-: లక్ష్మీహస్త లక్షణము :-

   శ్లో!!    అంసోపకంఠేహస్తాభ్యాం  త్థాభ్యాంశ్రియంకరః !!

    తా: బాహుమూలమందు  రెండు కపిద్ధ హస్తములు పట్టినయెడల  లక్ష్మీ  హస్తమగును.

                           -: వినాయక హస్త లక్షణము :-

   శ్లో!!    పురోగాభ్యాం కపిత్దాభ్యాం విఘ్నరాట్కరః !!

    తా: ఎదురుగా రెండు కపిద్ధ హస్తములు  పట్టినయెడల  విఘ్నేశ్వర హస్తమగును.

                            -: షణ్ముఖ హస్త లక్షణము :-

   శ్లో!!    వామేకరే త్రిశూలంచ శిఖరందక్షణంకరే !
    ఊర్ధ్వంగతే షణ్ముఖస్యకర ఇత్యుచ్యతేబుధైః !!

    తా: ఎడమచేతియందు  త్రిశూల హస్తమును, కుడిచేతియందు శిఖర హస్తమును ఎత్తుగా బట్టినయెడల షణ్ముఖహస్తమగును.

                          -: మన్మధహస్త లక్షణము :-

   శ్లో!!    వామేకరేతు  శిఖరం దక్షణే కకకాముఖః !
    మన్మధస్యకరః ప్రోక్తోనాట్యశాస్త్ర విశారదైః !!

    తా: ఎడమ చేతియందు  శిఖరహస్తమును, కుడిచేతియందు  కటకాముఖహస్తమును పట్టినయెడల మన్మధహస్తము వచ్చును.

                                       -: ఇంద్రహస్త లక్షణము :-

   శ్లో!!    త్రిపతాకౌస్వస్తికౌచే దింద్రహస్తః ప్రకీర్తితః !!

    తా: రెండు త్రిపతాక హస్తముల మణికట్టులను  చేర్చిపట్టిన ఇంద్ర హస్తమగును.

                          -: అగ్ని హస్త లక్షణము :-

   శ్లో!!    త్రిపతాకో దక్షణేతువామే లాంగూలహస్తకః !
    అగ్నిహస్తస్య విజ్ఞేయో నాట్యశాస్త్ర విశారదైః !!

    తా: కుడిచేతియందు  త్రిపతాక హస్తమును, ఎడమ చేతియందు లాంగూల హస్తమును బట్టినచో అగ్నిహస్తమగుచున్నది. ఇది అగ్నిదేవునికి వినియోగించును.

                                         -: యమహస్త లక్షణము :-

   శ్లో!!    వామేపాశః దక్షణేతు సూచీయమకర స్మృతః !!

    తా: ఎడమకరమందు  పాశహస్తమును, దక్షణకరమందు సూచీహస్తమును పట్టిన యమునికి చెల్లును.

                          -: నైఋతీ హస్త  లక్షణము :-

   శ్లో!!    ఖట్వాచ సకటశ్చైవ కీర్తితోనైరుతేః కరః !!

    తా: ఖట్వాహస్తమును, శకట హస్తమును  బట్టినయెడల నైరు హస్తమగును.

                                           -: వరుణహస్త లక్షణము :-

   శ్లో!!    పతాకో దక్షణేవామే శిఖరం వారుణః కరః !!

    తా: కుడిచేతియందు  పతాక హస్తమును, ఎడమకరమునందు  శిఖర హస్తమును బట్టిన వరుణహస్త మగును.

                            -: వాయుహస్త లక్షణము :-

   శ్లో!!    అరాళో దక్షణే వామే హస్తేచ్కార్ధ పతాకకః !
    ధృతౌచేద్వాయుదేవస్య హస్త ఇత్యభిధీయతే !!

    తా: కుడిచేత అరాళహస్తము, ఎడమచేత అర్ధపతాక హస్తమును బట్టినచో వాయుహస్తమగును.

                                         -: కుభేరహస్త లక్షణము :-

   శ్లో!!    వామేపద్మం దక్షణేతుగదా యక్షపతేః కరః !!

    తా: ఎడమ చేతియందు పద్మహస్తమును, కుడిచేత గదాహస్తమును పట్టిన కుబేరహస్త మగును.

                 -: నవగ్రహ హస్త లక్షణములు :-

                              -: సూర్యహస్త లక్షణము :-
   
    తా: భుజశిరస్సుల  సమీపములందు, రెండుచేతులచే సోలపద్మ, కపిద్ధ హస్తములు పట్టిన సూర్యహస్త మగును.

                           -: చంద్రహస్త లక్షణము :-

    తా: ఎడమచేతితో  సోలపద్మమును, కుడిచేతితో పతాకమును బట్టిన చంద్రహస్త మగును.

                                           -:అజ్గారక హస్త లక్షణము :-

    తా: ఎడమచేత సూచీహస్తములు, కుడిచేత ముష్టిహస్తము బట్టిన అంగారకహస్తము వచ్చును.