Publish Date:Feb 16, 2017

LATEST NEWS
February 21st or "Ekushey" is celebrated as International Mother Language Day to promote awareness of linguistic and cultural diversity and multilingualism. Languages are the most powerful instruments of preserving and developing our tangible and intangible heritage. The date Feb 21st corresponds to the day in 1952 when students from the University of Dhaka, Jagannath College and Dhaka Medical College, demonstrating for the recognition of Bengali as one of the two national languages of East Pakistan, were brutally shot dead by police -then under Pakistan government, near the Dhaka High Court in the capital of present-day Bangladesh. Ironically while Bengalis of East Pakistan (now Bangladesh) fought and resisted Urdu, Government of West Bengal is now aggressively promoting Urdu. Poignantly, Bengalis of West Bengal have no clue any more of their Mother Language or heritage or history.
Reliance Industries Chairman Mukesh Ambani today proclaimed that his telecom venture Jio has crossed a customer base of 100 million in just 170 days. “This momentous achievement belongs to every member of the Jio community. We are humbled by the enormous trust placed on us by our customers,” Ambani said. India is now the no.1 in world for Mobile internet usage. Jio carries 5.5 crore hours of video daily on its network, as announced by Ambani who stated, “We are making our network stronger and faster with every passing day.” More than 200 crore minutes of voice and video calls are being made every day on Jio. Seven customers added every single second since launch.  “There has been comprehensive process of monitoring of all telecom plans by competitors. We will not just match the competitor plan but give 20% more value to each of the competitor plan. Jio Prime Members can get this at an introductory price of only Rs 303/month, effectively just Rs 10/day. Jio Prime Members can continue enjoying the unlimited benefits of Jio NEW YEAR offer until 31st March, 2018,” detailed Ambani.
Cine actor and Jana Sena Party President Pawan Kalyan was chief guest for ‘Chenetha Ikya Garjana - Satyagraham’ organised by the Andhra Pradesh Padmashali Sadhikarika Sangham at Bible Mission Compound near Guntur city on Monday. While speaking at the event, Pawan stated that he will contest in 2019 elections and Jana Sena Party will support weavers community. Expressing concern over the dire straits of the weaving community, Pawan Kalyan, who was wearing a light-coloured Khadi kurta and pyjama, called upon people to wear handloom clothes at least once in a week. "I have not come to politics for power, but for social transformation. I will always stand by the oppressed, suppressed and neglected. I will definitely contest elections and Jana Sena Party will always support weavers community,” he said. Pointing out at the red towel he wore around his neck, Pawan said it was symbol of common man with no caste, creed or religion.  He claimed that he is promoting handloom products and not cool drinks or other commercial products because it gives him utmost satisfaction. Pawan Kalyan's announcement is in tune with the demand of weavers associations for political representation.
ALSO ON TELUGUONE N E W S
స్టార్ హీరోలకు ఏమాత్రం తీసిపోని స్టైలిష్ లుక్స్, మేనరిజమ్స్ తో బుల్లితెర ప్రేక్షకులను గత కొంతకాలంగా విశేషంగా అలరిస్తున్న రవి అలియాస్  యాంకర్ రవి అతి త్వరలో వెండితెరపై కథానాయకుడిగా పరిచయం కానున్నాడు.  మత్స్య క్రియేషన్స్ పతాకంపై యంగ్ టాలెంట్ అయోధ్య కార్తీక్ దర్శకుడిగా పరిచయమవుతూ తెరకెక్కిస్తున్న ఓ ఫీల్ గుడ్ లవ్ ఎంటర్ టైనర్ ద్వారా యాంకర్ రవి హీరోగా ఇంట్రడ్యూస్ అవుతున్నాడు.  "ఇది మా ప్రేమ కథ" అనే టైటిల్ నిర్ణయించబడిన ఈ చిత్రానికి "1>99" (1 ఈజ్ గ్రేటర్ దేన్ 99) అనేది ట్యాగ్ లైన్. కార్తీక్ కొడకండ్ల సంగీత సారధ్యం వహిస్తున్న ఈ చిత్రం షూటింగ్ మొత్తం పూర్తి చేసుకొని ప్రస్తుతం పోస్ట్ ప్రొడక్షన్ కార్యక్రమాలు జరుపుకుంటోంది.  రవి సరసన ఇద్దరు అందాల భామలు నటించిన ఈ చిత్రాన్ని వేసవి కానుకగా ఏప్రిల్ లో విడుదల చేసేందుకు సన్నాహాలు చేస్తున్నారు. ఈ చిత్రంలోని రవి ఫస్ట్ లుక్ ను ఓ ప్రముఖ సెలబ్రిటీ ఆన్ లైన్ లో విడుదల చేస్తారు. 
దువ్వాడ జ‌గ‌న్నాథ‌మ్ సినిమాలో అల్లు అర్జున్ సంప్ర‌దాయ బ్రాహ్మ‌ణుడిగా క‌నిపించ‌బోతున్నాడ‌న‌గానే.. ఆ సినిమాని అదుర్స్ తో పోల్చ‌డం మొద‌లెట్టారు సినీ అభిమానులు. అదుర్స్‌లో ఎన్టీఆర్ కూడా బ్రాహ్మ‌ణుడిగానే క‌నిపించాడు. అందులో చారి పాత్ర‌లో అద‌ర‌గొట్టాడు. అదుర్స్ విజ‌యంలో ఎన్టీఆర్ క‌ట్టూ బొట్టూ, అత‌ని మాట తీరు కీల‌క పాత్ర పోషించాయి. ఆ త‌ర‌హా పాత్ర ఎన్టీఆర్ త‌ప్ప ఎవ్వ‌రూ చేయ‌లేర‌న్నంత‌గా పేరు తెచ్చుకొన్నాడు ఎన్టీఆర్‌. అయితే అదే త‌ర‌హా క్యారెక్ట‌ర్‌ని ట‌చ్ చేసే ధైర్యం చేశాడు అల్లు అర్జున్. దువ్వాడ జ‌గ‌న్నాథ‌మ్‌లో బ‌న్నీ బ్రాహ్మ‌ణుడిగా క‌నిపిస్తున్నాడ‌న్న సంగ‌తి తెలియ‌గానే ఆ పాత్ర‌లో ఎన్టీఆర్ బెస్టా??  బ‌న్నీ బెస్టా??  అనే పోలిక‌లు మొద‌ల‌య్యాయి. ఫ‌స్ట్ లుక్‌తో అద‌ర‌గొట్టాడు బ‌న్నీ. అయితే... టీజ‌ర్‌లో మాత్రం ఎన్టీఆర్ ద‌రిదాపుల్లోకి కూడా బ‌న్నీ వెళ్ల‌లేక‌పోయాడు. చారి బ్రాహ్మ‌ణ యువ‌కుల పాత్ర‌కు ఓ ట్రేడ్ మార్క్‌గా నిలిచింది. అదే త‌ర‌హా పాత్ర పోషిస్తున్నప్పుడు స‌మ్ థింగ్ స్పెష‌ల్ చూపించాల్సింది. కానీ... బ‌న్నీ క‌ట్టూ బొట్టూ, డైలాగ్ డెలివ‌రీ.. అంతంత మాత్రంగానే అనిపించాయి. బ్రాహ్మ‌ణ స్లాంగ్‌ని ప‌ట్టుకోవ‌డంలో బ‌న్నీ ఫెయిల్ అయ్యాడ‌ని సినీ విశ్లేష‌కులు తేల్చేశారు. సినిమా అంతా.. ఇదే త‌ర‌హాలో ఉంటే అది దువ్వాడ రిజ‌ల్ట్‌పై విప‌రీత‌మైన ప్ర‌భావం చూపించే అవ‌కాశం ఉంది. సినిమాలో అయినా.. దీనికంటే బెట‌ర్ మెంట్ చూపించ‌గ‌ల‌డో లేదో చూడాలి. 
బుల్లితెర ప్రేక్షకులను అలరిస్తున్న బిత్తిరి సత్తి అంటే తెలియనివారుండరని చెప్పడంలో ఎటువంటి అతిశయోక్తి లేదు. అనతికాలంలోనే యాంకర్ గా విశేషమైన పాపులారిటీ దక్కించుకొన్న బిత్తిరి సత్తి ఈమధ్య సినిమాల్లోనూ కనిపిస్తూ అలరిస్తున్నాడు. నిన్న విడుదలైన "విన్నర్"లో బిత్తిరి సత్తిది చిన్న పాత్రే అయినా ఉన్నంతలో తనదైన శైలిలో ప్రేక్షకులను కడుపుబ్బ నవ్వించాడు బిత్తిరిసత్తి. త్వరలో గోపీచంద్ హీరోగా సంపత్ నంది దర్శకత్వంలో తెరకెక్కుతున్న స్టైలిష్ యాక్షన్ ఎంటర్ టైనర్ "గౌతమ్ నంద"లో ఫుల్ లెంగ్త్ కామెడీ రోల్ లో కనిపించనున్నాడు. ఇది కాకుండా ఎన్.శంకర్-సునీల్ ల కాంబినేషన్ లో తెరకెక్కుతున్న సినిమా, జయంత్ సి.పరాన్జీ దర్శకత్వంలో మినిస్టర్ గంటా శ్రీనివాస్ తనయుడు గంటా రవితేజ కథానాయకుడిగా పరిచయమవుతూ తెరకెక్కుతోన్న చిత్రం మరియు రానా-తేజ కాంబినేషన్ లో రూపొందుతున్న చిత్రంలోనూ బిత్తిరి సత్తి కీలకపాత్ర పోషిస్తున్నాడు. ఇవి కాకుండా ఇంకొన్ని చిత్రాల్లోనూ నటించేందుకు సన్నద్ధమవుతున్నాడు. చూస్తుంటే.. తెలుగు చిత్రసీమకు బిత్తిరి సత్తి రూపంలో మరో బ్రహ్మాండమైన కమెడియన్ దొరికినట్లే!
