చక్కెర చిక్కులు తగ్గించుకోండిలా

చక్కెర చిక్కులు తగ్గించుకోండిలా!   డయాబెటిస్ ఒక్కటి వస్తే చాలు... దాని వెనకాల తట్టెడు రోగాలు చుట్టుముడతాయి. అందుకే దాని పేరు చెబితే చాలు ప్రపంచమంతా వణికిపోతోందిప్పుడు. అలా అని వస్తుందేమో అని భయపడుతూ కూర్చుంటే ఎలా? రాకుండా ఉండటానికి తగిన జాగ్రత్తలు తీసుకోవాలి కదా! వీలైనంత వరకూ చక్కెరను ఒంట్లోకి వెళ్లకుండా ఆపగలిగితే మంచిది. అందుకోసం మొత్తం నోరు కట్టేసుకోనక్కర్లేదు. ఆహారపు అలవాట్లలో కొన్ని మార్పులు చేసుకుంటే చాలు... * స్వీట్ల మోతాదు తగ్గించండి. ఒకవేళ తిన్నా చక్కెరతో చేసిన వాటికంటే బెల్లంతో చేసిన వాటినే తీసుకుంటూ ఉంటే కాస్త బెటర్. *ప్రాసెస్ చేసిన ఫుడ్ జోలికి పోవద్దు. వాటిలో చక్కెర అధికంగా ఉంటుంది. వాటి బదులు ఫ్రూట్స్ తో చేసే ఫ్రూట్ సలాడ్, ఫ్రూట్ చాట్ లాంటివి ఎంచుకోండి.  * కూల్ డ్రింక్స్ బదులు జ్యూసులు, బటర్ మిల్క్ లాంటివి తాగండి. * కేక్స్, కుకీస్ లాంటివి కూడా ఎక్కువ తినకూడదు. తినాలనిపిస్తే అప్పుడప్పుడూ ఓ చిన్న ముక్క. అంతే తప్ప ఒకేసారి నాలుగైదు ముక్కలు లాగించేశారో... అంతే సంగతులు. * పాలు, పెరుగు వంటి వాటిలోని చక్కెర త్వరగా కొవ్వుగా మారిపోతుంది. కాబట్టి బయట పెరుగు కొనకండి. అవి రోజుల తరబడి నిల్వ ఉంచుతారు కదా! ఇంట్లోనే ఎప్పటికప్పుడు పెరుగు తోడు పెట్టుకుని తాజాగా ఉండగానే తినేస్తే మంచిది. * సాస్ లనీ, డిప్స్ అనీ ఏవేవో దొరకుతున్నాయి మార్కెట్లో. అస్సలు టెంప్ట్ అవ్వొద్దు.  * ఐస్ క్రీమ్స్ ఎక్కువ తినకండి. అంతగా టెంప్ట్ అవుతుంటే నీళ్లశాతం ఎక్కువగా ఉండి, ఏదో కొద్దిగా ఫ్లేవర్ ఉండే ఐస్ ఫ్రూట్స్ ఉంటాయి. అవి తిని సరదా తీర్చుకోండి. అలాగే చాక్లెట్లు కూడా. మితిమీరి తినవద్దు. అంతగా తినాలనిపిస్తే మామూలు చాక్లెట్ కాకుండా డార్క్ చాక్లెట్ తినండి. * తినగలిగితే మామూలు రైస్ మానేసి బ్రౌన్ రైస్ తినడం మొదలుపెట్టండి. మొదట్లో కష్టంగా ఉంటుంది కానీ మెల్లగా అలవాటైపోతుంది. అలాగే బ్రెడ్ కూడా బ్రౌన్ బ్రెడ్ తింటే ఏ భయమూ ఉండదు.       ఇవన్నీ మనం చేయగలిగినవే. ఫుడ్ విషయంలో అవసరం కంటే టెంప్టేషన్ ఎక్కువగా పని చేస్తూ ఉంటుంది. అందుకే ఆకలి లేకపోయినా తినాలనిపించి తినేస్తుంటాం. టెంప్ట్ అవ్వడం మానేస్తే అసలు సమస్యే ఉండదు. అబ్బే లేదు అంటే మాత్రం పైన చెప్పిన విధంగా జాగ్రత్తలు తీసుకోండి. చక్కెరతో చిక్కులు రాకుండా ఉంటాయి.   

read more
రుతుస్రావాన్ని అంగీకరిద్దాం..

రుతుస్రావాన్ని అంగీకరిద్దాం..   రుతు స్రావం అనేది ఒక సిగ్గుపడే ప్రక్రియగా ఆడవారి మనస్తత్వాన్ని చాలా బాగా మార్చేశారు. ఎన్ని ఉన్నత శిఖరాలు అధిరోహించినా, ఇంకెన్ని గొప్ప పనులు సాధించినా దీని గురించి మాట్లాడడానికి ఇప్పటికీ సంకోచమే.  ఆడదానికి సిగ్గు అలంకారమట. జననేంద్రియాల ఆరోగ్యం గురించి బహిరంగంగా మాట్లాడకూడదట. కుటుంబ నియంత్రణ పద్ధతుల గురించి కూడా ఆడవారికి నిర్ణయం తీసుకునే అధికారం లేదు. హార్మోన్లను విపరీతంగా ప్రభావితం చేసే మందులను దొంగ చాటుగా, తప్పు చేస్తున్న వారిలా వేసుకుంటూ, తమ శరీరాలను గుల్ల చేసుకుంటున్న ఆడవారు చాలా మంది ఉన్నారు. కుటుంబ నియంత్రణ వస్తువులను బహిరంగంగా, ధైర్యంగా కొనుగోలు చేసుకునే అవకాశం కూడా మన స్త్రీలకు ఇవ్వలేని మన సమాజానికి జోహార్లు. విశృంలత్వం, విచ్చలవిడితనం కాదిది. తమ శరీర అవసరాలను గుర్తించి, తల ఎత్తుకుని తమకు కావాల్సినవి సాధించుకోవడం. మీకు గుర్తుందా?! గుజరాత్ కళాశాలలో ఒక అమ్మాయి తన బహిష్టు సమయంలో వంటగదిలోకి వెళ్ళింది అని 68 మంది విద్యార్థినుల ప్యాంటీ లను చెక్ చేసి, వారిని క్షోభకు గురి చేశారు. 21వ శతాబ్దంలో పురోగతి దిశగా అడుగులు వేస్తూ ఉన్న మనం, స్త్రీల పట్ల ఇంకా అదే మూస ధోరణిలో ఉండిపోలేదూ!  కిచెన్ లోకి వెళ్ళకూడదు, అందరితో కలిసి తినకూడదు..ఇలా ఇంకెన్నో ఆంక్షలు అదే కళాశాలలో మరొక ప్రబుద్ధుడు ఆడవారు బహిష్టు సమయంలో మగవారికి అన్నం వండితే వారు మరుజన్మలో కుక్కగా పుడతారు అని జ్ఞాన బోధ చేసాడు. ఇటువంటి సమాజం లోనా మనం బతుకుతున్నది అని అనిపించింది. అతడిని సపోర్ట్ చేస్తూ , మిగతా వారు కూడా వంత పాడడం శోచనీయం. ఈ సిగ్గు అనే మానసిక జడత్వం ఎంతగా మన ఆడవారిలో చొప్పించారు అంటే, వాటిని వ్యాపారానికి ముడి సరుకులా చేసుకుని వ్యాపారులు తమ జేబులు నింపుకునేంత ◆ వెంకటేష్ పువ్వాడ      

read more
శానిటరీ నాప్కిన్స్ ఎలా కొనాలి?

