అవసరమైన ఫోలేట్ వీటిలో పుష్కలంగా ఉంటుంది. వీటిలో ఐరన్,, కాల్షియం , యాంటీఆక్సిడెంట్లు కూడా ఉంటాయి, ఇవి శరీర కణాలను దెబ్బతినకుండా కాపాడటానికి , హార్మోన్ల సమతుల్యతను కాపాడుకోవడానికి సహాయపడతాయి. ధాన్యాలు.. బ్రౌన్ రైస్, ఓట్స్, క్వినోవా . మిల్లెట్స్ వంటి సంపూర్ణ ధాన్యాలు శరీరంలో రక్తంలో చక్కెర సమతుల్యతను కాపాడుకోవడానికి సహాయపడతాయి. రక్తంలో చక్కెర సమతుల్యంగా ఉండటం ఇన్సులిన్ , పునరుత్పత్తి హార్మోన్లపై కూడా సానుకూల ప్రభావాన్ని చూపుతుంది. ముఖ్యంగా PCOS లేదా నెలసరి సరిగా లేకపోవడం వంటి సమస్యలు  ఉన్న మహిళలకు పాలిష్ చేసిన ధాన్యాల కంటే పొట్టు తీయని ధాన్యాలు  మంచి ప్రత్యామ్నాయంగా పరిగణించబడతాయి. బెర్రీలు, ఇతర ఫ్రూట్స్.. స్ట్రాబెర్రీలు, బ్లూబెర్రీలు, నారింజ, కివీ ,  దానిమ్మ, జామ  వంటి పండ్లలో విటమిన్ సి , యాంటీఆక్సిడెంట్లు పుష్కలంగా ఉంటాయి. ఇవి అండాలు , శుక్రకణాలను ఆక్సీకరణ ఒత్తిడి నుండి రక్షించడంలో సహాయపడతాయి. దానిమ్మపండ్లు గర్భాశయంలో రక్త ప్రసరణను మెరుగుపరుస్తాయని కూడా నమ్ముతారు, ఇది పిండం ఏర్పడటంలో చాలా సహాయపడుతుందట.  చేపలు.. సాల్మన్ , సార్డిన్‌ల వంటి చేపలలో ఒమేగా-3 ఫ్యాటీ యాసిడ్‌లు పుష్కలంగా ఉంటాయి. ఒమేగా-3 ఫ్యాటీ యాసిడ్‌లు శరీరంలో వాపును తగ్గించడానికి, హార్మోన్ల ఉత్పత్తికి తోడ్పడటానికి,  ప్రత్యుత్పత్తి అవయవాలకు మంచి రక్త ప్రసరణను జరగడానికి సహాయపడతాయి. పురుషులలో, ఇవి వీర్య కణాల నాణ్యతను మెరుగుపరచడంలో సహాయపడతాయి. మహిళలలో, ఇవి రుతుస్రావం , గర్భధారణకు తోడ్పడతాయి.  సీడ్స్, నట్స్.. వాల్‌నట్‌లు, బాదం, అవిసె గింజలు, గుమ్మడి గింజలు , పొద్దుతిరుగుడు గింజల వంటి ఆహారాలలో విటమిన్ ఎ, జింక్, సెలీనియం , ఆరోగ్యకరమైన కొవ్వులు పుష్కలంగా ఉంటాయి. ఈ పోషకాలు మహిళల్లో అండాల ఆరోగ్యాన్ని , పురుషులలో వీర్య కణాల నాణ్యతను కాపాడటంలో ప్రధాన పాత్ర పోషిస్తాయి. ఒక అధ్యయనంలో వాల్‌నట్‌లను క్రమం తప్పకుండా తీసుకోవడం వల్ల వీర్య కణాల నాణ్యత , సంతానోత్పత్తి మెరుగుపడ్డాయని కూడా కనుగొన్నారట.                                  *రూపశ్రీ.