ట్రెండ్ ఫాలో అవ్వ‌ను.. సెట్ చేస్తా.. అనేది ప‌వ‌న్ క‌ల్యాణ్ ప‌వ‌ర్ ఫుల్ డైలాగ్‌. అది నిజం కూడా.  ప‌వ‌న్ సినిమాలు రెగ్యుల‌ర్‌గా ఉండ‌వు. ఒక‌వేళ రొటీన్ క‌థా క‌థ‌నాల‌తో వ‌చ్చినా.. ఏదో ఓ మ్యాజిక్ చేసి క్రియేటివిటీ జోడించేస్తుంటాడు. అందుకే టాలీవుడ్‌లో నెంబ‌ర్ వ‌న్ హీరో!  సూప‌ర్ స్టార్ మ‌హేష్ బాబుకి పోటీ ఇవ్వ‌గ‌లిగిన ఏకైక న‌టుడు. ప‌వ‌న్ సినిమా హిట్ కాన‌వస‌రం లేదు. క‌నీసం యావ‌రేజ్ గా నిల‌బ‌డినా కాసుల వ‌ర్షం కురుస్తుంది. అత్తారింటికి దారేదితో టాలీవుడ్‌కి తొలి వంద కోట్ల సినిమా అందించాడు పవర్ స్టార్. అసలు ప‌వ‌న్ ట్రెండ్ సెట్ట‌ర్ ఎందుక‌య్యాడు అని చెప్ప‌డానికి బోలెడ‌న్ని ఉదాహ‌ర‌ణ‌లున్నాయి. అందులో కొన్ని మీకు మ‌ళ్లీ ఓ సారి గుర్తు చేస్తున్నామంతే!   త‌న తొలి సినిమా అక్క‌డ అమ్మాయి-ఇక్క‌డ అబ్బాయితో త‌న‌లోని మార్ష‌ల్ ఆర్ట్స్ విద్య‌ని పూర్తి స్థాయిలో ప్ర‌ద‌ర్శించిన హీరో ప‌వ‌న్‌. అప్ప‌టి వ‌ర‌కూ అలాంటి విన్యాసాలు టాలీవుడ్ ప్రేక్ష‌కులు చూడ‌లేదు.   ప‌వ‌న్ క‌ల్యాణ్ ఫాలోయింగ్‌ని యూత్‌లో అమాంతంగా పెంచేసిన సినిమా తొలి ప్రేమ‌. ఇందులో పాట‌ల‌న్నీ హిట్టే. అయితే.. హీరో, హీరోయిన్ల మ‌ధ్య ఒక్క‌టంటే ఒక్క డ్యూయెట్ కూడా ఉండ‌దు. హీరో హీరోయిన్ల‌పై డ్యూయెట్ లేకుండా తీసిన ఏకైక తెలుగు ల‌వ్ స్టోరీ ఇదే.    ప‌వ‌న్‌ని స్టార్‌ని చేసేసిన సినిమా బ‌ద్రి. ఈ సినిమాలో ఫైట్లు... అప్ప‌ట్లో ఓ సన్సేష‌న్‌. హీరో అంటే.. చొక్కాలు చిరిగిపోయేలా ఫైట్లు చేయాల‌న్న రూల్‌ని ప‌క్క‌న పెట్టి, క్లాసీ ఫైట్స్ రుచి చూపించాడు ప‌వ‌న్‌.   ఓ తెలుగు సినిమాలో ఇంగ్లీష్ పాట‌నీ, హిందీ పాట‌నీ ఊహిస్తారా??  త‌మ్ముడులో లుక్ ఎట్ ద ఫేస్  అనే పాట ఓ ట్రెండ్ సెట్ట‌ర్ అయ్యింది. అదో ఇంగ్లీష్ గీతం. ఖుషీలో ఏ మేరా జ‌హా.. అనే హిందీ పాట వినిపిస్తుంది. ఇవి రెండూ తెలుగు పాట‌లుగానే చ‌లామ‌ణి అయ్యాయి. అదీ ప‌వ‌ర్ స్టార్ అంటే.    ప‌వ‌న్ నుంచి వ‌చ్చిన మ‌రో ల‌వ్ స్టోరీ.. ఖుషీ. ఈ సినిమాలో విల‌నే లేడు. హీరో హీరోయిన్ల మ‌ధ్య ఈగో అనే కాన్సెప్ట్‌నే విల‌న్‌గా చూపించారు. ల‌వ్ స్టోరీల్లో ఇదో కొత్త ట్రెండ్‌.  దాన్ని ఎవ్వ‌రూ ఫాలో అవ్వ‌లేక‌పోయారు.   ప‌వ‌న్ ఓ టాప్ స్టార్‌. సాధార‌ణంగా స్టార్ల సినిమాలో ఇద్ద‌రు ముగ్గురు హీరోయిన్లు ఉంటారు. కానీ హీరోయిన్ లేకుండానే సినిమా చేసేసిన స్టార్ ప‌వ‌న్‌. బంగారం సినిమా చూశారా..  అందులో ప‌వ‌న్ ప‌క్క‌న హీరోయిన్ ఉండ‌దు. కేవ‌లం క‌థ‌ని నమ్ముకొని ప్ర‌యాణం సాగిస్తేనే ఇలాంటి ఆలోచ‌న‌లు వ‌స్తాయి.   టాలీవుడ్‌ బ్లాక్ బ్ల‌స్ట‌ర్ సినిమాల్లో అత్తారింటికి దారేది ఒక‌టి. జాగ్ర‌త్త‌గా గ‌మ‌నిస్తే... ఈ సినిమాలో విల‌న్ అంటూ ఎవ్వ‌రూ ఉండ‌రు.  కేవ‌లం డైలాగుల‌తో ప‌ది నిమిషాల క్లైమాక్స్ న‌డిపే సాహ‌సం చేశాడు ప‌వ‌న్ క‌ల్యాణ్‌. ఓ టాప్ స్టార్ సినిమాకి ఎమోష‌న‌ల్ ట‌చ్ ఇస్తూ క్లైమాక్స్ రావ‌డం.. ఇదే తొలిసారి.   అత్తారింటికి దారేది ఇంట్ర‌వెల్ బ్యాంగ్ కూడా చాలా సాదా సీదాగా ఉంటుంది. అక్క‌డో ట్విస్టూ, సినిమాటిక్ మ‌లుపు.. ఏమీ ఉండ‌దు. కానీ.. అది సూప‌ర్ డూప‌ర్ హిట్ అయ్యింది. ఇలా ఒక‌టా రెండా?  ప‌వ‌న్ ట్రెండ్ సెట్ట‌ర్ అని చెప్ప‌డానికి బోల్డ‌న్ని కార‌ణాలు. అందుకే ప‌వ‌న్ అంటే అంత క్రేజూ.. అంత మోజూ...! 
ఈమ‌ధ్య చిత్ర‌సీమ‌ని వివాదాలూ, కేసులూ ఉక్కిరి బిక్కిరి చేస్తున్నాయి. ప్ర‌తీ రోజూ..  ఏదో ఓ రూపంలో చీక‌టి కోణం బ‌య‌ట‌ప‌డుతూనే ఉంది. తాజాగా ఓ యువ నిర్మాత‌పై అమ్మాయిల్ని వేధిస్తున్నాడ‌న్న అభియోగంతో కేసు న‌మోదైంది. సింహా, నా ఇష్టం లాంటి సినిమాల్ని రూపొందించారు ప‌రుచూరి ప్ర‌సాద్‌. ఆయ‌న త‌న‌యుడు ప‌రుచూరి కిరీటీ కూడా నిర్మాతే. తాజాగా సునీల్ తో ఉంగ‌రాల రాంబాబు అనే సినిమాని తెర‌కెక్కిస్తున్నారు. ఇప్పుడు ప‌రుచూరి కిరీటిపై కేసు న‌మోదైంది. గ‌త మూడు నాలుగు రోజులుగా జూబ్లిహిల్స్, ఫిల్మ్ న‌గ‌ర్ వీధుల్లో నిర్ల‌క్ష్యంగా, అతివేగంగా  న‌డుపుతున్నాడ‌ని పోలీసులు గుర్తించారు. దాంతో పాటు.. ఓ ఉన్న‌తాధికారి కుటుంబానికి చెందిన అమ్మాయి వెంట ప‌డుతున్నాడ‌న్న అభియోగం కూడా ఉంది. ఈ విష‌యంపై కిరీటిని పోలీసులు ప్ర‌శ్నిస్తే షాకింగ్ ఆన్స‌ర్ ఇచ్చాడ‌ట‌. కారులో పోకోమెన్ ఆట ఆడుతున్నాన‌ని, అందుకే వేగంగా వెళ్తున్నాన‌ని చెప్పాడ‌ట‌. ఆట ఆడుతూ కారు న‌డ‌ప‌డం ఏమిటి??  ఇది మ‌రీ దారుణం. అందుకే పోలీసులు ఈ కేసుని సీరియ‌స్ గా తీసుకొన్నార‌ని తెలుస్తోంది. 