శానిటరీ నాప్కిన్స్ ఎలా కొనాలి?   ఒకసారి ఆలోచించండి.. మీరు సానిటరీ ప్యాడ్ కొనేటప్పుడు దాని కోసం ఉపయోగించిన రసాయనాల గురించి, ఎప్పుడైనా ఆలోచించారా?! మనకు ఏది తక్కువ ధరకు వస్తుందో, లేదా దేని సైజ్ పెద్దగా ఉండి, ఎక్కువ సేపు తడి కాకుండా ఉంచుతుందో అని మాత్రమే చూస్తున్నాం కానీ ఆ కెమికల్స్ మన శరీరానికి మంచిదేనా అని ఆలోచించలేదు. ఇదే అదనుగా భావించి వ్యాపారులు పబ్బం గడుపుతున్నారు. అన్నీ విషయాలలో సిగ్గు మంచిది కాదని తెలుసుకోండి. సిగ్గు అనే ఊబిలో కూరుకు పోయి, మన శరీరాల్ని మనమే అసహ్యించుకునే స్థితికి చేరుకున్నాం. మన దేహానికి ఏది మేలు చేస్తుంది అని ఆలోచించ లేక పోతున్నాం. ఎప్పుడో 1980 లో రూపొందిన ప్రమాణాలు ఆధారంగానే ఇప్పటికీ సానిటరీ ప్యాడ్ లు తయారు చేస్తున్నారు. మన దేశంలో సానిటరీ ప్యాడ్ శుభ్రత గురించి, దానిలో వాడే కెమికల్స్ గురించి యెటువంటి ప్రమాణాలు లేకపోవడం వలన , తయారి ఖర్చులను తగ్గించుకోడానికి పరిశ్రమలు నాసిరకం కెమికల్స్ వాడుతున్నారు. వీటి వలన ఇన్ఫెకషన్లు, క్యాన్సర్ లాంటి ప్రమాదకర వ్యాధులకి మహిళలు గురి అవుతున్నారు. వాటిలో కాటన్ ప్యాడ్లలో ఎక్కువగా ఉపయోగించే డీఆక్సిన్ అనే రసాయనం గర్భస్రావం, డియాబెట్స్, వ్యందత్వం, మరియు రోగ నిరోధక శక్తిని పాడుచేస్తుంది.  ప్రస్తుతం ఉపయోగిస్తున్న ప్లాస్టిక్ ప్యాడ్లలో చాలా మటుకు నాసిరకం ప్లాస్టిక్ లను ఉపయోగిస్తున్నారు. దీనికి బాధ్యులు ఎవరు? ఖచ్చితంగా మనమే. మన దేశంలో కేవలం 12% స్త్రీలు మాత్రమే సానిటరీ ప్యాడ్ ఉపయోగిస్తున్నారు. వారిలో కూడా అధిక శాతం వీటిలో వాడుతున్న కెమికల్స్ గురించి పట్టించుకోరు. వీటి గురించి మాట్లాడటం తప్పు అన్నట్టు ఎవరూ ప్రభుత్వాన్ని ప్రశ్నించరు. ప్రశ్నించినా అదో సిగ్గు పడాల్సిన విషయం అన్నట్టు , ప్రచారం అసలే చెయ్యరు. 12% శాతం స్త్రీలు ప్యాడ్స్ వాడి రోగాలకు గురి అవుతుంటే మిగతా స్త్రీలు ప్యాడ్స్ ధరించకుండా, పాత గుడ్డలను, ఆకులను ఉపయోగిస్తూ రోగాల భారిన పడుతున్నారు. దీనికి కారణం సరైన అవగాహన గాని, ఈ దిశగా విలువైన పరిశోధనలు గాని లేక పోవడం. ప్యాడ్ మాన్ గా ప్రసిద్ది చెందిన పద్మశ్రీ అరుణాచలం మురుగునాథం ఈ విషయం గురించి ఎన్నో అవగాహనా సదస్సులు నిర్వహించారు. "ప్రతీ స్త్రీ తమ జీవితంలో సుమారు 11000 నుండి 17000 వరకూ ప్యాడ్స్ ఉపయోగిస్తారు. మరి తన శరీరంలో చేరుతున్న కెమికల్స్ గురించి పట్టించుకోవాల్సిన ఆవశ్యకత ఎంతైనా ఉంది. సానిటరీ ప్యాడ్ విక్రయదారులు తమ విజ్ఞాపనల్లో ఏ ప్యాడ్ ఎంత సేపు పొడిగా ఉంచుతుందో చెబుతున్నారు కానీ రోజుకి ఎన్ని ప్యాడ్లు వాడాలో చెప్పకుండా దాస్తున్నారు. ఒక ప్యాడ్ కేవలం నాలుగు గంటలు మాత్రమే వాడాలి. దాని వల్ల ఇన్ఫెకషన్లు రాకుండా కాపాడుకోవచ్చు. దీని గురించి ప్రశ్నించకపోగా , కనీస అవగాహన కూడా స్త్రీలలో కల్పించకపోవడం దురదృష్టకరం. ప్రభుత్వం కూడా స్పందించి, ప్యాడ్స్ సేఫ్టీ గురించి ఆలోచించాలి. " అని ఆయన అన్నారు. ఈ మధ్య కాలంలో 100% biodegradable pads, సానిటరీ కప్స్ కూడా అందుబాటులోకి వచ్చాయి. వాటిని వాడటం చాలా సులభం. అవి యెటువంటి హానీ చెయ్యవు. వాటినీ ప్రయత్నిద్దాం. అయితే కెమికల్స్ ఫ్రీ ప్యాడ్స్ ఉన్నా, అవి కొద్దిగా ఖర్చుతో కూడుకున్నవి. ఆరోగ్యానికి హానీ చేసే ఎన్నో వస్తువులపై సబ్సిడీలు ఇచ్చే ప్రభుత్వం , వీటి గురించి అసలు పట్టించుకోదు. కెమికల్స్ ఫ్రీ తెంపొన్స్ ఉంటాయి. అవి దూదితో చేసిన గొట్టాలు. అయితే వాటిలో కూడా సువాసన కోసం రసాయనాలు సమృద్ధిగా వాడుతున్నారు. dioxin లేని తెంపోన్స్ కొనడానికి ప్రయత్నించండి. reusable సానిటరీ ప్యాడ్ కూడా అందుబాటులో ఉన్నాయి. కానీ వాటిని ఉతికి బయట ఆరబెట్టుకునే స్వేఛ్చ, ధైర్యం భారత నారికి ఇంకా రాలేదు. మన దౌర్భాగ్యం.  మన శరీరాన్ని మనం ప్రేమిద్దాం. మనల్ని సిగ్గు పడేలా చేసే హక్కు ఎవ్వరికీ లేదు. మన ఆరోగ్యం మన చేతుల్లో ఉంది. మన గురించి, మన హక్కుల గురించి తల ఎత్తుకుని ప్రశ్నిద్దాం. ఇది సిగ్గు పడాల్సిన విషయం కాదు. మన ఆరోగ్యం, మన పిల్లల ఆరోగ్యం కాపాడుకుందాం. ◆ వెంకటేష్ పువ్వాడ

read more
లింగ వివక్షతో అమ్మాయిలను హత్య చేస్తున్నారు...

లింగ వివక్షతో అమ్మాయిలను హత్య చేసారు...   లింగ వివక్షతో4.7 మిలియన్ల బాలికలను హత్య చేసారు.జన్మ  నివ్వకుండా చంపేశారు. కొడుకు పై ఉన్న వ్యామోహం తల్లి గర్భంలో నుండి బయటకు రాకుండా అంటే ఈప్రపంచం లోకి రాకుండానే బ్ర్రోన్న హత్యకు గురి అయ్యింది.ఆడపిల్లకు జన్మనివ్వకుండా అబార్ షాన్ చేసుకున్న తల్లి తండ్రుల ను చూసి సిగ్గు తో తలవంచుకోవాలి.సమాజం మారింది ఆధునిక త భావాలు విద్యావంత్తులైన వాళ్ళు విచక్షణ తో ఆలో చిస్తారని భావించిన ప్పటికి ప్రపంచంలో  ఆడపిల్లల పుట్టుజను అడ్డుకోడం అన్నది మహాపాపం అని అంటారు.ఈ పాపాల పట్టికలో మొదటి రెండు స్థానాలాలో చైనా భారాత్ లు ఉండడం విశేషం.మనది ఖర్మ భూమి అని పుణ్య భూమి అని చెపుతారు .యత్ర నార్యస్తు - పూజ్యంతే,త్సత్ర దేవత రమంతే అని మన ఉపైశాత్తులులలో పేర్కొన్నారు. అంటే దాని ఆర్ధం ఎక్కడైతే స్త్రీలు పూజిమ్పబడ తారో అక్కడ దేవతలు నాట్యం చేస్తారు.లేదా దేవతలు నివాసం ఉంటారు.అని కానీ అన్డుజు భిన్నంగా దేశంలో ఆడ బిడ్డలను పురిట్లోనే చ్చంపెస్తున్న ఘటన వెలుగు చూడడం మనమందరం సిగ్గుతో తలవంచుకోవాల్సిన విషయం అని చెప్పక తప్పదు. ఇది ఆరోపనా మాత్రం కాదు ప్రపంచవ్యాప్తంగా జరిపిన  సర్వేలో వెలువడ్డ పచ్చి నిజం. కొన్ని దేశాలలోని సంఘాలు మగ పిల్లకే అధిక ప్రాధాన్యతను ఇవ్వడం ఆడపిల్లపట్ల వివక్షచూపడం దురదృష్టకరం. మగపిల్లలు అయితే ముద్దు ఆడపిల్ల అయితే వద్దు అన్న ఆలోచన 197౦ లోనే పురుడుపోసుకుంది.మగపిల్లలను మరీ ఎంపిక చేసుకుని ఆడపిల్ల అని తెలియగానే బ్రూణ హాత్యలకు పాల్పడం అబార్షన్ చేయించుకున్న తల్లి- తండ్రులు నిర్ణయం తీసుకున్న ఫలితం నేడు కనిపిస్తుంది.అని నేడు ఆడపిల్లల కొరత ఏర్పడుతోందని అది పురుషులకు అనుగుణంగా  నిర్ణయాలు జరుగు తున్నాయని అంటున్నారు విమర్శకులు. ఇలాంటి వివక్ష దుస్థితి నేటికి చాలా దేశాలలో కొనసాగుతోంది.ఒక నూతన పరిశోదన లో అంచనా ప్రకారం దాదాపు 4.7 మిలియన్ల బాలికలను ప్రపంచ వ్యాప్తంగాకోల్పోయామని.ఇది 2౦3౦ నాటికి 21 ౦౦ అంటే సతాబ్దానికి డని సంఖ్య 22 మిలియన్లు పెరిగినా ఆశ్చర్య పోవాల్సిన అవసరం లేదని ఈ పద్ధతి ఇలాగే కొనసాగే అవకాసం ఉందని దీని పరిశోదనలు చేస్తున్న శాస్త్రజ్ఞులు పురుషులే   అధిక సంఖ్యలో ఉంటె పెళ్ళిళ్ళు జరుగు తయా లేదా అన్నది సందేహాలు వ్యక్తం చేస్తున్నారు. పురుషులే అధిక సంఖ్యలో ఉండడం మూలంగా సంఘ వ్యతిరేఖ శక్తులుగా మారే అవకాసం ఉందనిఒకరకమైన వైలెన్స్ ఏర్పడే అవకాసం ఉందని నిపుణులు హెచ్చరిస్తున్నారు.కాగా యు ఎన్ ఓ ఇప్పటికే పిల్లలను ఎంపిక చేసుకుని జన్మ నిచ్చే విషయంలో ఇది అత్యంత ప్రమాదకర ప్రక్రియ గా పేర్కొంది.స్త్రీ పురుషుల వివక్ష చూపడం అన్యాయమని పేర్కొంది. 2౦2౦ న యునైటెడ్ నేషన్స్ పాపులేషన్ ఫండ్ స్టేట్స్ లో ఈ అంశాన్ని ప్రచురించింది.తమకు పుట్టిన బిడ్డ  మగబిడ్డ ఆడబిడ్డ అన్న విషయాన్ని స్కాన్ లో తెలుసుకుని మరుక్షణం కొడుకతే ముద్దు ఆడపిల్లైతే వద్దు అని అనుకుంటున్నారేమో.మగపిల్ల వాడికి ప్రాధాన్యత  లేదా ఆడపిల్లకు జన్మనిచ్చేందుకు నిరాకరించడం వారి ఆరోగ్యం పట్ల శ్రద్ధ తీసుకోలేమన్న భావన కలిగి ఉండడం దురదృష్టకరం. ఒక వేళ ఆడపిల్ల ఉన్నప్పటికీ మళ్ళీ ఆడపిల్ల కాకుండా మగపిల్లవాడి కోసం ప్రయత్నించడంగమనించవచ్చు.మగపిల్ల వాడికోసం ప్రయత్నించడం గమనించవచ్చు.మగపిల్లల పట్ల ప్రేమ చూపడం,మొగ్గుచూపడం వివక్ష చూపడం అత్యంత ప్రమాదకరమని రచయితలు నిశితంగా విమర్శించారు. 197౦ -2౦ 17 మధ్యలో జరిగిన పరిశోదనలో 45 మిలియన్ల ఆడపిల్లలను పుట్టకుండానే మరణించారని తల్లి తండ్రుల ఎంపిక ప్రకారం జరిగిందని పేర్కొన్నారు.ఇలా ఆడపిల్లలు పుట్టకుండా మిస్ అయిన ఘటనలో జాబితాలో 95% ఎక్కువకేసులు చైనా భారాత్ లోనే జరగడం ఆస్చార్యాన్ని కలిగిస్తుంది. కొంత మంది శాస్త్రజ్ఞులు 1 2 దేశాలాలో జననాల పై రేషన్ విధించినట్లు సమాచారం.మరల 4.7 మిలియన్ల ఆడపిల్లలు జన్మకు నోచుకోక  పోవడం అలాగే పురుషులకు అధిక సంఖ్యలో జన్మ నిచ్చారని అంచనా. గతంలో జరిగిన ఘటనలు బాలురు బాలికల పుట్టుక పై వివక్ష చూపడం వల్ల పురుషులు అధిక సంఖ్యలో ఉండడం వల్ల కొందరు కొందరు ఫిమేల్ గా మార్పిడులు చేయించుకున్న ఘటనలు చూసాం సెక్స్ మార్పిడికి పాల్పడడం లేదా హోమో సెక్స్ పెర్సానాలితీకి మారడం వంటి ఘటనలు విన్నాం.ఒకో సారి స్త్రీలు వద్దనే అవకాశాలు ఎక్కువగా ఉంటాయి.చైనా భారాత్ లో ఈ పరిస్థితి కి దారి తీస్తుందని యు ఎన్ ఆ నివేదికలో పేర్కొంది. ఈ రకమైన ఆలోచన హానికారక మై నప్పటికీ రచయితల అభిప్రాయం ప్రకారం  21౦ ౦ నాటికి పురుషుల సంఖ్య తగ్గి  ఆడపిల్ల పుట్టుక మరింత తగ్గే అవకాశాలు ఉన్నాయని అవిదాదాపు 5.7 మిలియన్లకు చేరవచ్చు.అని తేల్చి చెప్పారు. రానున్నది బహాయంకరం కలామేనా?----- రానున్నది అత్యంత భయంకరమైన కాలంగా పేర్కొన్నారు రానున్న భావిష్యత్తు  ఊహించుకోజలమని ఆడపిల్లల కొరత కారణంగా ఈ కొరత ప్రపంచం మొత్తంలో 2 2 మిలియన్లుగా చేరవచ్చని అంచనా వేస్తున్నారు.శతాబ్దం చివరికి మరో 17 దేశాలు స్త్రీపురుషుల వ్యత్యాసం పెరిగే అవకాసం ఉందని మగ ఆడపిల్లల మధ్య రేషియో మరింత పెరిగే అవకాసం ఉందని నిపుణులు అంచనా వేస్తున్నారు. పుట్టుకలలో సెక్స్ రేషియో కొంత పెరిగి తగ్గినప్పటికీ చాలా ఘటనలు తీవ్రంగా ఉండవచ్చు.ఇతర దేశాల పై ప్రభావం పడే అవకాసం ఉంది. పాకిస్తాన్ నైజీరియా కు చెందిన డాక్టర్ ఫ్రెంగ్క్యూయింగ్ చావు స్టేటస్ తేశియన్ కింగ్ అబ్దుల్లా యూనివెర్సిటి సైన్స్ అండ్ టే క్నాలజీ మక్కా సౌదీ అర్రేబియా కు చెందినా మరికొంతమంది రచయితలు పాల్గొన్నారు. డాక్టర్ చావ్ సాస్త్జ్హరగ్నుల ద్వారా అంచనా వేయగల మోడల్స్ యునైతేడ్నేషన్స్ పోపులేషణ్ విభాగం న్యూయార్క్.జాతీయ విశ్వ విద్యాలయం  సింగపూర్ సెంటర్ డి సైన్స్ హ్యుమన్స్ డిల్లి,మసాచూత్స్ వ్విశ్వవిద్యలయం వారికి చెందిన డాటాబేస్ 3.26 రికార్డులను 2౦4 దేసాలా నుండి తీసుకున్నారు.ప్రపంచ జనాభాలో 3 వ వంతు  పురుషుల జనాభా అని తేల్చారు. ఆర్ధిక సాంఘిక సామాజిక పర్నమాలపై ప్రభావం చూపిస్తుంది. స్త్రీలు దొరకరు ----- పుట్టుకలలో స్త్రీపురుషులలో వివక్ష బాలికల మరణాలు ఎక్కువ కావడం వల్ల స్త్రీలు తగ్గిపోతారు. సహజంగా పురుషులు ఎక్కువగా ఉంటారు. చాలామంది పురుషులకు భార్యలు దొరకని స్థితి లేదా భార్యలు కోల్పోయే స్థితి.సంఘ వ్యతిరేక శక్తులుగా మారే స్థితి దీర్ఘకలంగానిలదోక్కుకోలేక పోవడం సామాజిక వరూధి సాధించలేక పోవడం.జెండర్ వివక్ష లో స్త్రీపురుషుల మధ్య వ్యత్యాసం నిలువరించేందుకు చట్ట పరంగా కొన్ని నిబందనలు రూపొందించాల్సిన అవదరం ఉంది.  