చిన్నవయసులోనే ఆడపిల్లలకు మెచ్యురిటీ.. దీని పర్యవసానాలు ఏంటి తెలుసా! ప్రతి ఆడపిల్ల ఒక వయసుకు వచ్చాక  ఋతుచక్రంలోకి అడుగు పెట్టడం సహజం.  ఆడపిల్లలలో  ఒకసారి ఋతుచక్రం మొదలైతే  మెనోపాజ్ దశకు చేరేవరకు ప్రతి నెలా నెలసరిని ఎదుర్కుంటుంది. కొన్నేళ్ళ కిందటితో పోలిస్తే నేటికాలంలో ఆడపిల్లలు చాలా చిన్న వయసులో మెచ్యురిటీ అవుతున్నారు.  గతంలో 14, 15 ఏళ్ల వయసులో మెచ్యురిటీ అయ్యేవారు.. కానీ నేటికాలంలో చాలామంది ఆడపిల్లలు 10 ఏళ్లకే మెచ్యురిటీ అవుతున్నారు.  చిన్న వయసులో మెచ్యురిటీ కావడం పెద్దగా సమస్య ఏముంటుందిలే అని తల్లిదండ్రులు కూడా అనుకుంటారు. పైగా ఇది ప్రకృతి సిద్దమైన చర్య కావడం వల్ల దీని గురించి ఎక్కువగా ఆలోచించరు కూడా. కానీ చిన్న వయసులోనే మెచ్యురిటీ అవ్వడం వల్ల ఆడపిల్లలలో ఎదురయ్యే సమస్యలు కొన్ని ఉన్నాయి. అలాగే పిల్లలు చిన్న వయసులోనే మెచ్యురిటీ కాకుండా.. ఒక నిర్ణీత వయసు వచ్చాక మెచ్యురిటీ కావడానికి ఎలాంటి జాగ్రత్తలు తీసుకోవాలి? తెలుసుకుంటే.. చిన్న వయసులో మెచ్యురిటీ ఇందుకే.. చిన్న వయసులోనే పిల్లలు మెచ్యురిటీ కావడానికి చాలా కారణాలు ఉన్నాయి.  అధిక బరువు పిల్లలను చాలా ప్రభావితం చేస్తుంది. అలాగే ఎక్కువ స్ట్రెస్ కూడా పిల్లలు చిన్న వయసులో మెచ్యురిటీ కావడానికి కారణం అవుతుంది.   మార్కులు, ర్యాంకుల వంటివి పిల్లలను ఒత్తిడికి గురి చేస్తాయి. ఇది ఆడపిల్లలలో చిన్నతనంలో మెచ్యురిటీ కావడానికి కారణం అవుతుంది. అలాగే నేటికాలంలో జంక్ ఫుడ్ కూడా చాలా దారుణంగా తింటుంటారు. పిల్లలు జంక్ ఫుడ్ తినడాన్నే ఎక్కువ ఇష్టపడతారు. ఈ కారణంగా కూడా పిల్లలు చిన్నతనంలో మెచ్యురిటీ కావడానికి కారణం అవుతుంది. ఇవన్నీ కలిసి  పిల్లలు చిన్న వయసులో మెచ్యురిటీ కావడానికి దారి తీస్తాయి. చిన్న వయసులో మెచ్యురిటీ అయితే ఎదురయ్యే సమస్యలు.. పిల్లలు చిన్న వయసులో మెచ్యురిటీ అవ్వడం వల్ల పిల్లల ఎదుగుదలలో సమస్యలు ఏర్పడతాయి.  ప్రతి నెలా పీరియడ్స్ రావడం వల్ల  పిల్లలలో ఎముకల ఎదుగుదల నెమ్మదించి, క్రమంగా తగ్గిపోతుంది. దీని వల్ల ఆడపిల్లలు ఎత్తు పెరగరు.  తల్లిదండ్రులు బాగా ఎత్తు ఉన్న వారైనా సరే.. ఈ కారణాల వల్ల ఆడపిల్లల ఎత్తు పెరగరు. పీరియడ్స్ కారణంగా పిల్లలలో శారీరక, మానసిక మార్పులు చోటు చేసుకుంటాయి.  వీటి కారణంగా పిల్లలు చాలా ఒత్తిడికి గురవుతారు. వారు  తమ బాల్యాన్ని,  తమ చదువును కూడా శ్రద్దగా అనుభూతి చెందలేరు. చిన్నతనంలో మెచ్యురిటీ కాకుండా ఉండటానికి  జాగ్రత్తలు.. ఆడపిల్లలు ఉన్న తల్లిదండ్రులు తమ పిల్లల విషయంలో చాలా జాగ్రత్తగా ఉండాలి. హార్మోన్స్ ను డిస్టర్బ్ చేసే కెమికల్స్ పట్ల జాగ్రత్తగా ఉండాలి. ముఖ్యంగా ప్లాస్టిక్ బాటిల్స్,  కంటైనర్స్, కాస్మెటిక్ ప్రోడక్ట్స్, క్రీములు, ,పౌడర్లు,  నెయిల్ పాలిష్ వంటివి ఆడపిల్లలకు ఒక వయసు వరకు దూరంగా ఉంచడం మంచిది. అలాగే పెస్టిసైడ్స్ ను ఉపయోగించి పండించిన ఆహారాలు కూడా పిల్లల హార్మోన్స్ ను చాలా డిస్టర్బ్ చేస్తాయ్. పిల్లలకు మంచి ఆహారం ఇవ్వాలి. రోజులో కనీసం 8 గంటలు నిద్ర ఉండేలా చూడాలి. రోజూ కాసేపు వ్యాయామం చేయగలిగేలా పిల్లలను ప్రోత్సహించాలి. టీవీ,  కంప్యూటర్,  స్మార్ట్ ఫోన్ వంటి వాటికి ఎక్కువ సమయం వెచ్చించకుండా పిల్లలకు టైమ్ సెట్ చేయాలి. ఇవన్నీ ఫాలో అయితే పిల్లలు చాలా చిన్న వయసులో మెచ్యురిటీ కావడాన్ని నివారించవచ్చు.                               *రూపశ్రీ.