  రన్నింగ్ బస్ ఎక్కటం వచ్చిన వారు ఏం చేస్తుంటారు? ఎదురుగా ఏ బస్ కనిపిస్తే దాంట్లో అమాంతం ఎక్కేస్తుంటారు. మళ్లీ అందులోంచి దూకి ఇంకో దాంట్లో ఎక్కేస్తుంటారు! రాను రాను రాజకీయ నాయకుల పరిస్థితి కూడా రన్నింగ్ బస్ ఎక్కే ఫుట్ బోర్డ్ బాపతు ప్రయాణికుల్లా తయారవుతోంది! మరీ ముఖ్యంగా, రెండు తెలుగు రాష్ట్రాలు ఏర్పడ్డాక ఏ నేతని చూసినా అధికారం పక్షం అనే బస్సు వైపే దృష్టి పెడుతున్నారు. పరుగెత్తికెళ్లి రన్నింగ్ బస్ ఎక్కేసినట్టు ఎక్కేస్తున్నారు. ఆనం సోదరులు కూడా ఈ కోవలోకే వస్తారు...   వైఎస్ హయాంలో మొదలు కిరణ్ కుమార్ రెడ్డి వరకూ పదేళ్ల కాంగ్రెస్ పాలనలో ఒక వెలుగు వెలిగారు ఆనం బ్రదర్స్. సమైక్య రాష్ట్రంలో నెల్లూరు అంటే ఆనం వారిదేనన్న ఫీలింగ్ కలిగింది అందరికీ. అయితే, తెలంగాణ రాష్ట్రం ఇచ్చిన సోనియమ్మ ఆంధ్రాలో కాంగ్రెస్ ను మళ్లీ పుట్టగతులు లేకుండా పూడ్చి పెట్టేసుకుంది. ఆ ఎఫెక్ట్ ఆనం రామనారాయణ రెడ్డి, ఆనం వివేకానంద రెడ్డి మీద కూడా పడింది! ఎన్నికల్లో గెలుపు లేక, చేతిలో పదవుల్లేక, ఏం చేయాలన్నా అధికారం లేక... అసలు ఏపీలో తమ కాంగ్రెస్ పార్టీయే లేక ఆనం వారు ఆగమాగం అయిపోయారు. చివరకు, అనేక తర్జనభర్జనల తరువాత టీడీపీలోకి జంప్ కొట్టారు. వీళ్లలా చాలా మందే అధికార పక్షంలోకి వచ్చారు నవ్యాంధ్రలో. కాని, కాంగ్రెస్ లో నెల్లూరు మారాజుల్లా బతికిన ఆనం సోదరులకి టీడీపీలో అడ్జెస్ట్ అవ్వటం కష్టంగానే వుందట! ఎంతగా అంటే, వివేకానంద రెడ్డి కంటతడి పెట్టుకునేంతగా!   అధికారంలో వున్న టీడీపీ పుల్ స్పీడ్ తో పరుగెడుతుంటే రన్నింగ్ బస్ ఎక్కేసిన ఆనం బ్రదర్స్ ఇప్పుడు ఎలాంటి పవర్స్ లేక తల్లడిల్లిపోతున్నారని టాక్. చంద్రబాబు ఆనం వార్ని పార్టీలోకి అయితే తీసుకున్నారుగాని వారికి కీలకమైన బాధ్యతలు అప్పజెప్పిందీ ఏమీ లేదు. చివరకు, వివేకానంద రెడ్డికి ఎమ్మెల్సీ పదవి ఇస్తామని ఆయన గతంలో ఇచ్చిన మాట కూడా నిజమయ్యే పరిస్థితి లేదట. గత ప్రభుత్వాల కాలంలో క్యాబినేట్లో సత్తా చాటిన వారికి ఇప్పుడు ఎమ్మెల్సీ కూడా అందీ అందక ఊరించటం... నిజంగానే నిస్పృహకు కారణం అవుతుంది. అది అర్థం చేసుకోవచ్చు!   ఎమ్మెల్సీ రానందుకు వివేకానంద రెడ్డి తన వారి వద్ద కంటతడి పెట్టుకున్నా పెట్టుకోకపోయినా... పార్టీలు చకచకా మారిపోయే లీడర్లందరూ ఒక్క విషయం గుర్తు పెట్టుకోవాలి. కొత్త పార్టీలో చేరటం అంత ఈజీ కాదు అక్కడ అప్పటికే వున్న వారితో అడ్జెస్ట్ కావటం!
పాకిస్తాన్ లో ప్రజాస్వామ్య ప్రభుత్వం వుంది. కాకపోతే, అది నేతి బీరకాయలో నేతిలాగా ఉండీ లేనట్టుగానే వుంటుంది! అదే... ఆ దేశానికీ, పక్క దేశాలకీ కూడా అతి పెద్ద ప్రమాదం. మరీ ముఖ్యంగా, భారతదేశానికి. అక్కడ ఉగ్రవాదులు వుంటారనేది పెద్ద ఆశ్చర్యకర విషయమూ, ఆందోళనకర విషయమూ కాదు. ఇండియా నుంచీ అమెరికా దాకా అన్ని దేశాలకూ తెలిసిన సత్యమే. కాని, పాక్ లో ఒక ఉగ్రవాద నాయకుడికి ఎంత బలము, గౌరవము, పట్టు వుంటాయో తాజాగా తెలిసిపోయింది. ఆ దేశంలో వారి రక్షణ మంత్రి కంటే కూడా ఒక కరుడుగట్టిన ఉగ్రవాదికి ఎక్కువ విలువ!     ప్రపంచ వ్యాప్తంగా ఇస్లామిక్ ఉగ్రవాదానికి ప్రధాన కేంద్రం పాకిస్తాన్. సిరియా, ఇరాక్ లాంటి దేశాలలో ఐసిస్ వికృతమైన హింసకు పాల్పడుతుండవచ్చు. కాని, పాకిస్తాన్ లో జరుగుతున్నంత కుట్ర మాత్రం మరెక్కడా జరగటం లేదు. దేశదేశాల్లో ఉగ్రవాదానికి మూలాలన్నీ పాక్ లో వుంటాయి. ఎందుకంటే,అక్కడ అధికారికంగా ప్రజల చేత ఎన్నుకోబడ్డ ప్రభుత్వమే ఉగ్రవాద నేతలకి దాసోహం అంటుంది. సకల సౌకర్యాలు కల్పించి ప్రపంచాన్ని అస్థిరపరిచే కుట్రలు చేసుకోనిస్తుంది. ఇందుకు ఆల్ ఖైదా అధినేత ఉసామా బిన్ లాడెన్ మరణమే తార్కాణం. ఆ దేశంలో లాడెన్ అమెరికా సేనల చేతిలో హతమయ్యాడు. అయినా అప్పుడు ఇప్పుడు ఎప్పుడూ పాక్ ఉగ్రవాదం విషయంలో తనకేం తెలియదనే బుకాయిస్తుంటుంది. ఇండియాకి మోస్ట్ వాంటెడ్ అయిన మసూద్ అజర్, దావూద్ లాంటి వార్ని కూడా పాక్ భద్రంగా కాపాడుతూ వుంటుంది. ఇది పబ్లిక్ సీక్రెట్టే...      పాక్ లో ఉగ్రవాదులు స్వేచ్ఛగా తిరుగుతారని తెలిసినప్పటికీ అక్కడ వారికి ఎలాంటి గౌరవ మర్యాదలు దక్కుతాయో తాజాగా తేలిపోయింది. ముంబై నగరంపై దాడులకి స్కెచ్ వేసి వందల మందిని పొట్టన పెట్టుకున్న హఫీజ్ సయీద్ పాకిస్తానీయే. అక్కడ జమాత్ ఉల్ దవా అనే పేరుతో ఒక రాకాసి సంస్థని నడుపుతూ అరాచకం సృష్టిస్తుంటాడు. అయితే, ఈ మధ్యే ట్రంప్ దెబ్బకు గజగజ వణికిన ఇస్లామాబాద్ హఫీజ్ ను హౌజ్ అరెస్ట్ చేసింది. ఉగ్రవాదుల జాబితాలో కూడా చేర్చింది. ఇది అమెరికన్ ప్రెసిడెంట్ ని ప్రసన్నం చేసుకోటానికే. ఇప్పటికే కొన్ని దేశాల పౌరులు అమెరికాలో కాలుపెట్టొద్దన్న ట్రంప్ పాక్ ను కూడా టార్గెట్ చేస్తాడని పాకిస్తాన్ పాలకుల భయం. అందుకే, కనీసం డ్రామా కోసమైన హఫీజ్ ను ఇంట్లోనే బంధించి వుంచారు. కాని, వాళ్ల స్వంత రక్షణ మంత్రే హఫీజ్ ను ఉగ్రవాది అని, ప్రపంచానికి ప్రమాదకరమైన వ్యక్తి అని అంటే తట్టుకోలేకపోయారు.      పాక్ డిఫెన్స్ మినిస్టర్ ఖ్వాజా అసిఫ్ హఫీజ్ సయీద్ సమాజానికి అత్యంత ప్రమాదకరమని వ్యాఖ్యానించాడు. దీన్ని భారతదేశం సహజంగానే స్వాగతించింది. కాని, తమ దేశ రక్షణ మంత్రైనా కరుడుగట్టిన హఫీజ్ సయీద్ ను కించపరచటం పాక్ లోని చాలా మంది తట్టుకోలేకపోయారు. వివిధ పార్టీల నాయకులు నిస్సిగ్గుగా ఆయన మాటల్ని ఖండించారు. హఫీజ్ చాలా గోప్ప మహానుభావుడని కీర్తించారు. దేశ వ్యాప్త నిరసనలు కూడా మొదలు పెట్టారు పాక్ లోని శాంతి కాముకులు! ఇలాంటి బరితెగించిన మద్దతు ఉగ్రవాద నేతలకు అ దేశంలో దొరుకుతుండటం వల్లే రక్త పిశాచాలు అక్కడ హాయిగా తిష్ఠవేశాయి. మొన్నటికి మొన్న మసీదులో బాంబులు పేల్చి స్వంత పాకిస్తానీల్నే వంద మందిని పొట్టన పెట్టుకున్నారు హఫీజ్ లాంటి ఉగ్ర నేతలే. అయినా అక్కడి నాయకులకి బుద్ది రావటం లేదు!