read more
గోళ్ల రంగుకి అమ్మాయిల బరువుకి లింకేంటి..?

గోళ్ల రంగుకి అమ్మాయిల బరువుకి లింకేంటి..?     గోళ్ల రంగు..ఇదివరకటి రోజుల్లో పెళ్లిళ్లకో, వేరే ఏదైనా శుభాకార్యాల కోసమో అందంగా రెడీ అవ్వడానికి అమ్మాయిలు గోళ్ల రంగు వేసుకునేవారు. కానీ కాలం మారింది..గోళ్లరంగు వేసుకోవడానికి ప్రత్యేకంగా సందర్భం ఏమీ అక్కర్లేదని నిరూపిస్తున్నారు ఈ కాలం అమ్మాయిలు. ఏ రోజుకు ఆ రోజు డ్రస్సుకు మ్యాచ్ అయ్యేలా పాత నెయిల్ పాలిష్‌ని రిమూవ్ చేసి కొత్తది వేసుకుంటున్నారు మగువలు. అయితే ఇలాంటి వారు ఇక నుంచి జాగ్రత్తగా ఉండాలంటున్నారు పరిశోధకులు. ఎందుకంటే తరచూ నెయిల్ పాలిష్ వేసుకోవడం వల్ల బరువు పెరుగుతారట. డ్యూక్ యూనివర్శిటీ పరిశోధకులు చేసిన పరిశోధనలో నివ్వెరపరిచే వాస్తవాలు బయటపడ్డాయి..ముఖ్యంగా నెయిల్ పాలిష్‌లో ఉండే ట్రైఫీనైల్ ఫాస్ఫేట్ అనే పదార్థం వల్ల గోళ్ల రంగులు ఎక్కువ కాలం మన్నుతాయి. ఫ్లాస్టిక్ పదార్థాలు, ఫోమ్ ఫర్నిచర్‌కు త్వరగా మంటలు అంటుకోకుండా ఈ రసాయనాన్ని వాడుతారు. కానీ ఇది అంతిమంగా హార్మోన్లపై ప్రభావం చూపెడుతోందని పరిశోధకులు నిర్థారించారు. పశువుల మీద చేసిన పరీక్షలలో వాటికి సంతానోత్పాత్తికి సంబంధించిన సమస్యలు తలెత్తాయి. అయితే మనుషుల్లో బరువు పెరిగే లక్షణాన్ని గుర్తించారు. మార్కెట్లో దొరుకుతున్న సుమారు 3 వేల రకాల నెయిల్ పాలిష్‌లు సేకరించి వాటిని పరీక్షించగా వాటిలో 49 శాతం ట్రైఫీనైల్ ఉంది. గోళ్ల రంగు వేసుకున్న 10-14 గంటల తర్వాత వాళ్ల శరీరంలోని టీపీహెచ్‌పీ మోతాదు దాదాపు ఏడు రెట్లు పెరిగింది. అయితే కృత్రిమ గోళ్లు పెట్టుకుని, వాటికి మాత్రమే రంగులు వేసుకున్న వాళ్లకు మాత్రం అలా పెరగలేదు. అందువల్ల తరచు గోళ్ల రంగులు వేసుకోవడం ఆరోగ్యానికి అంత మంచిది కాదని..దానివల్ల శరీరంలో పలు రకాల మార్పులు వస్తాయని పరిశోధకులు చెబుతున్నారు. తప్పనిసరైతే చర్మానికి తగలకుండా చూసుకోవాలని, అలా తగిలితే రక్తంలోకి వెళ్లే అవకాశం కూడా ఉందంటున్నారు..కాబట్టి బీ కేర్ ఫుల్..

read more
చెప్పుకోలేని సమస్యకు చెప్పుకోదగ్గ పరిష్కారం!

చెప్పుకోలేని సమస్యకు చెప్పుకోదగ్గ పరిష్కారం!     పైల్స్... ఈ సమస్య ఉందని పైకి చెప్పుకోడానికే సిగ్గు చాలామందికి. ముఖ్యంగా మహిళలు అయి మరీ ఇబ్బంది పడతారు. దురద, నొప్పి, మంట వేధిస్తున్నా చూపించుకోడానికి సిగ్గేసి డాక్టర్ దగ్గరకు కూడా వెళ్లరు. అలా అని నిర్లక్ష్యం చేస్తే ఇది సర్జరీ వరకూ తీసుకెళ్తుంది. కాబట్టి ఈ చిట్కాలను పాటించండి. పైల్స్ ని మీ నుంచి దూరంగా పంపించేయండి. - ముందు ఆహారంలో ఉప్పు, పులుపు, కారం తగ్గించేయండి. పీచు పదార్థాలను పెంచండి. రోజుకు నాలుగైదు లీటర్ల నీటిని తాగండి. ఫ్రూట్స్, నట్స్, స్ప్రౌట్స్ ఎక్కువ తీసుకోండి.  - తగినంత నిద్రపోండి. మానసిక ఒత్తిడి, ఆందోళన వల్ల కూడా పైల్స్ ఇబ్బంది పెడతాయి. - స్మోకింగ్, డ్రింకింగ్ లాంటి అలవాట్లకు చెక్ పెట్టండి. కాఫీ, టీ, కూల్ డ్రింక్స్ కూడా తగ్గించండి. - అంజూరపు పండ్లను రాత్రంతా నీటిలో నాబెట్టి, ఉదయాన్నే పరగడుపున ఆ నీళ్లు తాగితే సుఖ విరేచనం అవుతుంది. రోజూ అలా చేయడం వల్ల మెల్లగా పైల్స్ తగ్గిపోతాయి. - నీటిలో నాలుగు బిర్యానీ ఆకులు, మూడు వెల్లుల్లి రేకులు వేసి మరిగించాలి. ఈ నీటిని రోజుకు మూడుసార్లు పైల్స్ ఉన్న చోట రాస్తే మెల్లగా వాపు, నొప్పి తగ్గిపోతాయి. - టీ ట్రీ ఆయిల్ లో ఆముదం కానీ బాదం నూనె కానీ కలిపి రాసినా ఫలితం ఉంటుంది. కలబంద గుజ్జు రాసినా మంచిదే. - పైల్స్ నొప్పి భరించలేనిదిగా ఉంటే... వేడిపాలలో నిమ్మరసం కలుపుకుని మూడు గంటలకోసారి చొప్పున రోజంతా తాగండి. బాధ తగ్గుముఖం పడుతుంది. - రోజూ పడుకునే ముందు నిమ్మరసంలో దూది ముంచి పైల్స్ మీద పెట్టుకోండి. దీనివల్ల కొద్ది కాలానికి సమస్య తీరిపోతుంది.      ఇన్ని చేసినా తగ్డకపోతే సమస్య ముదిరినట్టు లెక్క. అప్పుడు మాత్రం సిగ్గు పడకుండా డాక్టర్ దగ్గరకు వెళ్లండి. లేదంటే మరీ ముదిరిపోయి పరిస్థితి చేయి దాటవచ్చు! -Sameera  

read more
వ్యాయామం చేయకపోతే గుండె నొప్పి..