చాక్లెట్ తినడం వల్ల మహిళల పీరియడ్ పెయిన్ తగ్గుతుందా.. అసలు నిజమేంటంటే! ఒక వయసు వచ్చాక ప్రతి ఆడపిల్లకు, మహిళకు నెలసరి రావడం చాలా సహజం. ఇది ప్రకృతి సిద్దంగా జరిగిపోయే చర్య. అయితే మహిళల నెలసరిలో చాలా మంది కడుపు నొప్పి, పొత్తి కడుపు నొప్పి, కడుపు ఉబ్బరం  నడుము నొప్పి,  తలనొప్పి  వంటి సమస్యలు ఎదుర్కుంటూ ఉంటారు.  అయితే చాలా మంది మహిళలు తమ పీరియడ్స్ సమయంలో చాక్లెట్ తినడానికి ఇష్టపడతారు.  చాక్లెట్ తినడం వల్ల నెలసరి  నెప్పి తగ్గుతుందని అంటుంటారు. ఇందులో నిజమెంత అనేది చాలామందికి తెలియదు.  అసలు పీరియడ్స్ టైంలో చాక్లెట్ తినడం వల్ల పీరియడ్స్ పెయిన్ నిజంగా తగ్గుతుందా? దీని గురించి వివరంగా తెలుసుకుంటే.. పీరియడ్స్ సమయంలో చాక్లెట్.. పీరియడ్స్ సమయంలో చాక్లెట్ తినడం చాలామందికి మంచి ఉపశమనంలా అనిపిస్తుంది. ఎందుకంటే చాక్లెట్ లో మెగ్నీషియం ఉంటుంది. ఇది గర్భాశయ కండరాలను సడలించడానికి సహాయపడుతుంది. చాక్లెట్ తినడం వల్ల శరీరంలో ఎండార్ఫిన్లు విడుదల అవుతాయి.  ఇవి నొప్పిని తగ్గించడంలో సహాయపడతాయి. అందుకే పీరియడ్స్ సమయంలో చాక్లెట్ తింటే నెలసరి నొప్పి నుండి కాస్త ఉపశమనం గా అనిపిస్తుంది. చాక్లెట్ తినడం వల్ల సెరటోనిన్ పెరుగుతుంది.  సెరోటోనిన్ అనేది హ్యాపీ హార్మోన్..  చాక్లెట్ తిన్నప్పుడు ఈ హ్యాపీ హార్మోన్ అనేది పెరగడం వల్ల పీరియడ్స్ సమయంలో వచ్చే మూడ్ స్వింగ్స్,  చిరాకు,  అలసట, నీరసం వంటివి తగ్గుతాయి.  పీరియడ్స్ సమయంలో కూడా శరీరం చురుగ్గా ఉంటుంది. డార్క్ చాక్లెట్‌లో యాంటీఆక్సిడెంట్లు అధికంగా ఉంటాయి. ఇవి మొత్తం ఆరోగ్యానికి మేలు చేస్తాయి, ఇవి నొప్పిని తగ్గించడంలో  కాస్త సహాయపడతాయి. ఏ చాక్లెట్ తినడం మంచిది? 70% లేదా అంతకంటే ఎక్కువ కోకో ఉన్న డార్క్ చాక్లెట్   తినడం మంచిది.  ఎక్కువ చక్కెర ఉన్న మిల్క్ చాక్లెట్‌లో కోకో తక్కువగా ఉంటుంది కాబట్టి ప్రయోజనం కూడా తక్కువగా ఉండొచ్చు. అధికంగా చాక్లెట్ తింటే చక్కెర, కేలరీలు ఎక్కువగా తీసుకున్నట్లవుతుంది. ఇది బరువు పెరగడానికి,  డయాబెటిస్ రావడానికి కూడా కారణం అవుతుంది. ఎంత మోతాదులో తినాలి? రోజుకు సుమారు 20–30 గ్రాముల డార్క్ చాక్లెట్ చాలామందికి సరిపోతుంది. దీన్ని సమతుల్య ఆహారంలో భాగంగా తీసుకోవడం మంచిది. దీని కంటే ఎక్కువ చాక్లెట్ తినకూడదు.                               *రూపశ్రీ.

