-: బుధహస్త లక్షణము :-

    తా: ఎడమచేత అడ్డముగ ముష్టి హస్తమును, కుడిచేత పతాకహస్తమును పట్టిన బుధహస్తమగును.

                                    -: బృహస్పతి హస్త లక్షణము :-

    తా: రెండు చేతులతో శిఖర హస్తమును యజ్ఞసూత్ర  ప్రదర్శనము వలే పట్టిన బృహస్పతి హస్తమగును. ఇది ఋషులయందు, బ్రాహ్మణుల యందు చెల్లును.

                                         -: శుక్రహస్త లక్షణము :-

    తా: ఎడమచేయి పైకి, కుడిచేయి క్రిందికి, ముష్టి హస్తములు బట్టినచో  శుక్రహస్తమగును.

                          -: శనైశ్చర హస్త లక్షణము :-

    తా: ఎడమచేత శిఖర హస్తము, కుడిచేత త్రిశూల హస్తము బట్టిన శనైశ్చర హస్తమగును.

                          -: రాహు హస్త లక్షణము :-

    తా: ఎడమచేయితో  సర్పశీర్ష హస్తమును, కుడి కరముతో సూచీ హస్తము బట్టిన రాహుహస్తమగును.

                            -: కేతు హస్త లక్షణము :-

    తా: ఎడమ కరముతో సూచీహస్తమును, కుడి కరముతో అర్ధపతాక హస్తమును బట్టిన కేతు హస్తమగును.


                -: దశావతార హస్త లక్షణములు :-

                        -: మత్స్యావతార హస్త లక్షణము :-

    తా: మత్స్యహస్తమును చూపి, రెండుచేతులతో త్రిపతాక హస్తములు భుజ శిరస్సులకు  సమానముగ బట్టినచో మత్స్యావతార  హస్తము వచ్చును. ఇది మత్స్యావతారమునకు  వినియోగించును. చేప, మత్స్యావతార ప్రదర్శన, మున్నగు వాటికి వర్తించును.

                         -: కూర్మావతార హస్తలక్షణము :-

    తా: కూర్మ హస్తమును చూపి భుజశిరస్సులకు సమముగా  త్రిపతాకములు బట్టిన కూర్మావతార హస్తమగును.

                                   -: వరహావతార హస్త  లక్షణము :-

    తా: వరాహ హస్తమును చూపి, పిరుదులయందు డోలా హస్తము పట్టిన, వరాహావతార హస్తము వచ్చును.

                                     -: నృసింహావతార హస్త లక్షణము :-

    తా: ఎడమచేత  సింహముఖ హస్తమును, కుడిచేత త్రిపతాకమును బట్టిన నారసింహావతారమగును.

                         -: వామనావతార హస్త లక్షణము :-

    తా: ఎడమ, కుడి, కరములు పైకి క్రిందకు ముష్టిహస్తములు బట్టిన వామనావతారమగును.           
        -: పరశురామ హస్త లక్షణము :-

    తా: వామకరమును నడుమునందుంచి, దక్షిణ  కరముచేత  అర్ధపతాకముబట్టిన, పరశురామావతార హస్తము వచ్చును.

                                        -: రఘురామావతార హస్త లక్షణము :-

    తా: దక్షిణ కరముతో కపిద్ధ హస్తమును, వామ కరముతో శిఖర హస్తమును బట్టిన రామచంద్రావతార హస్తము  వచ్చును. ఇది రామచంద్రుని వర్తించును.

                        -: బలరామావతార  హస్త లక్షణము :-

    తా: దక్షణ కరమందు  పతాకమును, వామకరముందు  ముష్టి హస్తమును బట్టిన బలరామావతార  హస్తమగును.

                                              -: బుధ్ధావతార  హస్తలక్షణము :-

   శ్లో!!    సమస్థానస్థితోడోలాహస్తా వుభయపార్శ్వయోః
    సంచాలయన్ బుద్ధరూపం భరతజ్ఞః ప్రదర్శయేత్.

    తా: సమస్థానమున నిల్చి డోలా  హస్తములు రెండు ప్రక్కలకు ఊపుచు  పట్టిన బుద్ధావతారమగును. (గాక రెండు హంసాశ్య  హస్తములు గాని, జ్ఞానముద్రలు గాని  ఒకచేతిపైన  నొకటి యుంచి నాభి స్థానమెదురుగపట్టి నేత్రములు మూసుకొనిన బుధ్ధావతారమగును.)

                               -: కల్క్యావతార లక్షణము :-

    తా: దక్షణ కరముతో పతాక్ హస్తమును, వామకరముతో త్రిపతాక హస్తమును బట్టినం కల్క్యవతారమగును.