కందుకూరి జనార్ధనాష్టకము
సిరులు మించిన పసిమి బంగారు జిలుగు దుప్పటి జారగా
చరణపద్మముమీద దేహము చంద్రకాంతులు దేరగా
మురువు చూపగ వచ్చినావో మోహనాకృతి మీరగా
గరుడవాహన దనుజమర్దన కందుకూరిజనార్దనా! 212
ఆనపెట్టిన రాకపోతివి ఆయెబో అటు మొన్ననూ
పూనిపిలువగా వినకపోతివి పొంచిపోవుచు మొన్ననూ
నేను చూడగ గడచిపోతివి నీటు చేసుకు నిన్న నూ
కానిలేరా! దనుజమర్దన కందుకూరిజనార్దనా! 213
నిన్న రాతిరి చవిక లోపల నీవు చెలి కూడుంటిరా
ఉన్న మార్గము లన్నియును నే నొక తెచేతను వింటిరా
విన్న మాత్రమూ గాదురా నిను వీధిలో కనుగొంటిరా
కన్నులారా దనుజమర్దన కందుకూరిజనార్దనా! 214
బిత్తరంబున మొలక కెంపులు పెదవి నేవ్వతే ఉంచేరా
గుత్తమైన మిటారిగుబ్బలగుమ్మ యెవ్వతె మెచ్చెరా
చిత్తగించక జీరువారను చెక్కి లెవ్వతే నొక్కెరా
కత్తిగోరుల దనుజమర్దన కందుకూరిజనార్దనా! 215
దబ్బులన్నియు తెలుసుకుంటిని తప్పు బాసలు సేయకూ
మబ్బుదేరెడికన్ను గవతో మాటిమాటికి డాయకూ
ఉబ్బుచెసుక తత్తరంబున నొడలి పై చెయి వేయకూ
గబ్బితనమున దనుజమర్దన కందుకూరిజనార్దనా! 216
అండబాయక కూడి యుంటివి ఆయె బోయెను నాటికి
ఖండి మండిపడంగనేటికి కదలు మెప్పటిచోటికి
ఉండరా నీమాటలకు నేనోర్వజాలను మాటికి
గండిదొంగవు దనుజమర్దన కందుకూరిజనార్దనా! 217
ఆలుకలన్నియు దీర నివు నాఅండ కెప్పుడు వస్తివి
పిలిచి నవరత్నాల సొమ్ములు ప్రేమతో నెపుడిస్తివి
వలచి వలపించియును గూరిమి వదల కెప్పుడు మెస్తివి
కలసి వేడుక దనుజమర్దన కందుకూరిజనార్దనా! 218
కొదవ లన్నియు దీర్చుకొంటివి గుణము వేరిగీ శయ్యను
అద నెరిగి నన్నే లితివి విరవాదివూవుల శయ్యను
మదనకేళికి నీవె జాణవు మారుతాపము మాన్పరా
కదియ రారా దనుజమర్దన కందుకూరిజనార్దనా! 219
నయన రగడ (శివ భక్తీ దీపిక )
శ్రీ పార్వతీశుఁ జూడక
పాపాత్ముఁడ నగుచుఁ బోవఁ బధమునఁ జక్షుల్
దీపించు దృష్టి తొలఁగిన
శ్రీపతి నడుగంగఁ గర్త శివుఁడని చెప్పే. 220
శ్రీశైలవల్లభుని శిఖరంబుఁబొడగంటి
కాశీపురాధీశు గౌరీశుఁ బొడగంటి
సర్వలోకేశ్వరుని సర్వేశుఁ బొడగంటి
సర్వసంరక్షకుని సర్వంబుఁ బొడగంటి
పరమాత్ము నీశానుఁ బరమేశుఁ బొడగంటి
పరమ యోగీంద్ర హృత్పదనిలయుఁ బొడగంటి
చంద్రార్క శతకోటి సంకాశుఁ బొడగంటి
చంద్రార్క శిఖినేత్రు శంకరునిఁ బొడగంటి
రూపింపఁ బ్రకటస్వరూపంబుఁ బొడగంటి
నపరంజ్యోతియై యమరుదేవునిఁ గంటి
వేదంబు లీశ్వరుని వినుతింపఁ బొడగంటి
నాదిదేవుఁడు రుద్రుఁడని శ్రుతులఁ బొడగంటి
శ్రుతి 'యేక ఏవ రుద్రో ' యనఁగఁ బొడగంటి
శ్రుతి 'పరంబ్రహ్మ' మని శూలిఁ బల్కు టఁగంటి
