32వ. సర్గ 
    1.   పవన కుమారుని - భీమ రూపమును
           జానకి జూచి - భీతి జెందెను |
                               హా రామా యని - లక్ష్మణా యని
                                భ్రమ జెంది తూలి - మూర్ఛనొందెను |
           తేరుకొని సీత - తిరిగి చూచెను
           వినమ్రుడై ఆ | ట మారుతి దోచెను |
                               ఇది కలయో నిజ | మో తెలుపుడని
                                బ్రహ్మాదులను - జానకి వేడెను    ..... ||శ్రీ||
                             __: 32 వ. స. సంపూర్ణము :__
                                 33 వ. సర్గ
    మారుతి సీతతో :-
    1.   "తల్లీ! తెల్పుము - నీవు ఎవరవో
            దేవ గంధర్వ - కిన్నరాంగనవో ?
                              కాంతులు మెరసే - బంగరు మేన
                              మలినాంబర మేల - దాల్చితివో ?
           ఓ కమలాక్షి - నీ కనుదోయి
           నీలాలేల - నింపితివో ?"
                            అని హనుమంతుడు - తరువు నుండి దిగి
                             అంజలి ఘటించి | చెంతన నిలిచె    ....   ||శ్రీ||
    2.   "రావణాసురుడు - అపహరించిన
            రాముని సతివో - నీవు సీతవో ?
                               రామలక్ష్మణులు - వనమున వెదకెడు
                               అవనీ జాతవో - నీవు సీతవో ?
            సర్వ సులక్షణ - లక్షిత జాతవు
            తల్లీ తెల్పుము - నీవు ఎవరవో ?"

                               అని హనుమంతుడు - సీతతో పలికె
                               అంజలి ఘటించి | చెంతన నిలిచె    ....   ||శ్రీ||
       సీత మారుతితో :
    3.    "జనక మహీపతి - ప్రియపుత్రికను
             దశరధ మహీపతి - పెద్ద కోడలను |
                                  శ్రీరఘురాముని - ప్రియసతి నేను
                                  సీత యను పేర - వరలు దానను |
            పరిణయమైన - పది రెండేడులు
            అనుభవించితిమి - భోగ వానరేంద్రునితో
                                అని పల్కె సీత - వానరేంద్రునితో
                                రామ కధను కీ | ర్తించిన వానితో   ....   ||శ్రీ||
    4.   "శ్రీరాముని ప | ట్టాభిషేకమును
            తండ్రి దశరధుడు - చేయనెంచెను |
                               చిన్న భార్య కై | క కోరే దశరధుని
                               వెనుకటి వరములు - రెండు తీర్పుమని |
           భరతునకు ప | ట్టాభిషేకము 
           శ్రీరామునకు - వనవాసము | "
                             అని పల్కె సీత - వానరేంద్రునితో
                             రామకధను కీ | ర్తించిన వానితో   ....   ||శ్రీ||
    5.   "పితృవాక్య పరి | పాలుడు రాముడు
             అడవుల కేగె | పడు నాలుగేండ్లు |
                                   రామునితో సౌ | మిత్రియు నేను
                                    వనవాసమునే - కోరుకున్నాము |
             ఆశ్రమమున ఒం | టిగనున్న నన్ను
              రావణాసురుడు - అపహరించెను |"
                                 అని పల్కె సీత - వానరేంద్రునితో
                                 రామకధను కీ | ర్తించిన వానితో   ....   ||శ్రీ||
    6.   "రావణుడోసగిన - ఏడాది గడువు
             రెండు నెలలలో - ఇక తీరిపోవు |
                               రాముడు నన్ను - కాపాడునని
                                వేచి వేచి వే | సారి పోతిని |
            అసురులు నన్ను - చంపక మున్నె
             నాకై నేను - పోనెంచితిని |"
                              అని పల్కె సీత - వానరేంద్రునితో
                               రామకధను కీ | ర్తించిన వానితో   ....   ||శ్రీ||
                                          __: 33 వ. స. సంపూర్ణము :__
                           34 వ. సర్గ 
        మారుతి సీతతో :
    1.   "అమ్మా సీతా ! - నమ్ముము నన్ను
            రాముని దూతగ - వచ్చినాడను |
                              రామలక్ష్మణులు - క్షేమమన్నారు
                               నీ క్షేమమరసి - రమ్మన్నారు |
           రాముడు నీకు - దీవెనలంపె
           సౌమిత్రి నీకు - వందనములిడే | "
                               అని హనుమంతుడు - సీతతో పలికె
                               అంజలి ఘటించి | చెంతన నిలిచె    ....  ||శ్రీ||
    2.   మారుతి ఎంతగ - ముందుకు జరిగెనో
          జానకి అంతగ - అనుమానించెను |
                              రావణాసురుడే - ఈ వానరుడని
                               కామరూపుడై - వచ్చియుండునని |
          ఆశ్రమమున ఒం | టిగనున్న తనను
          వంచించిన స | న్యాసి ఈతడని |
                             తలవాల్చుకొని - భయకంపితయై
                             కటిక నేలపై జానకి తూలె      ....    ||శ్రీ||