  తమిళనాడు హై డ్రామాకు తెరపడింది! శశికళ పన్నీర్ సెల్వం చేత రాజీనామా చేయించటంతో మొదలైన రాజకీయ జల్లికట్టు పళని స్వామి బలనిరూపణతో, స్టాలిన్ చిరిగిన చొక్కాతో ముగింపుకొ్చ్చింది. తమిళనాడులో పరిస్థితులు ఇప్పుడప్పుడే చక్కబడే అవకాశం లేకున్నా మిగతా రాష్ట్రాల వారికి మాత్రం బ్రేకింగ్ న్యూస్ ల వరద ఇకపై తగ్గిపోతుంది. పన్నీర్ అమ్మాడీఎంకే, శశికళ తమిళనాడు జైలుకి వచ్చే ప్రయత్నాలు, డీఎంకే జనాందోళనలు.... ఇలా ఇక రొటీన్ గా కథ సాగిపోతుంది. కాని, ఈ మొత్తం వ్యవహారం నిరూపించింది ఏంటి? చాలానే వుంది...   తమిళనాడే కాదు... మన దేశంలో చాలా చోట్ల, చాలా పార్టీలు అన్నాడీఎంకే లాంటి దుస్థితిలోనే వున్నాయి. ఎవరో ఒక సినీ, రాజకీయ హీరో ఓ పార్టీ పెడతాడు. ఆయన మొత్తం దళాన్ని తన గుప్పిట్లో పెట్టుకుని రాజ్యమేలుతాడు. ప్రజాస్వామ్య పార్టీలైనప్పటికీ వీటిలో ఎలాంటి అంతర్గత ప్రజాస్వామ్యం వుండదు. ఒక వ్యక్తి ఇమేజో, ఒక కుటుంబమో మొత్తమంతా వ్యవహారం నడుపుతుంది. కాశ్మీర్ లోని నేషనల్ కాన్ఫరెన్స్ , పీపుల్స్ డెమోక్రటిక్ పార్టీలు మొదలు తమిళనాడు డీఎంకే, అన్నాడీఎంకేల వరకూ అన్నీ ఇదే కోవలోకి వస్తాయి. విషాదంగా జాతీయ పార్టీ అయిన కాంగ్రెస్ కూడా ఒక కుటుంబానికే స్వంత ఆస్తిగా మారిపోయింది. దాని ఫలితమే... విపరీత సంక్షోభాలు. బీజేపి, కమ్యూనిస్ట్ పార్టీల తరహాలో నాయకత్వం లభించకపోవటం ఈ పార్టీల కష్టాలకి, వాట్ని ఆదరించిన రాష్ట్రాల నష్టాలకి కారణం! ఇప్పుడు జయలలిత మరణం తరువాత ఏఐఏడీఎంకే పరిస్థితి లాంటిదే మాయావతి బీఎస్పీ పార్టీకి, మమతా బెనర్జీ తృణమూల్ కాంగ్రెస్ కి రాదని గ్యారెంటీ ఏముంది? అయితే, మన తెలుగు రాష్ట్రాల్లోని టీడీపీ, టీఆర్ఎస్, మహారాష్ట్రాలోని శివసేన లాంటి పార్టీలు కొంత బెటర్! ఇలాంటి పార్టీల్లో కొడుకులే తండ్రుల ఆస్తికి వారసులైనట్టు పార్టీలకీ వారసులైపోతున్నారు. కాని, నిజమైన ప్రజాస్వామ్య స్ఫూర్తికి ఇది విరుద్ధమే...   తమిళనాడు సంక్షోభం వెనుక కేవలం జయలలిత మరణం, ఆమెకు తగిన వారసులు లేకపోవటం మాత్రమే లేవు. అంతకన్నా లోతైన వ్యవస్థాగత లోపం దాగుంది. అదేంటంటే, మన దేశంలో కులం, మతం, భాషా, ప్రాంతం లాంటి అంశాలు తీసుకున్నంత సీరియస్ గా అవినీతిని జనం పట్టించుకోవటం లేదు! అవినీతి రహిత పాలన , అభివృద్ధి వంటి నినాదాలు అన్ని వేళలా, అన్ని చోట్లా పని చేయటం లేదు. కొన్ని పార్టీలు , కొందరు నేతలు డెవలప్మెంట్ పాలిటిక్స్ చేస్తున్నప్పటికీ చాలా వరకూ కులం, మతం, సెంటిమెంట్ల మ్యాథమెటిక్సే నడుస్తోంది! అందుకే, ఇండియాని మోడిఫై చేస్తానన్న మోదీ కూడా ఎన్నికల బరిలో జై శ్రీరామ్ అనాల్సి వస్తుంటుంది. లేకపోతే రేసులో కులతత్వ, మతతత్వ పార్టీలతో ఓడిపోవాల్సి వస్తుంది. నిజానికి అవినీతి కేసులో ఆర్నెల్లు జైలుకి వెళ్లొచ్చిన అమ్మ తమిళనాడుకి వరుసగా రెండోసారి ముఖ్యమంత్రి అవ్వటం అంగీకరించాల్సిన విషయం కాదు. అయినా ఆమె పథకాలు, ఛరిష్మా నచ్చి జనం ఓటు వేశారు. పోనీ అలా కాదని జయలలితని అవినీతి విషయంలో శిక్షిద్దామనుకున్నా... 2జీ లాంటి మహాకుంభకోణాల పార్టీ డీఎంకే. వారికి ఓటు వేయటం కంటే అన్నాడీఎంకేనే బెటర్ అని భావించారు తమిళులు! అదే ఇప్పుడు ఇంతటి సంక్షోభానికి దారి తీసింది! జయలలిత వెనుక శశికళ మార్కు మన్నార్ గుడి మాపియా చేతుల్లోకి రాష్ట్రం జారిపోయింది!   పార్టీలు, వాటి గుర్తులు, అవ్వి ఇచ్చే దురుద్దేశపూరితమైన వాగ్ధానాలకు మురిసిపోయి జనం ఓట్లు వేసినంత కాలం తమిళనాడు తరహా రాజకీయ జల్లికట్లు తప్పకపోవచ్చు. ఎందుకంటే, ఎమ్మెల్యే పదవికి పోటీపడుతోన్న అభ్యర్థి అర్హతను కనీసం పట్టించుకోకుండా ఎన్నుకుంటారు మన దేశంలో. అందుకే అవకాశం వచ్చినప్పుడు వారు కూడా రిసార్ట్ సర్కసుల్లో తమ తమ పార్టీలకి, శశికళ లాంటి నేతలకి నిస్సిగ్గుగా విధేయత ప్రదర్శించుకుంటారు! తమని ఎన్నుకున్న జనం చిన్నమ్మ వద్దన్నా... శశికళే ముద్దంటూ ప్రజాస్వామ్యాన్ని అపహాస్యం చేస్తారు! మార్పు రావాల్సింది మనలో...