జాగ్రత్త.. వర్షాకాలంలో  మహిళలకు ఈ   వ్యాధులు వ్యాధులు వస్తాయ్! వర్షాకాలం వేడి నుండి ఉపశమనం కలిగించినప్పటికీ, ఇది అనేక ఆరోగ్య సమస్యలను కూడా కలిగిస్తుంది. ముఖ్యంగా మహిళలు వర్షాకాలంలో మరింత జాగ్రత్తగా ఉండాలి. వాతావరణంలో తేమ పెరగడం, వర్షంలో తడిసినప్పుడు  తడి బట్టలతో ఉండటం, చెమట మొదలైనవి   బ్యాక్టీరియా, ఫంగస్ వంటి వాటిని వేగంగా పెంచి మహిళలలో వివిధ రకాల ఇన్ఫెక్షన్ల ప్రమాదాన్ని పెంచుతాయి. వర్షాకాలంలో మహిళలకు చర్మ సమస్యలు , ప్రైవేట్ పార్ట్స్ కు సంబంధించిన సమస్యలు చాలా  ఎక్కువగా ఎదురవుతూ ఉంటాయి.  కొన్నిసార్లు, మహిళలు చేసే చిన్న  నిర్లక్ష్యం కూడా తీవ్రమైన ఇన్ఫెక్షన్‌కు దారితీయవచ్చు. అందువల్ల ఈ కాలంలో మహిళలు తమ వ్యక్తిగత పరిశుభ్రత, ఆహారం , రోజువారీ అలవాట్లపై ప్రత్యేక శ్రద్ధ పెట్టడం చాలా ముఖ్యం.  మహిళలను ఇబ్బంది పెట్టే అత్యంత సాధారణ ఇన్ఫెక్షన్లు ఏమిటో , వాటిని నివారించడానికి ఎలాంటి చర్యలు తీసుకోవచ్చో తెలుసుకుంటే.. మూత్రనాళాల ఇన్పెక్షన్.. వర్షాకాలంలో  తేమ పెరగడం వల్ల  బాక్టీరియా  కారణంగా   మహిళల్లో మూత్ర నాళాల ఇన్ఫెక్షన్ల ప్రమాదం పెరగవచ్చు. ఈ ఇన్ఫెక్షన్లు మూత్రాశయం, మూత్రనాళం లేదా మూత్రపిండాలను ప్రభావితం చేయవచ్చు. సాధారణ లక్షణాలలో మూత్రవిసర్జన సమయంలో మంట, పదే పదే  మూత్రవిసర్జన కు వెళ్లాల్సి రావడం, పొత్తికడుపు నొప్పి , కొన్నిసార్లు జ్వరం ఉంటాయి. సకాలంలో చికిత్స చేయకపోతే, ఇన్ఫెక్షన్ తీవ్రంగా మారవచ్చు. నివారణ.. మూత్రనాళాల ఇన్పెక్షన్ తగ్గాలంటే..  రోజంతా తగినంత నీరు త్రాగాలి.  ఎక్కువ సేపు మూత్రాన్ని ఆపుకోకూడదు.  టాయిలెట్ ఉపయోగించిన తర్వాత పరిశుభ్రత విషయంలో ప్రత్యేక శ్రద్ధ తీసుకోవాలి. తడి బట్టలు లేదా లోదుస్తులను ఎక్కువ సేపు ధరించి ఉండరాదు, వాటిని వెంటనే మార్చడం మంచిది.  కాటన్  లోదుస్తులు ధరించడం మంచిది.  ఈస్ట్ ఇన్ఫెక్షన్.. వర్షాకాలంలో పెరిగే తేమ శిలీంధ్రాల పెరుగుదలను ప్రోత్సహిస్తుంది, దీనివల్ల మహిళల్లో ఈస్ట్ ఇన్ఫెక్షన్ల ప్రమాదం పెరగే అవకాశం ఉంటుంది. దీని వలన జననాంగాలలో దురద, మంట, ఎరుపుదనం , తెల్లటి స్రావం కలగవచ్చు. బిగుతుగా ఉండే దుస్తులు ధరించడం , ఎక్కువసేపు తడి బట్టలలో ఉండటం దీనికి  ప్రధాన కారణాలు. నివారణ.. వదులుగా ఉండే కాటన్ దుస్తులు ధరించాలి. తడి బట్టలతో ఎక్కువసేపు ఉండకూడదు.   మర్మాంగాలను శుభ్రంగా ఉంచుకోవాలి.   అధిక సువాసన గల ఉత్పత్తులను వాడకూడదు.  అధికంగా  చెమట పట్టినప్పుడు బట్టలు మార్చుకోవడం ఎంతో మేలు.  ఫంగల్ స్కిన్ ఇన్ఫెక్షన్.. వర్షాకాలంలో చర్మంపై ఎక్కువసేపు తేమ ఉండటం వల్ల ఫంగల్ ఇన్ఫెక్షన్ల ప్రమాదం పెరుగుతుంది. తామర, దురద, ఎరుపుదనం , దద్దుర్లు దీని సాధారణ లక్షణాలు. ఈ సమస్య మెడ, చంకలు, గజ్జలు , చర్మపు మడతలు ఉన్న ప్రదేశాలలో ఎక్కువగా కనిపిస్తుంది. నివారణ .. చర్మాన్ని పొడిగా, శుభ్రంగా ఉంచుకోవాలి.   స్నానం చేసిన తర్వాత శరీరాన్ని బాగా తుడుచుకోవాలి.  ఇతరుల తువ్వాళ్లు లేదా బట్టలు ఉపయోగించకూడదు.  చెమట పట్టినప్పుడు  బట్టలు మార్చుకోవాలి.  వైద్యుని సలహా లేకుండా ఎలాంటి క్రీమ్ లు వాడకూడదు. బాక్టీరియల్ వాగినోసిస్.. జననాంగాలలో మంచి , చెడు బ్యాక్టీరియాల సమతుల్యతకు భంగం కలిగినప్పుడు ఈ ఇన్ఫెక్షన్ వస్తుంది. దీనివల్ల దుర్వాసన, అసాధారణ స్రావాలు , అసౌకర్యం కలగవచ్చు. వర్షాకాలంలో పెరిగే తేమ ఈ సమస్య వచ్చే ప్రమాదాన్ని పెంచుతుంది. నివారణ ..  వ్యక్తిగత పరిశుభ్రత పట్ల శ్రద్ధ వహించాలి.  రసాయనాలు కలిగిన ఉత్పత్తులను వాడకూడదు. శుభ్రమైన, కాటన్  లోదుస్తులు ధరించాలి. తగినంత నీరు త్రాగాలి.   పైన చెప్పుకున్న సమస్యలలో ఏ లక్షణాలు కనిపించినా వైద్యుడిని సంప్రదించడం మంచిది.                               *రూపశ్రీ.

