
విభిన్నమైన కథలు, పాత్రలతో ప్రేక్షకులను అలరిస్తున్న నటుడు ప్రియదర్శి ఇప్పుడు ‘ఇడుపు కాయితం’ సినిమాతో ప్రేక్షకుల ముందుకు రాబోతున్నారు. బన్నీ వాస్ వర్క్స్, సుకుమార్ రైటింగ్స్ బ్యానర్లపై బన్నీ వాస్, తబిత సుకుమార్ ఈ చిత్రాన్ని నిర్మిస్తున్నారు. యువ దర్శకుడు వంశీరెడ్డి దొండపాటి తెరకెక్కిస్తున్న ఈ సినిమా ఫ్యామిలీ బ్యాక్డ్రాప్లో సాగే ఎంటర్టైనింగ్ డ్రామాగా రూపొందుతోంది. డిసెంబర్ 11న ప్రపంచవ్యాప్తంగా థియేటర్లలో విడుదల కానుంది.
ఈ సినిమాలో ప్రియదర్శికి జోడీగా ఫోక్ సాంగ్స్ ద్వారా గుర్తింపు తెచ్చుకున్న నాగదుర్గ నటిస్తోంది. ఆమె శ్రీలత పాత్రలో కనిపించనుండగా, ప్రియదర్శి శ్రీనివాస్ పాత్ర పోషిస్తున్నారు. ఈ ఇద్దరి వివాహ వేడుక నేపథ్యంలో రూపొందించిన ‘గోగులు గోగులు..’ పాటను తాజాగా చిత్ర బృందం విడుదల చేసింది.
సంగీత దర్శకుడు సురేష్ బొబ్బిలి ఈ పాటకు అందమైన ఫోక్ టచ్తో కూడిన ట్యూన్ అందించారు. కొంగరి కృష్ణ సాహిత్యం అందించగా.. అభిక్య తనికెళ్ల, తరుణి, రచిత రాయప్రోలు, జయశ్రీ పల్లెం, స్నిగ్ధ శర్మ తమ గొంతులతో పాటకు మరింత కళ తీసుకొచ్చారు. ముఖ్యంగా పెళ్లి వేడుకల్లో వినిపించే సంప్రదాయ పాటల తరహాలో సాగే లిరిక్స్ ఆకట్టుకుంటున్నాయి.

‘గోగులు గోగులు గోపాలకృష్ణుడు సేలి.. గోగులు గోగులు గోపాలకృష్ణుడు సేలి..’ అంటూ సాగే ఈ పాటలో శ్రీనివాస్, శ్రీలతల పెళ్లి వేడుకల సందడి కనిపిస్తోంది. ‘రమ్మనరే రమ్మనరే నలుగుకు నా ముద్దు గోపాలకృష్ణున్ని’ అంటూ వచ్చే పంక్తులు పాటకు ప్రత్యేక ఆకర్షణగా నిలుస్తున్నాయి. పెళ్లి ఇంట్లో జరిగే సరదాలు, సంప్రదాయాలు, కుటుంబ సభ్యుల సందడిని గుర్తు చేసేలా ఈ పాటను రూపొందించారు.
ఇది కూడా చదవండి: పండగ పాట వచ్చేసింది.. హీరోయిన్లు ఒక ఊపు ఆపేశారు.!
ఇటీవల సినిమాల్లో ఫోక్ సాంగ్స్కు మంచి ఆదరణ లభిస్తోంది. ముఖ్యంగా కథలో భాగంగా వచ్చే పెళ్లి పాటలు ప్రేక్షకులకు త్వరగా కనెక్ట్ అవుతుంటాయి. ‘ఇడుపు కాయితం’లోని ‘గోగులు గోగులు’ కూడా అలాంటి ప్రయత్నంగానే కనిపిస్తోంది.
మొత్తానికి ప్రియదర్శి, నాగదుర్గ జంటగా నటిస్తున్న ‘ఇడుపు కాయితం’ నుంచి వచ్చిన ఈ పెళ్లి పాట ప్రేక్షకులను ఆకట్టుకుంటోంది.
మీకు నచ్చవచ్చు:
ఒసేయ్ రాములమ్మ.. రష్మిక రౌద్రరూపం.. విజయశాంతి మ్యాజిక్ను రిపీట్ చేసిందా.?
టాలీవుడ్లో పైరసీ కలకలం.. రిలీజ్ రోజే ఆన్లైన్లోకి ‘ఆకాశంలో ఒక తార’.!
[Gogulu Gogulu Song, Idupu Kayitham Movie, Priyadarshi, Naga Durga, Suresh Bobbili]






