అండ‌ర్ క‌వ‌ర్ పోలీస్‌గా మహేశ్?
on Jun 4, 2021
`పోకిరి`, `దూకుడు`, `ఆగడు` చిత్రాల్లో ఖాకీ ధ‌రించి వినోదాలు పంచారు సూప‌ర్ స్టార్ మహేశ్ బాబు. స్వ‌ల్ప విరామం అనంత‌రం మ‌రోమారు ఆయ‌న పోలీస్ పాత్ర‌లో ద‌ర్శ‌న‌మివ్వ‌నున్నార‌ట.
ఆ వివ‌రాల్లోకి వెళితే.. `అతడు` (2005), `ఖ‌లేజా` (2010) త‌రువాత మాట‌ల మాంత్రికుడు త్రివిక్ర‌మ్ శ్రీ‌నివాస్ తో మహేశ్ ముచ్చ‌ట‌గా మూడోసారి జ‌ట్టుక‌డుతున్న సంగ‌తి తెలిసిందే. హారికా అండ్ హాసిని క్రియేష‌న్స్ సంస్థ ఎంతో ప్ర‌తిష్ఠాత్మ‌కంగా నిర్మించ‌నున్న ఈ సినిమాకి సంబంధించి.. ప్ర‌స్తుతం స్క్రిప్ట్ వ‌ర్క్ శ‌ర‌వేగంగా జ‌రుగుతోంది. కాగా, ఈ సినిమాలో `రా ఏజెంట్`గా మహేశ్ క‌నిపించ‌బోతున్న‌ట్లు ఆ మ‌ధ్య ప్ర‌చారం సాగింది. లేటెస్ట్ బ‌జ్ ఏంటంటే.. అండ‌ర్ క‌వ‌ర్ పోలీస్ గా మహేశ్ బాబు న‌టించ‌బోతున్నార‌ట. గ‌త కాప్ డ్రామాల‌కి భిన్నంగా మహేశ్ ఎంట‌ర్టైన్ చేయ‌బోతున్నార‌ని స‌మాచారం. త్వ‌ర‌లోనే దీనికి సంబంధించి క్లారిటీ రానున్నది. మ‌రి.. `పోకిరి`, `దూకుడు` త‌ర‌హాలో ఈ సినిమాతోనూ మహేశ్ బాబు ఘ‌న‌విజ‌యం అందుకుంటారేమో చూడాలి.
కాగా, `పార్థు` అనే టైటిల్ ప‌రిశీల‌న‌లో ఉన్న ఈ క్రేజీ ప్రాజెక్ట్ కి యువ సంగీత సంచ‌ల‌నం త‌మ‌న్ బాణీలు అందించ‌నున్నారు. పూజా హెగ్డే, జాన్వీ క‌పూర్, నివేదా థామ‌స్.. ఇలా ఈ ముగ్గురు ముద్దుగుమ్మ‌లు ఇందులో నాయిక‌లుగా న‌టించ‌నున్నార‌ని బ‌జ్. మహేశ్ న‌టిస్తున్న తాజా చిత్రం `స‌ర్కారు వారి పాట` పూర్త‌య్యేలోపే.. త్రివిక్ర‌మ్ డైరెక్టోరియ‌ల్ సెట్స్ పైకి వెళ్ళ‌నుంది.
Also Read
Latest News
Video-Gossips
TeluguOne Service
Customer Service
Live Help 24/7Customer Care
Send your Queries to
