బాల‌య్య‌కి త‌మ్ముడిగా న‌వీన్?
on Dec 7, 2020
అందాల రాక్షసితో తెలుగు తెర‌కు క‌థానాయ‌కుడిగా ప‌రిచ‌య‌మ‌య్యాడు న‌వీన్ చంద్ర. మొద‌టి సినిమాతోనే న‌టుడిగా మంచి గుర్తింపు పొందాడు. ఆపై హీరోగా సినిమాలు చేస్తూనే.. క్యారెక్ట‌ర్ ఆర్టిస్ట్ గా, విల‌న్ గా కొన్ని చిత్రాల్లో సంద‌డి చేశాడు. ఈ క్ర‌మంలోనే.. న‌ట‌సింహ బాల‌కృష్ణ, మాస్ సినిమాల స్పెష‌లిస్ట్ బోయ‌పాటి శ్రీ‌ను కాంబినేష‌న్ లో తెర‌కెక్కుతున్న సినిమాలో ఓ ముఖ్య పాత్ర‌లో న‌టించే అవ‌కాశాన్ని అందిపుచ్చుకున్నాడ‌ట న‌వీన్.
వినిపిస్తున్న క‌థ‌నాల ప్ర‌కారం.. ఇందులో బాల‌య్య‌కి త‌మ్ముడిగా న‌వీన్ పాత్ర ఉంటుంద‌ట. అభిన‌యానికి అవ‌కాశ‌మున్న పాత్ర ఇద‌ని.. అలాగే క‌థలో కీల‌క మ‌లుపు కూడా న‌వీన్ పాత్ర‌తోనే ముడిప‌డి ఉంటుంద‌ని వినికిడి. మ‌రి.. అర‌వింద స‌మేత‌లో నంద‌మూరి అబ్బాయ్ యంగ్ టైగ‌ర్ య‌న్టీఆర్ స్క్రీన్ షేర్ చేసుకుని విజ‌యాన్ని అందుకున్న న‌వీన్ చంద్ర.. నంద‌మూరి బాబాయ్ బాల‌య్య‌తోనూ ఆ ప‌రంప‌ర‌ని కొన‌సాగిస్తాడేమో చూడాలి.
కాగా, 2021 వేస‌విలో బాల‌య్య - బోయ‌పాటి కాంబినేష‌న్ మూవీ తెర‌పైకి రానుంది.
Latest News
Video-Gossips
TeluguOne Service
Customer Service
Live Help 24/7Customer Care
Send your Queries to