గడ్డం వెంట్రుకలు ఎంత తొలగించినా తగ్గడం లేదా? అసలు కారణం చెప్పిన వైద్యులు! మహిళలను చాలా ఇబ్బంది పెట్టే వాటిలో అవాంచిత రోమాలు ఒకటి.  అది కూడా పై పెదవి పైన, గడ్డం మీద వెంట్రుకలు పెరగడం చాలా మంది మహిళలలో జరుగుతూ ఉంటుంది.  గడ్డం మీద పెరిగే వెంట్రుకలు మహిళల అందాన్ని పాడుచేస్తాయి. ఒక నిర్దిష్ట వయస్సు తర్వాత, కొంతమంది మహిళల గడ్డం మీద కొన్ని దట్టమైన వెంట్రుకలు ఉండటం సాధారణం, కానీ కొంతమంది మహిళలలో ఇది  తీవ్రమైన సమస్యగా మారుతుంది. ఒకవేళ మహిళల గడ్డంలో కూడా మగవాళ్ల గడ్డంలాగే వెంట్రుకలు పెరుగుతుంటే.. అలాంటి మహిళలు హార్మోనల్ సమస్యలతో ఇబ్బంది పడుతూ ఉంటారని వైద్యులు  చెబుతున్నారు.  దీని గురించి మరింత వివరంగా తెలుసుకుంటే.. గడ్డం మీద వెంట్రుకలు ఎప్పుడు వస్తాయి? గడ్డం మీద వెంట్రుకలు ఏ వయసులోనైనా రావచ్చు, కానీ 30 ఏళ్ల వయసు తర్వాత  ఈ సమస్య గురించి మహిళలు ఎక్కువగా ఫిర్యాదు చేస్తుంటారు. దీని తర్వాత, మెనోపాజ్ వచ్చే కొద్దీ, గడ్డం మీద వెంట్రుకల పెరుగుదల కూడా పెరుగుతుంది. కొంతమంది మహిళల్లో గడ్డం వెంట్రుకలు మగవారి గడ్డాన్ని పోలి ఉంటాయి. కొంతమంది మహిళల్లో, జన్యుపరమైన కారణాల వల్ల గడ్డం వెంట్రుకలు రావచ్చు, ఇది ఏ వయసులోనైనా సంభవించవచ్చు, కానీ హార్మోన్ల అసమతుల్యత ఉంటే, చిన్న వయసులోనే గడ్డం వెంట్రుకలు రావడం ప్రారంభం కావచ్చని వైద్యులు చెబుతున్నారు. వయసు పెరిగే కొద్దీ గడ్డం మీద వెంట్రుకలు ఎందుకు వస్తాయి? గడ్డం మీద వెంట్రుకలు రావడానికి వయసు కారణమైతే  హార్మోన్లు మారుతున్నాయని అర్థం చేసుకోవాలని వైద్యులు చెబుతున్నారు. పురుషులలో ఆండ్రోజెన్ అనే హార్మోన్ ఉంటుంది, దానివల్ల వారికి గడ్డం పెరుగుతుంది. కానీ ఈ హార్మోన్ స్త్రీలలో కూడా ఉంటుంది, అయితే పురుషులతో పోలిస్తే చాలా తక్కువ స్థాయిలో ఉంటుంది. స్త్రీలలోని ఆండ్రోజెన్, అండాశయాలు సరిగ్గా పనిచేయడానికి, ఎముకల సాంద్రతను బాగుండటానికి , కండరాల పరిమాణాన్ని కాపాడుకోవడానికి సహాయపడుతుంది. కానీ వయసు పెరిగే కొద్దీ, స్త్రీలు మెనోపాజ్ దశకు చేరుకుంటున్నప్పుడు, ఈస్ట్రోజెన్ స్థాయి తగ్గడం ప్రారంభమై, ఆండ్రోజెన్ స్థాయి పెరగడం మొదలవుతుంది. ఇలాంటి పరిస్థితిలో, స్త్రీల గడ్డం మీద, కొన్ని సందర్భాల్లో