TeluguOne Services
Copyright © 2000 - , TeluguOne Sahityam - All rights reserved.
మార్పుకు నాంది మహిళ
అప్పడు భారత దేశంలో
భార్యగా త్యాగం,
తల్లిగా అనురాగం,
ఆడ జన్మ పవిత్రం,
అయినా తప్పలేదు కష్టాలు,
******************************
వరకట్నానికి బలికాకుండా,
కిరోసేన్ అగ్నికి ఆహుతి కాకుండా,
ఫ్యాను కడ్డీలను ఆశ్రయించకుండా,
బతికేదెలా అని భయపడ్డది ఆడ బ్రతుకు .
************************************
ఇప్పుడు
ఆసిడ్ దాడులతో,
ప్రేమపిచ్చి ఆవేశాలతో,
కామ పిశాచుల కోరికలతో,
రాజధాని నడి బొడ్డున పరాభావింప బడ్డాక,
వూరుకోకు మహిళా
ఎందుకంటే
శిక్షలు ప్రభుత్వానివే అయినా
క్రమశిక్షణ ఎప్పుడూ తల్లిదే.
*********************************
ప్రేమా అనురాగాలూ అణుబాంబు కన్నా శక్తిమంతాలు.
అనురాగ మూర్తిగా చేతన కలిగించు
అపర శక్తివై చైతన్యం తెప్పించు,
ఇది చెయ్యగలిగేది ఒక్క ఆడదే ,
అత్యంత శక్తి స్వరూపిణి ఆడది,
అబల కాదు సబల అని నిరూపించేది
సంఘం లో మార్పుకు పునాది వేసేది మహిళే !
రచన- లక్ష్మి రాఘవ