'ఆర్ఆర్ఆర్' సీత వ‌చ్చేసింది!
on Dec 7, 2020
రాజ‌మౌళి రూపొందిస్తోన్న మాగ్న‌మ్ ఓప‌స్ 'ఆర్ఆర్ఆర్: రౌద్రం ర‌ణం రుధిరం' సెట్స్ మీద‌కు తొలిసారిగా బాలీవుడ్ బ్యూటీ అలియా భ‌ట్ వ‌చ్చింది. సినిమాలో ఆమె రామ‌రాజు పాత్ర‌ధారి రామ్ చ‌ర‌ణ్‌కు జోడీగా సీత పాత్ర‌ను పోషిస్తోంది. ఆమె సెట్స్ మీద‌కు వ‌చ్చిన సంద‌ర్భంగా మూవీ అఫిష‌య‌ల్ ట్విట్ట‌ర్ హ్యాండిల్‌లో రాజ‌మౌళితో ఆమె ముచ్చ‌టిస్తోన్న పిక్చ‌ర్‌ను చిత్రం బృందం షేర్ చేసింది. దాంతో పాటు "A very warm welcome to our dearest #Sita, the supremely talented and beautiful @Aliaa08 on to the sets of #RRRMovie! #AliaBhatt" అంటూ రాసుకొచ్చింది.
ఆ పిక్చ‌ర్‌లో రాజ‌మౌళి ఏదో చెబ్తుంటే ప్యాంట్ జేబులో చేతులు పెట్టుకొని న‌వ్వులు రువ్వుతోంది అలియా. టీ ష‌ర్ట్‌పైన జీన్స్ జాకెట్ ధ‌రించి ఉందామె. ఈ రోజు నుంచే ఆమె పాత్ర‌కు సంబంధించిన స‌న్నివేశాలు మొద‌ల‌వుతున్నాయి. రామ్ చ‌ర‌ణ్ కాంబినేష‌న్ స‌న్నివేశాలు కూడా ఇందులో ఉంటాయి. సినిమాలో ఆమె పాత్ర నిడివి త‌క్కువ‌గానే ఉంటుంద‌ని స‌మాచారం. రామ‌రాజుకు మ‌న‌సిచ్చిన ప్రేయ‌సిగా ఆమె క‌నిపించ‌నుంది. ఆర్ఆర్ఆర్‌తో ఆమె టాలీవుడ్‌కు ప‌రిచ‌య‌మ‌వుతోంది. ఇటీవ‌లే మ‌హేబ‌లేశ్వ‌రంలో నిర్వ‌హించిన ఓ చిన్న షెడ్యూల్‌లో జూనియ‌ర్ ఎన్టీఆర్‌, రామ్‌చ‌ర‌ణ్‌ల‌పై రాజ‌మౌళి కొన్ని స‌న్నివేశాలు తీశారు. ఇప్పుడు హైద‌రాబాద్‌లో షెడ్యూల్ నిర్వ‌హిస్తున్నారు.
Latest News
Video-Gossips
TeluguOne Service
Customer Service
Live Help 24/7Customer Care
Send your Queries to