వ్యాయామం చేయకపోతే గుండె నొప్పి..   ఎవరైతే శరీర వ్యాయామం  చేయరో వాళ్ళు గుండె నొప్పితో మరణిస్తున్నారని ఒక అధ్యనంలో తేలింది. ప్రతి రోజు చాలా చురుకుగా ఉంటారో వాళ్ళలో గుండె నొప్పితో చనిపోయే అవకాశం తక్కువే  అని  వైద్యులు తేల్చిచెప్పారు. ప్రపంచ వ్యాప్తంగా జరిగిన అధ్యయనంలో గుండె సమస్యలతోనే ఎక్కువమంది మరణిస్తున్నారని కనుగొన్నారు.  ఈ పరిశోదన పై యురోపియన్  జనరల్ లో ప్రచురించారు . శరీర వ్యాయామం మనల్ని ఆరోగ్యంగా ఉంచుతుందని.  అది మనకు మేలు చేస్తుందని నిపుణులు తేల్చారు. శరీరవ్యాయామం గుండెకు వచ్చే వ్యాధులను గుండె పోటును నివారిస్తుందని అన్నారు. దీనిపై చేసిన  అధ్యయనంలో చైతన్యంగా అంటే యాక్టివ్ గా ఉన్న వారిలో గుండె నొప్పి వచ్చే అవకాసం తక్కువే అని  సెడన్ ట్రీ లైఫ్  వల్లే గుండె నొప్పికి ప్రధాన కారణంగా వైద్యులు పేర్కొన్నారు. యూరప్ లోని  ఆరోగ్య వంతులు శరీర వ్యాయామం చేసేవారు అప్పటికే గుండె నోప్పి వచ్చిన వారు 2 8 1 4 ౦  మంది వ్యక్తులపై చేసిన అధ్యయనం లో పలు అంశాలు కనుగొన్నారు. ఈ అధ్యయనం లో పాల్గొన్న వారిని వివిధ విభాగాలుగా  విభజించి అందులో అనువైన సమయంలో శరీర వ్యాయామం చేసేవారు తక్కువ, మధ్య తరగతి, ఉన్నత వర్గాల జీవన ప్రమాణాలు ఉన్నవారిని వేరువేరుగా విభజించారు. ఇందులో వారంలో ఒక రోజు వారు వచ్చే విధంగా నిర్ణయించారు. శరీర వ్యాయామం గుండె పోటు వల్ల మరణించే శాతం ఎంత ఉండవచ్చు అన్న అంశం పైనా 2 8 రోజుల పాటు అన్ని వర్గాల వారిని కేటగిరీల వారిని పరిశీలించామన్నారు . వచ్చిన వారి వయస్సు స్త్రీ, పురుషులు వేరుగా విభజించి వారిలో డయాబెటిస్ , బి పి.  వారి కుటుంబాల చరిత్ర, వారి గుండె సంబందిత  సమస్యలు  ఉన్నయా లేదా ? వారి పొడవు , ఎత్తు ఇతర అలవాట్లు సిగరెట్లు , మధ్య  పానం, కొలస్ట్రాల్ వారి సాంఘిక ఆర్ధిక పరిస్థితుల పై అధ్యనం చేసారు. 4 9 7 6 ( 1 7 .7%) మంది 2 8 రోజుల్లో మరణించినట్లు. కనుగోన్నారు. 3, 1 ౦ 1 ( 6 2 . 3 % ) అప్పటికప్పుడే మరణించారని అధ్యనంలో వెల్లడించారు. ఎక్కువ శాతం శరీర వ్యాయామం చేసిన వారిలో గుండె నొప్పి ఇన్స్ స్టాంట్  హార్ట్ అట్టాక్  వచ్చే అవకాశం  తక్కువే అని నిర్ధారించారు. 2 8 రోజులలో 3 6 % ,2 8 % వారిలో ఎక్కువగా మార్పు కనపడలేదని  డాక్తర్ కిం వాదేల్ట్ హాన్సెన్ బిస్ పబ్ జేర్గ్ అసుపత్రికి చెందిన సుపెన్ హగ్గెన్ డెన్మార్క్ మాట్లాడుతూ దాదాపు 1 8 % మంది రోగులు గుండె నొప్పితోనే 2 8 రోజుల్లో మరణించారని వారికీ తీవ్రమైన అనారోగ్య పరిస్థితులు ఉండడం వల్లే మరణించారని తేల్చి చెప్పారు. అయితే వారు శరీర వ్యాయామం కొంత అయినా చేసి ఉంటె  బతికి ఉండే అవకాశం ఉండేదని అన్నారు. మా  అధ్యయనం ద్వారా  తక్కువ సమయంలో నైనా అంటే కొంతసేపు అయినా  వ్యాయామం చేస్తే కొంతైనా లాభం పొందవచ్చని వారంలో ఒక్క రోజు అయినా  శరీర వ్యాయామం  అంటే తక్కువలో తక్కువ 7 5 నిమిషాలు ఏరోబిక్  చేయవచ్చని దీనికోసం పెద్దగా డబ్బు ఖర్చు చేయల్సిన అవసరం ఏమి లేదని  కొంత సమయం మాత్రం వ్యాయామం చేయాల్సిందే అని నిపుణులు సూచించారు.  కాగా శరీర వ్యాయామం పై మరిన్ని అధ్యనాలు చెయ్యాల్సిన అవసరం ఉందని  డాక్టర్ హాన్సెన్  అభిప్రాయ పడ్డారు.

read more
జీరో యావలో లైఫే జీరో...

జీరో యావలో లైఫే "జీరో"...     కరువు కాటకాలతో అల్లాడే దేశాల్లో తినడానికి ఆహారం దొరకదు కాబట్టి అక్కడ ప్రజలు బక్కచిక్కిపోయి, ఎముకలు బయటపడి ఉండటం మనం చూస్తుంటాం. కానీ నేటి కాలం యువతులకు ఏం పోయే కాలం..అన్నీ ఉన్నా కావాలని కడుపు కట్టేసుకుని సన్నగా గడకర్రలా ఉండటానికి..? ఆ దేశం, ఈ దేశం అని లేకుండా ప్రపంచంలోని అన్ని దేశాల్లోని అమ్మాయిలు  నాజూకుతనం కోసం పడుతున్న పాట్లు అన్నీఇన్నీ కావు. అయితే సన్నబడాలనే ఉద్దేశ్యంతో శరీరావసరాలకు సరిపోని స్థాయిలో అతి తక్కువ ఆహారాన్ని తీసుకుంటారు. వారి టార్గెట్ ఒక్కటే "సైజ్ జీరో"..ఇదంతా బాగానే ఉంది కాని దీని కారణంగా బయటపడిన ఒక మానసిక వ్యాధి ప్రపంచంలోని అమ్మాయిల ప్రాణాలను హరిస్తోంది. అదే "ఎనరెక్సియా నెర్వోసా"..ఇది అత్యధిక మోడళ్లలో కనిపించే ఒక మానసిక సమస్య. తిండి తినడం వల్ల బరువు పెరుగుతుందనే ఫోబియా వల్ల వచ్చే రోగం ఇది. ఇది ఒక సాంఘిక అంటువ్యాధి..నా కన్నా ఆ అమ్మాయి సన్నగా ఉందనే ఆత్మన్యూనతా భావంతో ఈ డిజార్డర్ బారిన పడి కలత చెంది ప్రాణాల మీదకు తెచ్చుకున్న వారెందరో..తాజాగా ఇది ఇండియాలో అడుగుపెట్టింది. ఈ వ్యాధి తీవ్రతను గుర్తించిన యూరప్ అమ్మాయిలు సైజ్ జీరో నుంచి బయటపడుతుండగా..అదే సమయంలో దాన్ని ఇండియాకి తీసుకొచ్చింది కరీనా. "తషన్" చిత్రంలో కరీనా సన్నదనం చూసి బాలీవుడ్‌తో పాటు అమ్మాయిలు స్టన్నయ్యారు. ఇంకేముంది క్యాలరీలు కట్ చేసుకోవడం మొదలెట్టారు. మహానగరాల నుంచి కుగ్రామాల వరకు ఇండియాలో ఇప్పుడోక ఫ్యాషన్‌లా మారింది జీరో సైజ్. త్వరగా బరువు తగ్గాలనే ఉద్దేశ్యంతో డైటింగ్‌లు, తీవ్రస్థాయిలో వ్యాయామంతో పాటు మందులు వేసుకోవడం లాంటివి చేస్తున్నారు. అనొరెక్సియా నెర్వోసా దుష్పలితాలు: * ఆహారం తీసుకోకపోవడం వల్ల కడుపులో మంట * ఏకాగ్రత తగ్గడం * నిద్రలేమి * శరీరంలో పెళుసైన ఎముకలు విరిగిపోవడం * మూర్ఛవ్యాధి * హర్మోన్లలో అసమతుల్యత * రుతుక్రమంలో లోపాలు సైజ్ జీరోని సాధించడానికి చాలా పద్ధతులున్నాయి. కానీ, ఆరోగ్యవంతమైన పద్ధతులు చాలా తక్కువ. మగవాళ్లు సిక్స్ ప్యాక్‌కు కష్టపడినట్టు, అమ్మాయిలు కూడా జీరో సైజుకి అంతే కష్టపడాలి. ప్రత్యేకమైన డైట్లు, రోజువారీ ఎక్సర్‌సైజులు చేయాలి. ఇందుకు నెలల తరబడి టైం పడుతుంది. అయితే అందరికన్నా ముందు దీనిని సాధించాలని కొందరు పూర్తిగా ఆహారాన్ని మానేసి కాఫీలతో కాలం గడుపుతున్నారు. మరికొందరు స్టెరాయిడ్స్ తీసుకుంటూ..జీరో సైజ్ యావలో లైఫ్‌ని జీరో చేసుకుంటున్నారు. ఇదంతా ఒక ఎత్తైతే అతి నాజూకుతనం భారతీయ మగ కంటికి అంత ఇంపుగా అనిపించకపోవడంతో జీరో సైజ్‌ని ఎంచుకునేవారి సంఖ్య జీరోకి చేరుతోంది. అమ్మాయిలైనా అతిగా ఉన్న కొవ్వును కరిగించుకోవాలే కానీ లేనిదాని కోసం ఆరాటపడటం మంచిది కాదని గుర్తిస్తే మంచిది.

