'A1 ఎక్స్‌ప్రెస్‌' ఎక్కుతున్న సందీప్ కిషన్
on Oct 6, 2019
'నిను వీడ‌ని నీడ‌ను నేనే' చిత్రంతో సక్సెస్ అందుకున్న సందీప్ కిషన్ హీరోగా న‌టిస్తున్న కొత్త చిత్రానికి 'A1 ఎక్స్‌ప్రెస్‌' అనే టైటిల్ ఖరారు చేశారు. న్యూ ఏజ్ స్పోర్ట్స్ ఎంట‌ర్‌టైన‌ర్‌గా రూపొందుతున్న ఈ సినిమా ప్రి-లుక్ పోస్ట‌ర్‌ను విడుద‌ల చేశారు. ఈ లుక్‌లో ఓ స్టేడియం ముందు చేతిలో హాకీ స్టిక్‌ను ప‌ట్టుకుని కనిపిస్తున్నాడు సందీప్ కిషన్. హాకీ బ్యాక్‌డ్రాప్‌లో రూపొందుతున్న తొలి తెలుగు చిత్ర‌మిదని మేకర్స్ చెబుతున్నారు.
ఈ చిత్రానికి డెన్నిస్ జీవ‌న్ క‌నుకొలను ద‌ర్శ‌క‌త్వం వ‌హిస్తున్నారు. హిప్ హాప్ త‌మిళ సంగీత సార‌థ్యం వ‌హిస్తున్నారు. పీపుల్ మీడియా ఫ్యాక్ట‌రీ, అభిషేక్ అగ‌ర్వాల్ ఆర్ట్స్‌, వెంక‌టాద్రి టాకీస్ ప‌తాకాల‌పై టీజీ విశ్వ‌ప్ర‌సాద్‌, అభిషేక్ అగ‌ర్వాల్, సందీప్ కిషన్, ద‌యా ప‌న్నెం కలిసి ఈ చిత్రాన్ని నిర్మిస్తున్నారు. వివేక్ కూచిభోట్ల సహ నిర్మాతగా వ్యవహరిస్తున్నారు. న‌వంబ‌ర్ మొద‌టి వారంలో రెగ్యుల‌ర్ షూటింగ్ ప్రారంభం అవుతుంది. 2020లో ఈ చిత్రాన్ని విడుద‌ల చేసేలా స‌న్నాహాలు చేస్తున్నారు.
Latest News
Video-Gossips
TeluguOne Service
Customer Service
Live Help 24/7Customer Care
Send your Queries to
