3.   "నను పతిగా వ | రింపని నిన్ను
             పాకశాలలో - తరిగించెదను |
                                   రుచులు రుచులుగా - వండించెదను
                                   నోరూరగ విం | దారగించెదను 
             నాతో సుఖమో - లేక మరణమో
              కోరుకొనుము నీ | కేది మోదమో |"
                              అని గర్జించెను - ఘనతరగాత్రుడు
                              క్రోధోద్దీప్తుడై - దశకంఠుడు         ...    ||శ్రీ||
    4.   రావణుడాడిన - కఠీనోక్తులు విని
           రాణులందరు - నివ్వెరబోయిరి |
                             దేవగంధర్వ - కాంతలెందరో
                             తమలోతాము - భీతి జెందిరి |
           కను సైగలతో - ముఖభంగులతో
            వైదేహినెంతో - ఊరడించిరి |
                               | శోభిల్లు శింశుపా - శాఖలందున
                                మంటల గ్రక్కుచు - మారుతి గాంచెను ....    ||శ్రీ||
     సీత రావణునితో :-
    5.   "ఓ రావణా! నీ - క్రోవ్విన నాలుక
             గిజగిజలాడి - తెగిపడదేమి ?
                                కామాంధుడా ! నీ - క్రూర నేత్రములు
                                గిరగిర తిరిగి - రాలిపడవేమి ?
             పతి ఆజ్ఞ లేక - ఇటులుంటిగాని
              తృటిలో నిన్ను ద | హింపనా ఏమి ?"
                                 అని పల్కె సీత - దివ్య స్వరమున
                                 తృణముకన్న రా | వణుడే హీనమన .....    ||శ్రీ||
    6.   క్రోధాగ్ని రగుల - రుసరుసలాడుచు
           కొరకొర జూచుచు - నిప్పులు గ్రక్కుచు |
                               తన కాంతలెల్ల - కలవర మొందగ
                              గర్జన చేయుచు - దిక్కులదరగ |
           సీత నెటులైన - ఒప్పించుడని
           ఒప్పుకొననిచో - భక్షించుడని |
                              రావణాసురుడు - ఆజ్ఞాపించెను
                              కావలియుండిన - అసుర వనితలను    ....    ||శ్రీ||
    7.   శృతిమించి పలుకు - లంకేశుని గని
            ధాన్య మాలిని - పతిని జేరుకొని
                                కోరకయున్న - సీత యెందుకని
                                 కోరికయున్న - తనను బొందుమని |
            వలపు లొలుకగా - పలుకులు పలికి
            తెలివిగ పతిని - మరలించుకొని |
                                సతులందరితో - వెడలెను హాయిగ
                                దివ్య భవనము - సుఖముల దేలగ  ....    ||శ్రీ||
                            __: 22 వ. స. సంపూర్ణము :__
                       23వ. సర్గ
      రాక్షస వనితలు సీతతో :_
    1.   "చతుర్ముఖ బ్ర | హ్మ మానస పుత్రుడు
            చతుర్ధ ప్రజా | పతి పులస్త్యుడు |
                            పులస్త్యుని సుతు | డు విశ్రవసుడు
                             తేజోవంతుడు - ఋషి సత్తముడు |
           విశ్రవసుని సుతు | డు రావణుండు
           మహాబాహుడు - దశకంఠుడు |
                              అంతటి యశో వి | శాలుని గొను" మని
                              రాక్షస వనితలు - వేచిరి సీతను   ....   ||శ్రీ||
    2.   "దేవేంద్రాదులు - దిక్పాలకులు
            లంకేశునాన - మీరజాలరు |
                              సూర్యుడు తగుసరి - ఎండగాయును
                             వాయు మెల్లగ - చల్లగ వీచును |
          వరుణుడడలి స | మ వృష్టి నొసగును
          ఋతువులు నిత్య వ | సంతములీనును |
                                 అంతటి యశో వి | శాలుని గొను" మని
                                 రాక్షస వనితలు - వేచిరి సీతను   ....   ||శ్రీ||
    3.   "రాణులందరిలో | మహారాణిగ |
             రాణింపుము లం | కేశుని రాణిగ |
                                  మండోదరి క | న్న నిన్ను మిన్నగ
                                 రాక్షసేంద్రుడు - ప్రేమించునుగ |
            దశకంఠుడు నిను ప్రియతమ భార్యగ
             భావించుటయే - నీ భాగ్యముగ |
                                   అంతటి యశో వి | శాలుని గొను" మని
                                    రాక్షస వనితలు - వేచిరి సీతను   ....   ||శ్రీ||
                     __: 23 వ. స. సంపూర్ణము :__