ముఖం మీద కూడా దట్టమైన, గరుకైన వెంట్రుకలు రావడం జరుగుతుంది. వ్యాక్సింగ్ లేదా థ్రెడ్డింగ్ చేస్తే వెంట్రుకల పెరుగుదల ఎక్కువ అవుతుందా? మహిళలకు గడ్డం మీద వెంట్రుకలు  ఉంటే  వాటిని తొలగించుకోవాలని చాలా ప్రయత్నాలు చేస్తుంటారు. ఈ రోమాలను తొలగించడానికి వాక్సింగ్ , థ్రెడింగ్ అనేవి రెండు అందరూ ఉపయోగించే పద్దతులు . అయితే, వాక్సింగ్ లేదా థ్రెడింగ్ వల్ల రోమాలు మరింత ఎక్కువగా లేదా దట్టంగా తిరిగి పెరుగుతాయని చాలా మంది మహిళలు భయపడతారు. కానీ, చర్మవ్యాధి నిపుణులు ఇది నిజం కాదని చెబుతున్నారు. నిజం ఇదే..  గడ్డం వెంట్రుకలను తొలగించే ఏ పద్ధతితోనూ గడ్డంపై ఉండే వెంట్రుకలు మరింత దట్టంగా పెరగవు. వాస్తవానికి, ఈ విధంగా వెంట్రుకలను తొలగించిన వెంటనే అవి తిరిగి పెరుగుతాయి. ఈ వెంట్రుకలను ప్లాకర్లు లేదా దారంతో చాలా వేగంగా తొలగిస్తే, చర్మంలో వాపు వచ్చే అవకాశం ఉంది, దాని కారణంగా గడ్డంపై ఇన్గ్రోన్ హెయిర్  ఉంటుంది.  అది పెరగడం వల్ల చాలామంది వెంట్రుకలు తొలగిస్తే మరింత దట్టంగా పెరుగుతాయని  అనుకుంటారు. మరొక పద్దతి.. గడ్డం మీద  వెంట్రుకలను తొలగించడానికి మరో పద్ధతి కూడా ఉంది,  ఆ పద్ధతే షేవింగ్, దీన్ని మహిళలు ఎక్కువగా ఉపయోగించరు. కానీ దీని కోసం మహిళలకు ప్రత్యేక రేజర్లు అందుబాటులో ఉన్నాయి. దీనివల్ల కూడా వెంట్రుకలు పెరుగుతాయని చాలా మంది మహిళలు భయపడతారు. కానీ వాస్తవానికి అది నిజం కాదు, షేవింగ్ చేయడం వల్ల వెంట్రుకలు  పెరగవు. షేవింగ్ వెంట్రుకలను కుదుళ్ల నుండి తొలగించదు, కానీ వాటిని మధ్యలో నుండి కత్తిరిస్తుంది. అందువల్ల, అవి వేగంగా తిరిగి పెరిగే అవకాశం ఎక్కువగా ఉంటుంది. వెంట్రుకలు సాధారణంగా ముందు భాగంలో పలుచగా, వెనుక భాగంలో ఒత్తుగా ఉంటాయి.  ఒత్తుగా ఉన్న భాగం నుండి కత్తిరించడం వల్ల అవి మరింత ఒత్తుగా కనిపిస్తాయి. అందువల్ల,షేవింగ్ తర్వాత  జుట్టు మరింత ఒత్తుగా పెరుగుతుందని మహిళలు తరచుగా అనుకుంటారు. మహిళలకు గడ్డం మీద వెంట్రుకలు పెరిగితే వాటిని శాశ్వతంగా తొలగించుకోవడానికి లేజర్ లేదా ఎలక్ట్రోలైసిస్ వంటివి మంచి పద్దతులు. వీటి వల్ల గడ్డం మీద వెంట్రుకల పెరుగుదల శాశ్వతంగా ఆగిపోతుంది.                                          *రూపశ్రీ.

