పాన్ ఇండియా స్టార్లకు షాక్.. అజిత్ కి 150 కోట్లు ఆఫర్ చేసిన మైత్రి!
on Dec 1, 2023
ప్రస్తుతం ఇండియాలో రూ.100 కోట్లకు పైగా రెమ్యునరేన్ తీసుకుంటున్న హీరోలు పలువురు ఉన్నారు. వారిలో పాన్ ఇండియా స్టార్లే ఎక్కువ. అలాంటిది పాన్ ఇండియా మార్కెట్ పై పెద్దగా దృష్టి పెట్టని ఒక తమిళ స్టార్ కి ఓ ప్రముఖ తెలుగు నిర్మాణ సంస్థ ఏకంగా రూ.150 కోట్ల పారితోషికం ఆఫర్ చేయడం ఆసక్తికరంగా మారింది.
కోలీవుడ్ స్టార్ అజిత్ మైత్రి మూవీ మేకర్స్ బ్యానర్ లో ఓ సినిమా చేయనున్నాడు. మొదట ఈ సినిమాకి దర్శకుడిగా గోపీచంద్ మలినేని పేరు వినిపించింది. కానీ దర్శకుడు ఆయన కాదని, ఈ చిత్రానికి మార్క్ ఆంటోనీ ఫేమ్ అధిక్ రవిచంద్రన్ దర్శకత్వం వహించనున్నాడని సమాచారం. ఈ సినిమాని తెలుగు, తమిళ భాషల్లో రూపొందించి పాన్ ఇండియా వైడ్ గా విడుదల చేయడానికి సన్నాహాలు చేస్తున్నారట. అంతేకాదు ఈ ప్రాజెక్ట్ కోసం మైత్రి సంస్థ.. అజిత్ కి ఏకంగా రూ.150 కోట్ల రెమ్యునరేషన్ ఆఫర్ చేసినట్లు ఇన్ సైడ్ టాక్.
హీరో రెమ్యునరేషనే ఈ స్థాయిలో ఉంటే.. బడ్జెట్ ఏ స్థాయిలో ఉంటుంది, సినిమాని ఏ స్థాయిలో రూపొందిస్తారనే చర్చలు ఇండస్ట్రీ వర్గాల్లో జరుగుతున్నాయి.
Latest News
Video-Gossips
TeluguOne Service
Customer Service
Live Help 24/7Customer Care
Send your Queries to
