ఒకటి కాదు, రెండు కాదు.. ఎనిమిది భాషల్లో రామ్ ‘రెడ్’
on Jan 7, 2021
‘ఇస్మార్ట్ శంకర్’ లాంటి బ్లాక్బస్టర్ హిట్ మూవీ తర్వాత రామ్ హీరోగా నటించిన ‘రెడ్’ చిత్రం సంక్రాంతి సందర్భంగా ఈ నెల 14న రిలీజ్ కానుంది. మాళవికా శర్మ, నివేదా పేతురాజ్, అమృతా అయ్యర్ ఇందులో కథానాయికలు. తిరుమల కిశోర్ దర్శకత్వంలో శ్రీ స్రవంతి మూవీస్ పతాకంఫై ‘స్రవంతి’ రవికిశోర్ ఈ చిత్రాన్ని నిర్మించారు. తెలుగులో కాకుండా, ఏకంగా మరో ఏడు భాషల్లో ఈ సినిమాని డబ్ చేసి రిలీజ్ చేస్తుండటం విశేషం.
ఈ విషయాన్ని స్రవంతి రవికిశోర్ తెలియజేశారు. “ఈ చిత్రాన్ని ఏడు భాషల్లో అనువదించాం. కన్నడం, మలయాళం, బెంగాలీ, భోజ్పురి, మరాఠీ, తమిళంతో పాటు హిందీలోకి కూడా డబ్ చేశాం. కన్నడ వెర్షన్ ఈ నెల 14నే విడుదల కానుంది. మిగిలిన వెర్షన్ లను ఈ నెలాఖరున రిలీజ్ చేసే ప్లాన్ లో ఉన్నాం. తమిళ వెర్షన్ ని మాత్రం డైరెక్ట్ గా ఓటీటీలో విడుదల చేస్తున్నాం. రామ్ కి ఇతర భాషల్లో పెరిగిన మార్కెట్ రీత్యా ఇలా డబ్ చేసి రిలీజ్ చేస్తున్నాం. అని ఆయన చెప్పారు. కచ్చితంగా ఈ సినిమా అన్ని భాషల ప్రేక్షకులనీ ఆకట్టుకుంటుందనే నమ్మకాన్ని ఆయన వ్యక్తం చేశారు.
"తెలుగు వెర్షన్ గ్రేట్ ఇండియాఫిల్మ్స్ ద్వారా ఓవర్సీస్ లో కూడా విడుదల చేస్తున్నాం. అమెరికాతో పాటు ఆస్ట్రేలియా, సింగపూర్, దుబాయి లలో రిలీజ్ చేస్తున్నాం. వసూళ్ల కోణంలో కాకుండా ప్రేక్షకులకు థియేట్రికల్ ఎక్స్పీరియన్స్ ఇవ్వాలనే ఉద్దేశంతోనే ఆయా ఏరియాల పరిస్థితుల్ని బట్టి కొన్ని కొన్ని చోట్ల విడుదల చేస్తున్నాం. ఇంకొన్ని థియేటర్లు పెంచమని అడుగుతున్నారు. ఏది ఏమైనా ‘రెడ్’చిత్రం ఈ సంక్రాంతికి మంచి అనుభూతిని అందిస్తుంది” అని రవికిశోర్ తెలిపారు.
చిత్ర సమర్పకులు కృష్ణ పోతినేని మాట్లాడుతూ “రామ్ ద్విపాత్రాభినయం చేసిన తొలి చిత్రం ఇది. ఇటీవల విడుదల చేసిన టీజర్, థియేట్రికల్ ట్రైలర్, పాటలకు అధ్భుతమైన స్పందన లభిస్తోంది” అని చెప్పారు.
Latest News
Video-Gossips
TeluguOne Service
Customer Service
Live Help 24/7Customer Care
Send your Queries to
