-: సంపుటహస్త లక్షణము :-

   శ్లో!!    కుఞ్చతాజ్గుళయశ్చక్రే  సంపుటఃకరఈరితః !!

    తా: చక్రహస్తపు  వ్రేళ్ళను ముడిచిపట్టిన  సంపుట  హస్తము వచ్చును.
   
    వినియోగములు :-

    వస్తువులు దాచుటయందును, సంపుటమందును  ఈ హస్తము వినియోగించును.
   
                            -: పాశహస్త లక్షణము :-

   శ్లో!!    శూచ్యానీకుఞ్చతేశ్లిష్టేతర్జన్యౌపాళఈరితః !!

    తా: నూచిహస్తముల  చూపుడు వ్రేళ్ళను  వంచి కలిపిపట్టిన (మెలిక వేసిన)పాశహస్తము వచ్చును.

    వినియోగములు :-

    పరస్పర కలహమందును, త్రాటియందును, సంకెళ్ళు వేయుట యందును వినియోగించును.

                                        -: కీలకహస్త లక్షణము :-

   శ్లో!!     కనిష్టే కుఞ్చతేశ్లిష్టే మృగశీర్షేతు కీలకః !!

    తా: మృగశీర్ష  హస్తముల  చిటికెన వ్రేళ్ళను  వంచిచేర్చి (కలిపి) పట్టినయెడల కీలకహస్తము వచ్చును.

    వినియోగములు :-

    తా: స్నేహమందును, ప్రియవచనము నందును ఈ హస్తము చెల్లును.

                                             -: మత్స్యహస్త లక్షణము :-

   శ్లో!!    కరపృష్టో పరిన్యస్తో యత్రహస్తః పతాకికః !
    కిఞ్చత్ప్రసారితాజ్గుష్టకనిష్టో మత్స్యనామకః !!

    తా: పతాక హస్తములను  ఒక చేతిపైన  నొకటిచేర్చి  చిటికెన వ్రేలిని, బొటనవ్రేలిని  చాచిపెట్టి కదిలించుచు పట్టిన మత్స్యహస్త మగును.

    వినియోగములు :-

    ఇది మత్స్యమునందు  వినియోగించబడును.

                             -: కూర్మహస్త లక్షణము :-

   శ్లో!!    కుఞ్చతాగ్రాంగుళిశ్చక్రేత్యక్తాంగుష్టకనిష్టితః !
    కూర్మహస్తస్సవిజ్ఞేయః కూర్మార్ధేవినియుజ్యతే !!

    తా: చక్రహస్తము  మొనవ్రేళ్ళను వంచి చిటికెనవ్రేళ్ళు, బొటనవ్రేళ్ళు చాచిపట్టిన  కూర్మహస్తము వచ్చును.

    వినియోగములు :-

    ఇది కూర్మము (తాబేలు), యందు వినియోగించును.

                           -: వరాహహస్త లక్షణము :-

   శ్లో!!    మృగశీర్షేత్వన్య కరస్తేసశ్శ్లిష్ట స్థితోయది !
    కనీష్టాంగుష్టయోర్యోగాద్వరాహః కరఈరితః !
    ఏతస్సవియోగస్తు వరాహర్దేతుయుజ్యతే !!

    తా: మృగశీర్ష  హస్తమును ఒకటిపై నొకటి  చేర్చి కనిష్ట. అంగుష్టములను చాచిపట్టిన వరాహ హస్తము వచ్చును.

    వినియోగములు :-

    ఆది వరాహము (పంది) యందు  వినియోగించును. భరత సూత్రము.

                              -: గరుడహస్త లక్షణము :-

    శ్లో!!    తిర్యక్తలస్థితావర్ధచన్ద్రావంగుష్టయోగతః !
    గరుడో గరుడార్దేచ యుజ్యతే భరతాగమే !!

    తా: అర్ధచంద్రహస్తములు  రెండును  అడ్డముగా బొటనవ్రేళ్ళు చేర్చిపట్టిన (కలిపి) గరుడహస్తము వచ్చును.
   
    వినియోగములు :-

     ఇది గరుత్మంతునియందు చెల్లును.

                                           -: నాగబంధ హస్త లక్షణము :-

   శ్లో!!    సర్పశీర్షౌ స్వస్తికాచేన్నాగబంధ ఇతీరితః !!

    తా: రెండు సర్పశీర్ష హస్తములు  స్వస్తికముగా  పట్టిన  నాగబంధ హస్తమగును. (చేతులు మెలికలు వేయుచు)

    వినియోగములు :-

    పాము పెనవంటిరీతి  బంధమందును. పాముల పెనయందును  పొదరిండ్లు  చూపుటయందును, అధర్వణ మంత్రమునందును వినియోగించును.

                              -: ఘట్వాహస్త లక్షణము :-

    శ్లో!!    చతురే చతురంన్యస్యతర్జన్యంగుష్టమోక్షతః !
    ఘట్వాహప్తోచలేదేషః ఘట్వాదిషునియుజ్యతే !!