  ఉత్తర్ ప్రదేశ్ ఎన్నికల్లో గెలుపు ఎవరిది? ఈ సంగతి చెప్పటం కష్టమే. ఎందుకంటే, బీజేపి మొదలు బీఎస్పీ దాకా అందరికీ గెలుపు పై ఆశలున్నాయి. అదే సమయంలో అనుమానాలు కూడా వున్నాయి. ఎస్పీ, కాంగ్రెస్ పొత్తు పెట్టుకుని బరిలోకి దిగినా నమ్మకం మాత్రం కుదరటం లేదు. అయిదేళ్ల సమాజ్ వాది అరాచక పాలన, పదేళ్ల కాంగ్రెస్ మార్కు యూపీఏ అవినీతి పాలన జనం మరిచిపోయే స్థితిలో లేరు! ఇక బీఎస్పీ కూడా మాయవతి తనకు తాను పెట్టుకున్న విగ్రహాల వల్ల జనాగ్రహానికి గురవుతూనే వుంది. గత పార్లమెంట్ ఎన్నికల్లో బీజేపీ హవాకీ, మోదీ మ్యాజిక్ కి చావు దెబ్బ తిన్నది ఎవరైనా వుందంటే కేవలం మాయవతే! ఆమెకు ఇంచుమించూ సున్నా వచ్చేసింది ఎంపీ ఎలక్షన్స్ లో! ఇక ఇప్పుడు అసెంబ్లీ ఎన్నికల్లో కూడా స్వంత మెజార్టీ అంత సీన్ లేదు అంటున్నారు!   ఉత్తర్ ప్రదేశ్ ను ఒకప్పుడు ఏలిన జాతీయ పార్టీ బీజేపి. అయోధ్య రామ మందిర ఉద్యమంతో అక్కడి జనంలో ఎన్నో ఆశలు రేకెత్తించింది. అంతే స్థాయిలో వారిని నిరాశపరిచింది కూడా. మత కలహాలు మిగిలాయి గాని మందిరం కళ్ల ముందు కనిపించలేదు. పోనీ అభివృద్ది చవి చూసింది లేదు. అందుకే, దశాబ్దాల పాటూ బీజీపికి ఓటు వేయకుండా ఊరుకున్నారు యూపీ వాసులు. కాని, వాళ్లు నమ్ముకున్న ములాయం, మాయవతి కూడా ఒరగబెట్టిందేం లేదు. చివరకు, ఎస్పీ, బీఎస్పీల పాలన అంతకు ముందటి కాంగ్రెస్, బీజేపీల నిర్వాకమే బెటర్ అనిపించేలా చేసింది! అందుకే, ఇప్పుడు అభివృద్ధి నినాదం ఎత్తుకున్న మోదీని యూపీ జనం నమ్ముతున్నారని కొన్ని సర్వేలు చెబుతున్నాయి. వాటిలో నిజం ఏంటో చివరి ఫలితాలు వస్తేనేగాని తెలియదు!   బీజేపి, బీఎస్పీ, ఎస్పీ, కాంగ్రెస్ ల త్రిముఖ పోటీలో విజయం ఎవరిదో తెలియదుగాని కాంగ్రెస్ మాత్రం తన సర్వశక్తులు ఒడ్డుతోంది నమోని నిరోధించటానికి. లక్నోలో కాషాయ ముఖ్యమంత్రి తిష్టవేస్తే ఢిల్లీలో మోదీకి అస్సలు తిరుగుండదని వారికి తెలుసు. అలాగని కాంగ్రెస్ ముఖ్యమంత్రిని యూపీలో తెచ్చుకునే సత్తా కూడా తమకు లేదని గాంధీలకు అర్థమైంది. అందుకే, తనని తాను ప్రధాని స్థాయి నేతగా భావించుకునే రాహుల్ కూడా అఖిలేష్ లాంటి ప్రాంతీయ నాయకుడి దగ్గరకు పోయి ఎన్నికల సభల్లో తిరుగుతున్నాడు. తమది గంగ, యమున సంగమం అంటూ డైలాగ్స్ చెబతున్నాడు. కేవలం వంద సీట్లకు ఒప్పుకుని ఎస్పీతో పొత్తు పెట్టుకుంది కాంగ్రెస్. అంతే కాదు, సోనియా అనారోగ్యం వల్ల ప్రియాంక కూడా ప్రచారంలో ప్రసంగాలు సంధిస్తూ అన్నకి అండగా చెలరేగిపోతోంది. నేరుగా మోదీని టార్గెట్ చేస్తూ ఆయన లాంటి దత్త పుత్రుడు మనకు అవసరం లేదని సెటైర్ వేసింది. గుజరాతీ అయిన నమో తనని యూపీ దత్తత తీసుకుందని కామెంట్ చేశాడు. అందుకే, అలాంటి దత్త పుత్రుడు అఖిలేష్, రాహుల్ లాంటి యూపీ కుర్రాళ్ల ముందు దిగదుడుపేనని ప్రియాంక చెప్పుకొచ్చింది!   ప్రియాంక గాంధీ కామెంట్ పైకి తెలివిగానే కనిపిస్తోన్నా దేశ ప్రధాని కాబట్టి మోదీ అందరివాడే తప్ప యూపీ వారికి కాని వాడేం కాదు. పైగా నరేంద్ర మోదీ దత్తపుత్రుడ్ని అంటూ బంధుత్వం కలిపితే ప్రియాంక ఆ పదానికి అనవసర ప్రాముఖ్యత ఇచ్చి ఆయనకి మేలు చేసినట్టే కనిపిస్తోంది. ఆ మధ్య రాహుల్ యూపీలోనే మోదీని ఖున్ కీ దలాల్ అన్నాడు. ఇప్పుడు దత్తపుత్రుడు అక్కర్లేదని ప్రియాంక అనటమూ అంతే. వారణాసి లాంటి ప్రతిష్ఠాత్మక నియోజకవర్గానికి ఎంపీ,దేశ ప్రధాని అయిన మోదీని వద్దనుకుంటే ఉత్తర్ ప్రదేశ్ కి మేలు చేసేది ఎవరు?   నరేంద్ర మోదీ ఆడవాళ్లను సోదరీ, తల్లి అనటం కూడా తప్పేనంది ప్రియాంక! ఆమె ఉద్దేశం ఏదైనా ఇది కూడా  బెడిసికొట్టే ప్రతి దాడే! భారతదేశంలో ఎవరైనా మగవారు తమని తల్లి అనో, చెల్లి అనో అంటే ఆడవాళ్లు ఉప్పొంగి పోతారు! అటువంటిది ప్రధాని అలా సంబోధిస్తే అందులో తప్పేం కనిపిస్తుంది? ప్రియాంక... మోదీ అలా సంబోధించటం తప్పు అనటం... జనంలోకి మంచి సంకేతాలు ఏం పంపకపోవచ్చు! మోదీని ఎలాగైనా టార్గెట్ చేయాలనే తొందర్లో ప్రియాంక కూడా సోనియా, రాహుల్ లాగే నోరు జారటం... ముందు ముందు ఆలోచించుకోవాల్సిన విషయం! జాగ్రత్తపడాల్సిన అంశం...  
  మనుషులు మూడు రకాలు. కొందరు భయంతో, బద్ధకంతో ఏ పనీ మొదలే పెట్టరు. మరి కొందరు ఉత్సాహంగా ప్రారంభించినా మధ్యలో అడ్డంకులు చూసి బెదిరిపోయి ఆపేస్తారు. ఇక మూడో రకం వారు భూమ్యాకాశాలు ఏకమైనా అనుకున్నది తుద వరకూ చేసి చూపిస్తారు! ఇది ఎప్పుడో ఒక కవి తన పద్యంలో చెప్పిన భావం! తెలంగాణ ముఖ్యమంత్రి కేసీఆర్ ఉద్యమ సమయంలో కూడా చాలా సార్లు ఈ మాటే చెప్పేవారు. పద్యం కూడా పాడి వినిపించే వారు! ఉస్మానియా యూనివర్సిటీలో తెలుగు సాహిత్యంలో ఆయన ఎంఏ చేశారు. ఆ మాత్రం పాండిత్యం సహజమే!   ప్రత్యేక తెలంగాణ సాధనలో కేసీఆర్ పాత్రపై ఎవరికీ ఎలాంటి సందేహాలు వుండవు. ఆయన లేకపోతే తెలంగాణ వచ్చేది కాదని అందరూ అంగీకరిస్తారు. తెలంగాణ వారు ఆనందంగా తెలంగాణ ఆయన వల్ల సాధ్యమైందంటే, ఆంధ్రాలో కొందరు ఇప్పటికీ ఆగ్రహంగానే వుంటూ వుంటారు. కాకపోతే, ఏ కోణం నుంచి చూసినా ప్రత్యేక తెలంగాణకు పర్యాయపదం కేసీఆర్! అంతలా తాను పెట్టుకున్న లక్ష్యాన్ని చివరికంటా చేరుకునే వరకూ బరిలో నిలిచి పోరాడిన నేత కేసీఆర్! అందుకే, ఫిబ్రవరీ 17 ఆయన జన్మదినం అంటే యావత్ తెలంగాణలో కోలాహలం కనిపిస్తోంది...   కేసీఆర్ భాష, యాస, భావం, భావజాలం... ఇవన్నీ మనకు నచ్చినా నచ్చకపోయినా ఆయన ఒక కాదనలేని చారిత్రక సత్యం. ఆయన వల్లే తెలుగు ప్రజలు ప్రాంతాల వారీగా విభేదాలకు లోనయ్యారని అనే వారు కొందరైతే... అసలు అంతకు ముందే తెలంగాణ, ఆంధ్రా విభజన సుస్పష్టంగా వుందని చెప్పేవారు కొందరు. అప్పటికే వున్న అభిప్రాయ భేదాల్ని భేదాభిప్రాయాలుగా మార్చి కేసీఆర్ సక్సెస్ అయ్యారు. అది ఆయన రాజకీయ చాతుర్యం. ఒక పొలిటికల్ లీడర్ గా అది తప్పని కూడా అనలేం!   మన దేశంలో చాలా చోట్ల ప్రత్యేక రాష్ట్ర ఉద్యమాలు వున్నాయి. వాటన్నిటికీ ప్రధాన నేతలున్నారు. కాని, కేవలం కేసీఆర్ మాత్రమే విజయవంతమయ్యారు. అందుక్కారణం ఆయన ఉద్యమ సమయంలో చేసిన వివాదాస్పద వ్యాఖ్యలు మాత్రమే కారణం కాదు. వాటి వెనుక ఆయన అమలు పరిచిన వ్యూహం వుంది. ఎంతగా వ్యతిరేకత వచ్చినా దాన్ని తనకు అనుకూలంగా మార్చుకున్నారు కేసీఆర్. ఈ విషయంలో ఆయన మోదీ, ట్రంప్ లాంటి నేతల కోవలోకే వస్తారు. వారికి కూడా విపరీతమైన ప్రతికూలతలు ఎదురయ్యాయి. అయినా కూడా వారు తమపై దాడులన్నీ తమ మద్దతుదారుల అభిమానంగా మార్చుకోగలిగారు. కేసీఆర్ ది కూడా అదే బాట. ఆయనపై ఆంధ్రా పాలకులు, తెలంగాణ ప్రత్యర్థులు, ఆంధ్రా జనం, మీడియా ఇలా ఎన్ని కోణాల్లోంచి దాడి జరిగినా క్రమక్రమంగా తెలంగాణ సామాన్య జనం గుండెల్లోకి చేరుకోగలిగారు. మరీ ముఖ్యంగా, ఆమరణ నిరాహార దీక్ష అంటూ ఆయన పంతం పట్టాక పరిస్థితులు పూర్తిగా మారిపోయాయి. అదంతా ఆయన సక్సెసా... లేక కేంద్ర, రాష్ట్ర ప్రభుత్వాల్లో వున్న ఆనాటి కాంగ్రెస్ వారి వైఫల్యమా అంటే... ఏదైనా కావచ్చు! కాని, కేసీఆర్ పట్టుదలగా ఉద్యమించారు. తెలివిగా ఫలితాల్ని తనకు అనుకూలంగా వాడుకోగలిగారు. రాజకీయ నేతగా ఆయన అది చేయటం తప్పు కాదు. చేయకపోతేనే , చేయలేకపోతేనే తప్పు!   కేసీఆర్ ముఖ్యమంత్రి పదవి చేపట్టాక ఇంత సాఫీగా పరిపాలించగలుగుతారని ఎవ్వరూ భావించలేదు. ఇక సమర్థంగా ఏలుతారనైతే ఊహించలేదు. కాని, నిన్న మొన్నటి హైద్రాబాద్ మున్సిపల్ ఎన్నికల్లో టీఆర్ఎస్ కి ఆంధ్రా సెటిలర్ల ఓట్లు సంపాదించటం వరకూ ఆయన ప్రతీ అడుగు అనూహ్యంగా వేశారు. ఉద్యమకారుడిగా చూపిన ఆవేశం పరిపాలకుడిగా చూపటం మానేశారు. అక్కడే విజయాన్ని ఒడిసిపట్టుకోగలిగారు. తెలంగాణ జనానికి ఆయన చేసిన మంచిపై ఎన్ని విమర్శలైనా చేయవచ్చు. కాని, ఆయన ఎక్కడా ఆంధ్రుల మీద కక్ష సాధింపు, కవ్వింపు చర్యలకి తావు ఇవ్వలేదు. అక్కడే ఆయన అందరికీ ఆమోదయోగ్యమైన వాడిగా మారిపోయారు! సోషల్ మీడియాలో కొందరు ఆంధ్రులు తమకూ ఇలాంటి ముఖ్యమంత్రి వుంటే బావుండునని అనేదాకా పరిస్థితి వచ్చిందంటే కేసీఆర్ చాకచాక్యం, చాణక్యం అర్థం చేసుకోవచ్చు!   చివరగా ఒక్క మాటలో చెప్పాలంటే, ఇవాళ్ల జన్మదినం జరుపుకుంటోన్న తెలంగాణ రథ సారథి ... '' సునామీలా ఎప్పుడు ఉప్పొంగాలో బాగా తెలిసిన అద్బుతమైన వాటర్ ఫౌంటేన్! '' మెచ్చుకునే వారే కాదు... తిట్టేవారు కూడా పట్టించుకోకుండా వుండలేని ఆశ్చర్యకర రాజకీయం!
