24వ. సర్గ
    1.   "సీతా! నీవు - రాముని దలుచుట
            నీకై నీవు క | ష్టాలు కోరుట |
                               అడవుల దిరిగెడు - వల్కలధారి
                               నిను కాపాడ ఏ | మున్నది దారి ?
           ఇంతట రాముని - మరుచుట మేలు
           ఇకపై నిన్ను - రావణుడేలు |"
                              అని బెదరించిరి - రాక్షస వనితలు
                               సీతను వేచిరి - క్రూర కర్మలు ....    ||శ్రీ||
    2.   "మా పలుకులు స | మ్మతింపవేని
            నీ మనసును మ | రల్చు కొనవేని |
                                 నిన్ను హింసించి - వధించెదము
                                 ముక్క ముక్కలుగ - పంచుకొందుము |
            మధువు గ్రోలుచు - ఆరగించెదము
            ఊరగాయవలె - నంచుకొందుము |"
                                అని బెదరించిరి - రాక్షస వనితలు
                                సీతను వేచిరి - క్రూర కర్మలు
                               __: 24 వ. స. సంపూర్ణము :__
                      25 వ. సర్గ
     సీత రాక్షస వనితలతో :-
    1.   "ఓ నిశాచర - వనితల్లారా
           లోక విరుద్ధపు - మాటలికేలా?
                              మేము మానవుల | ము మీరు దానవులు
                               మీ రాజుకు నే - భార్యగా తగను |
          పతియే దైవము - సతికి సర్వము
          చెదరని బంధము - అది మా ధర్మము |"
                              అని పల్కె సీత - దీనస్వరమున
                              రాక్షస వనితల - క్రూర వలయమున .....   ||శ్రీ|| 
    2.   "నను వధింపుడు - మీ శ్రమ తొలగు
           నను భక్షింపుడు - ఆకలి తీరు |
                               నను హింసించి వ | ధించి వేసినను 
                               దశకంఠుని వ | రింప నోల్లను |
          ఏ మాత్రము మీ - మాటలు వినను
          ఏ నాటికి మీ - మాయల బడను" |
                            అని పల్కె సీత - దీనస్వరమున
                            రాక్షస వనితల - క్రూర వలయమున .....   ||శ్రీ|| 
    3.   "ఓ రామా ! ల | క్షణా వినరాదా
             ఈ సీత కధ - కష్టాలే కదా |
                              రావణుండు నను - హరియించినాడు
                              లంకాపురమున - బంధించినాడు |
            క్రూర రాక్షసుల - నియమించినాడు
             అడుగడుగున హిం | సించు చున్నాడు !"
                                 అని శోకించుచు - జానకి తూలెను
                                  రాక్షస వనితల - క్రూర వలయమున .....   ||శ్రీ|| 
    4.   "ఏ పూర్వ పాప - ఫలితమో కాని
             ఈ పాపాత్ముల - పాలబడితిని |
                              లఘుకులోత్తముడు - నను బ్రోవునని
                              వేచి వేచి వే | సారి పోతిని |
            ఎంత కాలమీ | వృధా ప్రయాసము
             ఆత్మహత్యయే - నాకు శరణ్యము |"
                                   అని శోకించుచు - జానకి తూలెను
                                   రాక్షస వనితల - క్రూర వలయమున .....   ||శ్రీ|| 
                         __: 25 వ. స. సంపూర్ణము :__
                    26 వ. సర్గ
    1.   "రావణుడు నాకు - ఒసగిన గడువు
            రెండు నెలలలో - తీరిపోవు |
                              క్రూర రాక్షసులు - ఆపై నన్ను
                              హింసించెదరు - కసి తీరగను |
           ఈ పాపులచే - బలియౌటకన్న
           ఏ విషమోతిని - పోవుట మిన్న |"
                              అని శోకించుచు - జానకి తూలెను
                              రాక్షస వనితల - క్రూర వలయమున .....   ||శ్రీ|| 
                          __: 26 వ. స. సంపూర్ణము :__
                     27వ. సర్గ 
    1.   " ఓ సీతా! నీ | వెంత తెగువరివే
             మాటకు మాట | ఎదురాడగలవే |
                            నిను గోరుకొను - లంకేశ్వరునే
                            కాదన గలిగియు - బ్రతికి యుంటివే |
              ఎంతకు నీవు - మాకు లొంగవని
             వెంటనే బోయి - విన్నవింతు" మని
                             కావలియున్న - రాక్షస వనితలు
                            కొందరు వెడలిరి - రావణుకడకు  .....    ||శ్రీ||
    2.   అందున్న ఒక - వృద్ధరాక్షసి
           తోటి రాక్షసుల - ఆవల ద్రోసి |
                            "కావలెనన్న - నన్ను వధింపుడు
                             సీతను మాత్రము - హింసింపకుడు
           దారుణమైన - కలగంటి నేను
           దానవులకది - ప్రళయం మేను |"
                             అనిదెల్పె త్రిజట - స్వప్న వృత్తాంతము
                              భయకంపితలై | రి రాక్షసీ గణము  .....  ||శ్రీ||