ముక్కంటికై శ్రుతుల్ మ్రొక్కఁగాఁ బొడగంటి
ముక్కంటి లీలచే మ్రోయచుండఁగఁ గంటి
భర్గుఁడే తత్పరాత్పరుఁడనఁగఁ బొడగంటి
భర్గుఁ డర్కునీలోనఁ బ్రభ వెలుంగుటఁగంటి
బ్రహ్మాండముల కోట్లు భర్గులోఁ బొడగంటి
బ్రహ్మండ మాలికా భరణభూషితుఁ గంటి
విశ్వరూపబైన విశ్వేశుఁ బొడగంటి
విశ్వచక్షుని విశ్వవేద్యు నభవుని ఁ గంటి'
మూఁడు మూర్తుల కాదిమూర్తి దేవుని గంటి
మూఁడు మూర్తులలోన ముక్కంటిఁ బొడగంటి
నష్టమూర్తుల కీర్తు లమరంగఁ బొడగంటి
నిష్ఠభోగములెల్ల నిచ్చు వేల్పని కంటి
నజ్ఞానతి మిరసంహర సూర్యునిఁ గంటి
సుజ్ఞాన సంశీల సులభ మోక్షముఁ గంటి
నక్షరత్రయరూప మక్షయునిఁ బొడగంటి
దక్షాద్వరధ్వంస ధన్యవేషునిఁ గంటి
విమలాత్ము నాద్యంత విరహితునిఁ బొడగంటిఁ
గమలలోచన నయనకమల పూజితుఁ గంటి''
వృషభెంద్రవాహనుని విషకంఠుఁ బొడగంటి
వృషభధ్వజుండైన వేద వేద్యునిఁ గంటి
ధవళసంకాశంబు దశబాహుఁ బొడగంటి
భవదుఃఖ సంహారుఁ బంచవదనుని గంటి
పురవైరి నందకాసుర వైరిఁ బొడగంటి
కరివైరి గంకాళకరధాముఁ బొడగంటిఁ
గారుణ్య సాగరునిఁ గల్యాణుఁ బొడగంటి
నారాయణప్రియుని నాగకంకణుఁ గంటి
మహినొప్పు శ్రీశైల మహిమ నేఁ బొడగంటి
బహువేదశాస్త్రముల్ వ్రణుతి సేయుటఁ గంటి
భూలోకకైలాస పుర మనఁగఁ బొడగంటి
ఫాలాక్షుఁడచ్చోటఁ బాయకుండుటఁ గంటి
ధృతిఁ దూర్పు మొగసాల త్రిపురాంతకముఁ గంటి
నతులజ్యోతిర్లింగ మట యామ్యమునఁ గంటిఁ
బలు వశ్చిమద్వార బ్రహ్మేశ్వరముఁ గంటి
జెలు వొందు నుత్తర శ్రీమహేశ్వరుఁ గంటి
క్షితి లక్షకోట్లకును శివతీర్ధములు గంటి
చతురొప్పఁ బది కోట్ల శక్తి రూపులఁ గంటి
దివ్యస్థలంబులను దివ్యులను బొడగంటి
దివ్యయోగీంద్రులను దివ్యమహిమలఁ గంటి
రంగొందు పాతాళ గంగ నేఁ బొడగంటి
గంగపాతాళంబు గంగఁ గలియుటఁ గంటి
గంగలోఁ ద్రిజగముల్ గదలకుండుటఁ గంటి
గంగలో సురమునులు గదలకుండుటఁ గంటిఁ
ఋణ్య కుండము లెల్లఁ బొలుపారు నని కంటిఁ
సరి నొప్పు బంగారు శైలంబుఁ బొడగంటి
బరికింప నవరత్న పర్వతంబులు గంటి
నెనసి యోగస్థలము లెల్లచోఁ బొడగంటి
ఘనబిలంబులు గుహలు గహ్వరంబులు గంటి
కామరూపుల గిరులఁ గణఁకతోఁ బొడగంటి
కామరూపుల నున్న కల్పతరువులఁ గంటిఁ
జరపర్వతంబులును జరవృక్షములు గంటి
ధరణిఁ బ్రోద్దోకచాయ తరులు గిరులును గంటి
గిరులు నీడలు లేక క్రిక్కిఱియఁ బొడగంటి
తరులు నీడలు లేక తనరుచుండుటఁ గంటి
నీడ దిరుగని శైలనికరంబుఁ బొడగంటి
నీడ దిరుగని తరులు నియతి నుండుటఁ గంటి
వృక్ష మొక్కటి సర్వ వృక్ష ఫలములు గంటి
వృక్ష మొక్కటి సర్వ వృక్షజాతులు గంటి
నగవక్షి మృగతరులు నాట్యమాడుటఁ గంటి
నగపక్షి మృగతరులు నాథుఁ గొల్పుటఁ గంటి