  ఉత్తరాదిలో ఓ సామెత ఉంది- ‘పెళ్లనేది ఓ లడ్డూలాంటిది! దానిని తిననివారేమో ఎప్పుడెప్పుడు తిందామా అని మధనపడుతూ ఉంటారు. తిన్నవారేమో ఎందుకు తిన్నామురా బాబూ అని పశ్చాత్తాపపడుతూ ఉంటారు’. పెళ్లి చేసుకున్నవారి సంగతేమో కానీ ఆడపిల్లల తల్లిదండ్రుల పరిస్థితి మాత్రం ఇప్పుడు ఇలానే ఉంది. వయసు వచ్చిన ఆడపిల్లకి పెళ్లిచేయాలనే కంగారు ఎలాగూ ఉంటుంది. తీరా సంబంధం కుదిరిన తరువాత ఆ పెళ్లిని ధూంధాంగా చేసేందుకు తలప్రాణం తోకలోకి వస్తోంది.   ఆడపిల్లలు చదువుకోవడం, వారు కూడా సంపాదించడం, మగపిల్లలతో పోలిస్తే ఆడపిల్లల నిష్పత్తి తగ్గిపోవడంతో... వరకట్నపు సమస్య కొంతవరకు తగ్గినట్లు కనిపిస్తోంది. కానీ వివాహపు ఖర్చులు మాత్రం అంతకంతకూ పెరిగిపోతున్నాయి. గార్డెన్స్లో పెళ్లి, చాట్తో సహా అన్ని రకాల వంటకాలు, డిజిటల్ ఫొటోగ్రఫీ, మండపం సెట్టింగులూ... అబ్బో ఈ జాబితా చాలా పెద్దగానే కనిపిస్తోంది. ఇవి కాకుండా సంగీత్, బారాత్, డీజే సంగీతం, వెడ్డింగ్ కేక్... అంటూ వివాహాన్ని వీలైనంత ఆడంబరంగా మార్చివేసేందుకు మనవి కాని అలవాట్లను కూడా చే(నే)ర్చుకుంటున్నారు.   కట్నం వద్దనే పెద్దమనుషులు కూడా ఇప్పుడు ‘పెళ్లి ఏర్పాట్లలో ఏమాత్రం లోటు లేకుండా చూడండి. అది చాలు!’ అని సింపుల్గా చెప్పేస్తున్నారు. కానీ ఆ ఒక్క కోరికనూ తీర్చేందుకు మధ్యతరగతి తండ్రులు నలిగిపోతున్నారు. మంచి సంబంధం దొరికింది కదా, పెళ్లి ఘనంగా చేసేద్దాం అనే తపనలో చేసే అప్పులతో వారి జీవితాలు వెల్లమారిపోతున్నాయి. ఆ ఒక్క రాత్రి ‘ఫలానా సుబ్బారావు తన కూతురి పెళ్లి బాగా చేశాడు,’ అనిపించుకునేందుకు వారి జీవితాన్నే పణంగా పెడుతున్నారు. ఇక ఈ పెళ్లిల్ల సందర్భంగా వందలమందికి సరిపోయే ఆహారాన్ని వృధా చేస్తున్నారన్న విశ్లేషణలూ వినిపిస్తున్నాయి.   ఈ తతంగమంతా ఇప్పుడు ఎందుకు గుర్తుకు తెచ్చుకుంటున్నాం అంటే.... బీహారుకి చెందిన రంజీత్ రంజన్ అనే ఎంపీ పెళ్లి ఖర్చులను నియంత్రించేందుకు "The Marriages (Compulsory Registration and Prevention of Wasteful Expenditure) Bill, 2016," అనే ప్రైవేటు బిల్లుని తేవడానికి ప్రయత్నిస్తున్నారు. పెళ్లికి విచ్చేసే అతిథుల సంఖ్యకీ, వారికి అందించే భోజన పదార్థాల సంఖ్యకీ ఓ పరిమితి విధించాలని రంజీత్ తన బిల్లులో కోరుతున్నారు. పెళ్లి ఖర్చు మీద కఠినమైన నియంత్రణ ఉండేలా కూడా ఈ బిల్లుని రూపొందించారు. పెళ్లి ఖర్చులు 5 లక్షలకు మించితే, అందులో పదిశాతం రాష్ట్ర సంక్షేమశాఖకు పన్నుగా కట్టాలని పేర్కొన్నారు. అలా పోగైన మొత్తంతో ప్రభుత్వం నిరుపేదల వివాహాలను జరిపించాలని సూచిస్తున్నారు. ఇక పెళ్లి జరిగిన రెండునెలలలో సదరు వివాహాన్ని రిజిస్టర్ చేయించి తీరాలన్న నిబంధన కూడా ఈ బిల్లులో పొందుపరిచారు. రంజీత్ భర్త పప్పు యాదవ్ అంటే బీహార్ వాసులకు అంత సదభిప్రాయం లేదు. కానీ రంజీత్ చేసిన ఈ పనికి మాత్రం దేశమంతటా హర్షిస్తోంది.   రంజీత్ రంజన్ బిల్లు ఇప్పటికే రాష్ట్రపతి ఆమోదం పొందింది. ఇక దీనిని పార్లమెంటు ఆమోదించడమే తరువాయి. ఒకవేళ ఈ బిల్లు కనుక సాకారం అయితే పెళ్లి ఖర్చుల మీద నియంత్రణ ఏర్పడి తీరుతుందని ఆశిస్తున్నారు. ‘ఆరుగురు అక్కచెల్లెళ్లు ఉన్న కుటుంబం నుంచి వచ్చిన మనిషిగా నాకు ఆడపిల్ల పెళ్లి ఎంత ఒత్తిడితో కూడుకున్నదో నాకు తెలుసు. ప్రతిష్ట కోసం పోటీ పడి మరీ చేసే మన భారతీయ పెళ్లిళ్లలో ఉన్న ఆడంబరాన్ని గమనించబట్టే ఈ బిల్లుని తీసుకువస్తున్నాను,’ అంటున్నారు రంజీత్. రంజీత్ మాటల్లో వాస్తవం లేకపోలేదు. ఆమె తెస్తున్న బిల్లులో సదుద్దేశమూ లేకపోలేదు. కానీ దీనిని పార్లమెంటు ఏమేరకు ఆమోదిస్తుందో చూడాలి. ఎందుకంటే ఆడంబరంగా పెళ్లి చేయడంలో మన రాజకీయ నేతలకు సాటి ఎవ్వరూ రారు. జయలలిత దగ్గర నుంచీ నితిన్ గడ్కరీ వరకూ తమ ఇంట్లో పెళ్లి చేసేందుకు చూపిన ఆడంబరంతో దేశం యావత్తూ లెక్కలేనన్ని సార్లు ముక్కున వేలేసుకుంది.   ఇక రాజకీయ నేతలతో కుమ్మక్కయిన వ్యాపారస్తుల సంగతీ చెప్పనక్కర్లేదు. పెద్ద నోట్ల రద్దుతో దేశం మొత్తం ఏటీఎంల దగ్గర నిలబడితే గాలి జనార్ధనరెడ్డివారింట జరిగిన పెళ్లే ఇందుకు ఉదాహరణ. మరి ఇలాంటి ఆడంబరాలకు అడ్డుకట్ట పడుతుందా! కడుపు మాడ్చుకుని పైసా పైసా సంపాదించిన వారి నుంచీ, కడుపులు కొట్టి పైశాచికంగా బలపడినవారి వరకూ తమ సొమ్ములను పెళ్లిల మీద పారేసుకోకుండా ఉంటారా! వేచి చూడండి!!!  