read more
ఉల్లిపాయతో అండాశయ క్యాన్సర్‌కు చెక్

ఉల్లిపాయతో అండాశయ క్యాన్సర్‌కు చెక్   అండాశయ క్యాన్సర్! ఏటా లక్షకు పైగా స్త్రీల ప్రాణాలను హరించే మాయదారి. అతి ప్రాణాంతకరమైన క్యాన్సర్లలో ఇదీ ఒకటి. దీని బారినవారిలో 40 శాతం మంది మాత్రమే ఐదేళ్లకు మించి జీవితాన్ని చూడగలుగుతారు. కానీ ఇలాంటి ఉపద్రవానికి ఉల్లిపాయలు నివారణగా నిలిచే అవకాశం ఉందని తేలడం అద్భుతమే కదా! ఆ అద్భుతం నిజమయ్యే రోజులు దగ్గరలోనే ఉన్నాయంటున్నారు శాస్త్రవేత్తలు.   భయపెట్టే గణాంకాలు: స్త్రీలలో అండాశయ క్యాన్సర్ వచ్చే అవకాశం కేవలం ఒక్క శాతమే ఉంటుంది. కానీ వంశంలో కనుక ఈ వ్యాధి ఉంటే, ఆ ఒక్క శాతం అవకాశం కాస్తా 40 శాతంగా మారిపోతుంది. ఇక ఊబకాయం, సంతానలేమి, హార్మోన్ థెరపీ వంటి మరికొన్ని కారణాల వల్ల కూడా ఈ క్యాన్సర్ దాడి చేసే ప్రమాదం ఏర్పడుతుంది. అండాశయ క్యాన్సర్తో వచ్చే లక్షణాలని ఏదో రుతుసంబంధమైన ఇబ్బందులుగా భావించి నిర్లక్ష్యం చేసే ప్రమాదం లేకపోలేదు. ఫలితంగా ఆదిలోనే తుంచగలిగే ఈ వ్యాధి ముదిరిపోతుంది. అప్పటివరకూ అండాశయానికి మాత్రమే పరిమితమై ఉన్న క్యాన్సర్ కణాలు శరీరంలోని మిగతా ప్రాంతాలకు వ్యాపిస్తాయి. పైగా ఒకసారి ఈ క్యాన్సర్కు చికిత్స తీసుకున్నాక 80 శాతం మందిలో ఇది మళ్లీ తిరగబెట్టే ప్రమాదం లేకపోలేదు. వైద్య సదుపాయాలు అరకొరగా ఉండే మనలాంటి దేశాల్లో ఈ పరిస్థితి మరెంత ప్రాణాంతకంగా ఉంటుందో చెప్పనక్కర్లేదు.   ఉల్లిపాయ వైద్యం: జపానుకి చెందిన కుమనోటో విశ్వవిద్యాలయంలోని పరిశోధకులు ఉల్లిపాయలో ఉండే ‘Ononion A’ (ONA) అనే రసాయనాన్ని ఎలుకల మీద ప్రయోగించారు. వీరి ప్రయోగంలో అండాశయ క్యాన్సర్ని నివారించడంలో ఈ ONA అనేకరకాలుగా తోడ్పడుతుందని తేలింది. - మన శరీరంలోని macrophages అనే రక్షణ వ్యవస్థ క్యాన్సర్ కణాల మీద దాడి చేస్తుంది. ఈ దాడిలో క్యాన్సర్ కణాలది పైచేయిగా మారినప్పుడు అవి ఇబ్బడిముబ్బడిగా వృద్ధి చెందడం మొదలుపెడతాయి. కానీ ONA అనే రసాయనం శరీరంలోకి చేరిన తరువాత క్యాన్సర్ కణాల వృద్ధి గణనీయంగా తగ్గిపోయినట్లు తేలింది. - ఒకవైపు క్యాన్సర్ కణాలు మన శరీర రక్షణ వ్యవస్థ మీద దాడి సాగిస్తుండగానే, MDSC అనే కణాలు కూడా వాటికి తోడై మన రక్షణ వ్యవస్థని బలహీనపరుస్తాయి. ONA రసాయనంతో ఈ MDSC కణాలు నిర్వీర్యం కావడాన్ని శాస్త్రవేత్తలు గమనించారు. - ఉల్లిపాయలోని ఈ ONA శరీరాన్ని లోలోపల్నుంచే రక్షించడమే కాకుండా, క్యాన్సర్తో పోరాడేందుకు వాడుతున్న మందులు మరింత ప్రభావవంతంగా పనిచేయడంలో తోడ్పడ్డాయట. - అప్పటివరకూ అండాశయానికి పరిమితమైన క్యాన్సర్ కణాలు ఇతర అవయవాలకు సోకకుండా కూడా ONA అడ్డుకోవడాన్ని గమనించారు.   కొత్త ఆశలు: ఇప్పటివరకూ అండాశయ క్యాన్సర్ వస్తే దాని నివారించడం కష్టమన్న అభిప్రాయం ఉండేది. ఈ భయంతోనే కొందరు ముందుగానే అండాశయాన్ని తొలగించుకుని ఇతరత్రా ఆరోగ్య సమస్యలను భరిస్తున్నారు. కానీ ఈ తాజా పరిశోధనతో అండాశయ క్యాన్సర్ను ఖచ్చితంగా నివారించవచ్చన్న ఆశలు మొదలయ్యాయి. ఈ ONA రసాయనం వల్ల ఉపయోగం ఉందంటూ అటు ప్రభుత్వాలు, ఇటు వైద్యలోకం అంగీకరిస్తే కనుక ONAతో కూడిన మందులు త్వరలోనే మనకు అందుబాటులోకి వచ్చే అవకాశం ఉంది.   - నిర్జర.

read more
ఫిట్ నెస్ అవసరమే... కానీ...

  ఫిట్ నెస్ అవసరమే... కానీ...     ఫిట్ నెస్ అవసరమే. ఫిట్ గా ఉండటం కోసం డైటింగ్ చేయడమూ అవసరమే. కానీ డైటింగ్ పేరుతో చేయకూడనివి చేయడం ప్రమాదం. సన్నగా అవ్వాలన్న తాపత్రయంతో కొన్ని పొరపాట్లు చేసి, చిక్కులు కొని తెచ్చుకుంటోన్న అమ్మాయిల సంఖ్య ఈ మధ్య పెరుగుతోందని ఓ తాజా నివేదికలో వెల్లడయ్యింది. దీనికి కారణం డైటింగ్ పట్ల సరైన అవగాహన లేకపోవడమే అంటున్నారు నిపుణులు. మరేం చేయాలి? డైటింగ్ చేయాలనుకుంటే కనుక ముందుగా ఓసారి డాక్టర్ ని తప్పక సంప్రదించాలి. ఎంత బరువు ఉన్నారు, ఎంత తగ్గాలి, ఏయే వ్యాయామాలు చేయాలి, ఏమేం తినాలి... ఇలా ప్రతి ఒక్కటీ డాక్టర్ ని అడిగి తీరాలి. ఎందుకంటే కొందరి శరీరం కొన్ని రకాల వ్యాయామాలను తట్టుకోలేకపోవచ్చు. కొన్ని రకాల ఆహారం కొందరికి మేలు చేయకపోవచ్చు. అందుకే మీ శరరీ తత్వాన్ని బట్టి మీరేం చేయాలనేది డాక్టర్ ని అడిగాకే డైటింగ్ మొదలు పెట్టండి. కొంతమందికి త్వరగా తగ్గిపోవాలన్న ఆతృత ఉంటుంది. దాంతో ఒకేసారి ఎక్కువ డైటింగ్ చేసేస్తుంటారు. అలా చేస్తే మొదటికే మోసం వస్తుంది. ఏదైనా మెల్లగా మొదలుపెట్టి పెంచుకుంటూ పోవాలి. ఒక్కసారిగా ఆహారపు అలవాట్లు మార్చేస్తే నీరసం వచ్చేస్తుంది.  డైటింగ్ అంటే మరీ కడుపు మాడ్చేసుకోనక్కర్లేదు. బలవర్ధకమైన ఆహారాన్ని కొద్ది కొద్దిగా ఎక్కువసార్లు తీసుకోవడమే డైటింగ్. ఘనాహారాన్ని మెల్లమెల్లగా తగ్గించుకుంటూ ద్రవాహారాన్ని మెల్లమెల్లగా పెంచుకుంటూ పోవాలి. అలాగే కొన్ని రకాల ఫ్యాట్స్ ఆరోగ్యానికి మంచిది. వాటిని చెడు చేసే ఫ్యాట్స్ అనుకుని పొరబడి తినకుండా ఉండకండి. ఏది తినాలో ఏది తినకూడదో ముందు క్లారిటీ తెచ్చుకోండి.     కొన్నిసార్లు ఎంత డైటింగ్ చేసినా బరువు తగ్గరు. అలాంటప్పుడు డైట్ ప్లాన్ చేంజ్ చేసుకోవాలి తప్ప వాటినే తింటూ ఉండిపోకూడదు. ఎప్పటికప్పుడు బరువు చెక్ చేసుకుంటూ ఉంటే ప్లాన్ చేంజ్ చేయాలా లేదా అన్నది తెలుస్తుంది. కొందరైతే ఆహారం తగ్గించేసి ప్రొటీన్ షేకులూ, విటమిన్ ట్యాబ్లెట్లూ వేసేసుకుంటూ ఉంటారు. ఆ పొరపాటు ఎప్పుడూ చేయవద్దు. ఆహారాన్ని ఏదీ రీప్లేస్ చేయలేదన్న విషయాన్ని మర్చిపోకండి. చాలామంది చేసే తప్పేంటంటే... డైటింగ్ పేరుతో అన్నీ కంట్రోల్ చేసేస్తారు. ఆ తర్వాత దేనికో టెంప్ట్ అయ్యి తినేస్తుంటారు. ఇలాంటప్పుడు ఎక్కువ చెడు జరుగుతుంది. తినకూడదు అనుకున్నవాటి జోలికి అస్సలు వెళ్లకండి. లేదంటే డైట్ కంట్రోల్ చేసి ఉపయోగం ఉండదు. ఫ్రెండ్స్ బలవంత పెట్టారనో, ఇంట్లో పార్టీ ఉందనో కాంప్రమైజ్ అయిపోతే ఇక అంతే. నిజానికి ఎంత మెల్లగా తగ్గుతారో అంత వేగంగా బరువు పెరుగుతారు. అది ఎప్పుడూ మనసులో ఉంచుకోవాలి. ఇక అన్నిటికంటే ముఖ్యమైనది విశ్రాంతి, నిద్ర. డైటింగ్ చేసేవాళ్లకు కచ్చితంగా విశ్రాంతి ఉండాలి. నీరసంగా ఉందని ఒళ్లు మొరాయిస్తున్నా వ్యాయామం చేసేయడం, తిండి తినకుండా పని చేసేయడం వంటివి చేయకండి. అంతేకాదు... కంటికి సరిపడా నిద్రపోవాలి. లేదంటే ఆరోగ్యం దెబ్బ తింటుంది. నిజంగా ఫిట్ గా ఉండాలంటే ఈ తప్పులేవీ చేయకండి. డైటింగ్ విషయంలో అప్రమత్తంగా ఉండండి. చక్కని ఆరోగ్యాన్ని సొంతం చేసుకోండి. లేదంటే ఏదో అనుకుంటే ఏదో అవుతుంది. తర్వాత బాధపడాల్సి వస్తుంది.  

