" మా వారి తప్పు కాదేమో!"
"మరి..."
"మీ అందం.... అందరినీ పిచ్చివారిని చేస్తుంది." అన్నాడు.
" మిమ్మల్ని చేయటం లేదా?"
"చేసిన నన్ను నేను కంట్రోలు చేసుకుంటున్నాను. అక్కడే వుంది మంచికి, చెడుకితేడా!"అన్నాడు.
" అయితే మీరు మంచివారని నేను నమ్మాలంటారు."తలెత్తి చూచాడు.
ఆమె కళ్ళలో కొంటెదనం కనిపిస్తుంది.అందుకే తనూ నవ్వే సాడు.
"అవునండీ.మంచివాడినని మరోసారి మనవి చేస్తున్నాను."
"అంగీకరిస్తున్నాం."
" థాంక్స్!"
ఆమె లేచింది అతను చేయి అందించాడు ఒక్కక్షణం చూచి అందుకున్నది ఇద్దరూ జంటగా కొన్ని అడుగులు వేసారు.
" మిస్ శ్వేతా!నాకు కొన్ని అనుమానాలున్నాయి."
" నా గురించేనా! నేను యెవరిని ప్రేమించలేదు. ప్రేమించినవాడిని మోసం చేసే తత్వం. కాదు. కష్ట,సుఖాలలో, ప్రేమిస్తాను." అన్నది అల్లరిగా.
" బి సీరియస్! నేను సీరియస్ గా చెబుతున్నాను."
"చెప్పండి"
" మీపు ఈ ఊరికి టీచర్ గా రాలేదు."
" నిజమే టీచర్ గా రాలేదు కాని వచ్చి ఇక్కడి పరిస్థితులు చూచాక టీచర్ గా మారాను."అన్నది.
"కాదు-"
" మరి- "
"అది నా రహస్యం...." అన్నాడు.
"మంచి స్నేహితుల మధ్య రహస్యాలుండరాదు."
"నేను అదేమాట అంటున్నాను మేడమ్...." అతని మాట పూర్తికాక ముందే సిద్ధార్ధ వాళ్ళ జీతగాడు సాయిలు పరుగున వచ్చాడు.
