మారుతి సీతతో ;
    5.   "నీవలెనె శ్రీ - రామచంద్రుడు
             నిద్రాహారములు - మరచెనమ్మా |
                             ఫలపుష్పాదులు - ప్రియమైనవిగని
                             హా సీతా ! యని - శోకించునమ్మా |
             నీ జాడ తెలిసి - కోదండపాణి
              తడవు చేయకే - రాగాలడమ్మా |"
                               అని హనుమంతుడు - సీతతో పలికె 
                               అంజలి ఘటించి - చెంతన నిలిచె   ....    ||శ్రీ||
                       __: 36 వ. స. సంపూర్ణము :__
                                   37వ. సర్గ
              సీత హనుమంతునితో ;-
    1.   "రావణు తమ్ముడు - విభీషణుడు
           రాముని కడకు - నన్ను జేర్చుమని |
                           పలికినందులకు - రావణుడలిగి
                          తమ్మునిపై దు | ర్భాషలాడేనని |
          విభీషణు సుత - నలయను కన్యక
          స్వయముగ దెల్పెను - నా కీ వార్త |"
                          అని పల్కె సీత - హనుమంతునితో
                          సంపూర్ణమైన - విశ్వాసముతో     .....    ||శ్రీ|| 
    2.   "ఓ హనుమంతా - నిను గనినంత
            నాలో కలిగె ప్ర | శాంతత కొంత |
                           వానరోత్తమా - నిను వినినంత
                           నే పొందితిని - ఊరట కొంత |
           రాముని వేగమె - రమ్మని దెల్పుము
           రెండు నెలల గడు | పు మరువ బోకుము"
                                అని పల్కె సీత - హనుమంతునితో
                                సంపూర్ణమైన - విశ్వాసముతో     .....    ||శ్రీ|| 
       మారుతి సీతతో ;
    3.   "తల్లీ నీ విటు - శోకింపనేల
            వగచి వగచి ఇటు - భీతిల్ల నేల |
                            ఇపుడే నీ కీ - చెర విడిపింతును
                            కూర్చుండుము నా - మూపు మీదను |
           వచ్చిన త్రోవనే - కొనిపోయెదను
           శ్రీరామునితో - నిను జేర్చేదను |"
                             అని హనుమంతుడు - సీతతో పలికె
                             అంజలి ఘటించి - చెంతన నిలిచె   ....    ||శ్రీ||
      సీత హనుమంతునితో :
    4.   "పోనివ్వక పో | తివిగా హనుమా
            సహజమైన నీ - చెంచల భావము |
                            అరయగ అల్ప శ | రీరుడ వీవు
                            ఏ తీరుగ నను - గోనిపోగలవు |
           రాముని కడకే - నను జేర్చెదవో
           కడలిలోన నే - జారవిడుతువో |"
                             అని పల్కె సీత హనుమంతునితో
                            తనలో కలిగిన - వాత్సల్యముతో   ....    ||శ్రీ||
     5.   సీత పలికిన - మాటల తీరును
            హనుమంతుడు విని - చిన్నబోయేను |
                              సీత చెంత తన - కామరూపమును
                              ప్రదర్శింపగ - సంకల్పించెను |
           కొండంతగ తన - కాయము బెంచెను
           కాంతిమంతుడై - చెంత నిలిచెను |
                            జయ హనుమంతుని - కామరూపమును
                            ఆశ్చర్యముతో - జానకి చూచెను   ....    ||శ్రీ||
    6.   ఎర్రని మోము - ఎర్రని కన్నులు
           వజ్ర దంతములు - వజ్ర నఖములు |
                           పెంచిన కాయము - తేజోమయమై
                           విలసిల్లెను కా | లాగ్ని సదృశమై
           మందర గిరివలె - మహోన్నతమై
           కాంతులెగజిమ్మె - అతి భీకరమై |
                            అనిల కుమారుని - కామరూపమును
                            ఆశ్చర్యముతో - జానకి చూచెను   ....     ||శ్రీ|| 
    సీత మారుతితో :-
    7.   "అద్భుతమౌ నీ - కామరూపమును
            కాంచితినయ్యా | శాంతింపుమయ్యా |
                          పవన కుమారా - నీవు గాక మరి
                          ఎవరీ వారిధి - దాటేదరయ్యా |
            క్రూర రాక్షసుల - కంటబడకయే
            లంక వెదకి నను - కనగలరయ్యా  |"
                             అని పల్కె సీత - హనుమంతునితో
                             సంపూర్ణమైన - విశ్వాసముతో    ....     ||శ్రీ|| 
    8.   "వాయు వేగమున - పోగలిగిన నీ
            మూపుపైన నే - కూర్చుండ గలనా ?
                            ఆకసమంటి - ఎగిరిపోవు నీ
                             మూపు నుండి నే - భయపడి పడనా ?
          జలధి పడినచో - జలచరములు నను
          ప్రీతిగ మ్రింగక - వదలివేయునా ?"
                          అని పల్కె సీత - హనుమంతునితో
                          సంపూర్ణమైన - విశ్వాసముతో    ....     ||శ్రీ||