read more
ప్రపంచ మహిళా ఆరోగ్య దినోత్సవం

ప్రపంచ మహిళా ఆరోగ్య దినోత్సవం   ప్రపంచం లో మహిళలు తీవ్ర అనారోగ్య సమస్యలతో బాధపడు తున్నారని  పలు నివేదికలు తెలియ చేస్తున్నాయి. ఎక్కడైతే స్త్రీలు పూజింప బడతారో అక్కడ దేవతలు నాట్యం చేస్తారని పురాణాలు  చెపుతున్నాయి. ఏమైతే నేమి స్త్రీలు ఆరోగ్యంగా ఉంటేనే సమాజం ఆరోగ్యంగా ఉంటుంది.ప్రతి ఏటా ప్రపంచంలో వివిద దేశాలలో సమూహాలు,దేశాలు ప్రపంచం సైతం స్త్రీ ఆరోగ్యం పై ఆలోచించాలి.స్త్రీ ఆరోగ్యం ఉత్సవాలను ప్ర్థిఏటా 2 4 మే నుండి 28మే వరకు నిర్వహించేందుకు.సమస్తలు సన్నద్ధం అవుతున్నాయి. వైద్య పరిశోదన రంగంలో నోబెల్ కు కృషి చేసిన మహిళలు , వైద్యం లోనూ, ఇటు సైన్యం లోనూ ,ఇంటిని చక్కదిద్దడం, సాంస్కృతిక రంగం లోనూ తమదైన ప్రతిభను ఆవిష్కరిస్తున్న మహిళలు ఉన్నప్పటికీ క్షేత్ర స్థాయిలో గ్రామీణ ప్రాంతాలలో పని చేస్తున్న ఆశా వర్కర్లు, రోగులను కంటికి రెప్పలా కాపాడే నర్సింగ్ సిబ్బంది  మహిళా ఆరోగ్యం కోసం కృషి చేస్తున్న ప్రతి ఒక్కరికీ తెలుగు వన్ హెల్త్ అభినందనలు తెలుపు తోంది. అయితే ప్రపంచం లో మహిళలుఆరోగ్యంగా లేరని వారి అనారోగ్యానికి 10 ఆంశాలు కారణం అవుతున్నాయని అంటున్నారు. కొన్ని ఖాటోర వాస్తవాలు ఇవి... 1)పురుషుల కంటే స్త్రీలు ఎక్కువ కాలం జీవిస్తున్నారని చాలా దేశాలలో అభిప్రాయం ఉంది. కొన్ని ప్రత్యేక ప్రాంతాలలో తీవ్ర అనారోగ్యం తో బాధ పడుతున్నారని అయితే వీరి అనారోగ్య సమస్యకు కొన్ని సామాజిక సమస్యలు ఎదుర్కుంటున్నారని స్త్రీలు చాలా తక్కువ జీవన ప్రమాణాల తో జీవిస్తున్నారన్నది వాస్తవం.స్త్రీ పురుషుల మధ్య వ్యత్యాసాన్ని చూపడం వల్లే కొన్ని అనారోగ్య సమస్యలలో చిక్కుకుంటున్నారని ఆ నివేదికలో పేర్కొన్నారు.స్త్రీ లపై శారీరక హింస లైంగిక వేదింపుల కు గురి అవుతున్నారని ముఖ్యంగా హెచ్ ఐవి  ఊపిరి తిత్తుల  సమస్యలు ఎదుర్కుంటున్నారు. 2)అభివృద్ధి చెందిన దేశాలలో చాలామంది యువతులు ముఖ్యంగా యుక్త వయస్సులో ఉన్నవాళ్ళు గర్భం వచ్చినప్పుడు బిడ్డను ప్రసవించినప్పుడులేదా ఆ తరువాత మరణిస్తున్నారని గమనించ వచ్చు. అభి వృద్ధి చెందుతున్న చెందిన దేశాలలో పొగాకు వాడకం క్రమంగా పెరగడం గమనించ వచ్చు. పురుషుల కంటే మహిళలు పొగతాగే వారిసంఖ్య 10 రేట్లు పెరిగింది. స్త్రీలు మహిళలు యువతులే లక్ష్యంగా పొగాకు ఉత్పత్తుల \ప్రచారం జరగడం దురదృష్ట కరం.యుక్త వయస్సు నుంచే సిగరెట్ల వాడకం క్రమంగా  పెరుగు తోంది.ఈ వ్యసనం నుంచి మహిళలు లేదా యువతులు తగ్గించుకుని విజయం సాధించిన వారి సంఖ్య పెరుగు తోంది. నేకోటిన్ ప్రత్యామ్నాయ థెరఫీ  ప్రభావంతక్కువే అని నిపుణులు తేల్చారు. 3) కోరోనా ప్యాండమిక్ లో ఆఫ్రికాలోని మహిళలు హెచ్ ఐ వి బారిన పడిన వారు దాదాపు 61% కరేబియన్ మహిళలో వైరస్ బారిన పడ్డ వారు 4 3 % లాటిన్ అమెరిక, ఆశియా, తూర్పు యూరప్ లో క్రమంగా పెరుగుతున్నారు. మహిళలు స్త్రీల పై పెరుగు తున్న హింస అనారోగ్యానికి కారణం అవుతుందా  ప్రపంచంలో 15%నుండి 71% మహిళలు శరీరక దాడులు లైంగిక దాడులు పాల్పడు తున్నది వారి భాగ స్వాములే అని తేలింది. పురుషుల వల్లే ఆర్ధికంగా ,సామాజికంగా మహిళలు వేదనకు గురికావడం శారీరక హింస కు గురి కావడం వల్లే అనారోగ్యం పాలవు తున్నారని,  శరీరం పై గాయాలు అవాంఛిత గర్భం హెచ్ ఐ వి ఇతర సుఖ వ్యదులు దీర్ఘ కాలీక ఒత్తిడి కి గురి అవుతున్నారు .     4)ప్రపంచ వ్యాప్తంగా మహిళల పై ముఖ్యంగా 15 సంవత్సరాల వయస్సులో హింస కు గురి అవుతున్నారు. ప్రతి 5 గురు మహిళల్లో 1 క్కరికి లైంగిక వేదింపులకు గురి అవుతున్నారు. 5)ఇన్ని శతాబ్దాలు దాటినా అభివృద్ధి చెందిన దేశాలలో బాల్య వివాహాలు - కొట్టి పారేయలేం. ముఖ్యంగా 15 సంవత్సరాల లోపు బాలికలు  ఒక అంచనా ప్రకారం  8 సంవత్సరం పుట్టిన రోజుకు ముందే పెళ్లి చేసుకున్నట్లు  సమాచారం మరో 10 సంవాత్సరాల తరువాత వీటికి చైనా మీనాహింపు కాదు. ముఖ్యంగా బాలికలలో శారీరక అంశాల పై అవగాహన లేక పోవడం వల్లే హెచ్ ఐ వి వంటి రోగాల బారిన పడుతున్నారు. 6) అభివృద్ధి చెందు తున్న దేశాలలో చాలా మండి టీనేజీ యుక్త వయస్సులో ఉన్న  పిల్లలలో  14 మిలియన్లు ప్రతిసంవత్సరం ఉండవచ్చని అందులో 90% మండి తల్లులు అభివృద్ధి చెందు తున్న దేశాలలో ఉండడం ఆవేదన కలిగిస్తోంది. 7) ప్రతిరోజూ 16 0 0 నుంచి 10,0 0 0 మండి మరణించిన వారిలో గర్భంలోనే చని పోవడం గమనించ వచ్చు. అప్పుడే పుట్టిన బిడ్డలు 90 % గర్భిణీలు పురుడు పోసు కోకుండానే పురుడు పోసుకున్నాకో చనిపోతున్నారు. 8)పురుషుల కన్నా మహిళలు ఆదాయం సంపాదించే వారైతే వారు పంజరంలో ఇరుక్కు పోతున్నారు. గర్భ వతులైన మహిళల లో పిల్లలలో మాలేరియా బారిన పడిన సంఘటనలు ఉన్నాయి. దోమల బారిన పడకుండా ఉండేందుకు రక్షణగా దోమ తెరను కొనేవారు తానే కాదు తన కుటుంబాన్ని సంరక్షించేందుకు మహిళలు మదన పడుతూనే ఉంటారు. 9)పురుషుల కంటే స్త్రీలలో 50 %ఊపిరి తిత్తుల సమస్యలు తీవ్ర ఇబ్బందులు  పడుతున్నారు. చాలా దేశాలలో ఇప్పటికే మహిళలు వంటింటికే పరిమితం కావడం వల్ల వంటింట్లో వచ్చే కార్బన్ మోనాక్సైడ్ పీల్చడం వల్ల అనారోగ్యం వంటింటి   కాలుష్యం వల్లే ప్రపంచంలోని 1 /2 మిలియన్ స్త్రీలలో సంవత్సరానికి 1.3 మిలియన్ల మరణాలు కేవలం ఊపిరి తిత్తుల వ్యాధులతో మరణించారు. పురుషుల కంటే 12% మహిళలు వంటింటి కాలుష్యానికి బలై పోతున్నారు. 10) పురుషుల కంటే స్త్రీలు వినికిడి సమస్యలు బాధపడుతున్నారు. ఇతర అనారోగ్య సమస్యలబారిన పడుతున్నారు. స్త్రీ ఆరోగ్యం విషయంలో విచక్షణ గమనించ వచ్చు. పురుషులతో పాటు సమానంగా ఆకాశంలో సగం అంతరిక్షంలో సగం అన్న పదాలు ఆచరణలో మాత్రం లో విచక్షణ చూపడం గమనించ వచ్చు. పురుషులతో పాటు సమానంగా కంటిసమస్య కు చికిత్స అందక పోవడం స్త్రీలలో శస్త్ర చికిత్స విషయంలో వివక్ష ఇలా అన్నిటా కోన సాగుతూనే ఉంది. ఇప్పటికైనా ప్రపంచ దేశాలలో ఉన్న దేశాలలో ఉన్న మహిళల ఆరోగ్యానికి చర్యలు తీసుకోడం అత్యవసరం.