నెలసరిలో వాటిని ముట్టుకోకూడదా.. చాలామందికి తెలియని షాకింగ్ నిజాలు! ఋతుస్రావం, లేదా నెలసరి మహిళల జీవితంలో ఒక సహజమైన భాగం,  భారతదేశం ఎంత అబివృద్ది చెందుతున్నా మహిళల నెలసరి విషయంలో ఇప్పటికీ అంతగా అవగాహన లేదు.  చాలామంది నెలసరి గురించి బయటకు మాట్లాడాలంటే అదేదో పెద్ద తప్పుగా, మాట్లాడకూడని విషయంగా చెబుతుంటారు. కానీ దీని వల్ల మహిళలు,  కౌమారంలో ఉన్న ఆడపిల్లలు చాలా రకాల సమస్యలు ఎదుర్కుంటూ ఉంటారు. ముఖ్యంగా నెలసరి సమయంలో ఊరగాయలు ముట్టకూడదని,  ఇల్లంతా తిరగకుండా ఒకవైపు కూర్చోవాలని, ఇలా చాలా విషయాలు నేటికాలంలో ఆడపిల్లలను అటు ఇబ్బంది పెడతాయి, మరొక వైపు చాదస్తం అనుకునేలా చేస్తాయి. ప్రతి సంవత్సరం మే 27వ తేదీన వరల్డ్ మెన్స్ట్రువల్ హైజీన్ డే ను జరుపుకుంటారు.  దీని సందర్బంగా నెలసరి గురించి చాలామందికి తెలియని విషయాలు తెలుసుకుంటే.. రక్తం రంగు..  ఋతుస్రావ రక్తం రంగు లేత ఎరుపు, గులాబీ, గోధుమ రంగు లేదా ముదురు గోధుమ రంగులో కూడా ఉండవచ్చు.  ఇది శరీరంలోని హార్మోన్ల మార్పులు, రక్త ప్రవాహం , రుతుస్రావం జరిగే రోజుపై ఆధారపడి ఉంటుంది. రక్తస్రావం రంగు ఎక్కువ కాలం పాటు అసాధారణంగా ఉంటే లేదా దానికి తీవ్రమైన వాసన ఉంటే, వైద్యుడిని సంప్రదించడం ముఖ్యం. తలస్నానం.. నెలసరి సమయంలో తలస్నానం చేయకూడదు అనేది చాలామంది  నమ్ముతారు. కానీ ఇది అపోహ అంటున్నారు వైద్యులు.  వైద్యుల ప్రకారం, నెలసరి సమయంలో పరిశుభ్రత పాటించడం చాలా ముఖ్యం. తలస్నానం చేయడం, స్నానం చేయడం శరీరాన్ని శుభ్రంగా ఉంచి, ఇన్ఫెక్షన్ల ప్రమాదాన్ని తగ్గిస్తాయి.   గోరువెచ్చని నీటితో స్నానం చేయడం వల్ల కూడా కడుపు నొప్పి, తిమ్మిర్ల నుండి ఉపశమనం లభిస్తుంది. పిఎమ్ఎస్.. పి.ఎం.ఎస్. అంటే ప్రీమెన్‌స్ట్రల్ సిండ్రోమ్ అనేది ఒక నిజమైన శారీరక ,  మానసిక పరిస్థితి. ఋతుస్రావానికి ముందు, మహిళలు మానసిక స్థితిలో మార్పులు, చిరాకు, అలసట, తలనొప్పి , కడుపు నొప్పి వంటి సమస్యలను వస్తుంటాయి. ఇది హార్మోన్ల మార్పుల వల్ల జరుగుతుంది, అందువల్ల దీనిని నిర్లక్ష్యం చేయకూడదు. ఊరగాయలు, పుల్లని పదార్థాలు.. నెలసరి సమయంలో ఊరగాయలు లేదా పుల్లని పదార్థాలను ముట్టుకోవడం వల్ల ఆరోగ్యం పాడవుతుందని చెప్పడానికి ఎలాంటి శాస్త్రీయ ఆధారాలు లేవట.   ఇది కేవలం పాత నమ్మకాలపై ఆధారపడిన ఒక అపోహ మాత్రమేనని అంటున్నారు. కాకపోతే ఊరగాయలు శరీరాన్ని మరింత వేడిగా చేస్తాయి, దీనివల్ల నెలసరి రక్తస్రావం మరింత పెరుగుతుంది.  అందుకే ఊరగాయలకు దూరంగా ఉండమంటారు.  ఇకపోతే  ఋతుస్రావం సమయంలో మహిళలు అన్ని పనులను యధావిధిగా చేసుకోవచ్చు. ఎవరైనా ఇంటి పనులు, వంట చేసిపెట్టేవారు ఉంటే.. ఆ నాలుగు రోజులు హాయిగా విశ్రాంతి తీసుకోవచ్చు. శానిటరీ ప్యాడ్.. చాలామంది మహిళలు రక్తస్రావం అధికంగా కాకుండా లైట్ గా అవుతుంటే.. శానిటరీ ప్యాడ్ ను రోజంతా మార్చకుండా అలాగే వాడుతూ ఉంటారు.  ఈ అలవాటు ఆరోగ్యానికి హానికరం కావచ్చని వైద్యులు చెబుతున్నారు. ఒకే ప్యాడ్‌ను ఎక్కువ కాలం ఉపయోగించడం వల్ల బ్యాక్టీరియా పెరిగి, ఇన్ఫెక్షన్ , చర్మపు దద్దుర్ల ప్రమాదం పెరుగుతుందట. ప్రతి 4 నుండి 6 గంటలకు ప్యాడ్ మార్చాలని వైద్యులు సిఫార్సు చేస్తున్నారు. వ్యాయామాలు.. ఋతుస్రావ సమయంలో తేలికపాటి వ్యాయామం, యోగా , నడక చాలా మంచివి.  ఇవి రక్త ప్రసరణను మెరుగుపరిచి, నొప్పి, ఒత్తిడి , మానసిక స్థితి మార్పుల నుండి ఉపశమనం కలిగిస్తుంది. అయితే, భారీ వ్యాయామాలు చేయడం మానుకోవాలి.                               *రూపశ్రీ.

