"కూర్చో నరేంద్రా!" అంది తియ్యగహా మళ్ళీ.

    ఈ ప్రపంచంలో  అస్త్రశాస్త్రాలతో పడగొట్టలేని మగాడ్ని ఒక ఆడది  కంటిచూపుతో పడేయగలదనడానికి  నిదర్శనం నాగమణి.

    ఆమెకి కొంచెందూరంలో సోఫాలో కూర్చున్నాడు. మంచంమీద కూర్చోమంటే బాగుండుననిపిస్తోంది.

    ఆమె పక్కనే తను కూర్చోగలడా? అలాంటి అవకాశం ఈ జన్మలో దొరుకుతుందా?

    అతను మనసుని స్వాధీనపరచుకుని ధైర్యాన్ని కూడదీసుకుంటున్నాడు.

    ఆమె బాస్ భార్య.

    కానీ బాస్ కి ఆమెపైన అనుమానం.

    ఇప్పటికే ఆమె గురించి తను కొన్ని వివరాలు సేకరించాడు. ఆ వివరాలు చాలేమో ఆమె నోరు మూయించడానికి.

    కానీ....

    ఆడవాళ్లని బెదిరిస్తే లాభం వుండదు.  లాలించాలి. వాళ్ళ మాట వినాలి. వాళ్లని చూడకుండా వుండలేకపోతున్నట్టు నటించాలి. అవసరం వున్నాలేకపోయినా ఒకటికి నాలుగుసార్లు ఎదురుపడాలి.  పలకరించాలి. వాళ్ళకి నచ్చేలా మాట్లాడాలి. అప్పుడే కొమ్ములు తిరిగిన ఆడది కూడా మగాడికి కత్తిపీటకి గుమ్మడికాయ  దొరికినట్టు దొరుకుతుంది. ఒక్కసారి అధికారాన్ని సంపాదించుకోగలిగితే ఆడది కుక్కిన పేనవుతుంది.  ఇవన్నీ ఏదో శాస్త్రంలో చదివాడు నరేంద్ర.

       
    "ఎలా వుంది పని?"

    ఆమె గొంతులో లాలితనం.... వెర్రెక్కించేంత మధురంగా వుంది.

     ఆమె శరీరంపైనుంచి వస్తున్న పరిమళాలకే అతనికి స్పృహ తప్పుతున్నట్టుగా వుంది.
 
     చిన్నగా నవ్విందామె.

    ఆ నవ్వు రతీదేవి నవ్వులా వుంది.

    ఆమె మంచంమీంచి లేచి నించుంది.

    ఆమె తనని దివ్యలోకాల్లో విహరింపచేయబోతుందా అన్న ఆశ.

    జి. కె. ముసలి వెధవ.

    ఆమెకన్నా వయసులో ముప్పైఏళ్లు పెద్ద. ఆమెని శృతిచేయగల శక్తి వుంటుందన్న నమ్మకం అతనికి లేదు.

    ఆమె తనని ఎన్నుకోవడంలో కారణం అదేనా?

    అదే నిజమైతే తన పంట పండినట్టే!

    ఆమె మెల్లగా హంసలా నడుస్తూ గుమ్మంవేపు నడుస్తుంటే అతను పెదిమల్ని  తడిచేసుకున్నాడు.
    ఆమె ధరించిన  ట్రాన్స్ పరెంట్ నైటీ మధ్యలోకి రెండుగా చీలుతోంది. ఆ  మధ్య  ఏర్పడుతోన్న కాళీలోంచి ఆమె నున్నని తొడలు బంగారు స్థంభాల్లా... దివ్య దర్శనం చేస్తున్నాయి.

    ఆమె తలుపు దగ్గరగా వేసి అతని దగ్గరికి వచ్చింది.

    తన పంట పండింది అనుకున్నాడు నరేంద్ర.

    ఆమె  అతనిముందుకొచ్చి నించుని.