read more
మేలైన ఆరోగ్యానికి, దృఢత్వానికి సముద్రపు ఉప్పు

మేలైన ఆరోగ్యానికి, దృఢత్వానికి సముద్రపు ఉప్పు     సముద్రపు ఉప్పుతో మేలైన లాభాలు. సముద్రపు ఉప్పుపై చాలామందిలో ఉన్న నమ్మకం ఏమిటి అంటే మామూలు ఉప్పుకన్నా సముద్రపు ఉప్పు మేలైనదని అంటారు. అయితే ఇది ఎంతకాలం వాడతారనేది చెప్పలేమని నిపుణులు పేర్కొన్నారు. సముద్రాలలో హానికర రసాయనాలు విడుదల చేస్తున్నారని లేదా ఎక్కువ మొత్తంలో ప్లాస్టిక్ ఉత్పత్తుల సంచులు, బాటిళ్లు విరివిగా ఉండడం వల్లే సముద్రపు నీరు విషతుల్యమవుతుందని నిపుణులు పేర్కొన్నారు. దీనివల్ల సముద్రం నుంచి ఉప్పు తీయడం సురక్షితం కాదని శాస్త్రవేత్తలు అభిప్రాయపడ్డారు.   అసలు సముద్రపు ఉప్పును సంస్కృతంలో సైంధవ లవణమని, కళ్ళు ఉప్పు అని అనేవారని అంటారు. ముఖ్యగా ఆయుర్వేదంలో సైంధవ లవణాన్ని ఎక్కువగా వాడేవారని వైద్యులు తెలిపారు. సముద్రపు ఉప్పు వాడకం వల్ల ఆహారంలో రుచికి రుచి, అధిక పోషకాలు మినరల్స్ అందుతాయని అంటున్నారు శాస్త్రవేత్తలు. ఇప్పుడు వాడుతున్న అయోడైజ్డ్‌ ఉప్పు హానికరమని తేల్చిచెప్పారు. ఈ ఉప్పు వాడకం వల్ల మోకాళ్ళ నొప్పులు, కీళ్ళ వాతం వంటి సమస్యలు వస్తున్నాయని పేర్కొన్నారు. సాధారణ సముద్రపు ఉప్పు కన్నా హిమాలయా రాక్ సాల్ట్ లో 84 రకాల మినరల్స్ ను గుర్తించినట్లు వైద్యులు తెలిపారు. హిమాలయా రాక్ సాల్ట్ లో ఎలక్ట్రో లైట్స్ తో పాటు కాల్షియం, అయోడిన్, పొటాషియం, మెగ్నీషియం మరియు ఐరన్ లభిస్తుందని హిమాలయన్ పింక్ సాల్ట్ , ఇతర సహాజ ఉప్పులకన్నా మన అవయవాలలో హార్మోన్ ఉత్పత్తికి దోహదం చేస్తుందని శాస్త్రజ్ఞులు పేర్కొన్నారు. హిమాలయా సాల్ట్ ను కొన్ని మిలియన్ సంవత్సరాలుగా వాడుతున్నట్లు నిపుణులు తమ పరిశోధనలో వెల్లడించారు. ఇప్పటికీ మార్కెట్ లో హిమాలయన్ ఉప్పుకు అదే డిమాండ్ ఉందని పేర్కొన్నారు. సముద్రం లో ఇంత కాలుష్యం చేరినా నాణ్యత ఏమాత్రం తగ్గలేదని నిపుణులు సర్వేలో వెల్లడించారు. హిమాలయన్ వైట్ సాల్ట్ గోల్డ్ లో 84 రకాల మినరల్స్ ఉన్నట్లు కనుగొన్నారు. ఈ రకమైన ఉప్పును 250 మిలియన్ సంవత్సరాలుగా ఇంటెన్స్ టెక్టోనిక్ ప్రేషర్లో 0% వాతావరణంలో రసాయనాలు కాలుష్యం బారిన పడకుండా ఉన్న ఉప్పు హిమాలయన్ ఉప్పు మాత్రమే అని నిపుణులు విశ్లేషించారు. హిమాలయన్ ఉప్పు ఆకారంలో చాలా చిన్నదిగా ఉంటుందని సులభంగా కరిగి పోతుందని ఎంత వేడిలో అయినా హిమాలయన్ రాక్ సాల్ట్ ను నిల్వ ఉంచవచ్చని అంటున్నారు. ఆధునిక భారతదేశంలో ఇతర దేశాలలో కన్నా 3, 4 సార్లు ఎక్కువగా ఉప్పు వాడడం గమనించమని వివరించారు. మానవ శారీరానికి ఆరోగ్యానికి రాక్ సాల్ట్ మంచిదని పోషక విలువలు లేని ఉప్పు వాడడం వల్ల మెటబాలిజం సమస్యలు వస్తాయని శ్వాస సంబంధమైన సమస్యలు వస్తున్నాయని అన్నారు. శ్వాస సంబంధిత ఆసనాలు సాధన చేయడంద్వారా శ్వాస సమస్యలు నివారించవచ్చని సూచించారు. అయితే ఆశ్చర్య కరమైన పరిణామం ఏమిటి అంటే పూరి జగన్నాథ్ ఆలయంలో వండే వంటలలో ఉప్పు వాడకపోవడం గమనించవచ్చు. తమిళనాడులోని రామేశ్వరం ఆలయంలో సమీప ప్రాంతాలలో కూడా ప్రజలు పూర్తిగా ఉప్పు వాడకపోవడం ఆశ్చర్యాన్ని కలిగిస్తుందని, మిడిల్ ఈస్ట్ ప్రాంతంలో కూడా వంటకాలలో ఉప్పుశాతం తక్కువే అని వివరించారు. హిమాలయన్ రాక్ సాల్ట్ ప్రతిరోజూ వాడటం వల్ల వంట రుచి, సువాసన, నాణ్యత మరింత పెంచుతుందని తేల్చిచెప్పారు. అందుకే అక్కడి ప్రజలు ఆరోగ్యంగా దృడంగా ఉంటారని పరిశోధనలో వివరించారు.

read more
ఒక కప్పు కాఫీతో మీ గుండె సేఫ్

ఒక కప్పు కాఫీతో మీ గుండె సేఫ్ ఒక్క కప్పు కాఫీ మీ హార్ట్  ఫెల్యూర్ ను తగ్గిస్తుంది. ఇదేంటి కొందరు కాఫీ తాగితే ప్రమాదం అంటున్నారు. అసలు మీరు చెపుతున్నది నిజమా ? అన్నసందేహం వస్తోందికదు. సహజంగా మన భారతీయులు కాఫీ ప్రియులు పొద్దున్నే మంచం మీద నుంచి లేస్తూనే  గొంతులోకి  వేడిగా కాస్త కాఫీ పడకపోతే అదోలా ఉంటుంది అంటున్నారు కాఫీ ప్రియులు.  ఏమి లేదు అదేదో  అన్నట్లు కుదిరితే నాలుగు మాటలు లేదా కప్పు కాఫీ అంటారు. అదే మన జీవితానికి పెద్ద ఉపకారమే చేస్తుందని అంటున్నారు కార్డియో వ్యాస్క్యులర్ డాక్టర్లు. గుండె సంబందిత సమాస్యలలో ఒకటైన హార్ట్ ఫైల్యూర్  చెక్ పెట్టవచ్చు అంటున్నారు. ముఖ్యంగా వివిధ రకాల గుండె జబ్బులతో తీవ్ర ఇబ్బందులు ఎదుర్కుంటున్న వారికీ హార్ట్ ఫైల్యూర్ రాకుండా కాపాడుతుందని  వైద్యులు వీటిపైనా  చేసిన పరిశోధనలు  వెల్లడిస్తున్నాయి. కొంచం కాఫీ పొడి, కాస్త చక్కర, వేడిగా పాలు, అంతే కాఫీ రెఢీ .. ఇలా ఒక్క కప్పు  కాఫీ తీసుకుంటే  చాలు మీ గుండె కు హార్ట్ ఫైల్యూర్ రాదంటే నమ్మండి. అయితే ఒక ప్రమాదం ఉంది సుమా. ఏదైనా మన పెద్దలు చెప్పారుగా, అతి సర్వాత్రా వర్జయేత్ అని అతిగా కాఫీ తీసుకున్నారో ప్రమాదం తప్పదని వైద్యులు హెచ్చరిస్తున్నారు. అసలు కాఫీకి - హార్ట్ ఫైల్యూర్ కు సంబంధం ఏంటి ? అన్నది ప్రశ్న అవునా.. వీటిపై పరిశోధనలు చేస్తున్న డాక్టర్ డేవిడ్ కావు మాట్లాడుతూ సహజంగా కాఫీ చెరుపు చేస్తుందని అందరూ అంటారు. కాఫీ మాత్రం హార్ట్ ఫైల్యూర్ ను నియంత్రించడంలో కీలక పాత్ర పోషిస్తుందని అంటున్నారు డాక్తర్ డేవిడ్ కావు.  కొలరాడో సెంటర్ పర్సనలైజ్డ్ మెడిసిన్ కొలరాడో యునివర్సిటీ అఫ్ కార్డియో స్కూల్ అఫ్ మెడిసిన్ దీనిని కనుగోన్నట్లు తెలిపారు. ఫిబ్రవరి 9 న హార్ట్ ఫైల్యూర్ లో ఈ అంశం  ప్రచురించినట్లు తెలిపారు. ఆరోగ్యంగా ఉండాలంటే కాఫీ   ప్రత్యామ్నాయంగా పని చేస్తుందని అన్నారు. అయితే దీని పై ఇంకా పూర్తి సాక్ష్యాధారాలు లేవని  ఎవరైతే ధూమపానం, బరువు తగ్గడం వ్యాయామం చేయడం వల్ల కూడా హార్ట్ ఫైల్యురే ను నియంత్రించ వచ్చని పేర్కొన్నారు. డాక్తర్ కావు నేతృత్వంలోని వైద్య బృందం యు.ఎస్ కు చెందిన 21000 మంది అడల్ట్స్ పై జరిపిన పరిశోధనలో హార్ట్ స్టడీ చేసినట్లు కావు చెప్పారు. ఫ్రామింగ్ హం ను హార్ట్ కార్డియో వాస్చ్యులర్  స్టడీస్ లో ఒక కప్పు కాఫీ తో 5 % నంచి 1 2 % తగ్గిందని 30  % కంటే తక్కువ ఉన్నవారు రోజుకు రెండు సార్లు కాఫీ తాగినట్లు కాఫీ కి హార్ట్ ఫైల్యూర్ కు సంబంధం ఉందని నిర్ధారించారు. అయితే డీకేఫ్  మాత్రం హార్ట్ ఫైల్యూర్ కు దారితీస్తుందని హెచ్చరించారు వైద్యులు. కాఫీనే  కీలక పాత్ర పోషించిందని అన్నారు.  జీవితంలో రోజు వారీ ఆహారంలో కాఫీ ఉండాలని నిర్దారించారు. అమెరికన్ హార్ట్ అసోసియేషన్ లైఫ్ స్టైల్ కార్డియో మెటబాలిక్ హెల్త్ కౌన్సిల్ లీడర్ షిప్ కమిటీ చైర్ పెర్సన్ ఎతేర్టన్ మాట్లాడుతూ కాఫీని ఎంజాయ్ చేయండి గుండెకు మంచిదే, అది స్టిమ్యులేట్   చేస్తుందని అయితే కాఫీ ఎక్కువగా సేవిస్తే అనర్ధమే అని, అది నిద్రభంగానికి దారితీస్తుందని హెచ్చరించారు. డాక్టర్ మైఖేల్ గోయిమాన్ క్లినికల్  కార్డియాలజీ  లాంగ్ ఐలాండ్ జెవిష్ ఫారెస్ట్ ఇన్ న్యూ యార్క్ పరిశోధనలో కొన్ని లోపాలు  ఉన్నాయని  అనుమానం వ్యక్తం చేసారు. అయితే ఈ పరిశోధన వల్ల ఒక కప్పు కాఫీ అంటే 8 అవున్సులు, అమెరికన్ లకు కాఫీ లేనిదే పొద్దు గడవదు, కాబట్టి వారిని ప్రోతహించేందుకు కాఫీ మంచిదే అని ప్రచారం చేస్తూ ఉండవచ్చని మైఖేల్ అభిప్రాయ పడ్డారు. దానా దీనా కాఫీ మంచిదే, మోతాదు మించితే ప్రమాదమే అని పరోదనలు వెల్లడిస్తున్నారు. ఒక కప్పు కాఫీ తో మీ గుండె సేఫ్.