ఆడవారి కోసం రూపొందించే వస్తువులు, దుస్తులలో తప్పకుండా లేతగులాబీ రంగు (పింక్) కనిపించి తీరుతుంది. వాళ్లకి ప్రేమలేఖ రాయాలన్నా, కానుకని అందించాలన్నా కూడా అది పింక్ రంగులో ఉంటే... వెనక్కి తిరిగి చూసుకోవాల్సిన అవసరం లేదని మన నమ్మకం. దానికి అనుగుణంగానే స్త్రీలు కూడా పింక్ రంగంటే ఇష్టపడటాన్ని గమనిస్తూ ఉంటాము. ఇంతకీ ఈ నమ్మకంలో నిజం ఎంత?   ఆడవారికి గుర్తుగా పింక్ రంగునీ, మగవారికి గుర్తుగా నీలం రంగునీ ఫ్యాషన్ ప్రపంచం గుర్తిస్తోంది. ఈ ఇష్టాల వెనుక శాస్త్రీయ కారణాన్ని తెలుసుకునేందుకు అనేక పరిశోధనలు జరిగాయి కూడా! ఉదాహరణకు ఇంగ్లండులోని  న్యూకేస్టిల్ విశ్వవిద్యాలయం వారు 2007లో ఓ ప్రయోగం చేశారు. ఇందుకోసం ఓ వేయిమంది జంటలకి కంప్యూటర్లో వేర్వేరు రంగులను చూపించారు. వీటిలో ఆడవారు ఎక్కువగా గులాబీని తలపించే ఎరుపుని ఇష్టపడుతున్నారని తేలింది. మగవారేమో నీలం రంగుని ఎంచుకుంటున్నట్లు గమనించారు.   స్త్రీలు పింక్ రంగునీ, మగవారు నీలం రంగునీ ఎంచుకోవడం వెనుక మన కుటుంబవ్యవస్థ ఏర్పడిన తీరే కారణం అని విశ్లేషించారు సదరు శాస్త్రవేత్తలు. ఒకప్పుడు ఆడవారు పండ్లని కోసుకురావడం, పిల్లల బాగోగులను గమనించుకోవడం వంటి పనులలో నిమగ్నమయ్యేవారు. మగవారేమో పొలం పనులు, వేట వంటి పనులు చేస్తుండేవారు. పండ్లని కోసేటప్పుడు బాగా ఎర్రగా పండిన పండ్ల మీదకి దృష్టి మళ్లడం సహజం. ఇక పిల్లల బాగోగులను గమనించుకునేటప్పుడు కూడా వారి మొహంలో ఎరుపుదనం మరీ ఎక్కువైనా, తక్కువైనా అది అనారోగ్యానికి చిహ్నంగా భావించి.... వారి చర్మపు రంగుని గమనించుకోవడమూ సహజమే! ఇక మగవారేమో పొలం పనులు చేసేటప్పుడూ, వేటాడేటప్పుడూ ముదురు రంగులే వారి దృష్టిని ఆకర్షించే అవకాశం ఉంటుంది. అలా కుటుంబంలోని శ్రమవిభజన వల్ల ఆడవారికీ పింక్ రంగు, మగవారికి నీలం రంగు మనసులో ఉండిపోయింది.   పింక్ రంగు, నీలం రంగు అనే తేడాలు కేవలం మనం సృష్టించుకునేవే అన్న వాదనలూ లేకపోలేదు. 19వ శతాబ్దంలో ఫలానా రంగు ఆడవారికీ, ఫలానా రంగు మగవారికీ అన్న తేడాలు ఉండేవి కావట. ప్రపంచీకరణ మొదలైన కొద్దీ కొనుగోలుదారులను ఆకర్షించేందుకు, ఇలాంటి చిట్కాలను ప్రయోగిస్తున్నారని కొందరి భావన. ఈ విషయాన్ని నిరూపించేందుకు 2011లో ఓ పరిశోధన జరిగింది. ఇందులో-  రెండేళ్లలోపు పిల్లలు గులాబీ లేదా నీలం రంగుని ఎంచుకోవడంలో పెద్దగా పట్టింపులు చూపలేదు. కానీ రెండేళ్లు దాటిన పిల్లలు ఆడపిల్లలైతే గులాబీ రంగునీ, మగపిల్లలైతే నీలం రంగునీ ఎంచుకోవడం మొదలుపెట్టారు. పిల్లలకి ఊహ తెలుస్తున్న కొద్దీ సమాజం వారిలో గులాబీ ఆడవారికీ, నీలం మగవారికీ అని రకరకాలుగా నూరిపోయడమే దీనికి కారణం అని తేల్చారు.   ఏతావాతా తేలేదేమిటంటే- రంగుల ఎంపికలో ఆడామగా తేడా ఉండే అవకాశం ఉన్నా... మన చుట్టూ ఉన్న వ్యాపారవ్యవస్థ దానిని పెంచి పోషించింది. ఈ విషయాన్ని నిరూపించేందుకు మార్కో అనే సామాజికవేత్త గూగుల్లో లభించే కొన్ని లక్షల పుస్తకాలను స్కాన్ చేసి చూశారు. ఇందులో 1880కి ముందు ఉన్న పుస్తకాలలో గులాబీ రంగు ఆడవారికి ఇష్టమైన రంగు అన్న మాట చాలా తక్కువగా కనిపించింది. కానీ కాలం గడిచేకొద్దీ ఈ తరహా వాక్యాలు తరచూ చోటు చేసుకోవడం మొదలుపెట్టాయి. ఈ పరిస్థితి కనుక మరీ హద్దు మీరితే అసలుకే మోసం వచ్చే ప్రమాదం ఉందంటున్నారు. గులాబీ రంగు ఆడవారిది, గులాబీ రంగు స్త్రీత్వానికి సూచన... అంటూ మోత మోగించేస్తే కొన్నాళ్లకి ఆ రంగంటేనే విరక్తి పుట్టే అవకాశం ఉందని హెచ్చరిస్తున్నారు.   - నిర్జర
భూమి ఓ అసాధారణమైన గ్రహం. అదృష్టమో, ప్రకృతి వరమో కానీ ఇక్కడ జీవం మనుగడ సాగించేందుకు అవసరమైన ఏర్పాట్లన్నీ ఉన్నాయి. అనువైన ఉష్ణోగ్రతలు, సూర్యుడి నుంచి తగినంత దూరం, అతినీలలోహిత కిరణాల నుంచి కాపాడే ఓజోన్ పొర, నీటి సౌలభ్యం, రాతి నేల, గురుత్వాకర్షణ శక్తి, భూమి మీదకు ఉల్కలు దూసుకురాకుండా కాపాడే గురుగ్రహం.... ఇలా చెప్పుకొంటూపోతే అద్భుతం అనదగ్గ సానుకూలతలు ఎన్నో భూమికి సొంతం. అందుకనే భూమిలాగా జీవానికి సహకరించే ప్రాంతం ఈ విశ్వంలో ఉండే అవకాశం లేదని నమ్ముతుంటారు శాస్త్రవేత్తలు. ఎక్కడో శనిగ్రహం చుట్టూ తిరిగే టైటాన్ వంటి అతికొద్ది ఉపగ్రహాల మీద మాత్రమే జీవం మనుగడ సాగించే సావకాశం ఉందని భావిస్తుంటారు. మరి ఇప్పుడో...   భూమికి కేవలం 39 కాంతిసంవత్సరాల దూరంలో సౌరకుటుంబాన్ని పోలిన ఓ వ్యవస్థ ఉన్నట్లు నాసా ప్రకటించింది. ఏడాదిలో కాంతి ఎంత దూరం ప్రయాణిస్తుందో అది ఓ కాంతి సంవత్సరం అన్న విషయం తెలిసిందే! వినడానికి ఈ దూరం కాస్త ఎక్కువే అనిపించినా, ఈ అనంత విశ్వంలో ఇది ఇంచుమించు పక్కింటితో సమానం. కుంభరాశిలో భాగంగా ఉన్న ఈ వ్యవస్థలోని నక్షత్రానికి ట్రాపిస్ట్‌ 1 అని పేరు పెట్టారు. ఈ ట్రాపిస్ట్‌ 1 నక్షత్రం చుట్టూ ఏడు గ్రహాలు తిరుగుతున్నట్లు గమనించారు. ఈ గ్రహాలన్నీ కూడా సదరు నక్షత్రానికి చాలా చేరువలో ఉన్నాయట. ఒక గ్రహం మీద నిలబడి చూస్తే మిగతా ఆరు గ్రహాలన్నీ కూడా కనిపించేంత దగ్గరదగ్గరగా ఇవి ఉన్నాయి.   సూర్యుడితో పోలిస్తే ఈ ట్రాపిస్ట్‌ నక్షత్రం దాదాపు పదోవంతు మాత్రమే ఉంటుంది. పైగా దీని నుంచి వచ్చే కాంతి మన సూర్యకాంతికంటే 200 రెట్లు తక్కువట. అయితే నక్షత్రానికి బాగా దగ్గరగా ఉండటం వల్ల దీని చుట్టూ తిరిగే గ్రహాల మీద ఉష్ణోగ్రతలు 0- 100 మధ్యలోనే ఉంటాయని భావిస్తున్నారు. మరీ ముఖ్యంగా 4,5,6 గ్రహాలు జీవానికి మరింత అనువుగా ఉంటాయని అంచనా వేస్తున్నారు.     ట్రాపిస్ట్‌ 1 గురించి అందిన సమాచారమంతా వాటి మీద మనిషి మనుగడకి సంబంధించి కొత్త ఆశలను కల్పించేట్లుగానే ఉంది. అయితే అక్కడ వాతావరణం ఎలా ఉంది, ఆ గ్రహాల మీద నీటి లభ్యత ఎంత, వాటి మీద లభించే ఖనిజాల ఏమిటి... లాంటి పరిశోధనల ఇంకా జరగాల్సి ఉంది. అప్పుడు మాత్రమే వాటి మీద మనుషులు జీవించే అవకాశం ఉందో లేదో నిర్ధారించగలం. అసలు ఇప్పటికే వాటి మీద కొన్ని జీవులు బతికేస్తున్నాయేమో అన్న అనుమానాలు కూడా మొదలైపోయాయి. ఏది ఏమైనా ఇన్నాళ్లకి భూమిని పోలిన గ్రహాలు కొన్ని శాస్త్రవేత్తలకు కొత్త ఆశలను కల్పిస్తున్నాయి.     - నిర్జర.
