మోహన్ బాబు 'సన్నాఫ్ ఇండియా' టీజర్.. మెగాస్టార్ సర్ ప్రైజ్
on Jun 4, 2021
డైలాగ్ కింగ్ మోహన్ బాబు ప్ర‌ధాన పాత్రలో డైమండ్ రత్నబాబు దర్శకత్వంలో తెరకెక్కుతున్న చిత్రం ‘సన్నాఫ్ ఇండియా’. మంచు విష్ణు నిర్మాతగా వ్యవహరిస్తున్న ఈ సినిమా షూటింగ్ దాదాపుగా పూర్తయింది. తాజాగా ఈ మూవీ టీజర్ తమిళ స్టార్ హీరో సూర్య చేతుల మీదుగా విడుద‌లైంది. ఈ టీజర్ కు మెగాస్టార్ చిరంజీవి వాయిస్ ఓవ‌ర్ అందించడం విశేషం.
"మన అంచనాలకు అందని ఒక వ్యక్తిని ఇప్పుడు మీకు పరిచయం చేయబోతున్నాను.. తన రూటే సెపరేటు" అంటూ చిరంజీవి వాయిస్ ఓవ‌ర్ తో సన్నాఫ్ ఇండియా టీజర్ ప్రారంభ‌మ‌వుతుంది. "తాను ఎప్పుడు ఎక్క‌డ ఉంటాడో.. ఎప్పుడు ఏ వేషంలో ఉంటాడో.. ఆ దేవుడికే ఎరుక. తన బ్రెయిన్‌లో న్యూరాన్స్‌ ఎప్పుడు, ఎలాంటి థాట్ ని ట్రిగ్గర్ చేస్తుందో ఏ బ్రెయిన్‌ స్పెషలిస్టూ చెప్పలేడు" అంటూ మోహన్ బాబు పాత్రను పరిచయం చేస్తూ చిరంజీవి చెప్పిన వాయిర్ ఓవ‌ర్ ఆకట్టుకుంది.
ఇక ఈ టీజర్ లో ఎన్నో గెటప్స్ లో కనిపించిన మోహన్ బాబు.. ఎప్పటిలాగే డైలాగులతో అదరగొట్టారు. 'నేను చీకటిలో ఉండే వెలుతురిని.. వెలుతురులో ఉండే చీకటిని', 'నేను కసక్‌ అంటే.. మీరందరూ ఫసక్‌' అంటూ ఆయన శైలిలో చెప్పిన డైలాగులు ఆకట్టుకుంటున్నాయి. కాగా ఈ చిత్రం ఒక రివేంజ్ డ్రామా అని, ఇందులో మోహన్ బాబు రిటైర్డ్ ఆర్మీ మేజర్ పాత్రలో కనిపించనున్నారని తెలుస్తోంది. ఇక చిత్రానికి మాస్ట్రో ఇళయారాజా సంగీతం అందిస్తున్నారు.
Latest News
Video-Gossips
TeluguOne Service
Customer Service
Live Help 24/7Customer Care
Send your Queries to
