అది చూసిన చామరుడు మహాశక్తిపై శక్త్యాయుధాన్ని ప్రయోగించాడు. ఒక్క హుంకారంతోనే జగదంబ దానిని నేలపాలు చేసింది. దానితో చామరుడు శూలాస్త్రాన్ని ప్రయోగించగా శ్రీదేవి శరప్రహారంతో దానిని మధ్య మార్గంలోనే రెండుగా ఖండించివేసింది. అనంతరం శ్రీదేవి వాహనమైన సింహం గజారూఢుడై యున్న చామరుని మీదికి దూకి తలపడింది. అలా యుద్ధం సాగుతుండగా చామరాసురుడు సింహంతో పాటు నేలమీద కురికాడు. సింహం భయంకర గర్జనలు చేస్తూ గాయపరచింది. ఒక్కసారిగా పైకి ఎగిరి చామరుని శిరస్సును నోట కరచుకుంది.