  అది ఓ దట్టమైన అడవి. ఆ అడవిలో ఉన్న జీవాలన్నీ ఓ మిట్టమధ్యాహ్నం కాలక్షేపంగా కబుర్లు చెప్పుకోవడం మొదలుపెట్టాయి. అకస్మాత్తుగా ‘అసలు జీవితం అంటే ఏమిటి?’ అన్న చర్చ మొదలైంది.   ‘జీవితం అంటే తనివితీరా పాడటం. అలా ఆటలా పాటలా సాగేదే అసలైన జీవితం,’ అని మైమరపుతో చెప్పింది ఓ కోయిల. చెప్పడమే కాదు, వెంటనే ఓ కూనిరాగం తీయడం మొదలుపెట్టింది.   ‘పాటా పాడా! జీవితం అంటే భయం భయంగా బతకడం. ఎవరి కంటా పడకుండా భయపడతూ నక్కి నక్కి తిరగడం,’ అని చెప్పిందో పందికొక్కు.   ‘అబ్బే అంత భయపడటం ఎందుకు? జీవితం అంటే అందం, జీవితం అంటే సంతోషం,’ అంటూ రెక్కలు చాస్తూ గిరగిరా తిరుగుతూ చెప్పింది ఓ అందమైన సీతాకోకచిలుక.   ‘నిరంతరం అలా తిరుగుతూ ఉంటే ఇక పనిచేసేదెప్పుడు. అసలు జీవితం అంటేనే పని. పని చేయకపోతే జీవితానికి అర్థమే లేదు,’ అని నిట్టూర్చింది ఓ తేనెటీగ.   ‘నువ్వు చెప్పింది ముమ్మాటికీ నిజం. సంతోషం సంగతి పక్కన పెట్టండి. నిరంతరం పనిచేయకపోతే జీవించి ఉపయోగం లేదు,’ అని తేనెటీగ మాటలను బలపరిచింది చీమ.   ఇంతలో ‘మీతో నేను ఏకీభవించను,’ అంటూ గంభీరంగా ఓ స్వరం వినిపించింది. ఆ స్వరం ఎక్కడిదా అని పైకి చూసిన జీవులన్నింటికీ ఓ గద్ద కనిపించింది. ‘జీవితం అంటే స్వేచ్ఛ. అల్లంత ఎత్తున ఆకాశంలో తిరుగుతూ కిందకి చూస్తుంటే ఆ మజానే వేరబ్బా!’ అంటూ నిశ్చలంగా ఆకాశంలో తేలుతూ చెప్పింది.   నిదానంగా ఈ చర్చలోకి మొక్కలు కూడా తలో మాటా కలిపాయి. ఎత్తైన దేవదారు వృక్షం గద్దతో ఏకీభవించింది. అడవిపూలేమో చీమని బలపరిచాయి. గులాబీ మాత్రం అందమే ముఖ్యమన్న సీతాకోకచిలుక మాటలను బలపరిచింది. ఈ హడావుడంతా చూసి పైనున్న మబ్బులు కూడా గొంతు కలిపాయి. ‘జీవితం అంటే కన్నీళ్లు, కష్టాలు, ఊహించని విపత్తులు,’ అంటూ సాగిపోయాయి.   మబ్బులు మాట్లాడటం చూసి నదులు కూడా అరిచాయి ....’అదేమీ కాదు! జీవితం అంటే ఓ అంతులేని ప్రవాహం,’ అంటూ ముందుకు ఉరికాయి.   అలా జీవితం అంటే ఏమిటంటూ నిదానంగా మొదలైన చర్చ ఓ భీకరమైన వాదన కిందకి దారితీసింది. అన్ని జీవాలూ కలగాపులగంగా అరుచుకోవడం మొదలుపెట్టాయి. ఇంతలో ఆకాశవాణి వినిపించింది... ‘మీరు చెప్పిన జవాబులన్నీ అసంపూర్ణంగా ఉన్నాయి. నిజానికి జీవితం అంటే ఏ ఒక్క లక్షణమో కాదు. అందం, ఆటాపాటా, సంతోషం, స్వేచ్ఛ ఒకవైపునా..... కష్టం, బాధా, కన్నీరు, భయం, పని మరోవైపు సమంగా ఉండేదే జీవితమంటే. అలాంటి జీవితాన్ని అనుభవించే అదృష్టం ఒక్క మనిషికి మాత్రమే ఉంది,’ అంటూ చెప్పుకొచ్చింది. ఆ మాటలతో జీవాలన్నీ ఏకీభవించక తప్పలేదు. మరి మీరో! (ప్రచారంలో ఉన్న కథ ఆధారంగా) - నిర్జర.  
ఆస్ట్రేలియాతో పుణేలో జరుగుతున్న తొలి టెస్టులో భారత్ ఘోర పరాజయం పాలైంది. ఆసీస్ నిర్దేశించిన 441 పరుగుల లక్ష్యాన్ని ఛేదించేందుకు బరిలోకి దిగిన భారత్‌ 107పరుగులకే కుప్పకూలిపోయింది. ఆసీస్ యువ స్పిన్నర్ స్టీవ్ ఒకీఫే టీమిండియాను రెండు ఇన్నింగ్స్‌ల్లోనూ దెబ్బతీశాడు. దీంతో ఆసీస్ 333 పరుగుల తేడాతో ఘన విజయం సాధించింది. టీమిండియా బ్యాట్స్‌మెన్‌లో ఓపెనర్ మురళీ విజయ్ కేవలం 2 పరుగులకే వెనుదిరగ్గా, అనంతరం మరో ఓపెనర్ రాహుల్ కూడా 10 పరుగులకే ఔటయ్యాడు. ఆ తర్వాత వచ్చిన కెప్టెన్ విరాట్ కోహ్లీ 13 పరుగులే చేసి మరోసారి విఫలమయ్యాడు. ఈ ఓటమితో సొంతగడ్డపై వరుస టెస్టు విజయాలు నమోదు చేసిన కోహ్లీసేన ఆ రికార్డును చేజార్చుకుంది. ఆసీస్ స్పిన్నర్ స్టీవ్ ఒకీఫ్ రెండు ఇన్నింగ్స్‌లోనూ కలిపి 12 వికెట్లు తీసి జట్టు విజయంలో కీలకపాత్ర పోషించాడు.
చైనాలో భారీ అగ్నిప్రమాదం సంభవించింది. నాన్‌చాంగ్ నగరంలోని హెచ్‌ఎన్ఏ మిక్స్ లగ్జరీ హోటల్‌లో తెల్లవారుజామున అగ్నిప్రమాదం సంభవించింది. హోటల్ నుంచి పెద్ద ఎత్తున పొగలు, మంటలు ఎగిసిపడుతున్నాయి. సమాచారం అందుకున్న అగ్నిమాపక సిబ్బంది మంటలు ఆర్పేందుకు ప్రయత్నిస్తున్నారు. భవనంలో చిక్కుకున్న వారిని కాపాడేందుకు సహాయక చర్యలు కొనసాగుతున్నాయి. మంటలు పక్క భవనాలకు కూడా వ్యాపిస్తుండటంతో అక్కడ ఉన్న వారిని ఖాళీ చేయిస్తున్నారు.
పుణేలో భారత్‌తో జరుగుతున్న తొలి టెస్టులో ఆస్టేలియా భారత్ ముందు భారీ లక్ష్యాన్ని ఉంచింది. ఆసీస్‌ రెండో ఇన్నింగ్స్ 285 వద్ద ముగిసింది. దీంతో ఆ జట్టుకు 440 పరుగుల ఆధిక్యం లభించింది. తొలి ఇన్నింగ్స్‌లో ఆసీస్ స్పిన్‌ ధాటికి తట్టుకోలేకపోయిన టీమిండియా 155 పరుగులకే కుప్పకూలింది..అయితే రెండో ఇన్నింగ్స్‌లో భారత ఆటగాళ్లు రెచ్చిపోయి ఆసీస్ బ్యాట్స్‌మెన్ త్వరత్వరగానే వికెట్లు కోల్పోయారు..కాని కెప్టెన్ స్మిత్ నిలకడైన ఆటతీరు కారణంగా ఆ జట్టు భారీ ఆధిక్యాన్ని సాధించింది. కాగా, భారత్‌కు రెండున్నర రోజుల ఆట మిగిలివుండటంతో పాటు చివరి రెండు రోజులు పిచ్ బ్యాట్స్‌మెన్‌కు అనుకూలంగా ఉంటుందని చెప్పడంతో భారత్ నిలకడ ప్రదర్శిస్తే విజయం సాధించడం పెద్ద కష్టం కాదు.