Brahmamudi: సీఈఓ కుర్చీ కోసం రుద్రాణి స్కెచ్.. బావ ఆచూకీ కోసం అప్పు ప్లాన్!
on Mar 15, 2025
స్టార్ మా టీవీలో ప్రసారమవుతున్న సీరియల్ 'బ్రహ్మముడి' (Brahmamudi). ఈ సీరియల్ శుక్రవారం నాటి ఎపిసోడ్-669లో.. స్వప్న, అప్పు కూర్చుని బాధగా కావ్య పరిస్థితి గురించి మాట్లాడుకుంటారు. టైమ్కి ఫుడ్ రెడీ చేసి అందరిని భోజనం చేయమంటుంది. ఎవరైనా బావ చావు గురించి మాట్లాడుతుంటే కోప్పడుతుంది. అసలు అక్క ఏం చేస్తుందో తనకైనా తెలుస్తుందో లేదో నాకైతే ఏం అర్థం కావడం లేదు. అక్కని చూస్తుంటే గుండె తరుక్కుపోతుంది. అసలు అక్క ధైర్యంగా ఉందా? ధైర్యంగా ఉన్నట్లుగా నటిస్తుందా? లేక మెంటల్గా డిస్ట్రబ్ అయ్యి అలా ప్రవర్తిస్తుందా? అని స్వప్నతో అప్పు అంటుంది. కావ్యను అలా చూసి అపర్ణా ఆంటీ ఇంకా కుమిలిపోతున్నారు. కావ్య పిచ్చిది అయిపోతుందేమోననిపిస్తోందని స్వప్న అంటుంది. ఎందుకైపోతుంది అక్కా పిచ్చిది ఎందుకైపోతుందని అప్పు అంటుంది. మరి ఏం అర్థం చేసుకోవాలి అప్పు అని స్వప్న అనగానే.. బావ నిజంగానే వస్తాడేమో అలా ఎందుకు అనుకోకూడదని అప్పు అంటుంది. ఎలా అనుకోమంటావే.. నీ చేతులతో నువ్వే రాజ్ బట్టలు వస్తువులు తెచ్చి చూపించావ్ కదా.. మరిచిపోయావా అని స్వప్న అనగానే.. అవును అక్కా నేను బావ వస్తువుల్ని బట్టల్ని తెచ్చాను కానీ తన బాడీ చూడలేదు కదా అని అప్పు అంటుంది. అంటే అని స్వప్న అనగానే.. ఈ విషయంలో ఇంకా డీప్గా ఆలోచించాలి. ప్రతి కోణంలోనూ ఇన్వెస్టిగేట్ చెయ్యాలి.. ఎక్కడో ఏదో తప్పు జరిగింది. దాని మూలాలు పట్టుకోవాలి. చిన్న క్లూ దొరికినా డొంకంతా లాగుతానని అప్పు అంటుంది.
రాజ్ ఆలోచనల్లో ఉంటే యామినీ అక్కడికి వస్తుంది. కాలేజ్లో నీ వెంట తిరిగేటప్పుడు నీతో కలిసి ఇలా ఏకాంతంగా గడపాలని అనుకున్నాను.. నువ్వెప్పుడూ నాకు ఆ అవకాశం ఇవ్వలేదు.. కానీ ఆ దేవుడు నాకు ఈ అవకాశం ఇచ్చి నా ఇంట్లోనే పడేశాడు.. నాది నిజమైన ప్రేమ కాకపోతే ఇదంతా ఎందుకు జరుగుతుంది. ఇక మిగిలింది నిన్ను నా వైపుకు తిప్పుకోవడమే రాజ్ అని యామిని అనుకుంటూ రాజ్ దగ్గరికి వెళ్తుంది. వెళ్లడం వెళ్లడమే రాజ్ని వెనుక నుంచి హత్తుకుంటుంది. రాజ్ భయపడి వదిలించుకుని తోసేస్తాడు. వెంటనే రాజ్ యామినీని చూసి.. మీరా..సారీ సారీ నువ్వా యామినీ.. నేను ఎవరో ఏంటో అనుకుని భయపడిపోయానని రాజ్ అంటాడు. అయినా ఈ ఇంట్లో నిన్ను పట్టుకునే ధైర్యం నాకు తప్ప ఇంకెవరికి ఉంటుంది బావా అని యామిని అంటుంది. రాజ్ మౌనంగా ఉంటాడు. ఏంటి బావా ఇంకా డల్గానే ఉన్నావ్.. నీ జ్ఞాపకాల్లో నేను లేను అంతే కదా.. పోనీ మా మీద నమ్మకం కలగడం లేదా అని యామిని అంటుంది. అయ్యో లేదు యామినీ.. నీ కళ్లల్లో నా మీద ఇష్టం కనిపిస్తోంది.. కానీ అని రాజ్ అంటాడు. సరే.. ఏదోకటి.. వదిలెయ్.. ఏదో బాధలో మాట్లాడేస్తున్నా.. నువ్వు వెళ్లి రెస్ట్ తీసుకో బావా అని రాజ్ తో అనగానే అతను తన గదిలోకి వెళ్లిపోతాడు. నీకు డోస్ చాలడం లేదు రాజ్.. నీ గతం, జ్ఞాపకం అన్నీ నేనే అని నమ్మిస్తానని యామిని మనసులో ఫిక్స్ అవుతుంది.
మరోవైపు రాహుల్కి రుద్రాణీ సూట్ వేస్తుంది. ఏంటి మామ్ అవసరమా ఇది అని రాహుల్ అంటాడు. అవసరమే.. అవకాశం దొరికినప్పుడే మనం ఆ సీఈవో కుర్చీని లాగేసుకోవాలి.. ఆ రాజ్ గాడు చచ్చి నీకు నేరుగా అవకాశం ఇచ్చాడు కదా. పైగా ఆ కావ్య పోయినా మొగుడు ఎప్పుడు తిరిగి వస్తాడని ఎదురు చూసి చూసి పిచ్చిదైపోతుంది. మనం మాత్రం ఏడుస్తున్నట్లు నటిస్తూ కంపెనీ బాధ్యతలు తీసుకుంటాం.. ఇదే రైట్ టైమ్.. నేను చెప్పింది చెప్పినట్లు చెయ్ చాలు అని రుద్రాణి చెప్పగానే రాహుల్ సరే అంటాడు. ఆ తర్వాత ఏం జరిగిందో తెలియాలంటే తర్వాతి ఎపిసోడ్ వరకు ఆగాల్సిందే.
Latest News
Video-Gossips
TeluguOne Service
Customer Service
Live Help 24/7Customer Care
Send your Queries to