read more
కాబోయే తల్లి ఈ పరీక్షలు పాసవ్వాలి...

  కాబోయే తల్లి ఈ పరీక్షలు పాసవ్వాలి...   బిడ్డకు జన్మనివ్వడమంటే ఆడది మరో జన్మ ఎత్తడమే. బిడ్డ కడుపున పడిన నాటి నుండి కడుపు చీల్చుకుని ఈ భూమి మీద పడే వరకూ తల్లి పడే ఆరాటం అంతా ఇంతా కాదు. బిడ్డ ఆరోగ్యంగా ఎదగాలని, ఆరోగ్యంగా పుట్టాలని ఎన్నెన్నో జాగ్రత్తలు తీసుకుంటుంది. అయితే కేవలం జాగ్రత్తలు తీసుకుంటే చాలదు. బిడ్డ కడుపులో ఉన్నప్పుడు కొన్ని పరీక్షలు కూడా చేయించుకోవాలి. ఇవే అవి... - గర్భంతో ఉన్నప్పుడు బీపీ ఎక్కువ ఉంటే బిడ్డపై ప్రభావం పడుతుంది. తల్లికి కూడా ఫిట్స్ వచ్చే ప్రమాదం ఉంది. అందుకే ఎప్పటికప్పుడు బీపీ చెక్ చేసుకోవాలి. - అలాగే షుగర్ టెస్ట్. చక్కెర పాళ్లు ఎక్కువైతే ఉమ్మనీరు పెరుగుతుంది. బిడ్డ పరిమాణం కూడా పరిమితిని మించి పెరుగుతుంది. దానివల్ల నెలలు నిండకముందే పుట్టే అవకాశం ఉంటుంది. కొన్నిసార్లు బిడ్డ కడుపులోనే చనిపోయే ప్రమాదమూ ఉంది. కాబట్టి ఎప్పటికప్పుడు షుగర్ టెస్ట్ చేయించుకోవాలి. - బ్లడ్ గ్రూప్ టెస్టు కూడా చేయించాలి. ఎందుకంటే తల్లిది నెగటివ్, తండ్రిది పాజిటివ్ అయ్యి... బిడ్డది కూడా నెగిటివ్ అయితే సమస్య ఉండదు. లేదా తల్లిదండ్రులది ఏ గ్రూప్ అయినా బిడ్డది పాజిటివ్ రీసస్ ఫ్యాక్టర్ అయినా ఫర్వాలేదు. కానీ తల్లిది నెగటివ్ అయ్యి, తండ్రిది పాజిటివ్ అయ్యి, బిడ్డది కూడా పాజిటివ్ అయితే మాత్రం పుట్టుకతోనే ఆరోగ్య సమస్యలు వస్తుంటాయి. కాబట్టి ముందే బ్లడ్ గ్రూప్ ని పరీక్షిస్తే డాక్టర్లు ఒక ప్రత్యేక ఇంజెక్షన్ ఇవ్వడం ద్వారా సమస్యలు రాకుండా చూస్తారు. - బిడ్డ ఆరోగ్యంగా ఎదగాలంటే తల్లిలో థైరాయిడ్ హార్మోన్ సక్రమంగా విడుదలవ్వాలి. కాబట్టి థైరాయిడ్ టెస్ట్ తప్పనిసరి. - హెచ్ఐవీ పరీక్ష కూడా తప్పకుండా చేయించాలి. అలాగే హెపటైటిస్ టెస్ట్ కూడా. - అలాగే సిఫిలిస్ టెస్ట్ కూడా చేయాలని డాక్టర్లు సూచిస్తుంటారు. ఇది కూడా తప్పనిసరి. - తల్లికి యూటీఐ ఉందేమో అన్నది కూడా పరీక్షించాలి. ఎందుకంటే యూరినరీ ఇన్ఫెక్షన్ల వల్ల బిడ్డ బరువు పెరగకపోవచ్చు. ముందుగానే డెలివరీ అయ్యే అవకాశాలు కూడా ఉంటాయి. - తల్లిలో రక్తహీనత ఉన్నా బిడ్డ సరిగ్గా ఎదగదు. కాబట్టి రక్తహీనత నిర్థారిత పరీక్ష తప్పదు. ఇవి కాక బిడ్డలో జన్యుపరమైన సమస్యలేమైనా ఉన్నాయేమో తెలుసుకోడానికి ఫీటల్ అనామలీ స్క్రీనింగ్ టెస్ట్ అనీ, న్యూకల్ ట్రాన్స్ ల్యుయెన్సీ టెస్ట్ అనీ... ఇలా కొన్ని రకాల వైద్య పరీక్షలు ఉన్నాయి. అవి కూడా చేయించుకోవడం మంచిది. బిడ్డ ఆరోగ్యంగా ఉంటేనే కదా అమ్మతనంలోని కమ్మదనం రెట్టింపయ్యేది. దానికోసం ఈ మాత్రం కేర్ తీసుకోక తప్పదు మరి. - Sameera

read more
ఇవి తింటే బరువు పెరగరు!

ఇవి తింటే బరువు పెరగరు!   ఏవి తింటే బరువు పెరుగుతారు అంటే టకటకా చెప్పేస్తారు. కానీ ఏవి తింటే బరువు పెరగరు అంటే ఆలోచనలో పడతారు. అవి తెలుసుకోవడం ఎంత ముఖ్యమో ఇవి తెలుసుకోవడం కూడా అంతే ముఖ్యం. మిగిలినవాటి సంగతేమో తెలీదు కానీ... ఓ ఆరు రకాల ఆహారాల వల్ల బరువు పెరగరన్నది మాత్రం కచ్చితం. అవేంటంటే... * కోడిగుడ్లలో ఉండే ల్యూసిన్ అనే అమైనో యాసిడ్ బరువు తగ్గడానికి ఉపయోగపడుతుందదట. అయితే ఉడికించిన కోడిగుడ్డు మాత్రమే తినాలి అంటున్నారు డాక్టర్స్. పైగా ఉడికించిన కోడిగుడ్డు తినగానే కడుపు ఉబ్బరంగా అనిపించి, కడుపు నిండినట్లుగా అనిపిస్తుందట. దానివల్ల ఇక ఎక్కువ ఆహారం తీసుకోలేమట. అందుకే ఉడికించిన కోడిగుడ్డుకు ఓటేయమంటున్నారు. * దానిమ్మ గింజలో ఉండే పీచు వల్ల కొన్ని తినగానే కడుపు నిండిపోయిన ఫీలింగ్ వస్తుందట. అందుకే ఎక్కువ తిన్నా బరువు పెరుగుతామేమోనన్న భయం ఉండదు. * ఆలివ్ ఆయిల్ లో ఉండే మోనో శాచ్యురేటెడ్ ఫ్యాటీ యాసిడ్స్ చెడు కొల్రెస్ట్రాల్ ను తగ్గించి మంచి కొలెస్ట్రాల్ ను కాపాడతాయి. కాబట్టి బరువు పెరిగే సమస్యే లేదు. * చేపల్లో కొవ్వు అన్నదే ఉండదు. అందుకే క్యాలరీలు చాలా తక్కువ. కాబట్టి మాంసాల జోలికి పోకుండా వీలైనంత ఎక్కువగా చేపలు తింటే నాన్ వెజ్ తిన్న ఫీలింగూ ఉంటుంది, బరువూ పెరగరు. కాకపోతే కూర వండుకుని తినాలి తప్ప ఫ్రై చేసుకోకూడదు. * పచ్చని కాయగూరలు, ఆకుకూరల్లో నీళ్లు శాతం ఎక్కువగా ఉండటం వల్ల త్వరగా కడుపు నిండినట్టు అనిపిస్తుందట. కాబట్టి ముదురు ఆకుపచ్చ రంగుల్లో ఉండే కూరగాయలను ఎక్కువగా తింటే బరువు పెరగరు. * వెజిటబుల్ సూప్స్ వల్ల కూడా క్యాలరీలు పెద్దగా పెరగవు. పైగా భోజనం ముందు వాటిని తాగితే కడుపు నిండినట్టు అనిపించి ఎక్కువ తినం. కాబట్టి వెజిటబుల్ సూప్స్ తాగడం మంచిదనేది విదేశీ యూనివర్శిటీ పరిశోధనలు తేల్చిన విషయం. Sameera

read more