19.   "మాల్యవంతమను - నగమున నుండెడు
             కేసరి యను నొక - వానరోత్తముడు |
                                మాల్యవంతమును - వదలివెళ్ళెను
                                గోకర్ణమను - శిఖరి చేరెను |
               అచట ఋషులచే - నియమింపబడి
                శంబసాదను డ | ను అసురుని గూల్చె |"
                                 అని హనుమంతుడు - సీతతో పలికె
                                 అంజలి ఘటించి - చెంతన నిలిచె    ....  ||శ్రీ||
    20.   "అంజనీదేవి - ఆ కేసరి సతి
              వాయుదేవు వర | మున నను గన్నది |
                               కన్న తల్లి నను - ప్రాణప్రదముగ
                               పెద్ద చేసినది - ప్రేమ మీరగ |
              సుగ్రీవునకు - మంత్రినైతిని
              రామదూతనై - ఇటు వచ్చితిని |"
                               అని హనుమంతుడు - సీతతో పలికె
                               అంజలి ఘటించి - చెంతన నిలిచె    ....  ||శ్రీ||
    21.   పవన కుమారుని - పలుకులను విని
             అతడు నిజముగా - వానరుడేనని |
                               రామదూత యని - నమ్మతగునని |
                               తెలిపినవన్నీ - సత్యములేనని |
             ఆనందాశ్రులు - కన్నులు నిండగ
             చిరు నగవులతో - జానకి చూడగ |
                               జయహనుమంతుడు - సీతతో పలికె
                               అంజలి ఘటించి - చెంతన నిలిచె    ....  ||శ్రీ||
    22.   "ఇకపై నీకు - శుభమగు తల్లీ
             ఊరడిల్లుము - శోకము వదలి |
                            నీ క్షేమము విని - రాముడెంతగా
                            ఆనందముతో - పొంగునో కదా !
             ఇదిగో తల్లీ - ఇది తిలకింపుము
            రాముడంపిన - అంగుళీయకము |"
                               అని హనుమంతుడు - భక్తి మీరగను
                               అంగుళీయకము | ను సీత కోసగెను   .....   ||శ్రీ||
                          __: 35 వ. స. సంపూర్ణము :__
                                        36 వ. సర్గ
           సీత మారుతితో ;
    1.   రామచంద్రుని - ముద్రిక జేకొని
           అశ్రులు నిండిన - కనుల కద్దుకొని |
                             మధుర స్మృతులు - మదిలో మెదల
                             సిగ్గుచేత తన - శిరము వంచుకొని |
           ఇన్ని రోజులకు - తనకు కలిగిన
           శుభ శకునముల వి | శేష మనుకొని |
                             జానకి పల్కె - హనుమంతునితో
                             సంపూర్ణమైన - విశ్వాసముతో     .....    ||శ్రీ||
    2.   "ఓ మహాబలా - వాయునందనా
           ఓ మహాతేజ - వానరోత్తమా |
                         శతయోజనముల - వారిధి దాటి
                         ఒంటిగ నీవు - లంక జేరితివి |
          రావణుడాదిగ - రాక్షసవీరుల
          లెక్కచేయకే - నను కనుగొంటివి |"
                            అని పల్కె సీత - హనుమంతునితో
                            సంపూర్ణమైన - విశ్వాసముతో     .....    ||శ్రీ||
       
   
                                                                  రాముని ముద్రిక సీత గైకొని
                                                                  అశ్రులు నిండిన కనుల కద్దుకొనె|

    3.   "ఎన్నడు రాముడు - ఇట కేతెంచునో
           ఎన్నడు రావణు | ని హతము చేయునో |
                             లక్ష్మణుండు తన - అగ్ని శరములతో
                             క్రూర రాక్షసుల - రూపుమాపునో |
          సుగ్రీవుడు తన - వానరసేనతో
          చుట్టుముట్టి ఈ - లంకను గూల్చెనో |"
                             అని పల్కె సీత - హనుమంతునితో
                             సంపూర్ణమైన - విశ్వాసముతో     .....    ||శ్రీ||
    4.   "రామ లక్ష్మణులు - వచ్చుదాకను
             బ్రతుకనిత్తురా - అసురులు నన్ను |
                             రావణుడోసగిన - ఏడాది గడువు
                             రెండు నెలలలో | ఇక తీరిపోవు |
            ప్రాణములను అర | చేత నిల్పుకొని 
             ఎదురుచూతు నీ - రెండు మాసములు |"
                               అని పల్కె సీత - హనుమంతునితో
                               సంపూర్ణమైన - విశ్వాసముతో     .....    ||శ్రీ||