థైరాయిడ్.. మహిళలలో పిల్లలు పుట్టకుండా చేస్తుందా.. వైద్యులు ఏం చెబుతున్నారంటే! ఈ రోజుల్లో థైరాయిడ్ సమస్యలు చాలా సాధారణమైపోయాయి. భారతదేశంలో  థైరాయిడ్ కేసులు వేగంగా పెరుగుతున్నాయి. శరీరం హార్మోన్‌ను చాలా ఎక్కువగా లేదా చాలా తక్కువగా ఉత్పత్తి చేసినప్పుడు థైరాయిడ్ సమస్యలు వస్తాయి. థైరాయిడ్ సమస్యలు ఏ వయసులోనైనా రావచ్చు. భారతదేశంలో ప్రతి 10 మందిలో ఒకరు థైరాయిడ్ సమస్యలతో బాధపడుతున్నారు. ఈ వ్యాధి మహిళల్లో ఎక్కువగా కనిపిస్తుంది. థైరాయిడ్ సమస్యల వల్ల మహిళల్లో నెలసరి సరిగా రాకపోవడం,  పిల్లలు పుట్టకపోవడం వంటివి జరిగే అవకాశం ఉంటుందని కొందరు అంటుంటారు.  అయితే దీని గురించి వైద్యులు కొన్ని విషయాలు చెబుతున్నారు. అవేంటో తెలుసుకుంటే.. థైరాయిడ్ అంటే.. మన మెడలో ఉండే థైరాయిడ్ గ్రంథి థైరాయిడ్ హార్మోన్లను విడుదల చేస్తుంది. ఇందులో T3 , T4 అనే రెండు రకాల హార్మోన్లు ఉంటాయి. ఇవి శరీర జీవక్రియ, శక్తి ఉత్పత్తి, శరీర విధులు , హార్మోన్ల సమతుల్యతను నియంత్రిస్తాయి. ఈ హార్మోన్లను నియంత్రించడానికి TSH విడుదల అవుతుంది. ఆటోఇమ్యూన్ వ్యాధులు లేదా అయోడిన్ లోపం వంటి కొన్ని పరిస్థితులలో థైరాయిడ్ హార్మోన్లు తక్కువగా ఉత్పత్తి అవుతాయి, దీనివల్ల TSH స్థాయిలు పెరుగుతాయి. దీన్ని పరిస్థితిని హైపోథైరాయిడిజం అంటారు. హైపర్ థైరాయిడిజం.. కొన్ని వ్యాధులలో T3 , T4 స్థాయిలు పెరిగి, TSH తగ్గడానికి కారణమవుతాయి, ఈ పరిస్థితిని హైపర్ థైరాయిడిజం అంటారు. హైపోథైరాయిడిజం లక్షణాలు.. హైపోథైరాయిడిజంలో రోగికి  అలసట ఎక్కువగా ఉండటం, మతిమరుపు, జ్ఞాపకశక్తి సమస్యలు, పొడి చర్మం, జుట్టు రాలడం, విపరీతమైన చలి, మలబద్ధకం,  రుతుచక్రం సరిగా ఉండకపోవడం పిల్లలు పుట్టడంలో సమస్యలు ఉండే  అవకాశం ఉంటుంది. హైపర్ థైరాయిడిజం లక్షణాలు.. హైపర్ థైరాయిడిజం వల్ల బరువు తగ్గడం, ఆందోళన, భయం, చిరాకు, అధికంగా చెమట పట్టడం, చేతులు వణకడం, కళ్లు ఉబ్బడం, గుండె కొట్టుకునే వేగం పెరగడం, విరేచనాలు,  రుతుస్రావం,  రుతుచక్రం సరిగా లేకపోవడం,   పిల్లలు పుట్టడంలో సమస్యలు రావచ్చు. గర్భధారణలో థైరాయిడ్ సమస్యలు.. గర్భధారణ సమయంలో థైరాయిడ్ సమస్యలు తల్లి , బిడ్డ ఇద్దరికీ ప్రమాదాలను పెంచుతాయి. తల్లికి రక్తహీనత , అధిక రక్తపోటు వచ్చే ప్రమాదం పెరుగుతుంది, అదే సమయంలో బిడ్డ తక్కువ బరువుతో పుట్టడం, ఎదుగుదల లోపం , నెలలు నిండక ముందే ప్రసవం అయ్యే ప్రమాదం పెరుగుతుంది. అన్నింటికన్నా ముఖ్యంగా,  థైరాయిడ్ వ్యాధి అదుపులో లేకపోతే  పిల్లలు పుట్టడంలో సమస్యలు,  అబార్షన్ లు జరగడం వంటి సమస్యలు పెంచుతుంది. ప్రత్యేకించి  హైపోథైరాయిడిజం పిల్లల మానసిక వికాసాన్ని ప్రభావితం చేస్తుంది. అందువల్ల, థైరాయిడ్ వ్యాధిని ముందుగానే గుర్తించడం , సరైన చికిత్స అందించడం చాలా కీలకం. ఏవైనా లక్షణాలు కనిపిస్తే, వెంటనే వైద్యుడిని సంప్రదించి తగిన సలహా తీసుకోవాలి.                                *రూపశ్రీ.